ဒီဇင်ဘာ ၁၂၊ ၂၀၁၅
M-Media
– တီဗီစခရင်ထဲက ပုံရိပ်တွေကို အပြင်မှာ လက်တွေ့ကြုံတွေ့နေရတဲ့ ပုံစံမျိုး ခံစားရတဲ့ Virtual reality နည်းပညာဟာ ဂိမ်းသရဲတွေရဲ့ နည်းပညာကို စွဲလမ်းနှစ်ခြိုက်သူတွေရဲ့ နယ်ပယ်နဲ့ပဲ သက်ဆိုင်တယ်လို့ ယူဆထားကြပါတယ်။
ဒါပေမယ့် ပေါ့ပါးဈေးပေါပြီး ဦးခေါင်းမှာ စွပ်လို့ရတဲ့ စခရင်တွေ ထွက်ပေါ်လာခြင်းက ဒီနည်းပညာဟာ အဓိက မီဒီယာဈေးကွက်ထဲကို ခုန်ဝင်ဖို့ အဆင်သင့်ဖြစ်လာတယ်ဆိုတာကို ပြသနေပါတယ်။ ပြီးတော့ ဒေါ်လာဘီလီယံနဲ့ချီ ၀င်ငွေရဖို့ အလားအလာရှိနေတဲ့ ဒီနည်းပညာကို ကမ္ဘာ့အကြီးဆုံး အားကစားလိဂ်တွေက အသုံးပြုဖို့ အသည်းအသန် ကြိုးစားနေကြပါတယ်။
ဆမ်ဆောင်းနဲ့ Facebook တို့ကတော့ မကြာသေးမီက Samsung Gear VR လို့ခေါ်တဲ့ ကိရိယာတစ်ခုကို ထုတ်လုပ်ခဲ့ပြီး ဒီကိရိယာကို Oculus က ပံ့ပိုးပေးတာဖြစ်ပါတယ်။
ဒါမျိုးခေါင်းစွပ်စခရင်ဟာ သာမန်စားသုံးသူတွေအတွက် ဒီဇိုင်းဆွဲဖော်ဆောင်ထုတ်လုပ်တဲ့ အမျိုးအစားမှာ ပထမဆုံးဖြစ်ပြီး အားကစားအသင်းအဖွဲ့တွေဟာ သူတို့ရဲ့ ပရိတ်သတ်တွေနဲ့ ဆက်သွယ်ဖို့အတွက် လမ်းကြောင်းတစ်ခုကို ချဲ့ထွင်လာနိုင်ပါတယ်။ ဒါကတော့ အချိန်နဲ့တစ်ပြေးညီ လွှင့်တဲ့ ပွဲတွေကို အပြင်မှာကြည့်နေသလို ခံစားရအောင် လုပ်ဆောင်ပေးဖို့ပါပဲ။
စိန်ခေါ်မှုများလည်း ရှိနေ
အမေရိကန်က အမျိုးသား ဘက်စကတ်ဘောအသင်း NBA ဟာ ဒီနည်းပညာအပေါ် စိတ်ဝင်စားမှုကို တော်တော်လေး ကျယ်ကျယ်လောင်လောင် ပွင့်ပွင့်လင်းလင်း ပြောခဲ့ပါတယ်။ ပြီးခဲ့တဲ့ အောက်တိုဘာက NBA ဟာ ဒီနည်းပညာ စမ်းသပ်မှုတွေထဲ တစ်ခုကို ပြုလုပ်ခဲ့ပြီး ဘရာဇီးလ်က ရီယိုဒီဂျနေးရိုးမြို့မှာ ကစားခဲ့တဲ့ Cleveland Cavaliers နဲ့ Miami Heat တို့ရဲ့ သရုပ်ပြပွဲကို virtual reality နည်းပညာနဲ့ ပြသမှု ပြုလုပ်ခဲ့ပါတယ်။
NBA ရဲ့ ကမ္ဘာလုံးဆိုင်ရာ မီဒီယာဌာနက ဒုတိယဥက္ကဌဖြစ်တဲ့ ဂျက်ဖ် မာစီလီယိုက ဒီတီထွင်စမ်းသစ်မှုရဲ့ သက်ရောက်မှုအားကို အဲဒီစမ်းသပ်မှုမှာ သိရှိခဲ့ရတယ်လို့ ဆိုပါတယ်။
“ဒိုင်လူကြီးက ခင်ဗျားအနားမှာ (ဘက်စကတ်ဘော) ဘောလုံး ချပေးလိုက်သလို၊ ခင်ဗျားအနားကိုပဲ လိမ့်လာသလိုပါပဲ။ အဲဒီဘောလုံးနားသွားပြီး ကောက်နိုင်သလိုမျိုး ခံစားရပါတယ်။ အဲဒီတစ်ခဏဟာ တကယ့်ကို မျက်စိဖွင့်ပေးလိုက်တဲ့ အချိန်ပါပဲ” လို့ မီစီလီယိုက ပြောပါတယ်။
