သြဂုတ် ၅၊ ၂၀၁၅
M-Media
– ဘေဂျင်းရှိ အများသုံးအိမ်သာခွက်အတွင်း မှောက်ခုံကျနေသည့် မွေးကင်းစ သမီးငယ်လေးတစ်ဦးကို ရဲတပ်ဖွဲ့က ကယ်တင်နိုင်ခဲ့သည်ဟု သိရသည်။
အဆိုပါမွေးကင်းစကလေးငယ်အား ကယ်တင်ပြီးနောက် ဆေးရုံသို့ပို့ဆောင်ခဲ့ပြီး တည်ငြိမ်သော အနေအထားတွင်ရှိနေကာ၊ အာဏာပိုင်များအနေဖြင့် ထိုကလေး၏ မိဘများကို ဖော်ထုတ်နိုင်ရန် ကြိုးစားနေကြသည်ဟု ဘေဂျင်းရဲတပ်ဖွဲ့က ပြောကြားခဲ့သည်။
လက်မထပ်ရသေးသည့် တရုတ်အမျိုးသမီးများမှာ ပတ်ဝန်းကျင်တွင် ဂုဏ်အသရေပျက်မည်ကို စိုးသောကြောင့် ၎င်းတို့ရရှိသည့် ကလေးငယ်များကို စွန့်ပစ်ကြပြီး၊ အချို့မိဘများမှာမှု ကိုယ်အင်္ဂါချို့ယွင်းသော ကလေးများကို စွန့်ပစ်ကြသည်။
ဒေသတွင်း သတင်းစာတစ်စောင်ဖြစ်သည့် Beijing Times တွင် ရဲတပ်ဖွဲ့မှာ တနင်္ဂနွေနေ့က အများသုံးအိမ်သာ၌ ကလေးငိုသံကြားသည်ဟု သတင်းပေးပို့မှု ရရှိခဲ့ပြီးနောက် သွားရောက်ကြည့်ရှုခဲ့ရာ အိမ်သာပိုက်အတွင်း ခြေထောက်ဝင်နေပြီး မျက်နှာမှောက်ခုံဖြစ်နေသည့် ကလေးငယ်ကို တွေ့ခဲ့ရသည်ဟု ဆိုသည်။
ထို့ကြောင့် ရဲတပ်ဖွဲ့ဝင်တစ်ယောက်မှာ ၎င်း၏ လက်ကို အိမ်သာပိုက်အတွင်းသို့နှစ်ကာ ကလေးငယ်အား ဖြည်းဖြည်းချင်း ဆွဲထုတ်ခဲ့ရသည်။
ထိုသတင်းနှင့်ပတ်သက်၍ ဘေဂျင်းရဲတပ်ဖွဲ့ကလည်း အတည်ပြုခဲ့ပြီး အချက်အလက်အနည်းငယ်ကိုသာ ထုတ်ပြန်ခဲ့ကာ ကလေးငယ်မှာ ရုပ်ပိုင်းဆိုင်ရာ ချို့တဲ့မှုမရှိဟု ပြောကြားခဲ့သည်။
၂၀၁၃ ခုနှစ်ကလည်း ဇီဂျန်းပြည်နယ်တွင် မိလ္လာပိုက်ထဲသို့ ရောက်နေသည့် မွေးကင်းစကလေးငယ်အား ရဲတပ်ဖွဲ့က မိလ္လာပိုက်ကိုဖြတ်ထုတ်၍ ကယ်တင်ခဲ့ရသည်။ မိခင်ဖြစ်သူကမူ သူမက ကလေးမွေးလိုက်သည့်အချိန်တွင် မတော်တဆ ကျသွားခဲ့ခြင်းဖြစ်သည်ဟု ပြောကြားခဲ့သည်။
အဆိုပါအမျိုးသမီးမှာ မိဘများမသိအောင် ကိုယ်ဝန်ဆောင်ထားရခြင်းဖြစ်ပြီး နောက်ပိုင်းတွင် ကလေး၏ မိခင်ဖြစ်သည်ဟု ၀န်ခံခဲ့ကြောင်း ဒေသတွင်း မီဒီယာများက ဖော်ပြခဲ့ကြသည်။
Ref: Aljazeera
