Blog

ဦးရွှေမောင်အား အမတ်လောင်းအဖြစ် လက်မခံမှု အာဆီယံပါလီမန် အဖွဲ့(APHR) ဝေဖန်

သြဂုတ် ၂၅ ၊ ၂၀၁၅
M-Media

လတ်တစ်လောတွင် လက်ရှိလွှတ်တော် အမတ် ဦးရွှေမောင်အား မြန်မာအာဏာပိုင်များက လာမည့် နိုဝင်ဘာ ရွေးကောက်ပွဲဝင် ကိုယ်စားလှယ်လောင်း အဖြစ် ဟန့်တားသည့်ဆုံးဖြတ်ချက်ကို လူ့အခွင့်အရေးဆိုင်ရာ အာဆီယံပါလီမန်အဖွဲ့(APHR) မှ ဝေဖန်ပြောဆိုလိုက်သည်။

လူ့အခွင့်အရေးဆိုင်ရာ အာဆီယံ ပါလီမန်အဖွဲ့(APHR) က ယင်းလုပ်ရပ် ဆင်ခြင်တုံ တရားကင်းမဲ့ကြောင်း၊ ရိုဟင်ဂျာတို့အား မဲပေးခွင့် ရှေ့ဆက် ရုပ်သိမ်းနေခြင်းမှာ အန္တရာယ်ကြီးမားသည့် သာဓကဖြစ်ကြောင်း၊ လာမည့်ရွေးကောက်ပွဲ၏ ခိုင်မာမှုကို တိုက်ရိုက် အမြစ်လှန်ခြင်း ပင်ဖြစ်ကြောင်း ယမန်နေ့က ပြောဆိုကာ အဆိုပါဆုံးဖြတ်ချက်ကို ပြန်လည်ဖျက်သိမ်းပြောင်းလဲရန် တိုက်တွန်းလိုက်သည်။

အာဆီယံ ပါလီမန်အဖွဲ့(APHR) ၏ အဖွဲ့ဝင်တစ်ဦးလည်းဖြစ်သော ဦးရွှေမောင်သည် ရခိုင်ပြည်နယ် မောင်တောမြို့နယ် ရွေးကောက်ပွဲကော်ရှင်ထံမှ လာမည့်ရွေးကောက်ပွဲတွင် သူ့အား တစ်သီးပုဂ္ဂလ အောက်လွှတ်တော် အမတ်အဖြစ် ၀င်ရောက်အရွေးခံရန်လျှောက်ထားခြင်းကို ငြင်းပယ်သော အကြောင်းကြားချက် ရရှိခဲ့သည်။ လွှတ်တော် အမတ်လေးနှစ် သက်တမ်းနှင့် အထောက်အထားများ မှန်ကန်နေလင့်ကစား ဦးရွှေမောင်မှာ ယခု ရွေးကောက်ပွဲ ဝင်ရန် လျောက်ထားမှုကို ငြင်းပယ် ခံခဲ့ရခြင်းဖြစ်သည်။