ဖေဖော်ဝါရီက နှစ်ပတ်လည် All-Star သီတင်းပတ်ပြီးတဲ့နောက်ပိုင်းနဲ့ ဇူလိုင်လက လက်ဗီးဂက်စ်မှာလုပ်တဲ့ Summer League ပွဲတွေမှာ အခြားရှေ့ပြေးစမ်းသပ်မှုတွေကိုလည်း NBA က ပြုလုပ်ခဲ့ပါသေးတယ်။ virtual reality နည်းပညာနဲ့ ပထမဆုံး တိုက်ရိုက်ထုတ်လွှင့်မှုကိုတော့ ပြီးခဲ့တဲ့အောက်တိုဘာ ဘက်စကတ်ဘောရာသီအသစ် ဖွင့်ပွဲညမှာ ပြုလုပ်ခဲ့ပါတယ်။
NBA က ဒီလိုစမ်းသပ်ထုတ်လွှင့်မှုတွေ ပြုလုပ်နေတဲ့အချိန်မှာ အခြားသော အားကစားအဖွဲ့အစည်းတွေကလည်း ဒီနည်းပညာကို စပ်းသပ်မှုတွေ ပြုလုပ်နေပါတယ်။ ဒါပေမယ့် သူတို့ရဲ့ ကြိုးပမ်းမှုတွေကိုတော့ လူသိရှင်ကြား ထုတ်ဖော်ပြသခြင်း မပြုကြသေးပါဘူး။
“အမှတ်ပေးပြိုင်ပွဲတွေက ဒါဟာ ဘယ်လိုအလုပ်ဖြစ်မလဲ၊ လူတွေက ဒါကိုကြိုက်ပါ့မလားဆိုတာကို ကြည့်ဖို့ ကနဦးစမ်းသပ်မှုပုံစံမျိုးသာ ပြုလုပ်နေကြပါတယ်။ အခုလိုအချိန်မျိုးဟာ ဒီနည်းပညာကို အကျိုးအမြတ်ရမယ့်အရာ တစ်ခုအဖြစ် သူတို့က မစဉ်းစားကြသေးပါဘူး” လို့ SportsEconomics က အကြံပေးအဖွဲ့ဥက္ကဌ ဒန်နီယဲလ် ရက်စ်ချာက ဆိုပါတယ်။
အမျိုးသားဟော်ကီလိဂ်ကတော့ ဒီနှစ်အစောပိုင်းမှာ virtual reality နည်းပညာကိုသုံးပြီး ပထမဆုံး တိုက်ရိုက်ထုတ်လွှင့်မှုတစ်ခု ပြုလုပ်ခဲ့ပေမယ့် ဒီစမ်းသပ်မှုဟာ ကနဦးအဆင့်တွေသာ ရှိသေးတာမို့ မှတ်ချက်ပေးဖို့ ငြင်းဆိုခဲ့ပါတယ်။
အမျိုးသား (အမေရိကန်) ဘောလုံးလိဂ်ကတော့ အခုအချိန်မှာ ဒီနည်းပညာကို မစမ်းသပ်သေးဘူးလို့ ပြောခဲ့ပါတယ်။ ဒါပေမယ့် သူတို့ရဲ့ပွဲတွေကို ထုတ်လွှင့်သူတွေက ဒီနည်းပညာဖွံ့ဖြိုးမှုကို လေ့လာစူးစမ်းဖို့ ဆုံးဖြတ်မယ်ဆိုရင်တော့ သူတို့ဟာ ထောက်ပံ့ပေးသွားမယ်လို့ ဆိုပါတယ်။
ခံစားလိုကြ
ကယ်လီဖိုးနီးယားအခြေစိုက် vitrual reality နည်းပညာကုမ္ပဏီတစ်ခုဖြစ်တဲ့ NestVR ကို အမေရိကန်နဲ့ ဥရောပက အားကစားအသင်းအဖွဲ့တွေဟာ စုံစမ်းမေးမြန်းမှုတွေ ပြုလုပ်ခဲ့ကြတယ်လို့ ကုမ္ပဏီ ဥက္ကဌ ဘရဒ် အဲလန်က အတည်ပြုပြောကြားခဲ့ပါတယ်။
