Blog

အီရတ်ရှိ စစ်ဆင်ရေးတစ်ခုတွင် IS က ဖမ်းထားသည့် ဓားစားခံ ၇၀ ခန့် လွတ်မြောက်လာ

အောက်တိုဘာ ၂၃၊ ၂၀၁၅
M-Media

– အီရတ်နိုင်ငံရှိ IS ၏ ခြေကုပ်ယူထားရာ ဟာဝီဂျာမြို့တွင် အမေရိကန်အထူးတပ်ဖွဲ့ဝင်များ၊ အီရတ်ရှိ ကာ့ဒ်တပ်ဖွဲ့ဝင်များ ပူးပေါင်း၍ စီးနင်းတိုက်ခိုက်မှုတစ်ခု ပြုလုပ်ခဲ့ပြီး ဓားစားခံ ၇၀ ခန့်ကို လွတ်မြောက်စေခဲ့သည်ဟု ပင်တဂွန်က ယမန်နေ့တွင် ပြောကြားခဲ့သည်။

ဓားစားခံများမှာ အစုလိုက်အပြုံလိုက် သတ်ဖြတ်ခံရမည့်အရေးကို ကြုံတွေ့ရဖွယ် ရှိနေသည်ဟု သတင်းရသောကြောင့် အဆိုပါ စစ်ဆင်ရေးကို စီစဉ်ဆောင်ရွက်ရခြင်းဖြစ်ပြီး အမေရိကန် စစ်သားတစ်ဦးသေဆုံးခဲ့ကာ၊ ကာ့ဒ်တပ်ဖွဲ့ဝင် ၄ ဦး ဒဏ်ရာရရှိခဲ့သည်ဟု ကြေငြာချက်တွင် ဖော်ပြထားသည်။

အီရတ်ရှိ တိုက်ပွဲတွင် အမေရိကန်စစ်သား သေဆုံးခြင်းမှာ ၂၀၁၀ နောက်ပိုင်း ပထမဆုံးလည်းဖြစ်သည်။ IS အဖွဲ့ဝင်အများအပြားကို ထိုစစ်ဆင်ရေးတွင် သုတ်သင်နိုင်ခဲ့ပြီး ၅ ဦးကို ဖမ်းဆီးရမိခဲ့သည်။

လွတ်မြောက်လာကြသည့် ဓားစားခံများတွင် အနည်းဆုံး ၂၀ ခန့်မှာ အီရတ်လုံခြုံရေးတပ်ဖွဲ့ဝင်များဖြစ်ပြီး၊ စစ်ဆင်ရေးကို အီရတ်ဗဟိုအစိုးရက သိရှိခဲ့ခြင်းမရှိဘဲ သတင်းထောက်များ၏ ဖုန်းခေါ်ဆိုမေးမြန်းမှုများ ရရှိမှသာ သိရှိခဲ့ခြင်းဟု သိရသည်။

Ref: Aljazeera

October 23, 2015
ဆွီဒင် စာသင်ကျောင်းတစ်ကျောင်းတွင် ဓားခုတ်မှုဖြစ်

အောက်တိုဘာ ၂၂၊ ၂၀၁၅
M-Media

– ဆွီဒင်နိုင်ငံ အနောက်ပိုင်း ထရိုလ်ဟတ္တန်မြို့ရှိ စာသင်ကျောင်းတစ်ခုတွင် ယနေ့မနက်ပိုင်းက မျက်နှာဖုံးစွပ်ထားသည့် လူတစ်ဦး ဓားရှည်ဖြင့် ၀င်ရောက် ခုတ်ခဲ့ခြင်းကြောင့် ကျောင်းဆရာတစ်ဦး သေဆုံးခဲ့ပြီး ကျောင်းသားများ ဒဏ်ရာရရှိခဲ့ဟု သိရသည်။

