Blog

တရုတ်နှင့် အိန္ဒိယတို့ဆုံတွေ့ရာ ဗမာပြည် (သို့) အာရှ၏ အချက်အချာ (WHERE CHINA MEETS INDIA) စာအုပ်မိတ်ဆက်

ဇူလိုင် ၂၈ ၊ ၂၀၁၅
M-Media

တရုတ်နှင့် အိန္ဒိယတို့ဆုံတွေ့ရာ ဗမာပြည် (သို့) အာရှ၏အချက်အချာ
(WHERE CHINA MEETS INDIA; BURMA AND THE NEW CROSSROADS OF ASIA)
ခေတ်သစ်မြန်မာပြည်ဟာ အာရှမှာမည်သို့အရေးပါသည့်အခန်းကဏ္ဍကပါဝင်လာနိုင်သည်ကိုသိလိုသူတိုင်း မဖြစ်မနေဖတ်ရှုသင့်သည့်စာအုပ်အဖြစ် ဆရာသန့်မြင့်ဦးရေးသည့် Where China Meets India မြန်မာဘာသာပြန်ကို ကို M-Media စာဖတ်ပရိတ်သတ်များအတွက် မိတ်ဆက်ပေးလိုက်ပါတယ်။ မူရင်းအင်္ဂလိပ်ဘာသာနဲ့ရေးသားထားပြီး မြန်မာဘာသာဖြင့် ဖတ်ရှုလိုသူများအတွက် WHERE CHINA MEETS INDIA ကို “မြန်မာသည် အာရှ၏ ဂိမ်းချိန်ချာလော” အမည်ဖြင့် ဆရာနိုင်ဦး ကဘာသာပြန်ထားပါသည်။

(ဆရာနိုင်ဦး၏အမှာမှ)
ပြင်ပကမ္ဘာကြီးအကြောင်း နကန်းတစ်လုံးမျှမကြားဘူး၊ မမြင်ဘူးပါပဲနှင့် ကျနော်တို့ ဗမာတွေ ခြေပစ်လက်ပစ် အိပ်မောကျခဲ့သည်မှာ နှစ်ကြိမ်နှစ်ခါ တိုင်လေပြီ။ သက်ဦးဆံပိုင် အာဏာရှင်တွေ၊ ပဒေသရာဇ်ဘုရင်တွေ လက်အောက်မှာ တစ်ကြိမ်နှင့် ဆိုးယုတ်သော စစ်အာဏာရှင်များလက်အောက်တွင် တစ်ကြိမ် ပေါင်းနှစ်ကြိမ်။

ခေတ်ကမ္ဘာကြီးနှင့် ပတ်သတ်၍ ဗမာတွေ အကြားအမြင်၊ ဗဟုသုတမရှိ။ မြန်မာပြည်အပြင်ဘက် ရောက်ဖူးပေါက်ဖူး၍ ကြားသိနားလည်ခဲ့ကြသော ဆရာကောင်းတို့က ခေတ်နှင့်လျော်ညီသော အုပ်ချုပ်ရေး၊ စီးပွားရေး ပြုပြင်ပြောင်းလဲမှုတွေ လုပ်ဖို့ အကြံပေးသည့်တိုင် ဘုန်းကြီးစာလောက်သာ တတ်သည့် ဘုရင့်အသိုင်းအဝိုင်းက ပြက်ရယ်ပြုခဲ့သည်။ ပြည်သူလူထုဆိုသည်ကလည်း နီးရာဓား ကြောက်ရသည်။ “ခြေနှစ်ချောင်းလည်း မကယ်နှင့် မင်းလှေမျောလည်း မဆယ်နှင့် ” ဆိုသလို တိုင်းရေးပြည်ရေးနှင့် ဖာသာလဝါနေတတ်ကြသည်။ “အလှူပေးသူဌေးဖြစ်၊ နတ်ပြည်ရောက် ” ဆိုသလိုသော အယူစွဲ ဥခွံလေးကိုပင် ကမ္ဘာလုပ်နေလာခဲ့ကြရာ ဗြုန်းဆို တစ်ပြည်လုံး အင်္ဂလိပ်လက်အောက်ရောက်သွားခါမှ အိပ်ရာက လန့်နိုးခဲ့ကြသည်။ ဗြိတိသျှ ကိုလိုနီခေတ် မရောက်မီအထိ ကိုယ့်တစ်အိမ်ထောင် ဝမ်းစာဖူလုံဖို့လောက်သာ စိုက်ပျိုးစားသောက်တတ်သည်ဖြစ်၍ ဗမာတွေမှာ အုပ်ချုပ်ရေးပညာမရှိ၊ စက်မှုအတတ်ပညာမရှိ၊ ကုန်ကုန်ပြောရလျှင် တရုတ်၊ ကုလားတွေလိုပင် ဈေးပင် မရောင်းတတ်။ နိုင်ငံတကာနှင့် ယှဉ်သော ကူးသန်းရောင်းဝယ်ရေးကို နားမလည်။ ပိုဆိုးသည်က ကုန်သည်ပွဲစားအလုပ်အကိုင်ကိုပင် အထင်သေးအမြင်သေး ရှိတတ်ကြသည်။ ဒီတော့ သဘာဝကျစွာပင် ဗြိတိသျှအုပ်ချုပ်ရေးအောက်မှာ ဗမာတွေကျွန်ဖြစ်ခဲ့ကြသည်။

