Blog

စက်တင်ဘာ ၆၊ ၂၀၁၅
M-Media

– မွတ်စလင်များအနေဖြင့် မိမိတို့ကိုယ်ကို ကိုယ်တိုင် အဓိပ္ပါယ်သတ်မှတ်ရန်နှင့် မိမိတို့လူ့အဖွဲ့အစည်း၏ ပုံရိပ်ကို ပြုပြင်ရေး စစ်မှန်သည့် ဖြစ်ရပ်သမိုင်းကြောင်းများကို ကိုယ်တိုင်ဖန်တီးတင်ပြရန် အရေးကြီးနေပြီဟု ချီကာဂိုမြို့တွင် ပြုလုပ်သည့် မြောက်အမေရိက အစ္စလာမ်အဖွဲ့ ISNA ၏ နှစ်ပတ်လည်အစည်းအဝေးတွင် ပြောကြားလိုက်သည်။

“မွတ်စလင်တွေအပေါ် နှစ်သက်မှုဟာ ၂၀၁၄ မှာ ၃၅ ရာခိုင်နှုန်းကနေ ၂၇ ရာခိုင်နှုန်းအထိ ကျသွားတယ်လို့ 2014 Zogby စစ်တမ်းကောက်ယူမှုအရ သိရပါတယ်။ Pew က ၂၀၁၄ ခုနှစ်မှာ ကောက်ယူတဲ့ စစ်တမ်းမှာလည်း မွတ်စလင်တွေဟာ ဘာသာရေးအုပ်စုအားလုံးမှာ အနုတ်လက္ခာဏာဆောင်တဲ့ သဘောထား အထားခံရဆုံး အုပ်စုဖြစ်နေတယ်လို့ တွေ့ရပါတယ်” ဟု အစ္စလာမ်ကွန်ယက်အဖွဲ့ ING ၏ စီအီးအိုနှင့် ဥက္ကဌဖြစ်သူ မာဟာ အဲလ်ဂျီနိုင်ဒီက ယမန်နေ့တွင် ပြုလုပ်ခဲ့သော ဆွေးနွေးမှု၌ ပြောကြားခဲ့သည်။

အဆိုပါဆွေးနွေးမှုအတွင်း မွတ်စလင်သူရဲကောင်းများ၏ မှတ်တမ်းရုပ်ရှင်များနှင့် စာအုပ်များအပါအ၀င် သမိုင်းကြောင်းဖော်ပြမှု နည်းလမ်းများအား မြှင့်တင်ဆောင်ရွက်ခြင်းနှင့် ပတ်သက်၍ ဦးစားပေး ဆွေးနွေးခဲ့ကြသည်။

ဒန်နီယဲလ်တွတ်စည်းလုံးမှုဖောင်ဒေးရှင်း UPF ကလည်း အစ္စလာမ်ကြောက်ရောဂါမှာ အမေရိကန်အားလုံးကို ရိုက်ခတ်နေပြီး မီဒီယာမှတစ်ဆင့် ငြိမ်းချမ်းရေးလုပ်ငန်းများ ဖန်တီးရေး ဆောင်ရွက်မှုတစ်ခု ပြုလုပ်ရန် ရှိနေသည်ဟု ဆိုသည်။

“အမေရိကန်တွေဟာ အခြခံအားဖြင့် လူကောင်းတွေပါ။ ၄၅ ရာခိုင်နှုန်းလောက်သာ မွတ်စလင်တွေကို ပုဂ္ဂိုလ်ရေးအရ သိကြပါတယ်။ အများစုကတော့ မီဒီယာကနေတစ်ဆင့်သာ မွတ်စလင်တွေအကြောင်း သိတာပါ” ဟု ဖောင်ဒေးရှင်းတည်ထောင်သူ ဒန်နီယဲလ်တွတ်က ပြောကြားခဲ့သည်။