ဓားဖြင့်ခုတ်သူမှာ အသက် ၂၀ အရွယ်ရှိ အမျိုးသားတစ်ဦးဖြစ်ပြီး ရဲတပ်ဖွဲ့၏ ပစ်ခတ်မှုကြောင့် ဒဏ်ရာရရှိခဲ့ကာ ဆေးရုံ၌ ဆေးကုသမှု ခံယူနေရသည်။ ကျောင်းသားနှစ်ဦးနှင့် အခြားဆရာတစ်ဦးမှာလည်း ဒဏ်ရာများကြောင့် ဆေးကုသမှု ခံယူနေရသည်။

ကျောင်းသားများကမူ မျက်နှာဖုံးစွပ်အမျိုးသား ၀င်ရောက်လာသည့်အခါ ဟာသလုပ်သည်ထင်၍ ၎င်းနှင့်အတူ ဓာတ်ပုံတွဲရိုက်ခဲ့ပြီး ဓားကိုလည်း ကိုင်ကြည့်ခဲ့ကြောင်း ပြောကြားခဲ့သည်။ ဆွီဒင်ဝန်ကြီျးုပ် စတီဖင် လော့ဖ်ဗန်ကမူ ယနေ့မှာ ဆွီဒင်နိုင်ငံအတွက် ကံဆိုးမိုးမှောင်ကျသည့်နေ့ ဖြစ်သည်ဟု ပြောကြားခဲ့သည်။

Ref: Aljazeera

October 22, 2015
တရုတ်ကွန်မြူနစ်ပါတီက ထူးခြားသည့် စည်းကမ်းများထုတ်

အောက်တိုဘာ ၂၂၊ ၂၀၁၅
M-Media

– ပါတီဝင်များအနေဖြင့် အစားကျူးခြင်း၊ အရက်သောက်ခြင်း၊ အိမ်ထောင်ဖက်မှလွဲ၍ အပြင်တွင် လိင်ဆက်ဆံခြင်းနှင့် ဂေါက်သီးရိုက်ကစားခြင်းတို့ မပြုလုပ်ရန် တရုတ်ကွန်မြူနီပါတီက အမိန့်ထုတ်လိုက်သည်ဟု နိုင်ငံပိုင် Xhinhua သတင်းဌာနက ယနေ့တွင် ဖော်ပြခဲ့သည်။

ထိုတားမြစ်ချက်များကို ပါတီဝင်များ လိုက်နာရမည့် “ကျင့်ဝတ်စည်းကမ်းများ” အဖြစ် ထုတ်ပြန်ခဲ့ခြင်း ဖြစ်ပြီး ဝေဖန်သူများကမူ ပါတီအတွင်း သမ္မတ ဇီဂျင်ပင်းအား ဆန့်ကျင်သူများကို နှိပ်ကွပ်ရန် ပစ်မှတ်ထားသည့် ဆောင်ရွက်မှု တစ်စိတ်တစ်ပိုင်းဖြစ်သည်ဟု ပြောကြားခဲ့သည်။

တရုတ်ကွန်မြူနစ် ပါတီဝင်များအနေဖြင့် အငယ်အနှောင်းများထားခြင်းနှင့် အိမ်ထောင်ရေးဖောက်ပြန်ခြင်းများ မပြုလုပ်ရန် သတ်မှတ်ထားပြီး ဖြစ်သော်လည်း လိင်ပိုင်းဆိုင်ရာ ယခုကန့်သတ်မှုအသစ်က ပို၍ တင်းကျပ်သည်ဟု Xinhua က ဆိုသည်။

ချမ်းသာကြွယ်ဝသည့် အရာရှိအချို့ အပြင်းပြေပြုလုပ်သည့် ဂေါက်သီးရိုက်ကစားခြင်း၊ အစားကျူးခြင်းနှင့် အရက်သောက်ခြင်းတို့ကို ပါတီ၏ စည်းမျဉ်းအား ချိုးဖောက်ခြင်းဖြစ်သည်ဟု သတ်မှတ်မှုမှာ ယခုအကြိမ်သည် ပထမဆုံးဖြစ်သည်။

