နိုဝင်ဘာ ၂၈၊ ၂၀၁၅
M-Media
– မြန်မာနိုင်ငံအရှေ့ပိုင်းရှိ တိုင်းရင်းသားလက်နက်ကိုင်များကို မြန်မာစစ်တပ်က ထိုးစစ်ဆင်မှုကြောင့် ပြည်သူ ၁၀၀၀၀ ကျော်မှာ အခြေပျက်ခဲ့ရပြီး၊ ထိုတိုက်ခိုက်မှုများအတွင်း စစ်တပ်မှာ စာသင်ကျောင်းများနှင့် ဘုန်းကြီးကျောင်းများကို ဗုံးကြဲခြင်း၊ အရပ်သားများကို ပစ်သတ်ခြင်းနှင့် အမျိုးသမီးများကို အဓမ္မပြုကျင့်ခြင်းတို့လည်း ရှိခဲ့သည်ဟု လူ့အခွင့်အရေးအဖွဲ့များက ပြောကြားခဲ့သည်။
အောက်တိုဘာလ ၆ ရက်နေ့ကတည်းက အစိုးရတပ်မှာ ရွာ ၆ ရွာကို ဗုံးကြဲမှုများ ပြုလုပ်ခဲ့ပြီး၊ လူ ၃ ဦးအား သေနတ်ဖြင့်ပစ်ခတ်ကာ ဒဏ်ရာရအောင် ပြုလုပ်ခဲ့သည်။ ထို့ပြင် ရွာသား ၁၇ ဦးကိုလည်း ပစ်ခတ်မှုများ ပြုလုပ်ခဲ့ပြီး ၎င်းတို့မှာ လက်ရှိအချိန်တွင် ပျောက်ဆုံးနေဆဲဖြစ်သည်ဟု ရှမ်းပြည်နယ်အတွင်းရှိ တက်ကြွလှုပ်ရှားသူများက ပြောကြားခဲ့သည်။
ရှမ်းလူ့အခွင့်အရေး ဖောင်ဒေးရှင်းကမူ ၎င်းတို့မှာ ဧပြီလကတည်းက စတင်၍ အစိုးရစစ်တပ်၏ လိင်ပိုင်းဆိုင်ရာစော်ကားမှု ၈ ခုကို မှတ်တမ်းတင်ထားပြီး ထိုအမှုများထဲတွင် နိုဝင်ဘာ ၅ ရက်နေ့က အသက် ၃၂ နှစ်အရွယ် အမျိုးသမီးတစ်ဦးကို စစ်သား ၁၀ ယောက်က အုပ်စုဖွဲ့မုဒိမ်းကျင့်မှုလည်း ပါဝင်သည်ဟု ပြောကြားခဲ့သည်။ ထိုသို့ အဓမ္မပြုကျင့်စဉ် အမျိုးသမီး၏ ခင်းပွန်းဖြစ်သူအား စစ်သားများက ၎င်းတို့၏ လယ်တောထဲတွင် တုပ်နှောင်ထားခဲ့သည်။
“ဒီလိုစစ်ရာဇ၀တ်မှုတွေ၊ အရပ်သားတွေကို ဒီလို တိုက်ခိုက်မှုတွေကို နိုင်ငံတကာအသိုင်းအ၀ိုင်းက လူသိရှင်ကြား မရှုတ်ချသေးတာနဲ့ပတ်သက်ပြီး ကျွန်တော်တို့ အလွန် စိုးရိမ်မိပါတယ်” ဟု လူ့အခွင့်အရေးလှုပ်ရှားသူတစ်ဦးဖြစ်သည့်
ချာမ်တွန်က Thomson Reuters Foundation သို့ ပြောကြားခဲ့သည်။
တိုင်းပြည်အား နှစ်ပေါင်း ၅၀ နီးပါး အုပ်ချုပ်လာခဲ့သည့် စစ်အာဏာရှင်စနစ်ကို ၂၀၁၀ ခုနှစ်တွင် စစ်တပ်ကျောထောက်နောက်ခံပြု အရပ်သားအစိုးရနှင့် အစားထိုးခဲ့ပြီးနောက် မြန်မာနိုင်ငံတွင် ပြုပြင်ပြောင်းလဲရေးများ စတင်ခဲ့သည်။ ထို့နောက် မကြာသေးမီက ပြုလုပ်ခဲ့သည့် ရွေးကောက်ပွဲတွင် အတိုက်အခံ အမျိုးသားဒီမိုကရေစီအဖွဲ့ပါတီက တောင်ပြိုကမ်းပြို အနိုင်ရခဲ့သည်။
“တစ်ဖက်မှာ ဒီလိုကောင်းမွန်တဲ့ ရွေးကောက်ပွဲကို ကျွန်တော်တို့ ကြိုဆိုပါတယ်။ ဒါပေမယ့် အခြားတစ်ဖက်မှာလည်း ပြည်သူတွေဟာ ထွက်ပြေးနေရတယ်။ သေဆုံးနေကြတယ်ဆိုတာ လက်တွေ့မျက်မြင်ပါ။ အမျိုးသမီးတွေဟာလည်း အဓမ္မကျင့် ခံနေရပါတယ်။ ရွာသားတွေဟာ မလုံခြုံဘူးလို့ ခံစားနေရတယ်။ ပြီးတော့ မြန်မာစစ်တပ်က တပ်တွေထပ်တိုး လာတာကြောင့် သူတို့ဟာ အန္တရာယ်ရှိတဲ့အခြေအနေတွေမှာ ရှိနေပါတယ်” ဟု ချာမ်တွန်က ထည့်သွင်းပြောကြာခဲ့သည်။
