ဥရောပရောက် ဒုက္ခသည်များကို ကူညီရန် ခရစ်ယာန် ဘာသာရေးအသိုင်းအ၀ိုင်းကို ပုပ်ရဟန်းမင်းကြီး တိုက်တွန်း

စက်တင်ဘာ ၇၊ ၂၀၁၅
M-Media

– ဥရောပတစ်ဝှမ်းရှိ ခရစ်ယာအသင်းတော် နယ်ပယ်၊ ဘာသာရေး အသိုင်းအ၀ိုင်း၊ ဘုရားကျောင်းများနှင့် ခိုလှုံခွင့်ပေးသော နေရာတိုင်း ဒုက္ခသည်မိသားစု တစ်စုဆီကို လက်ခံထားကြရန် ပုပ်ရဟန်းမင်းကြီး ဖရန်စစ်က တိုက်တွန်း ပြောကြားလိုက်သည်။

ယမန်နေ့က စိန့်ပီတာရင်ပြင် မိန့်ခွန်းတွင် ပုပ်ရဟန်းမင်းကြီးက ထိုကဲ့သို့ ပြောကြားလိုက်ခြင်းဖြစ်ပြီး ဗာတီကန်အနေဖြင့် ဒုက္ခသည်မိသားစုနှစ်စုအတွက် တံခါးဖွင့်ထားသည်ဟု ဆိုသည်။ သို့သော်လည်း အသေးစိတ် အချက်အလက်များကို ဖော်ပြခဲ့ခြင်းမရှိချေ။

“သတ္တိမွေးကြပါ။ ကြံ့ကြံ့ခံကြပါ” ဆိုသည့် စကားများကိုသာ ပြောခြင်းဖြင့် မလုံလောက်တော့ဘဲ၊ ထောင်ပေါင်းများစွာသော ဒုက္ခသည်များမှာ “ဘ၀မျှော်လင့်ချက်” အတွက် လာရောက်ကြခြင်းဖြစ်သည်ဟု ပုပ်ရဟန်းမင်းကြီးက ဆိုသည်။

ထို့ပြင် ဥရောပရှိ ကက်သလစ်အသင်းတော်နယ်ပယ်၊ သီလရှင်ကျောင်းနှင့် ခရစ်ယာန်ဘာသာရေး အသိုင်းအ၀ိုင်း တစ်ခုစီတိုင်းတွင် ဒုက္ခသည်မိသားစုတစ်စုစီကို လက်ခံထားပေးရန် ပုပ်ရဟန်းမင်းကြီးက တိုက်တွန်းခဲ့ပြီး၊ ကက်သလစ်ဂိုဏ်းအုပ် ဘုန်းတော်ကြီးများကလည်း ၎င်းတို့၏ နေထိုင်ရာ နယ်ပယ်များတွင် ထိုသို့ လက်ခံထားရန် တောင်းဆိုခဲ့သည်။

ပုပ်ရဟန်းမင်းကြီး၏ အဆိုပါမှတ်ချက်များမှာ လွန်ခဲ့သည့် ၂ ရက်အတွင်း ဒုက္ခသည် ၈၀၀၀ ခန့် မြူးနစ်မြို့သို့ ရောက်ရှိလာခဲ့ပြီးနောက်ပိုင်း ပေါ်ထွက်လာခြင်းလည်း ဖြစ်သည်။ ယမန်နေ့တွင် မြူးနစ်သို့ နောက်ထပ် ဒုက္ခသည် ၈၀၀၀ ထပ်မံရောက်ရှိမည်ဟု မျှော်လင့်ထားသည်။

အဆိုပါဒုက္ခသည်များကို ဂျာမန်ပြည်သူများက နွေးထွေးစွာ ကြိုဆိုခဲ့ကြပြီး ချောကလက်များ၊ ငှက်ပျောသီးများ၊ ပေါင်မုန့်များကို ပေးအပ်ခဲ့ကြသည်။ ဒုက္ခသည်အများစုက ၎င်းတို့မှာ ဆီးရီးယား၊ အာဖဂန်နှင့် အီရတ်တို့တွင် ဖြစ်ပွားသာ စစ်ပွဲများကြောင့် အိုးအိမ်စွန့်ခွာ ထွက်ပြေးလာရခြင်းဖြစ်သည်ဟု ဆိုသည်။

Ref: Aljazeera