သြဂုတ် ၂၃၊ ၂၀၁၅
M-Media
– အာဂျင်တီးနားနိုင်ငံတွင် ဆယ်ကျော်သက်မိန်းကလေးတစ်ဦးမှာ မကောင်းဆိုးဝါး ပူးကပ်သည်ဟုဆိုကာ ဒေသတွင်းရှိ ဘာသာရေးစင်တာရှိ သင်းအုပ်ဆရာက အုပ်စုဖွဲ့မုဒိမ်းကျင့်ရန်နှင့် မှော်ကျင့်စဉ်အဖြစ် မျက်လုံးအား ဖောက်ထုတ်ရန် အမိန့်ပေးခဲ့သည်ဟု သိရသည်။
အာဂျင်တီးနားမြောက်ပိုင်း ချာကိုပြည်နယ်ရှိ ဂျန်နရယ် ပီနီဒိုမြို့တွင် ဖြစ်ပွားခဲ့ခြင်းဖြစ်ပြီး ကျူးလွန်ခံရသည့် အမျိုးသမီးငယ်မှာ အသက် ၁၆ နှစ်အရွယ်သာ ရှိသေးသည်။
ထိုအမျိုးသမီးငယ်မှာ အုပ်စုဖွဲ့မုဒိမ်းကျင့်ခံခဲ့ရပြီး နောက်ပိုင်းတွင် မုဒိမ်းကျင့်သူများက ၎င်းအား ချုပ်ထားစဉ် အမဖြစ်သူက မျက်လုံးအား ဖောက်ထုတ်ခဲ့ခြင်းဖြစ်သည်။ မိသားစုကလည်း သူမမှာ မကောင်းဆိုးဝါး၏ ပြုစားခြင်းခံရသည်ဟု ယုံကြည်သောကြောင့် ထိုကဲ့သို့ ပြုလုပ်ခဲ့ခြင်းဖြစ်သည်ဟု ပြောကြားခဲ့သည်။
၎င်း၏ အမဖြစ်သူကမူ ဘာသာရေးစင်တာမှာ တိုက်ခိုက်မှုတွင် အသုံးပြုခဲ့သည့် ဓားကိုပင်ပေးခဲ့ပြီး ညီမဖြစ်သူအား ကုသရန်အတွက် ၎င်းကိုယ်တိုင် မျက်လုံးဖောက်ထုတ်ရမည်ဖြစ်ကြောင်း ပြောခဲ့သည်ဟု ဆိုသည်။
တိုက်ခိုက်မှုခံရပြီးနောက် ထိုအမျိုးသမီးငယ်မှာ အသက်အန္တရာယ် စိုးရိမ်ရသည့် အနအထားတွင် ရှိနေပြီး ဆရာဝန်များကမူ သူမ၏ လိင်အင်္ဂါတစ်ဝိုက်တွင် ဒဏ်ရာဒဏ်ချက်များစွာ ရခဲ့သည်ဟု ပြောကြားခဲ့သည်။ ရဲတပ်ဖွဲ့ကမူ အုပ်စုဖွဲ့မုဒိမ်းကျင့်သူများနှင့် မျက်လုံးဖောက်ထုတ်ခဲ့သည့် အမဖြစ်သူတို့အား ဖမ်းဆီးထားသည်။
ရဲတပ်ဖွဲ့ ကော်မရှင်နာမင်းကြီး ပါဘလို အလ်မီရွန်ကမူ မိဘများကပင် ထိုအမျိုးသမီးငယ်မှာ မကောင်းဆိုးဝါး၏ ပြုစားခြင်းကို ခံထားရသည်ဟု ယုံကြည်နေကြောင်း၊ ဆိတ်ကဲ့သို့ အရှေ့တွင်မရှိသော သတ္တ၀ါများကို မြင်နေရခြင်းကြောင့် မိဘများကိုယ်တိုင် မြို့တွင်းရှိ ဧ၀ံဂေလိစင်တာမှ သင်းအုပ်ဆရာအား ကုသပေးရန် သွားရောက်တောင်းဆိုခဲ့ကြောင်း ပြောကြားခဲ့သည်။
“ဒီလိုသဘာဝမျိုး ဖြစ်တာကိုမြင်ရတာ ကျွန်တော်ရဲ့လုပ်သက် ၂၂ နှစ်တာကာလ တစ်လျှောက်လုံးမှာ ပထမဆုံးအကြိမ်ပါပဲ။ တရားသူကြီးကလည်း သူ့ဘ၀မှာ ပထမဆုံးအကြိမ် ကြုံဖူးတာလို့ ပြောပါတယ်။ ဆယ်ကျော်သက်တစ်ယောက်မှာ ဒီလိုဖြစ်တယ်ဆိုတာမျိုးကို ရှင်းပြဖို့ သိပ်ခက်ပါတယ်” ဟု အလ်မီရွန်က ပြောကြားခဲ့သည်။
Ref: Dailymail
