ဒီဇင်ဘာ ၂၅၊ ၂၀၁၅
M-Media
– အမေရိကန်ပြည်ထောင်စု ချီကာဂိုမြို့တွင် လူမည်းများမှာ ခရစ္စမတ်ကာလ နောက်ဆုံးအချိန်တွင် ကုန်တိုက်များ၌ ဈေးဝယ်မည့်သူများအား ပိတ်ဆို့ကာ ဆန္ဒပြခဲ့ကြပြီး ပြီးခဲ့သည့်နှစ်က လူမည်းလူငယ်တစ်ဦးကို ရဲတပ်ဖွဲ့က သေနတ်ဖြင့် ပစ်ခတ်သတ်ဖြတ်မှုနှင့်ပတ်သက်၍ မြို့တော်ဝန်အား နှုတ်ထွက်ရန် တောင်းဆိုခဲ့ကြသည်။
၂၀၁၄ ခုနှစ် အောက်တိုဘာလတွင် ဆယ်ကျော်သက်လူမည်းလူငယ် လက်ကွမ် မက်ဒေါ်နယ်အား ချီကာဂို ရဲတပ်ဖွဲ့ဝင်တစ်ဦးဖြစ်သူ ဂျေဆန် ဗန် ဒိုက်ကီက သေနတ်ဖြင့် ၁၆ ချက် ပစ်သတ်ခဲ့သည်။ ထိုအဖြစ်အပျက်အား မှတ်တမ်းတင်ထားသည့် ဗီဒီယိုကို ရဲတပ်ဖွဲ့က ပြီးခဲ့သည့်လတွင် ထုတ်ပြန်ခဲ့ပြီး ရဲအရာရှိ ဒိုက်ကီကိုလည်း ပထမအဆင့် လူသတ်မှုဖြင့် တရားစွဲဆိုထားသည်။ သို့သော်လည်း ပြည်သူများကမူ ထိုအရေးယူမှုမှာ နည်းလွန်းသည်ဟု ယူဆနေကြသည်။
ယခုဆန္ဒပြမှုမှာ Thanksgiving ပိတ်ရက်နောက်ပိုင်း Black Friday ဟု အမည်ပေးထားသည့် လူမည်းများ၏ ဆန္ဒပြမှု
နောက်ဆက်တွဲဖြစ်ပြီး ယခုဆန္ဒပြမှုကို Black Christmas ဟု အမည်ပေးထားသည်။ ဆန္ဒပြမှုမှာ ၃ နာရီခန့် ကြာမြင့်ခဲ့ပြီး ရဲတပ်ဖွဲ့နှင့် ဆန္ဒပြသူများအကြား ရုန်းရင်းဆန်ခတ်မှု အနည်းငယ် ဖြစ်ခဲ့ကာ လူ ၂ ဦးကို ထိန်းသိမ်းခဲ့သည်ဟု တာဝန်ရှိသူများက ပြောကြားခဲ့သည်။
ဆန္ဒပြသူအချို့မှာ “မြို့တော်ဝန်အသစ်အတွက် ဈေးဝယ်ခြင်း” ဟု ရေးသားထားသည့် ဆိုင်းဘုတ်များကို ကိုင်ဆောင် ဆန္ဒပြခဲ့ကြပြီး ချီကာဂို မြို့တော်ဝန် ရမ် အီမန်နျူယဲလ်နှင့် ပြည်နယ်တရားသူကြီးချုပ် အန်နီတာ အလ်ဗာရက်ဇ်တို့ နှုတ်ထွက်ရန် တောင်းဆိုခဲ့ကြသည်။
ဗုဒ္ဓဟူးနေ့ကလည်း မက်ဒေါ်နယ်အား သတ်ဖြတ်မှုကိစ္စနှင့်ပတ်သက်၍ မင်နီဆိုတာပြည်နယ် မင်နီယာပိုလစ်မြို့ရှိ Mall of America တွင် ထိုကဲ့သို့ဆန္ဒပြခဲ့ကြပြီး ရဲတပ်ဖွဲ့က ရှင်းလင်းခဲ့ရသည်။
Ref: RT