အင်္ဂလိပ်တွေက လိုချင်တာ ယူသွားကြသည်။ ယူလို့မရတော့သည့်အဆုံးမှ ဟောင်းလောင်းပက်လက်ဖြစ်ကျန်ခဲ့သော ဗမာပြည်ကို ဗမာတွေလက်ထဲထည့်ပေးခဲ့သည်။ ဗမာပြည်ကို ဗမာတွေလက်ထဲပြန်ရောက်ပေမယ့် အသိပညာနုံနည်းသော ဗမာတွေနှင့် လွတ်လပ်ရေး မထိုက်တန်။ လုကြယက်ကြနှင့် အတ္တတွေ ပွတ်တိုက်မိရာက တစ်ပြည်လုံး ပြည်တွင်းစစ်မီးကြီး တောက်လောင်ခဲ့ရာက စစ်အာဏာရူးလူတစ်စုလက်ထဲ ပြန်ရောက်သွားပြီး အမှောင်ထဲမှာ ဗမာတွေ နောက်တစ်ကြိမ် နှစ် (၅၀) ကျော် အိမ်မောကျခဲ့ပြန်ပါသည်။

စာရေးသူ ဆရာသန့်မြင့်ဦး

ယခုအိပ်ရာက နိုးလေပြီ။ သို့ပေမယ့် ပထမတစ်ကြိမ်တုန်းကလို ပြင်ပကမ္ဘာကြီးနှင့် ဘွားကနဲ့ တွေ့လိုက်ရချိန်မှာ ဗမာတွေမှာ ခြေဗလာ၊ လက်ဗလာနှင့် ရင်ဆိုင်ဖို့အသင့်မရှိ။ ကမ္ဘာနှင့်ယှဉ်ဖို့ အသိပညာ၊ အတတ်ပညာတွေမွဲပြာနေဆဲ။ ပထမအကြိမ် ပြင်ပကမ္ဘာကြီးနှင့် ဗမာတွေ ပက်ပင်းတိုးခဲ့ချိန်နှင့် ယခုတစ်ကြိမ်သည်လုံးဝမတူတော့။ ယခုတစ်ကြိမ် စိန်ခေါ်မှုတွေက ယခင်ကထက် အဆပေါင်းများစွာ ပြင်းထန်သည်။ နည်းပညာဆိုတာတွေကို အသာထား။ ပထဝီဝင်အခင်းအကျင်းတို့သည်ပင် များစွာပြောင်းလဲသွားလေပြီ။ ယခင်က မြန်မာနှင့် အိမ်နီးချင်းနိုင်ငံတွေကြား လူတိုးမပေါက်နိုင်သော မြိုင်သေလာအထပ်ထပ်နှင့် လျှိုကြီး ချောက်ကြီး တောင်တန်းကြီးတွေ ကမ္ဘာခြားသလို ခြားနေခဲ့ပါသော်လည်း ယခုမူ လူဦးရေပေါက်ကွဲလာသည်နှင့်အမျှ နိုင်ငံတို့၏ နယ်နမိတ်စည်းရိုးတွေ ထိကပ်လာသည်။ အချို့နေရာတွေဆိုလျှင် မထင်ရှားတော့၊ ဝါးသွားလေပြီ။ ဤသို့ ဤနှယ် ဖြစ်ပေါ်ပြောင်းလဲမှုတို့ပင် နောက်ဆက်တွဲရလာဒ်အဖို့မှာလည်း နှစ်စွန်းနှစ်ဆွယ်ရှိသည်ဟု ဆိုသည်။ ဖြစ်ပေါ်လာသော အနေအထားအသစ်တို့ကို မြန်မာတို့အနေနှင့် နိုင်ငံရေးအရ တစ်စည်းတစ်လုံးတည်းနှင့် ကိုင်တွယ်နိုင်ပါမူ တစ်တိုင်းတစ်ပြည်လုံးအတွက် ရတနာပုံကိန်းဆိုက်နိုင်ပါသော်လည်း ယခင်လို အတ္တမာန်မာနတွေနှင့် အာဏာရူး၊ ဥစ္စာရူး ရူးနေကြဦးမည်ဆိုလျှင်ကား အင်္ဂလိပ်ကျွန်ဇာတ်သွင်းခံရသည်ထက် ကိုယ်ကျိုးနည်းဖွယ်ရှိကြောင်း ဆရာသန့်မြင့်ဦး၏ ယခုစာအုပ်တွင် ရှာဖွေတွေ့နိုင်ပါသည်။ (ဆရာနိုင်ဦး အမှမှ)