ထိုစည်မျဉ်းဥပဒေများမှာ ၈၈ သန်းသော ကွန်မြူနစ်ပါတီဝင် တစ်ဦးချင်းစီအပေါ် ပြဌာန်းခြင်းဖြစ်ပြီး ပါတီအတွင်း အပေါင်းအသင်းဖွဲ့ခြင်းနှင့် ဆွေမျိုးကောင်းစားရေးဝါဒကိုလည်း ပိတ်ပင်ခဲ့သည်။

၂၀၁၂ ခုနှစ်တွင် ပါတီခေါင်းဆောင်ပိုင်းသို့ ရောက်ရှိလာပြီးနောက်တွင် ဇီဂျင်ပင်းမှာ ခြစားမှုများကို ပြင်းပြင်းထန်ထန် ကိုယ်တွယ်ခဲ့သောကြောင့် ထောင်နှင့်ချီသော အရာရှိများမှာ အာဏာ လက်လွတ် ဆုံးရှုံးခဲ့ရသည်။ သို့သော်လည်း ဝေဖန်သူများကမူ ဇီမှာ ယခုစည်းကမ်းများကို အသုံးပြုကာ ပါတီအတွင်း ၎င်းအား ဆန့်ကျင်သူများကို ဖယ်ရှားရန် ရည်ရွယ်နေသည်ဟု ပြောကြားခဲ့သည်။

Ref: Aljazeera

October 22, 2015
ဟိဂျဘ်ပုဝါ ၀တ်ဆင်ခြင်းက တည်ငြိမ်အေးချမ်းမှုကို ရရှိစေသည်ဟု ဂျာမန်မင်းသမီးပြော

အောက်တိုဘာ ၂၂၊ ၂၀၁၅
M-Media

– မိမိ၏ နောက်ဆုံးရုပ်ရှင်တွင် မွတ်စလင်အမျိုးသမီးတစ်ဦးအဖြစ် သရုပ်ဆောင်ရန်အတွက် ဟိဂျဘ်ကို အစမ်း ၀တ်ကြည့်လိုက်သည့် အခါတွင် ယခင်မရရှိခဲ့သည့် တည်ငြိမ်အေးချမ်းမှုကို ရရှိလိုက်သည်ဟု ဂျာမနီ လူငယ်မင်းသမီး အေဗာ စီလစ်က ပြောကြားလိုက်သည်။

“ဟိဂျဘ်ပုဝါကို ၀တ်ဆင်လိုက်တဲ့အခါ ကျွန်မရဲ့မျက်နှာ ကြည်လင်သွားတာကို တွေ့ခဲ့ရပါတယ်။ ပြီးတော့ ထူးခြားတဲ့ခံစားမှုကိုလည်း အဲဒီတစ်ခဏမှာ ခံစားခဲ့ရပါတယ်။ အဲဒါဟာ ကျွန်မ သရုပ်ဆောင်ရမယ့် နေရာအတွက် ပြင်ဆင်တာပါ။ ဒါကို ၀တ်ဆင်လိုက်တဲ့အချိန်မှာ ကျွန်မဟာ သိက္ခာရှိသလို ခံစားခဲ့ရပြီး ထူခြားတဲ့ တည်ကြည်လေးနက်မှုကိုလည်း ရရှိခဲ့ပါတယ်” ဟု စီလစ်က ဂျာမန်သတင်းစာ တစ်စောင်ဖြစ်သော Bild သို့ ပြောကြားခဲ့သည်။

ဂျာမနီ ရုပ်သံလိုင်းတစ်ခုဖြစ်သော ZDF က ရိုက်ကူးမည့် ရုပ်ရှင်ကားတွင် အသက် ၂၅ နှစ်အရွယ် စီလစ်မှာ ဘာလင်အထက်တန်းကျောင်းတစ်ခု၌ ကျောင်းတက်နေသော Sevda ဆိုသည့် မွတ်စလင် ဆယ်ကျော်သက် မိန်းကလေးတစ်ဦးအဖြစ် သရုပ်ဆောင်ရမည်ဖြစ်သည်။

