Blog

ISNA ညီလာခံတွင် သစ်လွင်မွတ်စလင်များက အတွေ့အကြုံ မျှဝေခဲ့ကြ

စက်တင်ဘာ ၈၊ ၂၀၁၅
M-Media

– မြောက်အမေရိက၏ အကြီးဆုံး မွတ်စလင်အဖွဲ့အစည်းဖြစ်သော ISNA ၏ ချီကာဂိုမြို့တွင် ပြုလုပ်ခဲ့သည့် နှစ်ပတ်လည် ညီလာခံတွင် သစ်လွင်မွတ်စလင်များက ၎င်းတို့၏ အစ္စလာမ်သာသနာအား သက်ဝင်ယုံကြည်ခဲ့သည့်အကြောင်းကို မျှဝေခဲ့ကြသည်။

“ကျွန်မဟာ ရိုမန်ကက်သလစ်အဖြစ် မွေးဖွားကြီးပြင်းခဲ့တာပါ။ အဲဒီလူ့အဖွဲ့အစည်းဟာ ကျွန်မအပေါ်မှာ ကျေးဇူးအများကြီး ရှိပါတယ်။ ကျွန်မကို သွန်သင်ပေးတဲ့ သီလရှင်တွေဟာ လူမှု တရားမျှတရေးနဲ့ တက်ကြွလှုပ်ရှားမှုတွေမှာ စိတ်အားထက်သန်သူပါ။ အသင်းတော်နဲ့ ကျွန်မရဲ့ ပြဿနာက ကက်သလစ် သဘောတရားရေးရာတွေပါပဲ” ဟု ISNA ၏ ဥက္ကဌအဖြစ် ထမ်းဆောင်ခဲ့ဖူးသူ ဒေါက်တာ အင်ဂရစ်
မတ်ဆန်က ၎င်း၏ အစ္စလာမ်သို့ သက်ဝင်ယုံကြည်မှုအကြောင်းနှင့် ပတ်သက်၍ ပြောကြားခဲ့သည်။

ထို့ပြင် ပဲရစ်၌ ဆီနီဂေါကျောင်းသားများနှင့် တွေ့ဆုံပြီးနောက် အစ္စလာမ်နှင့် ထိတွေ့ခဲ့မှုကိုလည်း ဒေါက်တာ မတ်ဆန်က ထည့်သွင်းပြောကြားခဲ့သည်။

“တက္ကသိုလ်နောက်ဆုံးနှစ်မှာ ကျွန်မ ပဲရစ်ကို လေ့လာဖို့ သွားခဲ့တယ်။ အဲဒီမှာ ဆီနီဂေါတစ်ချို့နဲ့ မိတ်ဆွေဖြစ်ခဲ့ပါတယ်။ ဒီလို သိကျွမ်းခြင်းကပဲ ကုရ်အာန်ကျမ်းတော်မြတ်နဲ့ အစ္စလာမ်အကြောင်း စလေ့လာဖြစ်ခဲ့တာပါ။ အဲဒီ ဆီနီဂေါသူငယ်ချင်းတွေဟာ ကျွန်မအတွက်တော့ မွတ်စလင်ဆိုတာရဲ့ အကောင်းဆုံး ပြယုဂ်ပါပဲ။ သူတို့ရဲ့ ကိုယ်ကျင့်သိက္ခာ၊ သူတို့ရဲ့ ရက်ရောမှုနဲ့ သူတို့ရဲ့ လိုက်လျောညီထွေ ရှိမှုတွေပေါ့။ ဒါတွေက ကျွန်မရဲ့ ဘ၀မှာ မှတ်ကျောက်ဖြစ်ခဲ့ပါတယ်” ဟု သူမက ဆိုသည်။

အစ္စလာမ်သို့ ပြောင်းလဲသက်ဝင်ခဲ့ပြီးနောက် ဖြစ်လာသည့် မလုံခြုံဟု ခံစားရမှုနှင့် သံသယများ၊ သစ်လွင်မွတ်စလင်များ ကြုံတွေ့ရလေ့ရှိသော မွတ်စလင်လူ့အဖွဲ့အစည်းမှ ဖယ်ထုတ်ခံရမှုများ အကြောင်းကိုလည်း သူမက ပြောကြားခဲ့သည်။

