သြဂုတ် ၁၆၊ ၂၀၁၅
M-Media
– အင်ဒိုနီးရှားလေကြောင်းလိုင်းတစ်ခုမှ ပြည်တွင်းတွင်ပြေးဆွဲသော ခရီးသည်တင်လေယာဉ်တစ်စင်းမှာ ဒေသစံတော်ချိန် ယနေ့ နေ့လည်ပိုင်းက အဆက်အသွယ်ပြတ်တောက် ပျောက်ဆုံးသွားခဲ့သည်ဟု အင်ဒိုနီးရှား အမျိုးသား ရှာဖွေရေးနှင့် ကယ်ဆယ်ရေး အေဂျင်စီက ပြောကြားလိုက်သည်။
Trigana Air လေကြောင်းလိုင်းမှ ATR-42 မော်ဒယ်ဖြစ်ပြီး ခရီးသည် ၅၄ ဦးလိုက်ပါသွားသော အဆိုပါ လေယာဉ်ပျောက်ဆုံးကြောင်း အေဂျင်စီ၏ Twitter စာမျက်နှာတွင် လွှင်တင်ခဲ့ခြင်းဖြစ်သည်။ လေယာဉ်မှာ အရှေ့ပိုင်း ဝေးလံခေါင်ဖျားသည့် ပါပူအာဒေသတွင် ပျံသန်းနေစဉ် ယနေ့နေ့လည် ၂ နာရီ ၅၅ မိနစ်က ပျောက်ဆုံးသွားခဲ့ခြင်းဖြစ်သည်ဟု အဆိုပါပို့စ်တွင် ရေးသားထားသည်။
ခရီးသည်များတွင် အရွယ်ရောက်ပြီးသူ ၄၄ ဦး၊ ကလေးငယ်နှစ်ဦး ရင်ခွင်ပိုက် ၃ ဦးနှင့် လေယာဉ်အမှုထမ်း ၅ ဦး ပါဝင်သွားခဲ့သည်။ ထိုလေယာဉ်မှာ ပါပူအာနယူးဂီနီနှင့် နီးကပ်သည့် နယ်စပ်မြို့ အော့စီဘီးလ်တွင် ဆင်းသက်ရန် စီစဉ်ထားသည့်လေယာဉ်ဖြစ်သည်။
ဒေသတွင်းသတင်းများကမူ လေယာဉ်ပျောက်ဆုံးသွားသည့်အချိန်တွင် ပါပူအာ၌ ရာသီဥတုအခြေအနေမှာ အလွန်ဆိုးရွားနေသည်ဟု ဖော်ပြခဲ့ကြသည်။
ရှာဖွေကယ်ဆယ်ရေးလုပ်ငန်းများကိုမူ မှောင်သွားသောကြောင့် ရပ်တန့်ခဲ့ပြီး တနင်္လာနေ့နံနက်တွင်မှ ပြန်လည်ဆောင်ရွက်ရန် စီစဉ်ထားသည်။ အစိုးရကမူ ရှာဖွေရေးလုပ်ငန်းများကို ဆောင်ရွက်ရန် အခြားသော အာဏာပိုင်များနှင့် ပူးပေါင်းဆောင်ရွက်သွားမည်ဟု ပြောကြားခဲ့သည်။
Ref: Aljazeera