“မြန်မာသည် အာရှ၏ ဂိမ်းချိန်ချာလော” – စာအုပ်မှ ကောက်နှုတ်ချက်

တရုတ်နိုင်ငံ၏ စက်မှုထုတ်ကုန်လုပ်ငန်းများ ကြီးထွားလာသည်နှင့်အမျှ တစ်နေ့ထက်တစ်နေ့ လောင်စာစွမ်းအင်များ ပို၍ လိုအပ်လာနေသည်။ သို့ဖြစ်သည်နှင့်အညီ တရုတ်ပြည်၏ လောင်စာလိုအပ်မှုကို လက်တလောဖြည့်ပေးနေသည်မှာ အာဖရိကနှင့် အရှေ့အလယ်ပိုင်း ရေနံတွင်းများမှဖြစ်ပြီး ၎င်းနေရာမှ ရေနံတို့ကို သင်္ဘောများဖြင့် ဝယ်ယူရာတွင် မလက္ကာ ရေလက်ကြားကို ဖြတ်၍ စင်္ကာပူမှတဆင့် တရုတ်ပြည်သို့ရောက်ရှိလာခြင်းဖြစ်ရာ ဤတွင် တရုတ်မဟာဗျူဟာ လေ့လာရေးသမားများ ရတတ်ပွေစရာအခြေအနေတစ်ခုမှာ “မလက္ကာ ရေလက်ကြား” ဖြစ်လေသည်။ မလက္ကာရေလက်ကြားသည် အမေရိကန်တို့ ထိန်းချုပ်မှုအောက်တွင်ရှိနေသဖြင့် အကယ်၍ တစ်နေ့နေ့တစ်ချိန်ချိန် အမေရိကန် (သို့) အိန္ဒိယနှင့် မိမိတို့ ကတောက်ကဆဖြစ်ခဲ့သော် ရန်သူစစ်သင်္ဘောတို့က မလက္ကာရေလက်ကြားကို အသာလေးပိတ်လိုက်၍ ရေနံတင်ပို့မှုကို ဖြတ်တောက်လိုက်ရုံနှင့် မိမိတို့ စင်းစင်းကြီးသေသွားနိုင်သည်ကို တရုတ်ခေါင်းဆောင်တွေကောင်းကောင်းသိသည်။ တရုတ်ပြည်အတွက် မလက္ကာရေလက်ကြားသည် အရေးပါနေသလို ခြေပစ်လက်ပစ်လည်း မှီခို၍မရ။ ဤသဘောကို တရုတ်သမ္မတ ဟူကျင်တောင်က မလက္ကာ ဒိုင်လမာ (The Mellacca Dilemma) ဟု ဝိဂြိုဟ်ပြုခဲ့ရာ ယခုမူ ဗမာပြည်ကို ထုတ်ချင်းခတ်လျက် ရခိုင်ကမ်းလွန်သဘာဝဓာတ်ငွေ့နှင့် ရေနံတို့ကို တရုတ်ပြည်အနောက်ဘက်ခြမ်း ဖွံ့ဖြိုးမှု နောက်ကျကျန်နေသော ဒေသများအထိ ကဲ့ယူနိုင်ပြီဖြစ်၍ မလက္ကာ အကျပ်အတည်းကို ဖြေရှင်းပြီးဖြစ်သလို တရုတ်ပြည် အနောက်ခြမ်း ဖွံ့ဖြိုးရေးအတွက်လည်း တံခါးပွင့်သွားပြီဖြစ်ပါ၏။ (စာ ၁၆ဝ – ၁၆၁ မှ)

