စက်တင်ဘာ ၂၃၊ ၂၀၁၅
M-Media
– လိဂ်ဖလားပြိုင်ပွဲ ဒုတိယအဆင့် ၀က်စ်ဟမ်းနှင့်ပွဲတွင် အသင်း၏ ထူးခြားပြောင်မြောက်သော စွမ်းဆောင်ရည်အတွက် လက်စတာနည်းပြ ရာနီယေးရီက ချီးကျူး ပြောဆိုလိုက်သည်။
ယနေ့မနက်က ကစားခဲ့သည့် အဆိုပါပွဲ၌ ပရီးမီးယားလိဂ်တွင် အာဆင်နယ်၊ လီဗာပူးနှင့် မန်စီးတီးတို့အား အဝေးကွင်းတွင်အနိုင်ရပြီး အဝေးကွင်းရာနှုန်းပြည့် နိုင်ပွဲရထားသည့် ၀က်စ်ဟမ်းအသင်းကို လက်စတာက အိမ်ကွင်း၌ ဧည့်ခံကစားရခြင်း ဖြစ်သည်။
လက်စတာမှာ ဘောလုံးပိုင်ဆိုင်မှု အသာရခဲ့ပြီး ဦးဆောင်ဂိုး သွင်းနိုင်ခဲ့သော်လည်း ချေပဂိုး ပြန်လည်ပေးလိုက်ရပြီး အချိန်ပိုရောက်မှ အန်ဒီကင်း၏ အားပါသော ခေါင်းတိုက်ဂိုးဖြင့် အနိုင်ရရှိကာ တတိယအဆင့်သို့ တက်ရောက်နိုင်ခဲ့ခြင်း ဖြစ်သည်။
လက်စတာမှာ ဂိုးသွင်းခွင့်အမြောက်အများ ရခဲ့သော်လည်း ၀က်စ်ဟမ်းဂိုးသမား အက်ဒရီယန် လက်စွမ်းပြ ကာကွယ်သွားနိုင်ခဲ့ကာ၊ လက်စတာတိုက်စစ်မှူးများကလည်း အဆုံးသတ် မသေချာခဲ့ပေ။ ရာနီယေးရီကမူ ယခုနှစ်ဘောလုံးရသီတွင် ပြိုင်ပွဲအားလုံး၌ ရှုံးပွဲမရှိ စံချိန် ရရှိထားသည့် အသင်း၏ စွမ်းဆောင်ရည်ကို ချီးကျူးခဲ့သည်။
“ကျွန်တော်တို့ အနိုင်နဲ့ ထိုက်တန်ပါတယ်။ ကျွန်တော်တို့ လက်ဖျားခါလောက်တဲ့ စွမ်းဆောင်ရည် ရှိခဲ့ပြီး အကောင်းဆုံးဂိုးသွင်းခွင့် ၁၀ ကြိမ်လောက် ရခဲ့ပါတယ်။ သူတို့ဂိုးသမားကတော့ ဒီပွဲရဲ့ အကောင်းဆုံး ကစားသမားပါပဲ။ ပထမဆုံး ပင်နယ်တီကန်သွင်းမယ့် ၅ ဦးစာရင်းကိုတောင် ကျွန်တော်တို့ ရေးပြီးခဲ့ပါပြီ။ ဒါပေမယ့် အနိုင်ဂိုးရသွားတာ ထိုက်တန်ပါတယ်။ တော်တော်ကောင်းတဲ့ဂိုးပါပဲ” ဟု ရာနီယေးရီက ပွဲအပြီးတွင် ပြောကြားခဲ့သည်။
ထို့ပြင် မိမိတို့အသင်းမှာ ထိုပွဲတွင် ကစားသမား ၁၀ ဦး အပြောင်းအလဲလုပ်ခဲ့သော်လည်း ခြေစွမ်းမကျခဲ့ကြောင်း၊ ကစားသမားများမှာ ကြီးကျယ်သောကစားသမားဖြစ်ပြီး ကြိုးစားခဲ့ကြကာ မိမိအနေဖြင့် ပျော်ရွှင်မိကြောင်း ၎င်းက ထပ်လောင်းပြောကြားခဲ့သည်။
လက်စတာမှာ လိဂ်ဖလားကို ၃ ကြိမ်ရရှိထားသည့် အသင်းလည်းဖြစ်သည်။
Ref: Goal
