Blog

နိုင်ငံတကာသတင်းတို (သြဂုတ် ၂၁၊ ၂၀၁၅)

သြဂုတ် ၂၁၊ ၂၀၁၅
M-Media

ဆီးရီးယားပိုင်နက်အတွင်း အစ္စရေးက လေကြောင်းမှ တိုက်ခိုက်မှုကြောင့် အရပ်သား ၅ ဦး သေဆုံး
………………………………………….
ဆီးရီးယား-အစ္စရေးနယ်စပ် ဆီးရီးယားပိုင် ဂိုလန်ဒေသရှိ ကူနီထရာရွာအနီး၌ အစ္စရေးက ယနေ့တွင် လေကြောင်းမှ တိုက်ခိုက်မှုများ ပြုလုပ်ခဲ့ပြီး ကားတစ်စီးအား ထိမိခဲ့ကာ အရပ်သား ၅ ဦး သေဆုံးခဲ့သည်ဟု ဆီးရီးယားစစ်တပ်က ပြောကြားလိုက်သည်။ ဆီးရီးယားဘက်မှ ဒုံးကျည်များပစ်သည်ဟုဆိုကာ အစ္စရေးမှာ ယမန်နေ့ကလည်း ဆီးရီးယား စစ်တပ်နေရာများကို လေကြောင်းမှ တိုက်ခိုက်မှုပြုလုပ်ခဲ့သည်။

ဘိုကိုဟရမ်ကြောင့် ချဒ်တွင် လူ လေးသောင်းခန့် ထွက်ပြေးရ
………………………………………
လွန်ခဲ့သည့် ၂ ပတ်အတွင်း ဘိုကိုဟရမ်စစ်သွေးကြွအဖွဲ့၏ တိုက်ခိုက်မှုများကြောင့် ချဒ်နိုင်ငံတွင် လူပေါင်း ၄ သောင်းခန့်မှာ အိုးအိမ်စွန်ခွာ ထွကပြေးခဲ့ရသည်ဟု နယ်စည်းမခြားဆရာဝန်များအဖွဲ့က ပြောကြားလိုက်သည်။ အဟာရချို့တဲ့သော ကလေးများပါဝင်သည့် အဆိုပါ ဒုက္ခသည်များမှာ ဖြစ်သလိုလုပ်ထားသည့် စခန်းများတွင် နေထိုင်နေရပြီး နယ်စည်းမခြား ဆရာဝန်များအဖွဲ့မှာ ၀မ်းရောဂါ၊
ငှက်ဖျားနှင့် အသက်ရှုလမ်းကြောင်းဆိုင်ရာ ရောဂါများကို ခံစားနေရသည့် လူနာများကို ကုသပေးနေရသည်။

ဓာတုဗေဒသိုလှောင်ရုံ ပေါက်ကွဲသည့်နေရာတွင် တိရစ္ဆာန်များဖြင့် ညစ်ငြင်းမှု ရှိ၊ မရှိ တရုတ်စမ်းသပ်
…………………………………
ပြီးခဲ့သည့်တစ်ပတ်က တီယန်ဂျင်းမြို့တွင် ပေါက်ကွဲခဲ့သော ဓာတုဒေပစ္စည်းသိုလှောင်ရုံအနီးတွင် တရုတ်အာဏာပိုင်များက ယုန်၊ ကြက်နှင့် ခိုများကို လှောင်အိမ်များဖြင့် ထားခဲ့ပြီး ပတ်ဝန်းကျင် ညစ်ငြမ်းမှု ရှိ၊ မရှိကို စမ်းသပ်ခဲ့ကြသည်။ အဆိုပါတိရိစ္ဆာန်များကို ၂ နာရီကြာ ထားခဲ့သော်လည်း မည်သည့်ထူးခြားမှုမှ မတွေ့ရှိခဲ့ရပေ။ မြို့တာဝန်ရှိသူကမူ ပေါက်ကွဲမှုဖြစ်ပွားခဲ့ပြီးနောက် ဆိုဒီယမ် ဆိုင်ယန်နိုက် အပါအ၀င် ပတ်ဝန်းကျင်ညစ်ငြမ်းစေသော အရာများကို တွေ့ရှိခဲ့ရသော်လည်း ပြည်သူလူထုအား အန္တရာယ်မဖြစ်ဟု
ပြောကြားခဲ့သည်။