တရုတ်နှင့် ပတ်သတ်၍ မြန်မာတို့အမြင်တွင် ဒရောသောပါးနှင့် စိမ့်ဝင်လာမည့် ဧရာမလှိုင်းလုံးကြီးတစ်ခုလို ဖြစ်လာခဲ့ကြရာ ထိုအမြင်မှခွာကြည့်လိုက်လျှင်မူ တရုတ်သည် မြန်မာစစ်အာဏာပိုင်တို့နှင့် ဆွေမျိုးပေါက်ဖော်လုပ်နေသလို တစ်ဘက်တွင်လည်း မြောက်ကိုရီးယားနှင့် ဆူဒန်တို့လို လူဆိုးလူမိုက်လူရမ်းကား အစိုးရမျိုးနှင့်လည်း ပရောပရီလုပ်၍ အိန္ဒိယနှင့် ယှဉ်ပြိုင်ရမည့် ဂရိတ်ဂိမ်းကြီးအတွက် အကွက်ချလျက်ရှိရာ တရုတ်မြန်မာဆက်ဆံရေးကို အမှန်တကယ် တွန်းအားပေးနေသော အင်အားတို့သည်ကား ဘယ်အရာတွေဖြစ်နိုင်ပါသနည်း။ တရုတ်နှင့်ပတ်သတ်၍ ဒေသတွင်း အကဲဖြတ်ချက်များက အဘယ်နည်း။ တရုတ်ပြည်အနားသတ်နယ်နိမိတ်သမိုင်းနှင့် ယူနန်ဒေသ အနေအထားကို လုံးလုံးလျားလျား ဘေးဖယ်ထားလို့ရပါသလား

ဘေဂျင်းမှ ယူနန်ဒေသမြို့တော် ကူမင်းသို့ လေကြောင်းနှင့်သွားလျှင် တရုတ်ပြည် ကုန်းတွင်းပိုင်းနှင့် ကွေ့ကောက်ရစ်ခွေနေသော တောင်စဉ်အထပ်ထပ်ကို ကျော်၍ (၃) နာရီမျှ သွားရသော ခရီးဖြစ်ပါသည်။ ယူနန်သည် မြန်မာနှင့် ကပ်လျက် တည်နေရုံမက ဧရိယာနှင့် လူဦးရေပါ မတိမ်းမယိမ်းရှိသော ပြည်နယ်တစ်ခုဖြစ်သလို ဘင်္ဂလားပင်လယ်အောင်သို့ မောင်းနှင်မည့် တရုတ်၏ အင်ဂျင်တစ်လုံးလည်းဖြစ်ပါ၏။ ( စာ – ၁၆၅ မှ )

အိန္ဒိယနှင့် ကျွန်ုပ်တို့သည် မည်သည့်အခါကမျှ သူစိမ်းသူပြင် ဆန်ခဲ့ကြသူတွေမဟုတ်၊ ရှေးအတိတ်တုန်းကပင် အဆက်အဆံရှိခဲ့ရာ ကျွန်ုပ်၏ မိဘများ မွေးဖွားသော (၁၉၃ဝ) ကျော်နှစ်များတွင် မြန်မာသည် အိန္ဒိယအင်ပါယာ၏ အစိတ်အပိုင်းတစ်ခုအဖြစ်တည်ရှိနေပြီး၊ ကျွန်ုပ်၏ အဖိုးဖြစ်သူကား (၁၉) ရာစုနှောင်းပိုင်းတွင် ကာလကတ္တား တက္ကသိုလ်၌ ပညာသင်ကြားခဲ့ရာ အဖိုး၏ စာကြည့်ခန်းထဲတွင် ချိတ်ထားသော မဟတ္တမဂန္ဒီနှင့် ပဏ္ဍိတ်နေရူးတို့၏ ရုပ်ပုံတို့ကို ကျွန်ုပ်ငယ်ငယ်က ကြည့်ခဲ့ဖူးသည်ကို ယခုအထိမှတ်မိနေသေးသည်။