ပြီးခဲ့သည့် အောက်တိုဘာလက မြန်မာအစိုးရမှာ တိုင်းရင်းသားလက်နက်ကိုင် ၈ ဖွဲ့နှင့် အပစ်ရပ်ရေး လက်မှတ်ထိုးခဲ့သော်လည်း အစိုးရက ဖိတ်ကြားခဲ့သည့် လက်နက်ကိုင်အဖွဲ့ ၁၅ ဖွဲ့မှ ရှမ်းပြည်နယ်တပ်မတော်-မြောက်ပိုင်း (SSA-North)၊ ကချင်လွတ်မြောက်ရေးတပ် (KIA) တို့အပါအ၀င် လက်နက်ကိုင်အဖွဲ့ ၇ ခုက လက်မှတ်ရေးထိုးရန် ငြင်းဆန်ခဲ့သည်။
ယခုတစ်ပတ်အတွင်း ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့် ပြောဆိုဆွေးနွေးမှုများ ပြုလုပ်ခဲ့သည့် အမေရိကန်လက်ထောက်နိုင်ငံခြားရေးဝန်ကြီး ဒန်နီယဲလ် ရက်ဆဲလ်က ရှမ်းပြည်နယ်နှင့် ကချင်ပြည်နယ်တို့တွင် မြန်မာအစိုးရစစ်တပ်၏ စစ်ဆင်ရေးများနှင့် တိုက်ခိုက်မှုများမှာ အလွန်အမင်း စိုးရိမ်စရာကောင်းသည်ဟု ပြောကြားခဲ့သည်။
“တိုက်ခိုက်မှုကြောင့် ပေါ်ထွက်လာတဲ့ လူသားချင်းစာနာထောက်ထားမှုဆိုင်ရာ ပြဿနာကို ကျွန်တော်တို့ စိုးရိမ်မှုတွေ ရှိပါတယ်။ အဲဒီတိုက်ခိုက်မှုတွေက အပစ်ရပ်ရေးမှာ လက်မှတ်မထိုးထားတဲ့ သူတွေ ပါဝင်တဲ့ နိုင်ငံလုံးဆိုင်ရာ အပစ်ရပ်ရေး သဘောတူညီချက်ရဖို့ အားထုတ်ကြိုးပမ်းရာမှာ နောက်ပြန်သွားစေနိုင်တယ်ဆိုတဲ့ စိုးရိမ်မှုတွေလည်း ရှိပါတယ်” ဟု ရန်ကုန်မြို့တွင် Reuters သတင်းဌာနသို့ ပြောကြားခဲ့သည်။
“ပဋိပက္ခမှာ ဘက်နှစ်ဖက်ရှိပေမယ့် မြန်မာစစ်တပ်အနေနဲ့ အပြုအမူတွေကို ထိန်းချုပ်ဖို့၊ အမျိုးသားရင်ကြားစေ့ရေးနဲ့ ငြိမ်းချမ်းရေးကို တိုးမြှင့်လုပ်ဆောင်ဖို့ ကျွန်တော် တိုက်တွန်းပါတယ်”
ကုလသမဂ္ဂကလည်း ထိုတိုက်ခိုက်မှုများအတွက် စိုးရိမ်သည်ဟု ပြောကြားခဲ့ပြီး အိုးအိမ်စွန့်ခွာ ထွက်ပြေးကာ ဘုန်းကြီးကျောင်းများနှင့် ယာယီကယ်ဆယ်ရေးစခန်းများ၌ နေထိုင်နေရသူ အရေအတွက်မှာ ၆၀၀၀ အထိ ရှိနေသည်ဟု ကုလသမဂ္ဂ လူသားချင်းစာနာထောက်ထားမှုဆိုင်ရာ ပူးပေါင်းဆောင်ရွက်ရေးရုံး OCHA မှ ပြောရေးဆိုခွင့်ရှိသူ ပီယာရီ ပီရွန်က ပြောကြားခဲ့သည်။
ကချင်ပြည်နယ်တွင် အစိုးရနှင့် တိုင်းရင်းသား လက်နက်ကိုင်များ တိုက်ခိုက်မှုကြောင့် အိုးအိမ်စွန့်ခွာ ထွက်ပြေးနေရသူမှာ ကလေးငယ် ၅၀၀ အပါအ၀င် ၁၂၀၀ ခန့်ရှိနေသည်ဟု OCHA မှ ယမန်နေ့တွင် ပြောကြားခဲ့သည်။
Ref: Bangkokpost
