အောက်တိုဘာ ၁၃၊ ၂၀၁၅
M-Media
– နိုင်ငံ၏ အဓိက ဘာသာတရားဖြစ်သော ဗုဒ္ဓဘာသာ၏ ပုံရိပ်အား ထိခိုက်စေနိုင်သည့်အတွက် ဘုန်းကြီးများနှင့် ပတ်သက်၍ ရိုက်ကူးထားသည့် ထိန့်လန့်ဖွယ်ရာ ရုင်ရှင်တစ်ကားကို ကို ပိတ်ပင်လိုက်သည်ဟု ထိုင်းအာဏာပိုင်များက ယနေ့တွင် ပြောကြားခဲ့သည်။
Arbat ဟုအမည်ရသည့် ရုပ်ရှင်ကားဖြစ်ပြီး နမ်းရှုံ့သောအခန်းနှင့် ဘုန်းကြီးတစ်ပါး၏ မူးယစ်ဆေးဝါးသုံးစွဲသော အခန်းတို့ အပါအ၀င် အချို့သောဇာတ်ဝင်ခန်းများကို ထိုင်းယဉ်ကျေးမှုဝန်ကြီးဌာနက ပယ်ချခဲ့ခြင်းဖြစ်သည်။
ဗုဒ္ဓဘာသာဝင်အများစုဖြစ်သော ထိုင်းနိုင်ငံတွင် ဘုန်းတော်ကြီးများမှာ ယခင်ကတည်းက လေးစားကြည်ညိုခြင်း ခံခဲ့ရသော်လည်း ပြီးခဲ့သည့်နှစ်အနည်းငယ်အတွင်း လောင်းကစားမှုနှင့် လိင်မှုကိစ္စများအပါအ၀င် ကဲရဲ့ပြစ်တင်ဖွယ်ရာ လုပ်ရပ်များ ရှိလာခဲ့ပြီး ယုံကြည်ကိုးစားသူများထံမှ ရရှိသည့် အလှူငွေများဖြင့် အလွန်အမင်း ချမ်းသာလာသည့် ဘုန်းကြီးကျောင်းများမှာ ငွေကြေးအလွဲသုံးစားလုပ်မှုနှင့် ဆယ်နွယ်ခြင်း စသည့်ပြဿနာများဖြင့် ဟိုးလေးတကျော်ကျော်ဖြစ်ခဲ့သည်။
“ဒီရုပ်ရှင်မှာ ဗုဒ္ဓဘာသာကို ပျက်ဆီးစေမယ့် အခန်းအချို့ ပါဝင်ပါတယ်။ တကယ်လို့ ဒါကိုပြသရင် လူတွေရဲ့ ဗုဒ္ဓဘာသာအပေါ် ယုံကြည်မှုဟာ ပျက်ယွင်းသွားပါလိမ့်မယ်” ဟု ထိုင်းနိုင်ငံလုံးဆိုင်ရာ ဗုဒ္ဓဘာသာရုံးမှ ပြောရေးဆိုခွင့်ရှိသူ ဆွမ်ချိုင်း ဆူရာချက်ထရီက AFP သတင်းဌာနသို့ ပြောကြားခဲ့သည်။
၎င်းတို့အဖွဲ့မှာ ယဉ်ကျေးမှုဝန်ကြီးဌာန၏ ဆင်ဆာကော်မတီတွင်လည်း အဖွဲ့ဝင်အဖြစ် ပါဝင်သည်။
ရုပ်ရှင်ထုတ်လုပ်သည့် Sahamongkol Film International ကုမ္ပဏီကမူ ၎င်းတို့မှာ ရုပ်ရှင်၏ အစိတ်အပိုင်းတစ်ချို့ကို ပြင်ဆင်ရန် စီစဉ်နေပြီး ဆင်ဆာအဖွဲ့သို့ ပြန်လည်စဉ်းစားပေးရန် တင်ပြသွားမည်ဟု ပြောကြားခဲ့သည်။
