ဇန်န၀ါရီ ၁၅၊ ၂၀၁၆
M-Media
– ဘိုင်ယန်မြူးနစ်နည်းပြ ဂွာဒီယိုလာ အသင်းသို့ရောက်ရှိရေး ကြိုးစားနေသည့် မန်စီတီးမှာ လူစာရင်းတစ်ခုလုံးအား အလုံးစုံပြောင်းလဲပစ်ရန် စီစဉ်နေသည်ဟု Daily Telegraph သတင်းစာက ဖော်ပြခဲ့သည်။
ဘိုင်ယန်မှ ရာသီကုန်လျှင် ထွက်ခွာတော့မည်ဟု တရားဝင်ပြောကြားထားသည့် ဂွါဒီယိုလာမှာ ပရီးမီးယားလိဂ်ကို လာရောက်မည်ဖြစ်ပြီး မန်စီးတီးက ခေါ်ယူရန် ရေပန်းအစားဆုံးဖြစ်နေသည်။ မန်စီးတီး၏ လူစာရင်းအပြောင်းအလဲလုပ်မည့် အစီအစဉ်တွင် မန်ဂါလာ၊ ဒီမစ်ချယ်လီ၊ တိုက်စစ်မှူး ဘိုနီတို့ အသင်းမှ ထွက်ခွာရဖွယ်ရှိနေပြီး ကွင်းလယ်ဗိုလ်ချုပ် ယာယာတိုးယေး၏ အနာဂတ်မှာလည်း မသေမချာဖြစ်နေသည်။
ဂွါဒီယိုလာအကြိုက် ခေါ်မည့် ကစားသမားများတွင် အဲဗာတန်နောက်လံလူ ဂျွန်စတုန်း၊ ဘိုင်ယန်တိုက်စစ်မှူး သောမတ်စ်မူလာနှင့် လီယွန်နယ်မက်ဆီတို့ ပါဝင်ပြီး၊ ပရီးမီးယားလိဂ် ဂိုးသွင်းအများဆုံးဇယားတွင် ဦးဆောင်နေသည့် လက်စတာတိုက်စစ်မှူး ဗာဒီနှင့် အဲဗာတန်တိုက်စစ်မှူး လူကာကူတို့လည်း မန်စီးတီးသို့ ရောက်ရှိမည့်စာရင်းတွင် ပါဝင်လာသည်။ ဂျီးဆက်စ် နာဗက်စ်နှင့် ဆာမီယာနာဆရီတို့မှာ မန်စီးတီးမှာ ဆက်ရှိနေမည်အခြေအနေ ရှိနေသည်။
ဂွါဒီယိုလာက ၎င်းအား ကမ်းလှမ်းထားသည့် ပရီးမီးယားလိဂ်အသင်း အများအပြားရှိနေသည်ဟု ဖွင့်ဟထားပြီး ထိုအထဲတွင် မန်ယူ၊ ချယ်ဆီးတို့လည်း ပါဝင်သည်ဟု သတင်းများက ဖော်ပြကြသည်။
Ref: Goal
Leave a Reply
You must be logged in to post a comment.