“ရွေးကောက်ပွဲကော်မရှင်ရဲ့အဆိုများဟာ အတိုင်းထက်အလွန် အဓိပ္ပာယ်မဲ့ လှပါတယ်။ ဒီဆုံးဖြတ်ချက်က ဒီမိုကရက်တစ်နည်းစဉ်ကို အမြစ်လှန်ဖြို လှဲလိုက်ခြင်းပါပဲ။ ရွေးကောက်ပွဲ ၀င်ရောက် အရွေးခံပိုင်ခွင့်ဟာ မဲပေးခွင့်လိုပဲ အခြေခံအခွင့်အရေး တစ်ရပ်ဖြစ်တယ်။ ဒါတွေကို ကိုးကွယ်ရာဘာသာ၊ လူမျိုးကို အခြေခံပြီး ငြင်းပယ်ခွင့်မရှိပါဘူး။ ဦးရွှေမောင်ဟာ လက်ရှိ ရွေးချယ်ခံ ပြည်သူ့ကိုယ်စားလှယ်ဖြစ်နေခြင်း တစ်ချက်ထဲနဲ့ပင်လျှင် ဆက်လက်ယှဉ်ပြိုင်သွားဖို့ ခိုင်မာ တရားဝင်နေပါပြီ။ သူ့ရဲ့ယှဉ်ပြိုင်ခွင့်ကို ပယ်ချတာဟာ ရိုဟင်ဂျာတွေကို မဲပေးခွင့်ရုပ်သိမ်းရေး၊ (သူတို့ကို နိုင်ငံတွင်းကနေ အပြီးမောင်းထုတ်ဖို့ အစိုးရကျောထောက်နောက်ခံပြု ကမ်ပိန်းတစ်စိတ်တစ်ဒေသဖြစ်တဲ့) ညှင်းပန်းနှိပ်စက်ရေး ရှေ့ဆက်လုပ်ဆောင်သွားမယ့် အာဏာပိုင်တွေရဲ့နောက်ထပ်ခြေလှမ်းတစ်ရပ်မှအပ အခြားမဟုတ်ကြောင်း ရှင်းလင်းထင်ရှားစေပါတယ်။ ဒီလုပ်ဆောင်ချက်များက လာမည့်ရွေးကောက်ပွဲဟာ လွတ်လပ်ပြီး တရားမျှတမှုရှိမယ်ဆိုတဲ့ အမြင်ကို လုံးဝ ဖျက်ဆီးပစ်လိုက်တာပါပဲ။ လူတစ်သန်းလောက်ကို မဲပေးခွင့်ပိတ်ပင်တာ – လူမျိုးရေးအကြောင်းပြ ယှဉ်ပြိုင်ခွင်မပေးတာဖြစ်တဲ့အတွက် ခိုင်မာတရားဝင်တဲ့ရွေးကောက် ပွဲပါလို့ မြန်မာအစိုးရအနေနဲ့ ကြွေးကြော်လို့ မရတော့ပါဘူး။ ဒီကိစ္စအပေါ် ကျွန်တော်တို့ဒေသတွင်းရဲ့အသံ ထုတ်ကိုထုတ်ရပါမယ်။ ဒီလိုဆုံးဖြတ်ချက်နဲ့ လုပ်ရပ်မျိုးက လူနည်းစုဝင်တွေရဲ့ အခွင့်အရေး အတွက်ရော အနာဂတ်မြန်မာ့ ဒီမိုကရေစီအတွက်ပါ စိုးရိမ်စရာကောင်းတဲ့ ခြိမ်းခြောက်မှု ဖြစ်နေတာကြောင့် လုံးဝ ဖျက်သိမ်းပြောင်းလဲရပါမယ်” ဟု APHR သဘာပတိ Charles Santiago က ပြောကြားသည်။

ဦးရွှေမောင်ကမူ အဆိုပါဆုံးဖြတ်ချက်ကို အယူခံဝင်သွားရန် စီစဉ်နေသည်ဟု ဆိုသည်။

Ref : Asean MP Official Website

August 25, 2015
တောင်-မြောက် ကိုရီးယားနှစ်နိုင်ငံ တင်းမာမှုများ အဆုံးသတ်

သြဂုတ် ၂၅၊ ၂၀၁၅
M-Media

– အပြန်အလှန်ပစ်ခတ်မှုများ ဖြစ်ပွားခဲ့ပြီးနောက် ဖြစ်ပေါ်လာသော နှစ်နိုင်ငံအကြား တင်းမာမှုများကို အဆုံးသတ်ရေးအတွက် တောင်ကိုရီးယားနှင့် မြောက်ကိုရီးယားတို့မှာ သဘောတူညီချက် ရရှိခဲ့သည်ဟု တောင်ကိုရီးယားသတင်းဌာန YTN က ယနေ့တွင် ဖော်ပြခဲ့သည်။

နှစ်နိုင်ငံကိုယ်စားလှယ်များ ဆွေးနွေးမှုကို နယ်စပ်ရှိ ငြိမ်းချမ်းရေးရွာဖြစ်သော ပန်မွန်ဂျွန်းတွင် စနေနေ့ညပိုင်းမှ စတင်ကာ ပြုလုပ်ခဲ့ခြင်းသည်။

