Blog

အဖြူအမည်း မသဲကွဲတဲ့ မန်ချက်ဒါဘီ၊ ချယ်ဆီးရေတိမ်နစ်ခဲ့ပြီး၊ သရေနဲ့ ကံစပ်နေတဲ့ ကလော့ပ်တို့ရဲ့ ပရီးမီးယားလိဂ် ပွဲစဉ် ၁၀

အောက်တိုဘာ ၂၆၊ ၂၀၁၅
M-Media

– ဒီတစ်ပတ် ပရီးမီးယားလိဂ်မှာတော့ အားလုံးစောင့်ကြည့်နေကြတဲ့ မန်ချက်စတာဒါဘီမှာ အရှုံးအနိုင်မပေါ်ခဲ့သလို လီဗာပူးလ်းနည်းပြကလည်း သရေသံသရာကနေ မလွတ်မြောက်နိုင်သေးပါဘူး။ ချယ်ဆီးက ပဉ္စမမြောက် အရှုံးကို မြည်းစမ်းခဲ့ရပြီး အာဆင်နယ်က ၄ ပွဲဆက်အနိုင်နဲ့ ဇယားထိပ်ကို တစ်ရက်တာ ဦးဆောင်နိုင်ခဲ့ပါတယ်။

အိုးထရက်ဖို့ဒ်က မန်ယူနဲ့ မန်စီးတီးပွဲကတော့ ထင်သလောက် စိတ်ဝင်စားစရာ မကောင်းခဲ့ဘဲ တစ်သင်းနဲ့တစ်သင်း နည်းစနစ်ပိုင်းဆိုင်ရာ အားပြိုင်မှုနဲ့ဘဲ အချိန်ကုန်ခဲ့ပါတယ်။ ပထမပိုင်းမှာ မန်စီးတီးက ပိုကောင်းခဲ့ပြီး၊ ပွဲပြီးကာနီးမှာ မာရှယ်ရဲ့ မြေကျကန်သွင်းချက် ဘားတန်းအပေါ်က ကျော်သွားတာ၊ စမောလင်းရဲ့ အပိုင်ကန်သွင်းမှုကို ဂျိုးဟတ် အကောင်းဆုံး ကာကွယ်သွားနိုင်ခဲ့တာတွေကြောင့် မန်ယူက ဂိုးမရခဲ့တာ ဖြစ်ပါတယ်။

ချယ်ဆီးကတော့ ရုပ်ပျက်ဆင်းပျက်ပါပဲ။ ပထမပိုင်း ၁၇ မိနစ်မှာ ဦးဆောင်ဂိုး ပေးလိုက်ရသလို၊ ကွင်းလယ်လူ မာတစ်က ပထမပိုင်းမပြီးခင် ဒုတိယ အ၀ါကဒ်နဲ့ ထွက်ခဲ့ရပါတယ်။ နည်းပြမော်ရင်ဟိုလည်း ဒိုင်ကို အလွန်အကျူး စောဒကတက်တာကြောင့် အထုတ်ခံခဲ့ရပြီး ပွဲကြည့်စင်ပေါ်ကနေ သွားရောက် ကြည့်ရှုခဲ့ရပါတယ်။ ၅၆ မိနစ်မှာ ကာဟေးလ်က ချေပဂိုး သွင်းပေးနိုင်ခဲ့ပေမယ့် လူစားဝင်တိုက်စစ်မှူး ကားရိုလ်းက ၇၉ မိနစ်မှာ အိမ်ရှင်အတွက် အနိုင်ဂိုးသွင်းပေးခဲ့တာကြောင့် ၃ မှတ် အရယူပြီး ဒီရာသီ အသင်းကြီးတွေကို ဒုက္ခအပေးနိုင်ဆုံး အသင်းအဖြစ် ဆက်လက်ရှိနေခဲ့ပါတယ်။