Ref: News Agencies

August 21, 2015
မာရေး၊ ဂျိုကိုဗစ်နဲ့ ဆရီနာဝီလီယံတို့ ကွာတားဖိုင်နယ် ရောက်သွားခဲ့တဲ့ Cincinnati Open တင်းနစ်ပြိုင်ပွဲ

သြဂုတ် ၂၁၊ ၂၀၁၅
M-Media

– ပြီးခဲ့သည့်တစ်ပတ်က ကနေဒါ Rogers Cup တင်းနစ်ပြိုင်ပွဲတွင် ဗိုလ်စွဲခဲ့သည့် ဗြိတိန်တင်းနစ်အကျော်မော် အန်ဒီမာရေးမှာ Cincinnati Open တင်းနစ်ပြိုင်ပွဲတွင် ကွာတားဖိုင်နယ်သို့ တက်ရောက်သွားခဲ့သည်ဟု သိရသည်။

ယမန်နေ့က ကစားခဲ့သည့် တတိယအဆင့်ပွဲစဉ်တွင် မာရေးမှာ ဘယ်လ်ဂျီယံ တင်းနစ်သမား ဂရီဂေါ် ဒီမီထရော့ဗ်အား အကြိတ်အနယ်ယှဉ်ပြိုင်ကာ အနိုင်ရရှိခဲ့ခြင်းဖြစ်သည်။ ၃ နာရီကြာမြင့်ခဲ့သည့် အဆိုပါပွဲတွင် မာရေးမှာ ပထပွဲငယ်၌ ၄-၆ ဖြင့် ဒီမီထရော့ဗ်အား ရှုံးနိမ့်ခဲ့ပြီး ဒုတိယနှင့် တတိယပွဲငယ်များတွင် ၇-၆၊ ၇-၅ ဖြင့် ပြန်လည်အနိုင်ရရှိခဲ့၍ ကွာတားဖိုင်နယ်သို့ တက်ရောက်ခဲ့ခြင်းလည်းဖြစ်သည်။

Rogers Cup တွင် ဗိုလ်စွဲခဲ့ပြီးနောက် ကမ္ဘာ့အဆင့် ၂ နေရာကို ရရှိခဲ့သည့် မာရေးမှာ ပြင်သစ်နံပါတ် တင်းနစ်သမား ရစ်ချက် ဂက်စ်ကက်နှင့် ယနေ့ ကွာတားဖိုင်နယ်တွင် ယှဉ်ပြိုင်ရမည်ဖြစ်သည်။

ပြီးခဲ့သည့်တစ်ပတ် ကနေဒါ Rogers Cup ဗိုလ်လုပွဲတွင် မာရေးအား ရှုံးနိမ့်ခဲ့သည့် ဆားဘီးယား တင်းနစ်သမား ဂျိုကိုဗစ်မှာလည်း ကြာသာပတေးနေ့က ဒေးဗစ် ဂေါ့ဖင်အား အနိုင်ရရှိကာ ကွာတားဖိုင်နယ်သို့ တက်ရောက်ခဲ့ပြီး ဆီဒင် ၅ ရ ၀ါဝရင်ကာနှင့် တွေ့ဆုံရမည်ဖြစ်သည်။

အမျိုးသမီးပြိုင်ပွဲများတွင် လက်ရှိချန်ပီယံ ဆရီနာဝီလီယံမှာ ကာရင် ကနပ်ကို ၂ ပွဲပြတ်ဖြင့် အနိုင်ရရှိကာ ကွာတားဖိုင်နယ်သို့ တက်ရောက်နိုင်ခဲ့သည်။