နှစ်ဖက်ကိုယ်စားလှယ်များ ပူးပေါင်းထုတ်ပြန်သော ကြေညာချက်တွင် မြောက်ကိုရီးယားက ယခုလအစောပိုင်းတွင် တောင်ကိုရီးနယ်စပ်၌ ဖြစ်ပွားခဲ့သော မိုင်းကွဲမှုအပေါ် နောင်တရသည်ဟု ဖော်ပြခဲ့သည်။ ထိုမိုင်းကွဲမှုကြောင့် တောင်ကိုရီးယား နယ်ခြားစောင့် တပ်ဖွဲ့ဝင်နှစ်ဦး ဒဏ်ရာရရှိခဲ့ပြီး ထိုမိုင်းကို မြောက်ကိုရီးယားက ၀င်ရောက်ထောင်ထားခြင်းဖြစ်သည်ဟု တောင်ကိုရီးယားက စွပ်စွဲခဲ့သည်။

အပြန်အလှန်အားဖြင့် တောင်ကိုရီးယားကလည်း နယ်စပ်တွင် အသံချဲ့စက်များဖြင့် ကွန်မြူနစ်ဆန့်ကျင်ရေး ၀ါဒဖြန့်မှုများ ပြုလုပ်မှုကို ဗုဒ္ဓဟူးနေ့ မွန်းတည့်တွင် ရပ်တန့်မည်ဖြစ်သည်။

ထို့ပြင် ၁၉၅၀-၅၃ ကိုရီးယားစစ်ပွဲတွင် ကွဲကွာသွားသော မိသားစုများ ပေါင်းစည်းရေးကို လာမည့်လတွင် ပြန်လည်ပြုလုပ်သွားရန် နှစ်နိုင်ငံ သဘောတူညီခဲ့ကြသည်ဟု တောင်ကိုရီးယား ကိုယ်စားလှယ်အဖွဲ့ခေါင်းဆောင် အမျိုးသားလုံခြုံရေးအကြံပေး ကင်ကွမ်ဂျင်က သတင်းထောက်များအား ပြောကြားခဲ့သည်။

နယ်စပ်တွင် မိုင်းကွဲမှုဖြစ်ပွားခဲ့ပြီးနောက် တောင်ကိုရီးယားက အသံချဲ့စက်များဖြင့် ကွန်မြူနစ်ဆန့်ကျင်ရေး ၀ါဒဖြန့်မှုများကို ပြုလုပ်ခဲ့ပြီး မြောက်ကိုရီးယားက ထိုအသံချဲ့စက်များအား ပြီးခဲ့သည့်တစ်ပတ်က ဒုံးကျည်ဖြင့် တိုက်ခိုက်ခဲ့ကာ တောင်ကိုရီးယားကလည်း အမြှောက်များဖြင့် ပြန်လည်ပစ်ခတ်ခဲ့သည်။

ထို့နောက် နှစ်နိုင်ငံ စစ်ရေးတင်းမာမှုများ မြင့်တက်လာခဲ့ပြီး မြောက်ကိုရီးယားက နယ်စပ်တွင် တပ်များ တိုးချဲ့ချထား၍ စစ်ပြင်လာခဲ့ကာ တောင်ကိုရီးယားဘက်ကလည်း စစ်တပ်ကို တပ်လှန့်ထားခဲ့သည်။

Ref: Aljazeera

August 25, 2015
လူမျိုးရေးခွဲခြားမှုနှင့် နိုင်ငံခြားသားကြောက်ရောဂါကို ဂျာမနီ ပြင်းပြင်းထန်ထန် နှိမ်နင်းမည်

သြဂုတ် ၂၅၊ ၂၀၁၅
M-Media

– ဟိုင်ဒန်နူမြို့ရှိ ဒုက္ခသည်များနေထိုင်ရာနေရာ အပြင်ဘက်တွင် ဆန္ဒပြသူများနှင့် ရဲတပ်ဖွဲ့ဝင်များအကြား တနင်္ဂနွေနေ့က ရုန်းရင်းဆန်ခတ်မှုများ ဖြစ်ပွားခဲ့ပြီးနောက် နိုင်ငံအတွင်းရှိ လက်ယာယိမ်း စစ်သွေးကြွများနှင့် လူမျိုးရေးခွဲခြားသူများအား နှိမ်နင်းရန် ဂျာမနီပြည်ထဲရေးဝန်ကြီးက တိုက်တွန်းဆော်သြလိုက်သည်။