ဒေါက်တာ မတ်ဆန်အပြင် အခြားသော သစ်လွင်မွတ်စလင်များကလည်း ၎င်းတို့၏ အစ္စလာမ်ကို ပြောင်းလဲသက်ဝင်လာမှု အကြောင်းနှင့် တွေ့ကြုံခံစားရမှုများအကြောင်းကို မျှဝေခဲ့ကြသည်။

ISNA ၏ နှစ်ပတ်လည် ညီလာခံကို စက်တင်ဘာ ၄ ရက်နေ့မှ ၇ ရက်နေ့အထိ ၄ ရက်တာကျင်းခဲ့သည်။ ခေါင်းစဉ်မှာ Stories of Resilience: Strengthening the American Muslim Narrative ဖြစ်ပြီး အမေရိကန်မွတ်စလင်များ ကြုံတွေ့နေရသည့် စိန်ခေါ်မှုများအကြောင်း၊ ထိုစိန်ခေါ်မှုများကို မည်ကဲ့သို့ ဖြေရှင်းရမည်ဆိုသည်နှင့် ပတ်သက်၍ ဦးစားပေး ဆွေးနွေးခဲ့ကြသည်။

ထိုပြင် အခြားကဏ္ဍအများအပြား ပါဝင်ခဲ့ကာ အမေရိကန်မွတ်စလင်လူ့အဖွဲ့အစည်းအတွင်း အမေ့ခံသူရဲကောင်းများ အကြောင်း ဖော်ပြမှုလည်း ပါဝင်သည်။ ISNA မှာ မြောက်အမေရိကတွင် အကြီဆုံး မွတ်စလင်အဖွဲ့အစည်းဖြစ်ကာ ပရဟိတလုပ်ငန်များကိုလည်း ဦးဆောင် ပြုလုပ်နေသည်။

Ref: Onislam

September 8, 2015
အန်ဒီမာရေး ထွက်ရပြီး၊ ဂျိုကိုဗစ်၊ ၀ါဝရင်ကာနှင့် လက်ရှိချန်ပီယံတို့ ကွာတားဖိုင်နယ် ရောက်ခဲ့သည့် ယူအက်စ်အိုးပင်း

စက်တင်ဘာ ၈၊ ၂၀၁၅
M-Media

– အကြိတ်အနယ်ရှိလာခဲ့သည့် ယူအက်စ်အိုးပင်း တင်နစ်ပြိုင်ပွဲ စတုတ္ထအဆင့်ပွဲစဉ်များတွင် ဗြိတိန်နာမည်ကြီး တင်းနစ်သမား အန်ဒီမာရေးမှာ တောင်အာဖရိကမှ ကီဗင် အန်ဒါဆန်ကို ရှုံးနိမ့်ကာ ပြိုင်ပွဲမှ ထွက်ခဲ့ရသည်ဟု သိရသည်။

ယမန်နေ့က ကစားခဲ့သည့် ၎င်းတို့နှစ်ဦးပွဲမှာ အကြိတ်အနယ်ရှိခဲ့ပြီး ၄ နာရီနှင့် ၁၆ မိနစ် ကြာမြင့်ခဲ့သည်။ စပေးဘောတွင် နာမည်ကြီးသည့် အန်ဒါဆန်မှာ ပထမပွဲငယ်နှစ်ခုတွင် ၇-၆၊ ၆-၃ ဖြင့် မာရေးအား အနိုင်ကစားနိုင်ခဲ့သည်။

တတိယပွဲငယ်တွင် ကမ္ဘာ့အဆင့် ၃ မာရေးမှာ ၇-၆ ဖြင့် အနိုင်ရခဲ့သော်လည်း စတုတ္ထပွဲငယ်တွင် တိုင်းဘရိတ်အထိ ရိုက်ခဲ့ရကာ အန်ဒါဆန်က ၇-၆ ဖြင့် အနိုင်ရ၍ ကွာတားဖိုင်နယ်သို့ တက်ရောက်နိုင်ခဲ့သည်။ ကမ္ဘာ့အဆင့် ၁၄ သာရှိသည့် အန်ဒါဆန်မှာ ၎င်း၏အဆင့်ထက် ကျော်ကာ စွမ်းရည်ကောင်းများကို ပြသနိုင်ခဲ့ခြင်းလည်းဖြစ်သည်။