Ref: Dailymail

August 21, 2015
အချိန်ကြာကြာအလုပ်လုပ်ခြင်းက လေဖြတ်နိုင်ချေပိုများ

သြဂုတ် ၂၁၊ ၂၀၁၅
M-Media

– အချိန်ကြာမြင့်စွာအလုပ်အလုပ်သော သူများသည် ထိုသို့ မလုပ်သောသူများထက် ပို၍ လေဖြတ်နိုင်ချေ အလားအလာပိုရှိသည်ဟု လေ့လာမှုများကို ကိုးကား၍ ဗြိတိန် သုတေသနပညာရှင်များက ပြောကြားလိုက်သည်။

လူပေါင် သန်းဝက်ကျော်ကို လေ့လာခဲ့ခြင်းဖြစ်ပြီး ရုံးချိန်ဖြစ်သော နံနက် ၉ နာရီမှ ညနေ ၅ နာရီထက် ကျော်လွန်ပြီး အလုပ်လုပ်သူများတွင် လေဖြတ်နိုင်သည့် အခွင့်အရေး ပိုများသည်ကို တွေ့ခဲ့ရသည်။ ထိုသို့ ဆက်စပ်မှုမှာ မသေချာသေးသော်လည်း သီအိုရီအရ စိတ်ဖိစီးမှုများသော အလုပ်နှင့် လူနေမှုဘ၀ကို ထိခိုက်စေသော သက်ရောက်မှုများလည်း ပါဝင်သည်။

ကျွမ်းကျင်သူများကမူ အချိန်ကြာကြာ အလုပ်လုပ်သူများမှာ ၎င်းတို့၏ သွေးဖိအားကို စောင့်ကြည်သင့်သည်ဟု ဆိုသည်။ လေ့လာမှုများအရ တစ်ပတ်လျှင် ၃၅ နာရီမှ နာရီ ၄၀ အထိ အလုပ်လုပ်သူများထက် ၄၈ နာရီအထိ အလုပ်လုပ်သူများမှာ လေဖြတ်နိုင်ချေ ၁၀ ရာခိုင်နှုန်း ပိုများပြီး၊ ၅၄ နာရီ အလုပ်လုပ်သူများမှာ ၂၇ ရာခိုင်နှုန်း၊ ၅၅ နာရီအလုပ်လုပ်သူများမှာ ၃၃ ရာခိုင်နှုန်း ပိုများသည်ကို ထိုလေ့လာမှုမှ တွေ့ခဲ့ရသည်။

လန်ဒန်တက္ကသိုလ်မှ ဒေါက်တာ မီကာ ကီဗီမာကီကမူ ၃၅ နာရီမှ နာရီ ၄၀ အထိ အလုပ်သော လူ ၁၀၀၀ အုပ်စုတွင် ဆယ်စုနှစ်တစ်ခုအတွင်း ၅ ယောက်အောက်သာ လေဖြတ်ရောဂါ ရရှိပြီး ၅၅ နာရီထက်ပို၍ အလုပ်လုပ်သူအုပ်စုတွင် ၆ ဦးအထိ လေဖြတ်သည်ဟု ပြောကြားခဲ့သည်။

စိတ်ဖိစီးမှုများသော အလုပ်များကို အချိန်ကြာကြာလုပ်ခြင်းနှင့် ကြာမြင့်စွာထိုင်ခြင်းမှာ ကျန်းမာရေးအတွက် ဆိုးရွားပြီး လေဖြတ်မှုအန္တရာယ်ကိုလည်း မြင့်တက်လာစေနိုင်သည်။

လေဖြတ်မှုအသင်းမှ ဒေါက်တာ ရှမင်း ကွာဒီရ်ကမူ အချိန်ကြာကြာ အလုပ်လုပ်ခြင်းတွင် ကြာမြင့်စွာထိုင်ခြင်း၊ စိတ်ဖိစီးမှုများခြင်းနှင့် မိမိ၏ ကျန်းမာရေးကို စစ်ဆေးရန် အချိန်နည်းခြင်းတို့ ပါဝင်သည်ဟု ပြောကြားခဲ့သည်။