အဆိုပါ ရုန်းရင်းဆန်ခတ်ဖြစ်မှုမှာ ဒုတိယမြောက်နေ့ဖြစ်ပြီး စနေနေ့ကလည်း ထိုနေရာတွင်ပင် လူ ၂၀၀ ခန့်မှာ ဒုက္ခသည်ဆန့်ကျင်ရေး ဆန္ဒပြခဲ့ကြကာ မီးပန်းများ၊ ပုလင်းများဖြင့် ပစ်ပေါက်ခဲ့သောကြောင့် ရဲတပ်ဖွဲ့ဝင် ၃၁ ဦး ဒဏ်ရာရရှိခဲ့သည်။ ဆန္ဒပြသူများတွင် အချို့မှာ “ဟိုင်းဟစ်တာလာ” ဟု အော်ခဲ့ကြသည်။

ပဋိပက္ခများကြောင့် ခိုလှုံလာသူများအတွက် ဂျာမနီတွင် လစ်ဘရယ်ကျသည့် ဥပဒေများရှိပြီး ယခုနှစ်အတွင်း ဒုက္ခသည် ၈ သိန်းခန့်ကို လက်ခံရန် စီစဉ်ထားသည်။ ဂျာမနီဝန်ကြီးချုပ် အိန်ဂျလာမာကဲလ်ကမူ အဆိုပါ ဒုက္ခသည်ပြဿနာမှာ ဂရိ၏ အကြွေးပြဿနာထက် ဥရောပအတွက် ပိုမိုကြီးမားသည့် ပြဿနာဖြစ်သည်ဟု ပြောကြားခဲ့သည်။

ပြည်ထဲရေးဝန်ကြီး သောမက်စ် ဒီ မိုက်ဇီရီကလည်း ထိုအခြအနေမှာ စိန်ခေါ်မှုကြီးဖြစ်ပြီး ဒုက္ခသည်များအား တိုက်ခိုက်မှုကို ရှုတ်ချခဲ့သည်။

“တစ်ချိန်တည်းမှာ ကူညီချင်တဲ့လူတွေကို ကျွန်တော်တို့ မြင်တွေ့ရသလို၊ အမုန်းတွေ၊ စော်ကားမှုတွေနဲ့ ခိုလှုံလာသူတွေအပေါ် အကြမ်းဖက်တိုက်ခိုက်မှုတွေလည်း မြင့်လာပါတယ်။ ဒါဟာ ကျွန်တော်တို့နိုင်ငံအတွက် တန်ဖိုးမရှိတဲ့ လုပ်ရပ်တွေပါပဲ။ ဒီလိုမျိုးလုပ်တဲ့ ဘယ်သူမဆို ဥပဒေကို အပြည့်အ၀ ရင်ဆိုင်ရမှာပါ” ဟု မိုက်ဇီရီက ပြောကြားခဲ့သည်။

တရားရေးဝန်ကြီး ဟေကို မက်စ်ကလည်း ဟိုင်ဒန်နူမြို့ရှိ အဆိုပါအဖြစ်အပျက်ကို ဆန့်ကျင်ခဲ့ပြီး နိုင်ငံခြားသားကြောက်ရောဂါနှင့် လူမျိုးရေးခွဲခြားမှုများအား လုံးဝ သည်းခံမည်မဟုတ်ဟု ပြောကြားခဲ့သည်။

ဂျာမနီနိုင်ငံအတွင်း နိုင်ငံခြားသားများအပေါ် ရန်လိုမှုများ မြင့်တက်လာခြင်းနှင့်ပတ်သက်၍ နိုင်ငံရေးသမား အများစုက သတိပေးခဲ့ကြပြီး ယခုနှစ် ပထမနှစ်ဝက်မှာပင် ဒုက္ခသည်များနေထိုင်ရာ နေရာများသို့ မီးရှို့မှုနှင့် အခြားတိုက်ခိုက်မှုပေါင်း ၁၅၀ ခန့် ဖြစ်ပွားခဲ့သည်။

Ref: Reuters

August 25, 2015
ဘာကာ၊ အက်သလက်တီကိုတို့ အဖွင့်လှခဲ့ပြီး၊ ရီးယဲလ် ၁ မှတ်သာရခဲ့တဲ့ လာလီဂါပွဲစဉ် ၁

