ဒီဇင်ဘာ ၆၊ ၂၀၁၅
M-Media
– အစ္စလာမ်သာသနာကို အလွဲသုံးစားပြုသူများ၏ တစ်လွဲအတွေးအခေါ်များကြောင့် အစွန်းရောက်များ မြင့်တက်လာခြင်းကို ပြန်လည်တုန့်ပြန်ရန် အစီအစဉ်၏ အစိတ်အပိုင်းအဖြစ် သြစတေးလျရှိ စာသင်ကျောင်းများတွင် အလယ်အလတ် အစ္စလာမ့်သွန်သင်ချက်များနှင့် အရှေ့အလယ်ပိုင်း နိုင်ငံရေးများကို သင်ကြားသွားမည်ဟု News Corp Australia သတင်းဌာနက ဖော်ပြခဲ့သည်။
သြစတေးလျ ကျောင်းသားများအား အစွန်းရောက်စေမှုကို တိုက်ဖျက်နိုင်မည့် အဆိုပါဆောင်ရွက်မှုအား အတည်ပြုနိုင်ရန်အတွက် လာမည့်တစ်ပတ် သောကြာနေ့တွင် ပြုလုပ်မည့် သြစတေးလျ ပညာရေးကောင်စီ၏ အစည်းအဝေးတွင် ပြည်နယ်များနှင့် ဖက်ဒရယ် ပညာရေးဝန်ကြီးများကို မေးမြန်းသွားမည်ဖြစ်သည်။
သြစတေးလျ အမျိုးသားလုံခြုံရေးဆိုင်ရာ ကျွမ်းကျင်သူ ပီတာ ဂျန်နင်းက အစ္စလာမ်၏ သွန်သင်မှုများနှင့် အရှေ့အလယ်ပိုင်း နိုင်ငံရေးသဘောတရာများကို ကျောင်းသင်ရိုးများတွင် ပြဌာန်းရန်အတွက် တိုက်တွန်းခဲ့ပြီး သို့မှသာ အွန်လိုင်းအမုန်းတရားများက ကလေးငယ်များအတွင်းသို့ ထိုးဖောက်ဝင်ရောက်နိုင်ခြင်း ရှိမည်မဟုတ်ဟု ဆိုသည်။
အစိုးရ၏ သင်ရိုးညွှန်းတမ်း ဆန်းစစ်ရေးအဖွဲ့မှ ပူးတွဲဥက္ကဌဖြစ်သည့် ပညာရေးကျွမ်းကျင်သူ ကီဗစ် ဒွန်နီလေးကလည်း သြစေတေးလျ စာသင်ကျောင်းများတွင် ဘာသာတရားအားလုံး၏ ကိုယ်ကျင့်တရားပိုင်းနှင့် နာမ်ပိုင်းဆိုင်ရာ တန်ဖိုးများကို သင်ကြားသင့်သည်ဆိုသော အဆိုအား သဘောတူခဲ့သည်။
“သြစတေးလျနိုင်ငံသားတစ်ယောက်ရဲ့ အဓိပ္ပါယ်နဲ့ပတ်သက်ပြီး လူငယ်တွေကို အဓိကအာရုံစိုက် သင်ကြားပေးသင့်ပါတယ်။ တစ်ချိန်တည်းမှာပဲ ကျွန်တော်တို့ဟာ အဓိကဘာသာတရားအားလုံးကိုလည်း သင်ကြားပေးသင့်ပါတယ်” ဟု ဒွန်နီလေးက ပြောကြားခဲ့သည်။
အစွန်းရောက်ဝါဒဆီသို့ ရောက်ရှိသွားသည်အထိ စည်းရုံးခံရနိုင်သည့် အန္တရာယ်ရှိသော လူငယ်များအား ရည်ရွယ်သည့် အဆိုပါ ဆောင်ရွက်ချက်ကို ဆန်းစစ်ရန်အတွက် သြစတေးလျရှိ ပညာရေးဝန်ကြီးများက မေလတွင် သဘောတူညီခဲ့ကြပြီး မကြာမီပြုလုပ်မည့်အစည်းအဝေးတွင် ၎င်းတို့၏ တွေ့ရှိချက်များကို တင်ပြရမည်ဖြစ်သည်။
Ref: IINA News