“သွေဖိအားပုံမှန်တိုင်းဖို့ ကျွန်တော်တို့ အကြံပြုပါတယ်။ တစ်ကယ်လို့များ လေဖြတ်မယ်လို့ စိုးရိမ်လာရင် ဆရာဝန် ဒါမှမဟုတ် ကျန်းမာရေးကျွမ်းကျင်သူနဲ့ ပြသင့်ပါတယ်” ဟု ကွာဒီရ်က ထည့်သွင်းပြောကြားခဲ့သည်။

Ref: BBC

August 21, 2015
ကိုယ့်ကိုကိုယ် သနားနေတာတဲ့လား

သြဂုတ် ၂၁ ၊ ၂၀၁၅
M-Media
နှင်းဆီခင်ရေးသည်။

တချို့ရှိ်တယ်။ အချင်းချင်းတွေ့လိုက်ရင်စကားလက်ဆုံကျလို့ ပြောတဲ့အခါ ရာခိုင်နှုန်းတော်တော်များများက ကိုယ့်အကြောင်း၊ ပြီးတော့ မကောင်းမြင် အတွေးတွေ အပြည့်နှင့်ပေါ့။ ဆိုပါစို့ တစ်ယောက်နှင့် တစ်ယောက်တွေ့လို့ မေးရိုးမေးစဉ်မေးနေကျအတိုင်း “နေကောင်းလား” ဆိုတာနှင့် ဖြေပြပါလိမ့်မယ် တသီကြီး။ ခေါင်းကိုက်၊ ဗိုက်နာ၊ မတ်တပ်နာက အစ ကြီးကြီးမားမား ဝေဒနာအဆုံး ရိုက်မစစ်ရဘဲ အသေးစိတ်ပြောပြပါလိမ့်မယ်။

“ကောင်းတယ်လို့ မပြောနိုင်ပါဘူး” အစချီပြီး အသက်အရွယ် ရလာတာနဲ့ အမျှ ဘာမှမကောင်းချင်တော့ဘူး။ နှလုံးသွေးတိုး၊ ဆီးချိုအပြင် ကိုယ်တွင်းကလီစာတွေ ဘာတစ်ခုမှ မကောင်းတော့တဲ့ အကြောင်း ဖွဲ့နွဲ့ပြောတတ်ကြတယ်။

ပြီးတော့ရှိသေးတယ်။ ဘယ်ရောဂါ အတွက် ဘယ်အထူးကု ဆရာဝန်ကြီး ဆရာဝန်မကြီးတွေနှင့် ပြနေရတယ်ဆိုတာရယ် ဘယ်ပုဂ္ဂလိက အထူးကုဆေးရုံတွေမှာ ဘယ်လိုသွားလာ ကုသနေရသလဲဆိုတာကိ အားပါးတရပြောပြတာမျိုးလည်း ရှိတယ်။ လူတိုင်းတော့ မဟုတ်ပါဘူး။ မလွှဲမရှောင်သာ ကုသနေရသူတွေရှိပါတယ်။ ဒါပေမယ့် တချို့ကတော့ အကဲပိုလို့ ဇာချဲ့နေတတ်တဲ့သဘော။ ဒါကသက်ကြီးပိုင်းတွေပြောလေ့ရှိတဲ့ နှုတ်ဆက် စကားဆိုပါစို့။ ဒါကလည်းအိုလာလို့ နာရတဲ့အကြောင်းတွေလို့ သဘောထားချင်သား။ ဒါပေမယ့် တချို့ လူငယ် လူလတ် လူရွယ်တွေကျပြန်တော့လည်း သူတို့ရဲ အခက်အခဲ၊ ဒုက္ခတွေကို (တစ်ခါတစ်ရံမှာဝေဒနာ) အကြောင်း ခိုညည်း ညည်းသလိုပြောတတ် ဆိုတတ်ကြသေးတယ်။ ကိုယ့်ကို လက်ခံစကားပြောနေသူ နားထောင်ချင်မှန်း၊ စိတ်ဝင်စားမှန်းမသိ စိတ်ထဲရှိသမျှ အိတ်သွန်လို့ ဖာမှောက်ပြီး ပြောချကြရော။