ထိုပွဲအရှုံးကြောင့် အန်ဒီမာရေးမှာ ပြိုင်ပွဲ ၁၉ ခုတွင် ကွာတားဖိုင်နယ်သို့ ဆက်တိုက် တက်ရောက်နိုင်ခြင်းနှင့် ဂရန်းစလမ် ပွဲများတွင် ပိုကောင်းသည့် မှတ်တမ်းတို့မှာ ရပ်တန့်သွားခဲ့ပြီဖြစ်သည်။ ထို့ပြင် ၅ နှစ်အတွင်း အဓိကပြိုင်ပွဲများ၌ ၎င်း၏ အဆိုးဝါးဆုံး မှတ်တမ်းဖြစ်ပြီး လွန်ခဲ့သည့် ၅ နှစ်ကလည်း ၀ါဝရင်ကာကို တတိယအဆင့်၌ ယခုကစားခဲ့သည့်ကွင်းတွင်ပင် အရှုံးပေးခဲ့ရသည်။

ဝင်ဘလ်ဒန်တင်းနစ်ပြိုင်ပွဲတွင် ဂျိုကိုဗစ်အား ပထမပွဲငယ် ၂ ခု၌ အနိုင်ကစားနိုင်ခဲ့သည့် အန်ဒါဆန်မှာ ၎င်း၏ ကစားသမား သက်တမ်းတစ်လျှောက် ဂရန်းစလ်ပြိုင်ပွဲတွင် ကွာတားဖိုင်နယ်သို့ ပထမဆုံး တက်ရောက်နိုင်ခဲ့ခြင်း ဖြစ်သည်။

အခြား စတုတ္ထအဆင့်ပွဲစဉ်တစ်ခုတွင် နိုင်ငံခြေအဆင့် ၅ ရ ပြင်သစ်အိုးပင်းချန်ပီယံ ၀ါဝရင်ကာမှာ အမေရိကန် တင်းနစ်သမား ဒေါ်နယ်ယန်းကို ၆-၄၊ ၁-၆၊ ၆-၃၊ ၆-၄ ဖြင့် အပြတ်အသတ်နိုင်ရခဲ့ကာ ကွာတားဖိုင်နယ်သို့ တက်ရောက်နိုင်ခဲ့သည်။ ယန်းမှာ လွန်ခဲ့သည့် ၄ နှစ်က ယူအက်စ်အိုးပင်း ဒုတိယအဆင့်တွင် ၀ါဝရင်ကာအား ဖြုတ်ချနိုင်ခဲ့ဖူးသည်။

ကမ္ဘာ့အဆင့် ၁ တင်းနစ်သမား နိုဗက်ဂျိုကိုဗစ်မှာ ရော်ဘက်တို ဘောတစ္စတာ အဂတ်ကို အနိုင်ကစားကာ ကွာတားဖိုင်နယ်သို့ တက်ရောက်ခဲ့ပြီး ဂရန်းစလမ်ပြိုင်ပွဲများတွင် ၂၆ ကြိမ်ဆက်တိုက် ကွာတားဖိုင်နယ်သို့ တက်ရောက်ခဲ့ခြင်းလည်း ဖြစ်သည်။ ကွာတားဖိုင်နယ်တွင် ဂျိုကိုဗစ်မှာ ဖီလီစီယာနို လိုပက်ဇ်နှင့် တွေ့ဆုံရမည်ဖြစ်သည်။

လက်ရှိ ယူအက်စ်အိုးပင်း ချန်ပီယံ မာရစ်စီလစ်ကလည်း ပြင်သစ်တင်းနင်းသမား ဂျယ်ရီမီ ချာဒီကို တနင်္ဂနွေနေ့က အနိုင်ကစားကာ ကွာတားဖိုင်နယ်သို့ တက်ရောက်နိုင်ခဲ့သည်။