သြဂုတ် ၂၅၊ ၂၀၁၅
M-Media

– စပိန်လာလီဂါရဲ့အဖွင့်ပွဲစဉ်တွေကို ဒီတစ်ပတ်မှာ စတင်ကစားခဲ့ပြီး ဘင်နီတက်ဇ်ရဲ့ ရီးယဲလ်မက်ဒရစ်က တန်းတက် စပို့တင်းဂီဂျွန်အသင်းကို ဂိုးမရှိသရေသာ ရခဲ့ပါတယ်။ ကစားကွက်အသာရပြီး ရော်နယ်ဒို၊ ဘေးလ်တို့ အပိုင်ဂိုးသွင်းခွင့်တွေရခဲ့ပေမယ့် အသုံးမချနိုင်ခဲ့ပါဘူး။

ဘာစီလိုနာက စပိန်စူပါဖလားရှုံးကြွေးကို ပြန်ဆပ်နိုင်ခဲ့ပြီး ဘီဘာလ်အိုကို ဆွာရက်ဇ်ရဲ့ ၅၄ မိနစ်သွင်းဂိုးနဲ့ အနိုင်ရခဲ့ပါတယ်။ ၃၁ မိနစ်မှာ မက်ဆီ ပင်နယ်တီရခဲ့ပေမယ့် ဘီဘာအိုဂိုးသမား ကာကွယ်နိုင်ခဲ့ပါတယ်။ အက်သလက်တီကိုက အိမ်ကွင်းမှာ ကံကောင်းခဲ့ပြီး ဂရီဇ်မန်ရဲ့ ၁၆ မိနစ် ဖရီးကစ်ဂိုး လူထိလမ်းကြောင်းပြောင်းဝင်သွားခဲ့လို့ အဲဒီတစ်ဂိုးနဲ့ တန်းတက် လက်စ်ပါးလ်မက်စ်အသင်းကို အနိုင်ရခဲ့တာပါ။ တန်းတက်အသင်းရဲ့ ဂိုးသွင်းခွင့်အချို့ ဘားထိထွက်တာ၊ ဂိုးသမား အိုဘလက် တားဆီးနိုင်တာတွေကြောင့်လည်း သက်သာရာရခဲ့တာဖြစ်ပါတယ်။ တန်းတက်အသင်းတွေထဲမှာတော့ အိုက်ဘာအသင်းဟာ အဝေးကွင်းမှာ ဂရာနာဒါကို အံဖွယ် ၃ ဂိုး ၁ ဂိုးနဲ့ အနိုင်ရခဲ့ပါတယ်။ ယူရိုပါချန်ပီယံ ဆီးဗီးလားကတော့ အနိုင်ရသင့်ခဲ့ပေမယ့် အခွင့်အရေးတွေကို အသုံးမချနိုင်ခဲ့တာကြောင့် မာလာဂါနဲ့ ဂိုးမရှိသရေကျခဲ့ပါတယ်။
လာလီဂါအဖွင့်ပွဲစဉ် ရလဒ်များကတော့ အောက်ပါအတိုင်းဖြစ်ပါတယ်။

မာလာဂါ ၀-၀ ဆီးဗီးလား
ဒီပို့တီဗို ၀-၀ ဆိုစီဒက်
အက်စ်ပန်ညို ၁-၀ ဂီတာဖေး
အက်သလက်တီကို ၁-၀ လက်စ်ပါးလ်မက်စ်
ဗယ်လက်ကာနို ၀-၀ ဗလင်စီယာ
ဘီဘာအို ၀-၁ ဘာစီလိုနာ
စပို့တင်းဂီဂျွန် ၀-၀ ရီးယဲလ်
လီဗန်တေး ၁-၂ ဆဲလ်တာဗီဂို
ဘက်တစ် ၁-၁ ဗီလာရီးယဲလ်
ဂရာနာဒါ ၁-၃ အိုက်ဘာ

August 25, 2015
အကြွေးနွံ့ထဲ အခက်တွေ့နေတဲ့ ယူကရိန်း

သြဂုတ် ၂၄ ၊ ၂၀၁၅
M-Media
ဆောင်းပါးရှင်- မောင်ရဲဝင်း (တောင်ကြီး)