ကောင်းပြီ။ ကိုယ့်ရဲ့အခက်အခဲနှင့် မပြေလည်မှုတွေကို ဖွင့်ပြောသင့်ပြောထိုက်တဲ့သူ။ ကူညီဖြေရှင်းပေးနိုင်မဲ့သူ ဆိုရင်တော့ အဟုတ်သားပေါ့။ အဲဒီင်္လို မဟုတ်ခဲ့ရင်တော့ စဉ်းစားဆင်ခြင်ဖို့ လိုနေပြီလေ။

ကိုယ်ပြောသမျှ နားထောင်ပေးတဲ့လူတိုင်းလိုလိုက ကိုယ့်ကိုကိုယ် သနားစိတ်ဝင်နေသလို တစ်ထပ်တည်း ခံစားနေကြမှာပဲလို့တော့ လုံးဝမထင်နှင့်နော်။ အားနာပါးနာနှင့် နားထောင်ပေးပြီး ဝမ်းနည်းသယောင် စိတ်မကောင်းသယောင် ခဏတဖြုတ်ဖြစ်ပြီးရင်တော့ ထွက်သွားကြမှာ။ ကျန်တဲ့အပိုင်းကတော့ ကိုယ့်ဘာသာဆက်ပြီး ခံစားနေပေတော့။

ကိုယ့်ခံစားရတဲ့ အခက်အခဲ၊ သောကနှင့် ဝေဒနာစတာတွေဟာ ဘယ်သူ့မှာမှ မခံစားရဘဲ ကိုယ်ချည်း ခံစားနေရပါလားဆိုတဲ့ အတွေးမျိုးတော့မရှိသင့်ဘူး။ ဒါ့အပြင် ကိုယ့်သောတွေက သူများတကာတွေထက် ပိုဆိုးနေတယ်ဆိုတဲ့အမြင်မျိုးကို ဖယ်ရှားရမှာပါ။ တကယ်တမ်းပြောရရင် လောကကြီး တစ်ခုလုံးမှာရှိတဲ့လူတွေဟာ မိနစ်တိုင်း စက္ကန့်တိုင်းမှာ ကိုယ့်အခက်အခဲနှင့် ကိုယ်ရှိနေကြစစမြဲပါ။ ကိုယ်တစ်ယောက်တည်း ခံစားရလေခြင်းလို့တော့ မထင်ပါနှင့်။ ဝမ်းနည်းမှု၊ ဆုံးရှုံးမှုနှင့် အခက်အခဲတွေ အဆင်မပြေမှုတွေဆိုတာ လူသားတွေနှင့် ချိတ်ဆက်ထားတဲ့ အရာတွေပါလားဆိုတယကို သဘောပေါက်ထားဖို့ လိုပါတယ်။

ကိုယ်က အားတက်သရောပြောပြတာတွေကို တဖက်သားက အရေးမစိုက်သလိုလို အရေးမကြီးသလိုလို လုပ်တိုင်း အပြစ်မမြင်ပါနှင့်။ သူတို့အားလုံးမှာလည်း ကိုယ့်ကိစ္စနှင့် ကိုယ်ချည်းရှိနေကြတာမို့ စာနာစိတ်မရှိဘူးလို့ မစွပ်စွဲသင့်ပါဘူး။ အကြင်နာ၊ ဂရုဏထားတာက တစ်ပိုင်း သူတို့ရဲ့ကိုယ်ရေးကိုယ်တာ ခံစားနေရတာတွေက တစ်ပိုင်းဆိုတာ မမေ့သင့်ဘူး။

