ဒီဇင်ဘာ ၁၀၊ ၂၀၁၅
M-Media
– ယခုနှစ်မှာ ချန်ပီယံလိဂ်တွင် မိမိတို့ အာဆင်နယ်အသင်းအတွက် ကံကောင်းသည့်နှစ် ဖြစ်နိုင်သည်ဟု နည်းပြ အာဆင်ဝင်းဂါးက ပြောကြားလိုက်သည်။
အဖွင့်ပွဲ နှစ်ပွဲစလုံး ရှုံးနိမ့်မှုနှင့်အတူ အုပ်စု F တွင် နောက်တစ်ဆင့်တက်ရန် အခွင့်အရေးအနည်းဆုံး အာဆင်နယ်မှာ ယနေ့မနက် အိုလံပီယာကော့စ်နှင့်ပွဲတွင် ဂျရူး၏ ဟက်ထရစ်ဖြင့် ၃ ဂိုးပြတ် အနိုင်ရခဲ့ပြီး အုပ်စုဒုတိယဖြင့် ရှုံးထွက်အဆင့်သို့ တက်ရောက်သွားနိုင်ခဲ့သည်။
“ရှေ့၊ လယ်၊ နောက် ပြောစရာကိုမရှိတဲ့အတွက် ကျွန်တော် ဂုဏ်ယူပါတယ်။ နေ့စဉ်နေ့တိုင်း အားထုတ်မှုတွေကို တောင်းဆိုနေတာပါ။ အခုတော့ ကျွန်တော်တို့ အုပ်စုအဆင့်ကနေ လွတ်မြောက်ခဲ့ပြီး ဒီနှစ်ဟာ ချန်ပီယံလိဂ်မှာ ကျွန်တော်တို့အတွက် ကံကောင်းတဲ့နှစ်တစ်နှစ် ဖြစ်ကောင်းဖြစ်နိုင်မှာပါ။ ဒီနေ့ပွဲထွက်လာတဲ့ကစားသမားတွေ၊ သူတို့ရဲ့စွမ်းဆောင်ရည်တွေကိုကြည့်ရင် လက်ဖျားခါလောက်တယ်ဆိုတာ တွေ့ရမှာပါ” ဟု ၀င်းဂါးက ပွဲအပြီးတွင် BT Sport သို့ ပြောကြားခဲ့သည်။
ဟက်ထရစ်သွင်းကာ အသင်းအား ကူညီနိုင်ခဲ့သည့် တိုက်စစ်မှူး ဂျရူးကလည်း မိမိ၏ စွမ်းဆောင်ရည်ကို ကျေနပ်သည်ဟု ပြောကြားခဲ့သည်။
“ကျွန်တော့်အတွက်ရော၊ အသင်းအတွက်ပါ တော်တော်လေးကောင်းခဲ့ပါတယ်။ နောက်တစ်ဆင့် တက်သွားတဲ့အတွက်လည်း ကျွန်တော်တို့ ကျေနပ်ပါတယ်”
Ref: Goal
Leave a Reply
You must be logged in to post a comment.