Ref: Dailymail

September 8, 2015
ဂျပန်ဝန်ကြီးချုပ်အာဘေး နောက်ထပ် သက်တမ်း ၃ နှစ် ထမ်းဆောင်ခွင့်ရ

စက်တင်ဘာ ၈၊ ၂၀၁၅
M-Media

– ဂျပန်ဝန်ကြီးချုပ် ရှင်ဇိုအာဘေးမှာ အာဏာရ လစ်ဘရယ်ဒီမိုကရက်တစ်ပါတီ LDP ၏ ခေါင်းဆောင်ရွေးချယ်ပွဲတွင် ပြန်လည်အနိုင်ရခဲ့ပြီး ၀န်ကြီးချုပ်အဖြစ် နောက်ထပ် သက်တမ်း ၃ နှစ် ဆက်လက် ထမ်းဆောင်ခွင့် ရရှိသွားခဲ့ပြီဖြစ်သည်။

နိုင်ငံ၏ စီးပွားရေးတိုးတက်ရန်နှင့် ကာကွယ်ရေးအင်အားကို တောင့်တင်းအောင် ဆောင်ရွက်ပေးမည်ဆိုသော ကတိဖြင့် အာဘေးမှာ ၂၀၁၂ ခုနှစ် ဒီဇင်ဘာလက အာဏာရခဲ့ခြင်းဖြစ်ကာ ယခုကဲ့သို့ LDP ခေါင်းဆောင်အဖြစ် ပြန်လည်းရွေးချယ်ခံရမှုကြောင့် ၀န်ကြီးချုပ်အဖြစ် ဒုတိယသက်တမ်း ၃ နှစ်ကို ထမ်းဆောင်ခွင့် ရခဲ့ခြင်းဖြစ်သည်။

၎င်း၏ ပါတီတွင်းပြိုင်ဘက်ဖြစ်သော LDP အမှုဆောင်ဟောင်း ဆီကိုနိုဒါမှာ ပါတီခေါင်းဆောင်နေရာအတွက် အာဘေးအား ယှဉ်ပြိုင်ရန် လုံလောက်သည့် ထောက်ခံမှု မရရှိခဲ့ပေ။

ခေါင်းဆောင်ရွေးချယ်ရေးအတွက် စာရင်းမသွင်းမီ ထောက်ခံသူများအား အာဘေးက မိမိမှာ ငွေးကြေးတန်ဖိုးကျခြင်းမှ လွတ်မြောက်ရန်နှင့် စီးပွားရေး တောင့်တင်းလာအောင် ဆောင်ရွက်ပေးမည်ဖြစ်ပြီး ဂျပန်နိုင်ငံ၏ မွေးဖွားနှုန်းနိမ့်မှုနှင့် သက်ကြီးရွယ်အို များပြားမှု ပြဿနာများကိုလည်း ဖြေရှင်းသွားမည်ဟု ပြောကြားခဲ့သည်။

ထို့ပြင် ၎င်း၏ကြေညာချက်၌ မိမိမှာ ဂျပန်နိုင်ငံ၏ စစ်အလွန် စစ်ဆန့်ကျင်ရေး ဖွဲ့စည်းပုံကို ပြောင်းလဲရန် ရည်ရွယ်ချက်နှင့်အတူ ထိုကိစ္စအား ပြည်သူများက အကြိတ်အနယ် သုံးသပ်ဆွေးနွေးမှုများ ဖြစ်လာရန် ဆောင်ရွက်ပေးမည်ဟု ပြောကြားခဲ့သည်။ သို့သော်လည်း ဂျပန်ပြည်သူအများစုမှာ အဆိုပါ ဖွဲ့စည်းပုံအား ပြင်ဆင်ရန် မလိုလားကြပေ။

ဂျပန်ယန်း တန်ဖိုးမှာ ဒေါ်လာနှင့်ယှဉ်လျှင် ၃၀ ရာခိုင်နှုန်းကျော် ကျဆင်းခဲ့ပြီး ၂၀၁၂ ခုနှစ် အာဘေး အာဏာရပြီးကတည်းက ဂျပန်၏ ရှယ်ယာဈေးနှင့် ပူးပေါင်းဆောင်ရွက်ရေး အကျိုးအမြတ်မှာ ၂ ဆကျော် တက်လာခဲ့သည်။