နိုင်ငံရေးမတည်ငြိမ်ဖြစ်နေရတဲ့ ယူကရိန်းနိုင်ငံဟာ ယခုနှစ်အတွင်းမှာ စီးပွားရေးအကြပ်အတည်းတွေနဲ့ ရင်ဆိုင်နေရပါတယ်။ နိုင်ငံရဲ့ GDP ဟာလည်း ဒီနှစ် ပထမ သုံးလပတ်မှာ ၁၈ ရာခိုင်နှုန်း၊ ဒုတိယသုံးလပတ်မှာ ၁၅ ရာခိုင်နှုန်း လျော့ကျခဲ့ပါတယ်။ အဆိုးရွားဆုံးကတော့ ကြွေးမြီး ထူထပ်နေတဲ့ကိစ္စပါ။ လက်ရှိအနေအထားမှာ ယူကရိန်းရဲ့ အကြွေးဟာ နိုင်ငံရဲ့ ဂျီဒီပီ တစ်ခုလုံး စာလောက်ဖြစ်နေပါတယ်။

ကြွေးရှင်တွေနဲ့ လပေါင်းများစွာ ဆွေးနွေးခဲ့ပြီးတဲ့နောက် မကြာမီ သဘောတူညီချက် တစ်ခုရနိုင်မယ့် အနေအထားကို ရောက်လာပြီလို့ ယူဆလို့ရပါတယ်။ ညှီနှိုင်းဆွေးနွေးကြတဲ့ အခါမှာ သဘောတူညီမှုမရရင် ယူကရိန်းအနေနဲ့ ဒေဝါလီခံမယ်ဆိုတာနဲ့ ခြိမ်းခြောက်ရုံသာ ရှိပါတယ်။ ဒါပေမယ့် ယူကရိန်းက အကြွေး မဆပ်တော့ဘူးဆိုရင် နိုင်ငံရဲ့ ဂုဏ်သိက္ခာထိပါးမှာဖြစ်ပြီး နောက်ပိုင်းနိုင်ငံခြား ရင်းနှီးမြှပ်နှံမှုတွေ ရဖို့ အလားအလာ မကောင်းဘဲ ဖြစ်သွားမှာပါ။ လက်ရှိမှာလည်း နိုင်ငံခြား ရင်းနှီးမြှပ်နှံမှုတွေ လျော့ကျလာနေပါတယ်။ ယူကရိန်းအနေနဲ့ အကြွေး မဆပ်နိုင်တော့လောက်အောင် ဖြစ်ရတဲ့ အရင်းခံစီးပွားရေး ပြဿနာတွေကို မဖြေရှင်းပေးသ၍ နိုင်ငံခြား အကူအညီတွေ ထပ်မံ ရရှိဖို့ကတော့ မလွယ်လောက်ပါဘူး။

ဒါကြောင့် ယူကရိန်း ခြိမ်းခြောက်တယ်ဆိုရင်တောင် ဆွေးနွေးဝိုင်းမှာအောက်သံနဲ့သာ ဆက်ဆံရမှာပါ။ ယူကရိန်းရဲ့ အကြွေးတွေလျော့ ချပေးဖို့ လိုနေတယ်ဆိုတာကတော့ ကြွေးရှင်တွေအားလုံးလက်ခံတဲ့ အချက်ဖြစ်ပါတယ်။ ဒါပေမယ့် ဘယ်ပုံဘယ်နည်းနဲ့ လျော့ချမယ် ဆိုတာက အဓိကဆွေးနွေးကြရတဲ့အချက်ပါ။ ကြွေးရှင်တွေကတော့ ချေးငွေပြန်ဆပ်ရမယ့် သက်တမ်းကာလကို တို့မြှင့်ပေးဖို့ ကမ်းလှမ်းတာတွေလည်းရှိနေပါတယ်။