လီဗာပူးလ်ကလည်း အိမ်ကွင်းမှာ ကစားပုံကောင်းခဲ့ပြီး ဦးဆောင်ဂိုးရခဲ့ပေမယ့် အနိုင် ၃ မှတ်တော့ မရခဲ့ပါဘူး။ ကလော့ပ်အတွက် ပထမဆုံးနိုင်ပွဲ ရယူပေးနိုင်မယ့် အခွင့်အရေးတစ်ချို့ ရခဲ့ပေမယ့် ဘန်တီကီရဲ့ ၇၇ မိနစ် အားထုတ်မှုကသာ ဂိုးအဖြစ် ပြောင်းလဲခဲ့ပါတယ်။ နောက်ဆုံး ၃ ပွဲဆက်တိုက် ရှုံးပွဲမရှိသေးတဲ့ ဆောက်သက်တမ်အတွက် ချေပဂိုးကိုတော့ ၈၆ မိနစ်မှာ ဆာဒီယို မိန်းက သွင်းယူပေးခဲ့တာဖြစ်ပါတယ်။

ဒီရာသီမှာ ဂိုးပေါက်ပျောက်လို့ ဝေဖန်ခံနေရတဲ့ ဟယ်ရီကိန်းရဲ့ ဟက်ထရစ်နဲ့အတူ စပါးတို့ ဇယားအောက်နားက ဘုန်းမောက်ကို ၅ ဂိုး ၁ ဂိုးနဲ့ အနိုင်ရခဲ့ပါတယ်။ ပြီးခဲ့တဲ့ ငါးပွဲမှာ နိုင်ပွဲမရှိဘဲ ၄ ပွဲအထိ ရှုံးထားတဲ့ ဆန်းဒါးလန်းက ခါးသီးတဲ့ မြို့ခံပြိုင်ဘက် နယူးကာဆယ်ကို အံသြစရာကောင်းလောက်အောင် ၃ ဂိုးပြတ်နဲ့ အနိုင်ကစားနိုင်ခဲ့ပါတယ်။ ဒီအနိုင်ဟာ ဆန်းဒါးလန်းနည်းပြ ဆမ်အလာဒိုက်စ်ရဲ့ ပထမဆုံး နိုင်ပွဲလည်း ဖြစ်ပါတယ်။
ဒီတစ်ပတ် ပရီးမီးယားလိဂ် ရလဒ်များကတော့ အောက်ပါအတိုင်းဖြစ်ပါတယ်။

ဗီလာ ၁-၂ ဆွမ်ဆီး
လက်စတာ ၁-၀ ပဲလေ့စ်
နော်ဝစ်ခ်ျ ၀-၁ ၀က်စ်ဘရွန်း
စတုတ်စီးတီး ၀-၂ ၀က်ဖို့ဒ်
ဝက်စ်ဟမ်း ၂-၁ ချယ်ဆီး
အာဆင်နယ် ၂-၁ အဲဗာတန်
ဆန်ဒါးလန်း ၃-၀ နယူးကာဆယ်
ဘုန်းမောက် ၁-၅ စပါး
မန်ယူ ၀-၀ မန်စီးတီး
လီဗာပူးလ် ၁-၁ ဆောက်သက်တမ်

October 26, 2015
အာဖဂန်ပြည်သူများအပေါ် ကျူးလွန်မှုဖြင့် ဗြိတိန်စစ်သားများကို စုံစမ်းနေ

အောက်တိုဘာ ၂၆၊ ၂၀၁၅
M-Media

– အာဖဂန်စစ်ပွဲအတွင်း ဗြိတိန်စစ်သားများမှာ အာဖဂန်ပြည်သူများအပေါ် ဆိုးရွားစွာ ဆက်ဆံခဲ့သည်ဟူသော စွပ်စွဲချက်များအတွက် ဗြိတိန်ရဲတပ်ဖွဲ့က ရာဇ၀တ်မှုဆိုင်ရာ စုံစမ်းစစ်ဆေးမှုများ ပြုလုပ်နေသည်ဟု သိရသည်။

၂၀၀၅ ခုနှစ်မှ ၂၀၁၃ ခုနှစ်အကြားတွင် ပြုလုပ်ခဲ့သည့် Herrick စစ်ဆင်ရေး၌ ဖမ်းဆီးထိန်းသိမ်းခြင်း ခံခဲ့ရသော အာဖဂန်ပြည်သူ ၁၀၀ ကျော်က မိမိတို့မှာ ဗြိတိန်စစ်သားများ၏ စော်ကားမှုများ၊ မဖွယ်မရာ ဆက်ဆံမှုများကို ခံခဲ့ရသည်ဟု တိုင်တန်းထားခြင်းဖြစ်ပြီး တော်ဝင်စစ်ဘက်ဆိုင်ရာ ရဲဌာန (RMP) က Northmoor စစ်ဆင်ရေးဖြင့် စုံစမ်းစစ်ဆေးမှုများကို ဦးဆောင် ပြုလုပ်နေခြင်းဖြစ်သည်။