အဆိုပါဇာတ်ကားမှာ ဂျာမနီလူ့အဖွဲ့အစည်းအတွင်း မွတ်စလင်များ တစ်သားတည်းရှိမှုကို ဖော်ပြရန်နှင့် မွတ်စလင်အမျိုးသမီးများမှာ ဖိနှိပ်ဖယ်ကျဉ်ခြင်း ခံရသည်ဟု ထင်နေသော သမရိုးကျအမြင်များကို ဖယ်ရှားရန်အတွက် ရည်ရွယ်ရိုက်ကူးခြင်းဖြစ်သည်။

ဟိဂျဘ်ဝတ်ဆင်မှုနှင့်ပတ်သက်၍ ပတ်ဝန်းကျင်၏ တုန့်ပြန်မှုကိုလည်း စီလစ်က ဖွင့်ဟခဲ့သည်။

“လမ်းပေါ်မှာဆို ကျွန်မကို နှစ်ကြိမ်၊ သုံးကြိမ်လောက် ပြန်လှည့်ကြည့်တာမျိုးတွေ ကြုံရပါတယ်။ ဒါပေမယ့် ကျွန်မကို ဘာ့ကြောင့် အဲဒီလိုလှည့်ကြည့်မှန်း တကယ်ကို စဉ်းစားမရဘူး”

ဂျာမနီမှာ ဥရောပတွင် ပြင်သစ်ပြီးနောက် ဒုတိမြောက် အစ္စလာမ်ဘာသာဝင်အများစုရှိရာ နိုင်ငံဖြစ်ပြီး နိုင်ငံလူဦးရေ ၈၂ သန်းတွင် ၅ ရာခိုင်နှုန်းခန့် ရှိလေသည်။

Ref: Onislam

October 22, 2015
အွန်လိုင်းမှ အသရေဖျက်မှုများကို ဆော်ဒီ အရေးယူမည်

အောက်တိုဘာ ၂၂၊ ၂၀၁၅
M-Media

– ဆိုရှယ်မီဒီယာများတွင် စာဖြင့်သော်လည်း၊ ဗီဒီယိုဖြင့်သော်လည်းကောင်း အသရေဖျက်ခံရသူများ အနေဖြင့် နီးစပ်ရာ ရဲစခန်းတွင် တိုင်ကြားကာ တရားဥပဒေ၏ အဆုံးအဖြစ်ကို ခံယူနိုင်သည်ဟု ဆော်ဒီတရားသူကြီး စအီးဒ် အလ်-အွမ်မရီက ပြောကြားလိုက်သည်။

အသစ်ပြဌာန်းလိုက်သည့် အသရေဖျက်မှု ဥပဒေအရ ဆိုရှယ်မီဒီယာကို အသုံးပြု၍ အသရေဖျက်သူမှာ အပြစ်ရှိကြောင်း တွေ့ရှိရပါက တစ်နှစ်ထက်မပိုသော ထောင်ဒဏ်၊ ဆော်ဒီရီယဲလ် ၅ သိန်းထက်မပိုသော ငွေဒဏ်တို့ကို ကျခံရမည်ဖြစ်သည်။

အလ်-အွမ်မရီကမူ ထိုဥပဒေမှာ နိုင်ငံသားများ၏ ဂုဏ်သိက္ခာ၊ ၎င်းတို့၏ လွတ်လပ်မှုကို ကာကွယ်ရန်နှင့် ၎င်းတို့အား ခြိမ်းခြောက်မှု၊ ဂုဏ်အသရေဖျက်မှုတို့ကို တားဆီးရန် ရည်ရွယ်ခြင်းဖြစ်သည်ဟု ပြောကြားခဲ့သည်။

Ref : Arab news

October 22, 2015