ကိုယ့်ကိုကိုယ် သနားစိတ်ပိုလွန်းသူဟာ တစ်ဦးဦးကို အားကိုးအားထားပြုချင်လာတယ်။ ဘဝမှာ ကိုယ့်ကိုဖေးမမဲ့သူ မရှိရင် မဖြစ်ဘူးလို့တွေးလာမိတဲ့ အထိ ကိုယ့်အခက်အခဲတွေချည်း ဖွင့်ပြောနေပြီး သူများတကာကို အမှီသဟဲပြုနေတာထက် သူ့အခက်အခဲတွေကို အလေးထား နားထောင်ပြီး ကူညီပေးနိုင်အောင် စဉ်းစားတာက ကိုယ့်သောကကိုပါ လျော့ပါးစေတတ်ပါတယ်။ အသေးအဖွဲ့က အစ ခပ်ကြီးကြီးအထိ သူများချည်းအားကိုးနေတာ စိတ်ပင်ပန်းလှပါတယ်။

အခက်အခဲဆိုတာ လူတစ်ယောက်ရဲ့အရည်အသွေးကို စမ်းသပ်ပြီးအမြင့်ကိုတွန်းတင်ပေးနိုင်တဲ့ တွန်းအားလို့ အမြင်ပြောင်းကြည့်လိုက်မယ်ဆိုရင်ပေါ့။ ကိုယ့်ရဲ့အခက်အခဲနှင့်ပြသာနာ စတာတွေကို ငိုင်မှိုင်တွေဝေပြီး စိတ်ညစ်နေမဲ့အစား ထွက်ပေါက်ရှာကြိုးပမ်းတာဟာ လကတွေ့ဆန်တယ်။ ကိုယ်ရောသူများ အတွက်ပါ အချိန်ပေးပြီး ထည့်စဉ်းစယးသူအတွက် သောကဖွေနေစရာ အချိန်ပိုမရှိတာကို သိလာရင်တော့ သိပ်ကိုပျော်မိမှာသေချာတယ်။

“ငါ့နှယ် ပညာတွေသင်ရတာ အလုပ်လုပ်ရတာ ပင်ပန်းလိုက်တာ နေထွက်ကနေဝင်အားချိန်ကို မရှိပါဘူး။” ဆိုတဲ့အတွေးနှင့် ကိုယ့်ကိုကိုယ် သနားစိတ်ဝင်နေသူတွေဟာ မနည်းမနောပါ။ အဲဒီလိုအချိန်ပြည့် လှုပ်ရှားသွားလာ ရုန်းကန်ခွင့်ရတာ၊ ကိုယ့်အတွက်ရော သူများအတွက်ပါ ကောင်းကျိုး တစ်ခုခုပြုနိုင်တာဟာ သဘာဝကပေးတဲ့ ကံကောင်းခြင်းလက်ဆောင်တွေလေ။ အခြေအနေ တစ်ခုခုကြောင့် အိပ်ရာထဲလဲပြီး ဘာတစ်ခုမှ လှုပ်ရှားမရနိုင်တဲ့ ဘဝကိုစာနာမိရင်ပေါ့။

ဒါကြောင့် နေလာသမျှအခက်အခဲတွေ၊ အဆင်မပြေမှုတွေကို တွေးတွေးပြီး ကိုယ့်ကိုကိုယ် သနားစိတ်ဝင်တတ်တဲ့ အကျင့်လေးရှိရင် ဖျောက်ပစ်နိုင်အောင်ကြိုးစားသင့်တယ်။ ဘဝရဲ့စိန်ခေါ်မှုတွေဟာ ကိုယ့်အတွက် လှပတဲ့အနာဂတ်တစ်ခုကို ဖန်တီးပေးနိုင်တဲ့ အရာတွေလို့ အမြင်ပြောင်းကြည့်ရအောင်။ ကဲ ဒါဆိုရင် ဘယ်တော့များမှ ပြောင်းလဲကြည့်မယ်လို့ စိတ်ကူးသံလဲ မနက်ဖြန်ဆိုတာဝေးပါသေးတယ်။ “အခု” လို့ဆိုရင် စာဖတ်သူ ဘယ်လိ်ုသဘောရသလဲ။