ကာကွယ်ရေးဝန်ကြီး ပန်နီ မောရ်ဒေါင့်ကမူ စစ်တပ်မှာ တစ်ခါတစ်ရံတွင် “အကျိုးအကြောင်း မဆီလျော်သည့် စွပ်စွဲမှုများ” ကို ရင်ဆိုင်နေရသည်ဟု ပြောကြားခဲ့သည်။ ကာကွယ်ရေးဝန်ကြီးဌာန၏ ၀ဘ်ဆိုက်တွင် မောရ်ဒါင့်က ထိုကဲ့သို့ တရားရေးဆိုင်ရာ ဆောင်ရွက်မှုများမှာ စစ်တပ်၏ ထိထိရောက်ရောက် ဆောင်ရွက်နိုင်စွမ်းအတွက် မေးခွန်းထုတ်စရာ ဖြစ်လာမည်ကို စိုးရိမ်သည်ဟု ပြောကြားခဲ့သည်။

ဗြိတိန်ကာကွယ်ရေးဝန်ကြီးဌာနမှာ အာဖဂန်စစ်ပွဲနှင့် ပတ်သက်၍ ယခင်ကလည်း ထိုကဲ့သို့ စွဲချက်များနှင့် ရင်ဆိုင်ခဲ့ရပြီး စုံစမ်းစစ်ဆေးမှုများ ပြုလုပ်ကာ နစ်နာကြေးများကို ပေါင် သန်းနှင့်ချီ၍ ပေးခဲ့ရသည်။

အာဖဂန်၌ ဗြိတိန်၏ စစ်ဆင်ရေးမှာ ၂၀၀၁ ခုနှစ်တွင် စတင်ခဲ့ပြီး ၁၃ နှစ်တာ ကြာမြင့်ခဲ့ကာ ပြီးခဲ့သည့်နှစ်နှောင်းပိုင်းက ဗြိတိန်တပ်များအားလုံးမှာ အာဖဂန်မှ ရုပ်သိမ်းခဲ့သည်။

Ref: BBC, News.sky.

October 26, 2015
လီဗာပူးလ်မှာ ယုံကြည်မှုပျောက်နေဟု ကလော့ပ်ပြော

အောက်တိုဘာ ၂၆၊ ၂၀၁၅
M-Media

– မိမိအနေဖြင့် အသင်း၏ တိုးတက်မှုများအတွက် ကျေနပ်သော်လည်း ကစားသမားများတွင် ယုံကြည်ချက် ပျောက်ဆုံးနေသည်ဟု လီဗာပူးလ်နည်းပြ ယာဂန် ကလော့ပ်က ပြောကြားလိုက်သည်။

ယမန်နေ့က ကစားခဲ့သည့် ဆောက်သက်တမ်နှင့် ပရီးမီးယားလိဂ်ပွဲစဉ်တွင် လီဗာပူးလ်မှာ ပုံစံကောင်းကို ဆက်လက်ပြသနိုင်ခဲ့ပြီး ၇၇ မိနစ်တွင် ဘန်တီကီ၏ ခေါင်းတိုက်ဂိုးဖြင့် ဦးဆောင်နိုင်ခဲ့သော်လည်း ပွဲပြီးကာနီး ၄ မိနစ်အလိုတွင် ချေပဂိုးပြန်ပေးခဲ့ရသည်။ ကလော့ပ် ကိုင်တွယ်ခဲ့ပြီးနောက် ကစားသည့် ၃ ပွဲစလုံးမှာ သရေဖြင့်သာ အဆုံးသတ်ခဲ့သည်။