“ရုပ်ရှင်ရဲ့ အနှစ်သာရနဲ့ ဇာတ်လမ်းကို ကျွန်တော်တို့ တတ်နိုင်သလောက် ထိန်းသိမ်းသွားမှာပါ” ဟု ကုမ္ပဏီ၏ Facebook စာမျက်နှာတွင် ဖော်ပြထားသည်။
Arbat(အာဘတ်) မှာ ထိုင်းဘာသာစကားဖြင့် “ဘုန်းကြီးများ၏ ချိုးဖောက်မှုများ” ဟု အမည်ရပြီး နိုင်ငံတစ်ဝှမ်းတွင် ကြာသာပတေးနေ့၌ ပြသရန် စီစဉ်ထားသည်။
ခြစားမှုဇာတ်လမ်းများ
မကြာသေးမီနှစ်များအတွင်း စီးပွားရေသောင်းကြမ်းမှုအတွက် ထိုင်းဘုန်းကြီးများမှာ ဝေဖန်မှုများကို တိုးမြှင့်ခံစားနေရသည်။
ပြီးခဲ့သည့်ဧပြီလက နိုင်ငံအတွင်း အချမ်းသာဆုံး ဘုန်းကြီးကျောင်းမှ တစ်ခုဖြစ်သော Dhammakaya မှာ ကုမ္ပဏီအမှုဆောင် လူကြီးတစ်ဦးက လှူဒါန်းထားသော ကန်ဒေါ်လာ သန်း ၂၀ ကို ပြန်ပေးခဲ့ပြီး နောက်ပိုင်းတွင် ထိုငွေများမှာ အလွဲသုံးစားလုပ်ထားသည့် ငွေများဖြစ်သည်ဟု သတင်းများ ထွက်ပေါ်ခဲ့သည်။
အလှူအတန်းပြုခြင်းက ထိုင်းနိုင်ငံရှိ ဗုဒ္ဓဘာသာ၏ အရင်းအမြစ်ဖြစ်ခဲ့သည်မှာ ကြာမြင့်နေပြီဖြစ်သည်။ နေ့စဉ် နံနက်တိုင်း ဘုန်းတော်ကြီးများမှာ ၎င်းတို့ သီတင်းသုံးရာ ကျောင်းတိုက်များမှ ပတ်ဝန်းကျင်ဒေသများသို့ ခြေဗလာဖြင့် ဆွမ်းခံကြွလေ့ရှိပြီး ပြည်သူများကလည်း ဘုန်းကြီးကျောင်းများအား လှူဒါန်းခြင်းဖြင့် ကုသိုလ် ယူကြသည်။
ထိုင်းဘုန်းတော်ကြီးတစ်ဦးဖြစ်သူ Wiraphol Sukphol မှာ စင်လုံးငှားလေယာဉ်တွင် selfie ဓာတ်ပုံများ ရိုက်သည့် ကိစ္စမှာလည်း ထိုင်းနိုင်ငံတွင် နာမည်ကြီးခဲ့ကာ ဝေဖန်မှုများ ရှိခဲ့သည်။
ပြီးခဲ့သည့် လများအတွင်းက ထိုင်းဘုန်းကြီးများအကြား ဖြစ်ပွားခဲ့သည့် ရှက်စရာကိစ္စများတွင် လိင်ပိုင်းဆိုင်ရာ စော်ကားမှုကြောင့် ဖမ်းဆီးခံရသည့်ကိစ္စ၊ လူဝတ်ကြောင်ဖြင့် အရက်သောက်သုံးသည့် ကိစ္စ၊ ကားတိုက်မှုကိစ္စနှင့် အိမ်ထောင်ပြု၍မရသည့် ဘုန်းကြီးများ ရည်းစားထားခြင်းကိစ္စများလည်း ပါဝင်ခဲ့သည်။
Ref: AFP