နှင်းဆီခင်

August 21, 2015
မိမိမှာ ဖိုက်တာတစ်ယောက်ဖြစ်သည်ဟု မန်စီးတီး နောက်ခံလူသစ်ပြော

သြဂုတ် ၂၁၊ ၂၀၁၅
M-Media

– အသင်း၏ ပရိတ်သတ်များအနေဖြင့် မိမိအား ဖိုက်တာတစ်ယောက်အဖြစ် မျှော်လင့်ရမည်ဖြစ်ပြီး မိမိအနေဖြင့်လည်း အသင်းအတွက် အရာရာကို ပေးဆပ်သွားမည်ဟု မန်စီးတီးအသင်း၏ ကစားသမားသစ် အိုတာမန်ဒီက ပြောကြားလိုက်သည်။

အာဂျင်တိုင်းခံစစ်မှူး နီကိုလက်စ် အိုတာမန်ဒီမှာ ဗလင်စီယာအသင်းမှ ယူရို ၄၅ သန်းဖြင့် ယမန်နေ့က ပြောင်းရွှေ့လာခဲ့ခြင်းဖြစ်ပြီး နွေရာသီအပြောင်းအရွှေ့တွင် မန်စီးတီးအသင်း ဖြည့်တင်းသည့် စတုတ္ထမြောက် ကစားသမားလည်း ဖြစ်လာခဲ့သည်။

“ကွင်းအတွင်းမှာတော့ ကျွန်တော်ဟာ ကိုယ်ရည်ကိုယ်သွေးများစွာနဲ့ ကစားသမားတစ်ဦးပါ။ အလယ်တန်းနဲ့ တိုက်စစ်မှူးတွေ ပူပင်သောကမရှိ တိုက်စစ်ဆင်နိုင်ဖို့ ကျွန်တော်ဟာ ခံစစ်လိုင်းကို စုစုစည်းစည်း ရှိစေချင်ပါတယ်။ အသင်းက ခံစစ်စီအစဉ်ကို ကျွန်တော် ဆက်လက်ထိန်းသိမ်းချင်ပါတယ်” ဟု မန်စီးတီးအသင်း၏ ၀ဘ်ဆိုက်သို့ အိုတာမန်ဒီက ပြောကြားခဲ့ပြီး မိမိမှာ ဘောလုံးတိုင်းအတွက်
တိုက်ပွဲဝင်သွားမည့် ဖိုက်တာတစ်ယောက်ဖြစ်သည်ဟုလည်း ဆိုသည်။

သို့သော်လည်း ပထမနေရာရရန်အတွက် အသင်းရှိ အမာခံ ခံစစ်မှူးများဖြစ်သော ကွန်ပနီ၊ မန်ဂါလာ၊ ဒီမစ်ချယ်လီတို့နှင့် ယှဉ်ပြိုင်ရမည်ဖြစ်ပြီး၊ အိုတာမန်ဒီကမူ ထိုသို့ယှဉ်ပြိုင်ရခြင်းမှာ ဘောလုံး၏ အလှတရားဟု ထည့်သွင်းပြောကြားခဲ့သည်။

“ကွန်ပနီဟာ ကမ္ဘာပေါ်က အကောင်းဆုံး နောက်ခံအလယ်လူတွေထဲက တစ်ဦးပါ။ ဒီမစ်ချယ်လီကလည်း ကြီးကျယ်တဲ့ကစားသမားမို့လို ဒီမှာ ရှိနေတာပါ။ မန်ဂါလာလည်း ဒီအတိုင်းပါပဲ။ ကမ္ဘာပေါ်က အသင်းတိုင်း လိုချင်ကြတဲ့ ကစားသမားတွေ ဒီမှာရှိပါတယ်။ ပွဲထွက် ၁၁ ယောက်မှာ ပြင်းထန်တဲ့ယှဉ်ပြိုင်မှုမျိုး ရှိမှာပါ။ ဒါပေမယ့် အသင်းဖော်တွေနဲ့ ပြင်းပြင်းထန်ထန် ယှဉ်ပြိုင်ခြင်းဆိုတာ ဘောလုံးရဲ့ အလှတရားပါပဲ”

Ref: Goal

August 21, 2015