စက်တင်ဘာ ၃၀၊ ၂၀၁၅
M-Media
– IS အဖွဲ့အား တိုက်ခိုက်မှုကို ဆက်လက်ဆောင်ရွက်သွားရန် ယမန်နေ့က ကုလတွင် ပြုလုပ်ခဲ့သည့် IS တန်ပြန်တိုက်ဖျက်ရေး ထိပ်သီးအစည်းအဝေး၌ အမေရိကန်ဦးဆောင်သည့် မဟာမိတ်တပ်ဖွဲ့ဝင် နိုင်ငံများအား အိုဘားမားက တိုက်တွန်းပြောကြားလိုက်သည်။
ထိုမဟာမိတ်အဖွဲ့သို့ နိုက်ဂျီးရီးယား၊ တူနီးရှားနှင့် မလေးရှားနိုင်ငံတို့ ပါဝင်လာပြီး စုစုပေါင်းနိုင်ငံ ၆၀ ရှိလာခဲ့ကာ အီရတ်၌ IS ၏ သိမ်းပိုက်ထားမှုမှ ၃ ပုံ ၁ ပုံကိုလည်း ပြန်လည် သိမ်းယူနိုင်ခဲ့သည်ဟု ၎င်းက ဆိုသည်။ ထို့ပြင် တောင့်တင်းသည့် စုဖွဲ့မှု၊ အစိုးရ၊ မဟာမိတ်အဖွဲ့ဝင်များနှင့် မိမိတို့၏ သံတမန်လုပ်ငန်းစဉ်များနှင့် ပူးပေါင်းဆောင်ရွက်သည့် စစ်တပ် စသည်တို့ဖြင့် IS ကို လုံးဝ
တိုက်ထုတ်ပစ်နိုင်မည်ဟုလည်း အိုဘားမားက ထည့်သွင်းပြောကြားခဲ့သည်။
ယခုလက်ရှိတွင် ဆီးရီးယားနိုင်ငံမြောက်ပိုင်းနှင့် တူရကီ-ဆီးရီးယားနယ်စပ်ရှိ ဒေသများတွင် IS တပ်ဖွဲ့အား တိုက်ထုတ်နိုင်ခဲ့သည်။ အိုဘားမားကမူ IS အဖွဲ့ လုံးဝ ရှုံးနိမ့်သွားပါက ဆီးရီးယားသမ္မတ ဘာရှာအလ်အာဆတ်မှာလည်း ရာထူးမှဆင်းပေးရမည်ဟု သတိပေးခဲ့သည်။
Ref: Aljazeera