မွတ်စလင်များအပေါ် ရှိနေသော အနှုတ်သဘောဆောင်သည့် သမရိုးကျအမြင်များကို တန်ပြန်သည့် UPF ၏ လုပ်ငန်းအကြောင်း ပြောဆိုရာတွင် ၎င်းက “ကျွန်တော်တို့ဟာ မှတ်တမ်းရုပ်ရှင်တွေဖန်တီးပြီး လူသားဆန်တဲ့ မွတ်စလင်တွေအကြောင်း ဖော်ပြတဲ့ အစီအစဉ်ပါ” ဟု ပြောကြားခဲ့သည်။

ING အား တည်ထောင်သူများတွင် ပါဝင်သူဖြစ်သည့် အမီနာ ဂျန်ဒါလီကမူ အမေရိကန်များအကြား အစ္စလာမ့်၊ မွတ်စလင်တို့နှင့် ပတ်သက်၍ အမြင်ကို IS က အဓိပ္ပါယ်သတ်မှတ်ပေးနေသည်ဟု ဆိုသည်။

“လူတိုင်းက အစ္စလာမ်ဆိုတာနဲ့ IS ရဲ့လုပ်ရပ်တွေကိုသာ ပြေးမြင်ကြတာပါ။ လွန်ခဲ့တဲ့ ဆယ်စုနှစ်တွေကနဲ့ နှိုင်းယှဉ်ရင် ဒါက မကြုံစဖူးပါပဲ။ အကြောင်းအရာတွေကို သတ်မှတ်ပေးတဲ့ ဘောင်တွေရှိပါတယ်။ အဲဒီအတွက် အဖြေကတော့ မွတ်စလင်တွေရဲ့ ပုံရိပ်ကောင်းတွေကို ဖော်ပြဖို့၊ ဘုံတူညီမှုတွေကို ဖော်ထုတ်ဖို့၊ အမေရိကန်တွေနဲ့ အတွေ့အကြုံတွေ မျှဝေဖိုနဲ့ မွတ်စလင်တွေရဲ့ ကူညီမှုတွေကို မီးမောင်းထိုးပြဖို့ပဲ ဖြစ်ပါတယ်” ဟု သူမက ထပ်လောင်းပြောကြားခဲ့သည်။

ING အဖွဲ့မှာ အကျိုးအမြတ်မယူသော အဖွဲ့တစ်ဖွဲ့ဖြစ်ပြီး အမေရိကန်တစ်ဝှမ်း အဖွဲ့ခွဲပေါင်းများစွာရှိကာ အမေရိကန်မွတ်စလင်များအပေါ် ရှိနေသည့် တင်ကူးမှန်းဆမှုများနှင့် ခွဲခြားမှုများအား တိုက်ဖျက်နေသော အဖွဲ့ဖြစ်သည်။

ISNA ကမူ ယခုနှစ်ညီလာခံမှာ ယနေ့ခေတ် အမေရိကန်မွတ်စလင်များ ရင်ဆိုင်နေရသည့် စိန်ခေါ်မှုများကို ဖော်ထုတ်ဆွေးနွေးရန်နှင့် မွတ်စလင်လူ့အဖွဲ့စည်းအား ပြန်လည်ထုဆစ်ရန် လိုအပ်မှု အရေးကြီးပုံတို့ကို အသိပေးရန် ရည်ရွယ်ပြုလုပ်ခြင်းဖြစ်သည်ဟု ပြောကြားခဲ့သည်။

အဆိုပါ ညီလာခံတွင် မွတ်စလင်များအနေဖြင့် ပရဟိတလုပ်ငန်းများကို ပိုမိုလုပ်ဆောင်ခြင်းအားဖြင့် အထင်မှားအမြင်မှား ဖြစ်နေမှုအား ပြောင်းလဲနိုင်မည့်အကြောင်းကိုလည်း ဆွေးနွေးခဲ့ကြသည်။

Ref: Onislam