“(အားကစားကမ္ဘာက) ဒီနည်းပညာကိုအသုံးပြုချင်တဲ့ အာသာဆန္ဒကတော့ မယုံကြည်နိုင်လောက်စရာပါပဲ။ အမှတ်ပေးပြိုင်ပွဲတိုင်း၊ အသင်းတိုင်း၊ အမှုဆောင်အဖွဲ့တိုင်း virtual reality နည်းပညာကို ဖွံ့ဖြိုးချင်ကြပါတယ်။ ကျွန်တော်တို့ရဲ့ စီးပွားရေးသမားဘ၀ တစ်လျှောက်လုံး မြင်ဖူးသမျှထဲမှာ ဒါဟာ မယုံနိုင်လောက်စရာပါပဲ” လို့ အဲလန်က ဆိုပါတယ်။
အားကစားအသင်းအဖွဲ့တွေဟာ သူတို့ရဲ့ အမာခံပရိတ်သတ်ကို တိုးတက်ဖို့ မျှော်လင့်နေပြီး အိန္ဒိယနဲ့ တရုတ်နိုင်ငံတွေ အပါအ၀င် ကမ္ဘာကြီးရဲ့ အခြားအစိတ်အပိုင်းမှာ သူတို့ကိုအားပေးသူအရေအတွက် တိုးလာအောင် ပိုမိုဆောင်ရွက်ချင်တယ်လို့က သူက ထပ်လောင်းပြောကြားခဲ့ပါတယ်။
Virtual reality ခေါင်းစွပ်မျက်မှန်နဲ့ တိုက်ရိုက်ထုတ်လွှင့်မှုပွဲကိုကြည့်ရတာဟာ လက်ရှိရနေတဲ့နည်းပညာ အသုံးပြုပြီးကြည့်ရတာနဲ့ နိုင်းယှဉ်ရင် ပရိတ်သတ်တွေရဲ့ ထိတွေ့ခံစားမှုကို သိသိသာသာ တိုးတက်စေပါတယ်။
“ကွင်းအတွင်းမှာ ထိုင်နေရသလို ခံစားရမယ်။ ဘေးဘက်ကိုကြည့်ရင်လည်း ဘေးနားမှာ လူထိုင်နေတာကို တွေ့ရမယ်။ အပေါ်ကိုကြည့်ရင် ရလဒ်ဖော်ပြတဲ့ ဘုတ်ကြီးကို တွေ့ရမယ် အေက်ကိုကြည့်ရင်တော့ ကြမ်းပြင်ကိုမြင်ရမှာပါ။ ဒါဟာ ကွင်းထဲကို ကိုယ်တိုင်သွားကြည့်ဖို့ နောက်ထပ်အကောင်းဆုံး နည်းလမ်းပါပဲ” လို့ အဲလန်က ဆိုပါတယ်။
ဘဏ္ဍာရေးအခွင့်အလမ်း
ပရိတ်သတ်တွေနဲ့ ထိတွေ့ခွင့်အပြင် virtual reality နည်းပညာဟာ အားကစားအသင်းအဖွဲ့တွေနဲ့ ရုပ်သံလွှင့်သူတွေအတွက် အတော်လေး အကျိုးအမြတ်ထွက်နိုင်ပါတယ်။
ဥပမာအားဖြင့် NBA ဟာ သူတို့ရဲ့ ကန်ဒေါ်လာ ၂၀၀၀ တန်တဲ့ ပွဲကြည့်ထိုင်ခုံကို ကွင်းထဲမှာရှိတဲ့ ခုံအရေအတွက်ထက် အကြိမ်အရေအများအပြား ပိုမိုရောင်းချနိုင်ပြီး ဒါဟာ ရပ်တန့်စရာမလိုတဲ့ လက်မှတ်တွေကို ဖန်တီးပေးနိုင်မှာဖြစ်ပါတယ်။
ဒါက ရင်းနှီးမြှုပ်နှံမှု ဘဏ်တစ်ခုဖြစ်တဲ့ Piper Jaffray က မေလမှာထုတ်ပြန်ခဲ့တဲ့ အစီရင်ခံစာမှာ ဖော်ပြထားတဲ့ အလားအလာရှိတဲ့ ဖြစ်နိုင်ချေအမြတ်အစွန်း ဖြစ်ပါတယ်။
၂၀၂၅ ခုနှစ်မှာ ဒီနည်းပညာဟာ NBA ရဲ့ အပိုလက်မှတ်နဲ့ ကြော်ငြာအကျိုးအမြတ် ဒေါ်လာ သန်း ၅၀၀ လောက်ကို ရနိုင်မှာဖြစ်တယ်လို့ ဒီဘဏ်က တွက်ချက်ပြခဲ့ပါတယ်။ အဲဒီလိုပဲ NFL နဲ့ အင်္ဂလန်ပရီးမီးယားလိဂ်ပြိုင်ပွဲတွေကတော့ ၁.၂ ဘီလီယံနဲ့ သန်း ၄၀၀ လောက် အသီးသီး အကျိုးအမြတ်ရမှာဖြစ်တယ်လို့ ဆိုပါတယ်။