ဒါပေမယ့် ကြွေးမြီကာလကို ဆွဲဆန့်မယ်ဆိုရင် အပြည်ပြည်ဆိုင်ရာ ငွေကြေးရန်ပုံငွေအဖွဲ့(IMF) နဲ့ ယူကရိန်းအကြား သဘောတူညီထားတဲ့ အချက်နဲ့ ငြိနေပြန်တယ်။ ပြီးခဲ့တဲ့နှစ်က ယူကရိန်း အသက်ရှုချောင်အောင် IMF က ကန်ဒေါ်လာ (၇) ဘီလီယံ ချေးပေး ခဲ့ပါတယ်။ IMF နဲ့ သဘောတူခဲ့တာကတော့ ၂၀၁၈ ခုနှစ်လောက်မှာ ချေးငွေ အားလုံးအတွက် တိုးရင်းပေါင်း (၁၅.၃) ဘီလီယံလောက် ပြန်ဆပ်နိုင်မယ်၊ ၂၀၂၀ မှာ အကြွေးနဲ့ ဂျီဒီပီ အချိုး (၇၀) ရာခိုင်နှုန်းလောက်အထိလျော့ချနိုင်မယ်၊ ယူကရိန်း အနေနဲ့ နှစ်စဉ် ဂျီဒီပီရဲ့ ၁၀ ရာခိုင်နှုန်းလောက်ကို အကြေးဆပ်ဖို့ သုံးစွဲမယ် လို့ ကတိပြုခဲ့တာတွေရှိနေပါတယ်။ ဒါကြောင့် ယူကရိန်းရဲ့ ချေးငွေတွေကို သက်တမ်းတိုးရုံနဲ့ မပြေလည်သွားပါဘူး။ ပြန်ဆပ်ရမယ့် အကြွေးပမာဏကို လျော့ကျနိုင်ဖို့လိုနေပါတယ်။

ယူကရိန်းအစိုးရက ပွင့်လင်းမြင်သာမှု မရှိတဲ့ အတွက် ယူကရိန်းအနေနဲ့ ဘယ်သူတွေဆီက ချေးထားသလဲဆိုတာ အတော်များများ မသိခဲ့ကြပါဘူး။ ယူကရိန်း ဘဏ္ဍာရေးဝန်ကြီး Natalie Jaresko ကိုယ်နိုက် ကြွေးရှင်တွေက ဘယ်ကလဲဆိုတာကို သေချာ မသိဖြစ်ခဲ့ပါဘူး။ အခြေအနေ ယိုယွင်းလာခါမှ ကြွေးရှင်တွေ အကြောင်း ထုတ်ဖော်လာတဲ့ အခါ အဓိက အကြွေးရှင်တွေထဲ အမေရိကန် အခြေစိုက် Franklin Templeton ကုမ္ပဏီ၊ ဘရာဇီကုမ္ပဏီရဲ့ BTG Pactual တို့အပြင် ရုရှားနိုင်ငံလည်း ပါဝင်နေတယ်ဆိုတဲ့ သတင်း ထွက်ပေါ်လာခဲ့ပါတယ်။ ကမ္ဘာ့ဘဏ်ရဲ့ ၂၀၁၃ ခုနှစ်မှာ ထုတ်ပြန်တဲ့ စာရင်းအရ ယူကရိန်းရဲ့ နိုင်ငံခြားချေးငွေပေါင်းဟာ ကန်ဒေါ်လာ (၁၄၇.၇၁) ဘီလီယံရှိနေတယ်လို့ သိရပါတယ်။

စက်တင်ဘာလမှာ ပြန်ဆပ်ရမယ့် အကြွေးတွေအပြင် ဒီဇင်ဘာလမှာ ကန်ဒေါ်လာ (၃) ဘီလီယံကို ရုရှားကိုပြန်ဆပ်ရမှာဖြစ်ပါတယ်။ အကြွေးဆပ်ဖို့ အချိန် နီးကပ်နေပြီဖြစ်လို့ ကြွေးရှင်တွေနဲ့ ယူကရိန်း အကြား ဆွေးနွေးညှီနှိုင်းနေကြချိန်မှာ ရုရှားအနေနဲ့ကတော့ ယူကရိန်းနဲ့ ညှိနှိုင်းမှုတွေ လုပ်ဖို့ ငြင်းဆိုနေပါသေးတယ်။ ဒါကြောင့် ယူကရိန်းအခက်တွေ့နေချိန်မှာ ရုရှားက အခွင့်ကောင်းယူပြီး နိုင်ငံရေး လှည့်ကွက်တစ်ခုအနေနဲ့ ယူကရိန်း အပေါ် သြဇာသက်မှုတွေကြီးထွားလာနိုင်ဖွယ်ရှိပါတယ်။

Ref: Ukraine’s Debt Saga, by C.W., The Economist, August 19, 2015

August 24, 2015