“သူတို့ တော်တော်လေး ကြိုးစားခဲ့တယ်။ အာရုံစူးစိုက်မှုအပြည့် ရှိတယ်။ နိုင်လိုစိတ်လည်း အပြည့်အ၀ ရှိပါတယ်။ ဒါပေမယ့် တစ်ဂိုး ပြန်ပေးလိုက်ရပြီးနောက်မှာတော့ အားလုံးရေစုံမျောပြီလို့ သူတို့ ခံစားခဲ့ရတယ်။ ဒါ ရေစုံမျောတာ မဟုတ်ပါဘူး။ ဂိုးတစ်ဂိုး ပေးလိုက်ရတာပါ။ နိုင်အောင်ပြန်ကစားလို့ ရပါတယ်။ ဒီယုံကြည်မှုမျိုး ကျွန်တော်တို့မှာလိုနေတာပါ” ဟု ကလော့ပ်က ပွဲအပြီးတွင် ပြောကြားခဲ့သည်။

လီဗာပူးမှာ ထိုပွဲသရေကြောင့် တစ်ဆင့်တက်လာခဲ့ပြီး အဆင့် ၉ နေရာတွင် ရှိနေသည်။

Ref: Goal

October 26, 2015
ဒုက္ခသည် စီမံခန့်ခွဲရေး အစီအစဉ်အတွက် ဥရောပနှင့် ဘော်လ်ကန်နိုင်ငံများ သဘောတူ

အောက်တိုဘာ ၂၆၊ ၂၀၁၅
M-Media

– ဘော်လ်ကန်ကျွန်းဆွယ်အား ဖြတ်ကျော်ရောက်ရှိလာသည့် ဒုက္ခသည်များကို စီမံခန့်ခွဲရေးတွင် အချက် ၁၇ ချက်ပါဝင်သော အစီအစဉ်အတစ်ခုကို ပူးပေါင်းဆောင်ရွက်ရန်အတွက် ဥရောပသမဂ္ဂ ခေါင်းဆောင်များနှင့် ဘော်လ်ကန်ဒေသမှ ခေါင်းဆောင်များက သဘောတူညီခဲ့ကြသည်ဟု ဥရောပကော်မရှင်က ပြောကြားလိုက်သည်။

ယမန်နေ့က ဘရပ်ဆဲလ်မြို့၌ ပြုလုပ်ခဲ့သည့် အစည်းအဝေးတွင် ထိုကဲ့သို့ သဘောတူညီခဲ့ခြင်းဖြစ်ပြီး ထိုအစီအစဉ်များတွင် ဂရိမှ ဂျာမနီသို့ သွားရာ လမ်းကြောင်းတစ်လျောက် ဒုက္ခသည် လက်ခံရေးစင်တာများ၌ ဒုက္ခသည် တစ်သိန်းခန့် ထားရှိနိုင်သည့်နေရာများ ဖန်တီးပေးရန်လည်း ပါဝင်ပြီး ထိုအတွက် ကုလသမဂ္ဂ ဒုက္ခသည်များ အေဂျင်စီက ကူညီဆောင်ရွက်ပေးမည်ဖြစ်သည်။

အဆိုပါအစီအစဉ်မှ လူငါးသောင်းကို ဂရိနိုင်ငံတွင် ထားရှိသွားမည်ဖြစ်ပြီး ကျန်ငါးသောင်းကို မက်ဆီဒိုးနီးယားနှင့် ဆားဘီးယားတို့ကဲ့သို့ ဂျာမနီသို့ သွားရာလမ်းတစ်လျှောက်ရှိ ဘော်လ်ကန်နိုင်ငံများ၌ ရှိသော စင်တာများတွင် စီစဉ်ပေးသွားမည်ဖြစ်သည်။

“ဥရောပမှာ လူသားချင်းစာနာထောက်ထားမှုဆိုင်ရာ ဖြစ်ရပ်ဆိုးကြီးကို ရှောင်ရှားဖို့အတွက် ဘော်လ်ကန်ဒေသ အနောက်ဘက်လမ်းကြောင်းတစ်လျှောက် ဒုက္ခသည်တွေကို လူသားစိတ်ဓာတ်နဲ့ ဆက်ဆံဖို့ လိုအပ်ပါတယ်” ဟု ဥရောပကော်မရှင် ဥက္ကဌ ဂျန်ကလုဒ် ဂျန်ကာက ပြောကြားခဲ့သည်။