Piper Jaffray ရဲ့ ခန့်မှန်းမှုအရတော့ NBA ဟာ အစောဆုံး ၂၀၁၆ ခုနှစ်လောက်မှာ virtual reality နည်းပညာနဲ့ ပထမဆုံး တိုက်ရိုက်ထုတ်လွှင့်နိုင်လိမ့်မယ်လို့ ဆိုပါတယ်။ ဒါပေမယ့် NBA က သူတို့ရဲ့ ခန့်မှန်းမှုထက်ပိုစောပြီး အောက်တိုဘာလက ပြသနိုင်ခဲ့ပါတယ်။
မာစီလီယိုက နောက်ထပ် ထပ်မံထုတ်လွှင့်မယ့် အချိန်ကာလကို အတည်မပြုခဲ့ပေမယ့် NBA ဟာ ဒီနည်းပညာအသုံးပြုမှုကို တိုးမြှင့်လုပ်ဆောင်လာနိုင်တယ်လို့ ပြောကြားခဲ့ပါတယ်။
“ဒါကို အကောင်အထည်ဖော်ဖို့- စမ်းသပ်မှုကနေ ဘယ်လို တစ်ဆင့်တက်ဆောင်ရွက်နိုင်မလဲဆိုတာ ကျွန်တော်တို့ နည်လမ်းတွေ ရှာဖွေနေပါတယ်”
Sports Economics က ရက်စ်ချာက အဓိက အားကစားအသင်းအဖွဲ့အများစုဟာ ဒီ virtual reality နည်းပညာကို စမ်းသပ်ကြည့်လိုတဲ့ဆန္ဒရှိတယ်လို့ ပြောခဲ့ပါတယ်။
“စီးပွားရေးရှုထောင့်ကကြည့်ရင် ဒီနည်းပညာဟာ ပုံသေကုန်ကျမှု မြင့်မယ့် နည်းပညာပါ။ အားလုံး နေသားကျသွားပြီဆိုရင်တော့ ဒါကိုလက်ခံသုံးစွဲဖို့ အားကစားလိဂ်တွေအတွက် တော်တော်လေး အကုန်အကျ သက်သာသွားပါလိမ့်မယ်။ အများစုအတွက် ဒီနည်းပညာကို မတူညီတဲ့ ဈေးနှုန်းတွေနဲ့ သုံးစွဲနိုင်ပါလိမ့်မယ်။ တော်တော်လေး ပြန့်နှံလာမယ့်သဘော ရှိပါတယ်” လို့ ရက်စ်ချာက ဆိုပါတယ်။
စားသုံးသူတွေကို ပစ်မှတ်ထားတဲ့ virtual reality ခေါင်းစွပ်မျက်မှန်တွေဟာ ၂၀၁၆ ခုနှစ်မှာ ပိုထွက်လာဖို့ အလားအလာရှိပါတယ်။ လေ့လာဆန်းစစ်သူတွေကတော့ ဂိမ်းနယ်ပယ်ကနေစပြီး၊ ရုပ်ရှပ်၊ ဂီတနဲ့ အားကစားလောကအထိ ခြေဆန့်မယ်လို့ မျှော်လင့်ထားပါတယ်။
ဒါပေမယ့် virtual reality နည်းပညာနဲ့ ဘယ်လောက်ပဲ မိတ်ဆက်အသုံးပြုသည်ဖြစ်စေ ပရိတ်သတ်တွေ ကွင်းအတွင်း လာရောက်ကြည့်ရှုမှုကို ထိခိုက်စေမှာမဟုတ်ဘဲ မိသားစု၊ မိတ်ဆွေသူငယ်ချင်းတွေနဲ့အတူ ကြည့်ရှုခံစားတဲ့အရသာကိုတော့ ဘာနဲ့မှ အစားထိုးလို့မရဘူးလို့ မာစီလီယိုက ပြောကြားခဲ့ပါတယ်။
(Aljazeera မှ Virtual reality : The real game-changer ကို ဆီလျော်အောင် ဘာသာပြန်ဆိုသည်။)
