စက်တင်ဘာ ၅၊ ၂၀၂၄
M-Media
-စစ်ပွဲနဲ့ ပဋိပက္ခတွေမှာ ဘာသာရေးကို လောင်စာအဖြစ် အသုံးမပြုကြဖို့ ပုပ်ရဟန်းမင်းကြီး ဖရန်စစ်က တိုက်တွန်းပြောကြားလိုက်ပါတယ်။
အင်ဒိုနီးရှားနိုင်ငံကို အလည်အပတ်ရောက်ရှိနေတဲ့ ပုပ်ရဟန်းမင်းကြီးဟာ အရှေ့တောင်အာရှက အကြီးဆုံးဗလီဖြစ်တဲ့ Istiqlal ဗလီ၀တ်ကျောင်းတော်ကို စက်တင်ဘာ ၅ ရက်နေ့ မနက်ပိုင်းမှာ သွားရောက်ခဲ့ပြီး ဘာသာပေါင်းစုံက ဘာသာရေးခေါင်းဆောင်တွေနဲ့ တွေ့ဆုံခဲ့ပါတယ်။
ဗလီ၀တ်ကျောင်းတော်ရဲ့ ရှေ့ဆောင်အီမာမ် နဆာရုဒ်ဒင်း အူမာရ်နဲ့ ပူးတွဲကာ ဘာသာရေး သဟာဇတဖြစ်မှုနဲ့ သဘာ၀ပတ်၀န်းကျင် ကာကွယ်ရေးဆိုင်ရာ သဘောတူညီချက်တစ်ရပ်ကိုလည်း ပုပ်ရဟန်းမင်းကြီးက လက်မှတ်ရေးထိုးခဲ့ပါတယ်။
Istiqlal ဗလီက မိန့်ခွန်းမှာ လူသားအားလုံးဟာ ညီရင်းအစ်ကိုများဖြစ်ကြောင်း၊ မိမိတို့နည်း မိမိတိုဟန်နဲ့ ဘုရားသခင်ကို ဆည်းကပ်ကိုးကွယ်နေကြတာဖြစ်ကြောင်း ပြောကြားခဲ့ပြီး၊ လက်ရှိကမ္ဘာကြီးမှာ လူသား၀ါဒဟာ ဆိုဆိုးရွားရွား ပြဿနာမျိုးနဲ့ ရင်ဆိုင်နေရတယ်လို့လည်း သတိပေး ပြောကြားခဲ့ပါတယ်။
ပုရဟန်းမင်းကြီးဟာ စက်တင်ဘာ ၅ ရက်နေ့ ညနေပိုင်းကျရင် ဂျကာတာက ဘောလုံးကွင်းမှာ အင်ဒိုနီးရှားလူထုနဲ့ တွေ့ဆုံမိန့်ခွန်းပြောမှာဖြစ်ပါတယ်။ အဲဒီနောက်မှာတော့ ပါပူအာ နယူးဂီနီ၊ တီမောလက်စ်တေနဲ့ စင်ကာပူတို့ကို ခရီးဆက်မှာပါ။
ပုပ်ရဟန်းမင်းကြီးရဲ့ အခုတစ်ခေါက် အာရှခရီးစဥ်ဟာ ၁၁ ရက်တာ ကြာမြင့်မှာ ဖြစ်ပါတယ်။
Ref: BBC