သို့သော်လည်း ရင်းနှီးမြှုပ်နှံမှု နှေးကွေးခြင်း၊ လုပ်ခမြင့်တက်ခြင်း၊ ဈေးနှုန်းတက်ခြင်းနှင့် ၀ယ်ယူသုံးစွဲမှု ထိုင်းမှိုင်းခြင်းတို့က ဂျပန်စီးပွားရေး ရှေ့ဆက်သွားရန် အခက်တွေ့စေခဲ့သည်။ ဂျပန်၏ ဂျီဒီပီမှာလည်း ဧပြီလမှ ဇွန်လအတွင်း ၁.၂ ရာခိုင်နှုန်း လျော့ကျခဲ့ပြီး ပို့ကုန်လျော့ကျမှုနှင့် စားသုံးသူ သုံးစွဲမှုပမာဏ အားနည်းခြင်းတို့ ကြောင့်ဖြစ်သည်။

ဂျပန်နိုင်ငံ၏ အထွေထွေရွေးကောက်ပွဲကို ၂၀၁၈ ခုနှစ်တွင် ကျင်းပပြုလုပ်မည်ဖြစ်သည်။

Ref: Chaelnewsasisa

September 8, 2015
နိုင်ငံတကာသတင်းတို (စက်တင်ဘာ ၇၊ ၂၀၁၅)

စက်တင်ဘာ ၇၊ ၂၀၁၅
M-Media

ပြည်တွင်းဖြစ် ဒရုန်းလေယာဉ်ကို ပါကစ္စတန် ပထမဆုံးအကြိမ် ထုတ်သုံး
………………………………………
– မိမိတို့မှာ ပြည်တွင်းဖြစ် ဒရုန်းလေယာဉ်ဖြင့် ပထမဆုံးအကြိမ် နိုင်ငံအနောက်မြောက်ပိုင်းမှ စစ်သွေးကြွများကို တိုက်ခိုက်ခဲ့ပြီး စစ်သွေးကြွ ၃ ဦး သေဆုံးခဲ့သည်ဟု ပါကစ္စတန်စစ်တပ်က ယနေ့တွင် ပြောကြားလိုက်သည်။ Burraq ဟု အမည်ရသည့် ဒရုန်းလေယာဉ်ဖြစ်ပြီး လေဆာပဲ့ထိန်းဒုံးကျည်တပ်ဆင် ပစ်လွှတ်နိုင်သည်။ အဆိုပါနည်းပညာကို အမေရိကန်၊ တရုတ်နှင့် အစ္စရေးတို့ အပါအ၀င် လက်တစ်ဆုပ်စာ နိုင်ငံများကသာ ပိုင်ဆိုင်ထားကြသည်။

ဆီးရီးယားသို့ စစ်လက်နက်ပေးပို့မှုမှာ အကြမ်းဖက်တိုက်ဖျက်ရေးအတွက်ဟု ရုရှားပြော
……………………………………
ရုရှားအနေဖြင့် ဆီးရီးယားသို့ စစ်ဘက်ဆိုင်ရာပစ္စည်းများ ပေးပို့ခြင်းမှာ အကြမ်းဖက်ဝါဒကို တိုက်ဖျက်ရန်အတွက်သာ ဖြစ်သည်ဟု ရုရှားနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူတစ်ဦး၏ ပြောကြားမှုကို ကိုးကား၍ RIA Novosti သတင်းဌာနက ယနေ့တွင် ဖော်ပြခဲ့သည်။ ရုရှားမှာ အာဆတ်အစိုးရသို့ စစ်လက်နက်ပစ္စည်းများ ပေးပို့ခဲ့သည်ဆိုသော သတင်းများမှာ ပြီးခဲ့သည့်ရက်ပိုင်းအတွင်း
ထွက်ပေါ်လာခဲ့ပြီး အမေရိကန်ကလည်း ထိုသတင်းအတွက် စိုးရိမ်ကြောင်း ပြောကြားခဲ့သည်။