မည်သည့်နိုင်ငံတွင် ဒုက္ခသည်အဖြစ် ခိုလှုံ့ခွင့်ပေးမည် သို့မဟုတ် နေရပ်သို့ ပြန်ပို့မည်ဆိုသည်ကို မဆုံးဖြတ်ခင် ဒုက္ခသည်များအား စောင့်ကြည့်စာရင်းသွင်းရာ၌ လက်ဗွေနှိပ်ခြင်းကဲ့သို့ ဘိုင်အိုမက်ထရစ် အချက်အလက် ကောက်ယူမှုများကို အပြည့်အ၀ အသုံးပြုရေးနှင့် နယ်စပ်ဆောင်ရွက်မှုများကို တိုးချဲ့ရေးအတွက်လည်း နိုင်ငံများက သဘောတူညီခဲ့ကြသည်။

ဆလိုဗေးနီးယားနိုင်ငံသို့ ဒုက္ခသည် အများအပြားဝင်ရောက်လာမှုကို စီမံခန့်ခွဲနိုင်ရေးအတွက် ရဲတပ်ဖွဲ့ဝင် ၄၀၀ ချထားပေးရေးအတွက်လည်း ဥရောပနှင့် ဘော်လ်ကန်နိုင်ငံများက သဘောတူညီခဲ့ကြသည်။ ဆလိုဗေးနီးယား ၀န်ကြီးချုပ် မီရို ဆီရာကမူ ဥရောပမိတ်ဖက်နိုင်ငံများအနေဖြင့် မိမိတို့အား လုံလောက်သည့် ကူညီမှုများ မပေးဟု စောစောပိုင်းက ပြောကြားထားသည်။

Ref: Aljazeera

October 26, 2015
ဂွာတီမာလာတွင် ဟာသသရုပ်ဆောင်ဟောင်း သမ္မတအဖြစ် ရွေးချယ်ခံရ

အောက်တိုဘာ ၂၆၊ ၂၀၁၅
M-Media

– ဂွာတီမာလာ၏ ယမန်နေ့က ပြုလုပ်ခဲ့သော သမ္မတရွေးကောက်ပွဲတွင် နိုင်ငံရေးအတွေ့အကြုံမရှိသည့် ဟာသသရုပ်ဆောင် ဂျင်မီ မိုရေးလ်စ်က အနိုင်ရရှိခဲ့သည်ဟု သိရသည်။

ခြစားမှုများနှင့် ပတ်သက်၍ နိုင်ငံတစ်ဝှမ်း ဆန္ဒပြမှုများကြောင့် သမ္မတ အော့တို ပီရက်ဇ် မိုလီနာ ရာထူးမှ နှုတ်ထွက်သွားပြီးနောက် တစ်လအကြာတွင် ပြုလုပ်ခဲ့သည့် ယခုရွေးကောက်ပွဲတွင် မိုရေးလ်စ်မှာ မဲအရေအတွက် ၇၂ ရာခိုင်နှုန်းဖြင့် ပြိုင်ဘက် သမ္မတကတော်ဟောင်း ဆန်ဒရာ တောရက်စ်ကို အပြတ်အသတ် အနိုင်ရခဲ့ခြင်းဖြစ်သည်။ တောရက်စ်ကလည်း မဲရေတွက်မှု မပြီးခင်မှာပင် ရှုံးနိမ့်ကြောင်း ၀န်ခံခဲ့သည်။

“သမ္မတတစ်ယောက်အနေနဲ့ ကျွန်တော်ဟာ တာဝန်တစ်ခုရှိပြီး၊ ဂွာတီမာလာပြည်သူတွေအတွက် အဲဒီတာဝန်ကတော့ ကျွန်တော်တို့ကို ဆုတ်ယုတ်စေတဲ့ ခြစားမှုကို တိုက်ဖျက်ရေးပဲ ဖြစ်ပါတယ်။ ဘုရားသခင် ကောင်းချီးပေးပါစေ” ဟု မိုရေးလ်စ်က အနိုင်ရပြီးနောက် ပြောကြားခဲ့သည်။ သမ္မတဟောင်း မိုလီနာမှာ ခြစားမှုများကြောင့် အဖမ်းခံထားရသည်။

Ref : BBC

October 26, 2015