ဒီဇင်ဘာ ၁၃၊ ၂၀၁၅
M-Media
– အမျိုးသမီးများကို ပထမဆုံးမဲပေးခွင့်ပြုခဲ့သည့် ဆော်ဒီအာရေဗျ၏ မြူနီစီပယ်အရာရှိ ရွေးကောက်ပွဲတွင် လက်ရှိအချိန်အထိ အမျိုးသမီးကိုယ်စားလှယ်လေးဦး ရွေးကောက်တင်မြှောက်ခြင်း ခံခဲ့ရသည်ဟု သိရသည်။
ယမန်နေ့က ပြုလုပ်ခဲ့သည့် အဆိုပါရွေးကောက်ပွဲတွင် အမျိုးသမီးကိုယ်စားလှယ်လောင်းများ ၀င်ရောက်ယှဉ်ပြိုင်ခြင်းမှာလည်း ပထမဆုံးဖြစ်သည်။ ရွေးချယ်တင်မြှောက်ခံရသည့် အမျိုးသမီးများမှာ အီဟ်စာမြို့တွင် နှစ်ဦးနှင့် တိုဘွက်နှင့် မက္ကာတို့တွင် တစ်ဦးစီ ဖြစ်ကြသည်။ မဲများကို ယနေ့တွင် ဆက်လက်ရေတွက်နေဆဲ ဖြစ်သည်။
မက္ကာမြို့ရှိ မဒ်ရာခါဒေသ၏ မြူနီစီပယ်အကြီးအကဲအဖြစ် ရွေးကောက်တင်မြှောက်ခံရသူမှာ ဆလ်မာ ဘင်တီ ဟီဇဘ် အလ်-အိုတိုင်ဘီဖြစ်သည်ဟု ရွေးကောက်ပွဲကော်မရှင်ဥက္ကဌ အိုစာမာ အလ်-ဘာရ်၏ ပြောကြားမှုကို ကိုးကား၍ SPA သတင်းဌာနက ဖော်ပြခဲ့သည်။
သမိုင်းဝင်ရွေးကောက်ပွဲဟု အများစုက သတ်မှတ်ကြသည့် ယခုရွေးကောက်ပွဲမှာ ဆော်ဒီနိုင်ငံသားများအနေဖြင့် ရွေးကောက်ပွဲလုပ်ငန်းစဉ် အတွေ့အကြုံကို တတိယအကြိမ်မြောက် ထိတွေ့ခံစားရခြင်းဖြစ်သည်။ ပထမဆုံး ဒေသန္တရ ရွေးကောက်ပွဲကို ၂၀၀၅ ခုနှစ်တွင် ကျင်းပခဲ့ပြီး ဒုတိယအကြိမ်ကို ၂၀၁၁ ခုနှစ်တွင် ကျင်းပပြုလုပ်ခဲ့ကာ ထိုနှစ်ကြိမ်စလုံးတွင် အမျိုးသမီးများ ပါဝင်ခွင့် မရခဲ့ပေ။
စနေနေ့ရွေးကောက်ပွဲမှာ နိုင်ငံအတွင်းရှိ မြူနီစီပယ်ကောင်စီ ၂၈၄ ခုအတွက် ပြုလုပ်ခြင်းဖြစ်ပြီး ကိုယ်စားလှယ်အဖြစ် အမျိုးသား ၆၀၀၀ နီးပါးနှင့် အမျိုးသမီး ၉၀၀ ကျော် ၀င်ရောက်ယှဉ်ပြိုင်ခဲ့သည်။ ရွေးကောက်ပွဲ ရလဒ်များကိုမူ မနက်ဖြန်တွင် တရားဝင်ကြေငြာမည်ဖြစ်သည်။
“ဘ၀မှာ ပထမဆုံးမဲပေးရတဲ့အတွက် ကျွန်မပျော်ပါတယ်” ဟု အမည်မဖေါ်လိုသည့်အမျိုးသမီးတစ်ဦးက မဲရုံမှပြန်အထွက်တွင် ပြောကြားခဲ့သည်။ အခြားတစ်ဦးဖြစ်သူ နဂ်ျလာ ဟာရီရာကလည်း “ကျွန်မရဲ့ မဲပေးခွင့် အခွင့်အရေးကို အသုံးပြုခဲ့ပါတယ်။ ကျွန်မတို့ရဲ့အမိမြေမှာ အမျိုးသမီးတွေရဲ့အနာဂတ်နဲ့ပတ်သက်ပြီး ကျွန်မတို့ အကောင်းမြင်ပါတယ်” ဟု ပြောကြားခဲ့သည်။
ဆော်ဒီအမျိုးသမီးရေးရာ လှုပ်ရှားသူဖြစ်သည့် ဟာတွန် အလ်-ဖက်စ်စီကလည်း သူမ၏ Twitter စာမျက်နှာမှတစ်ဆင့် ထိုရွေးကောက်ပွဲအား ချီးကျူးခဲ့သည်။
“ဒါဟာ နေ့သစ်တစ်ခုဖြစ်ပြီး၊ ကျွန်မတို့ ဆော်ဒီအမျိုးသမီးတွေရဲ့ နေ့ပါပဲ” ဟု ရေးသားခဲ့သည်။
အမျိုးသမီး မဲဆန္ဒရှင်တစ်ဦးဖြစ်သူ ဖဟ်ဒါ အလ်-၀ါလီက အဆိုပါရွေးကောက်ပွဲမှာ သူမအတွက် အရေးပါပုံကို ရှင်းပြခဲ့သည်။
“အမျိုးသမီးတစ်ယောက်အနေနဲ့ ကျွန်မမှာ အချို့သော ၀န်ဆော်မှုတွေကို လိုအပ်ပါတယ်။ ကျွန်မရဲ့ ပတ်ဝန်းကျင်ကလည်း သူနာပြုတွေလို အချို့ဝန်ဆောင်မှု လိုပါတယ်။ လူငယ်တွေနဲ့ အငြိမ်းစားတွေအတွက်လည်း လူမှုဖူလုံရေးစင်တာတွေ လိုအပ်ပါတယ်။ ဒါ့ကြောင့် အမျိုးသမီးတွေဟာာ ဒီလိုအပ်ချက်တွေမှာ အမျိုးသားတွေထက် ပိုပြီးအာရုံစိုက် လုပ်နိုင်ပါတယ်”
Ref: Aljazeera