ယူကရိန်းတွင် နေတိုးအဖွဲ့ ရုံးခန်း ဖွင့်တော့မည်
…………………………………….
မကြာမီအချိန်အတွင်း ယူကရိန်းသို့ သွားရောက်လည်ပတ်သည့်အခါ နေတိုးအဖွဲ့၏ ရုံးခန်းကို ကိဗ်မြို့တွင် ဖွင့်လှစ်ရန်အတွက် သဘောတူညီချက်တစ်ခုကို နေတိုးအဖွဲ့၏ အထွေထွေအတွင်းရေးမှူး ဂျန်စ် စတိုလ်တန်ဘာ့ဂ်က လက်မှတ်ရေးထိုးမည်ဟု ယူကရိန်းနိုင်ငံခြားရေးဝန်ကြီး ပါဗဲလ် ကလင်မ်ကင် ပြောကြားမှုကို ကိုးကား၍ TASS သတင်းဌာနက ဖော်ပြခဲ့သည်။ ကလ်မ်ကင်မှာ
နေတိုးအဖွဲ့ခေါင်းဆောင်ပိုင်းနှင့် ဘရက်ဆဲလ်တွင် တွေ့ဆုံခဲ့ပြီး ရုံးခန်းဖွင့်ရေးကို မကြာမီ ဆောင်ရွက်သွားမည်ဖြစ်သည်။

Ref: News Agencies

September 7, 2015
ဆော်ဒီ၏ ၁၂ နှစ်တာ အာကာသစီမံကိန်း ၂၀၁၉ တွင် စမည်

စက်တင်ဘာ ၇၊ ၂၀၁၅
M-Media

– နိုင်ငံ၏ ၁၂ နှစ်တာ အာကာသအစီအစဉ်အတွင်း ဆော်ဒီအာရေဗျမှာ ၂ နှစ်၊ သို့မဟုတ် ၃ နှစ်လျှင် တစ်ကြိမ် ကမ္ဘာပတ်လမ်းကြောင်းထဲသို့ ဂြိုဟ်တုများ လွှတ်တင်သွားမည်ဟု သိပ္ပံနှင့် နည်းပညာဆိုင်ရာ ဘုရင်အဘ်ဒူလ်အဇစ်မြို့ KACST က ယမန်နေ့တွင် ကြေညာခဲ့သည်။

KACST ၏ ဥက္ကဌဖြစ်သူ မင်းသား တာရ်ကီ ဘင် ဆာအွဒ်မှာ နာဆာ၏ အာကာသယာဉ် Discovery လွှတ်တင်ခဲ့သည့် နှစ် ၃၀ မြောက် အခမ်းနား၌ ပြောကြားသည့် မိန့်ခွန်းတွင် ယခုကဲ့သို့ ထည့်သွင်း ပြောဆိုခဲ့ခြင်းဖြစ်သည်။

၎င်းတို့၏ အာကာသအစီအစဉ် အကောင်အထည်ဖော်မည့် အချိန်ကို၂၀၁၉ ခုနှစ်မှ ၂၀၂၀ ခုနှစ်အထိ သတ်မှတ်ထားပြီး နာဆာမှ ကျွမ်းကျင်ပညာရှင်များ၊ ဂျာမန်အာကာသအေဂျင်စီနှင့် စတန်းဖို့ဒ် တက္ကသိုလ်တို့ ပူးပေါင်းကာ ဆောင်ရွက်သွားမည်ဖြစ်သည်။

ပထမဆုံး အာကသယာဉ် ၂ စင်း လွှတ်တင်ပြီးနောက်ပိုင်းမှသာ စတန်းဖို့ဒ်တက္ကသိုလ်က MDSS ဂြိုဟ်တုအသေးစားများ လွှတ်တင်ရေး ရေရှည်အစီအစဉ်တွင် ပါဝင်မည်ဖြစ်သည်။

တာရ်ကီကမူ ဆော်ဒီမှာ အာကာသ သုတေသနလုပ်ငန်းများကို လွန်ခဲ့သည့် နှစ်ပေါင်း ၃၀ ကတည်းက ဆောင်ရွက်ခဲ့ခြင်းဖြစ်သည်ဟု ပရိတ်သတ်များအား ပြောကြားခဲ့သည်။

Ref: Alarabiya

September 7, 2015