ထိုနည်းတူ ဗြိတိသျှအင်ပါယာအတွင်းမှ မြန်မာပြည်၏သမိုင်းပုံပြင်တို့ကိုလည်း ငယ်စဉ်ကပင် စိတ်ဝင်တစားဖတ်ရှုခဲ့ရာမှ ကင်းဘရစ်တက္ကသိုလ်ရောက်သည့်အခါ ဗြိတိသျှသမိုင်းဆရာတို့၏ သင်ကြားပြသမှုအောက်တွင် သမိုင်းဘာသာရပ်ဖြင့် ဘွဲ့ရသည်အထိ ရာဇဝင် အမျှင်တန်းခဲ့ပါ၏။

မိဘများမွေးရပ်မြေသို့ တစ်ခေါက်တစ်ကြိမ် ပြန်ရောက်သည့်အခါများတွင်လည်း ကျွန်ုပ်မိသားစုဝင်များအပါအဝင် ထိုစဉ်က မျိုးဆက်ဟောင်းများထံတကူးတကသွားရောက်တွေ့ဆုံခဲ့ရာတွင် အများစုမှာ ထိုခေတ်ထိုအခါက ပညာတတ်တွေပီပီ အပြောအဆိုအလေ့အထတို့မှာ အင်္ဂလိပ်ဘာသာစကားနှင့် အသားကျနေကြရာ ကိုလိုနီအမွေအနှစ်ကား (၁၉၈ဝ) လွန်ကာလများအထိ ရှိနေဆဲဖြစ်ပါ၏။ (စာ – ၂၇၇ မှ)

မြန်မာမှသည် ဘာလီကျွန်းအထိ ဒေသတစ်လျှောက်ကို အနောက်တိုင်းပညာရှင်တို့က Father India ဟု အမှတ်ရှိခဲ့သလို အရှေ့တောင်အာရှ၏ အိန္ဒယဇာတ်အသွင်းခံရသောနိုင်ငံများဟူ၍လည်း ရည်ညွှန်းတတ်ကြရာ အဓိကအကြောင်းတရားမှာ အိန္ဒိယ၏ စာပေ၊ ယဉ်ကျေးမှု၊ ဗေဒင်လက္ခဏာ၊ ဆေးကျမ်း ၊ နက္ခတ္တဗေဒနှင့် ပဒေသရာဇ် အုပ်ချုပ်ရေးအယူအဆအတွေးအခေါ်တို့က ဆိုခဲ့ပါဒေသတစ်ခုလုံးကို ရာစုနှစ်ပေါင်းများစွာ လွှမ်းမိုးခဲ့သည်ဆိုသော အဓိပ္ပာယ်ဖြစ်သည်။ ယနေ့တိုင်လည်း ရှေးဟောင်းအိန္ဒိယ၏ အထွေထွေယဉ်ကျေးမှု အမွေအနှစ်တို့ကို နယ်ပယ်တိုင်းတွင် တွေ့မြင်နိုင်ရာ မြန်မာ၊ ထိုင်း ၊ လာအို ၊ ကမ္ဘောဒီးယားနိုင်ငံတို့တွင်မူ ဗုဒ္ဓဘာသာသည် လူအများစုကိုးကွယ်ရာဖြစ်၍ အင်ဒိုးနီးရှား၊ ဘာလီကျွန်းနေ လူဦးရေ၏ (၉၀) ရာခိုင်နှုန်းသည် ဟိန္ဒီများဖြစ်ပြီး အစ္စလာမ်ဘာသာသည်ပင် အိန္ဒိယမှတစ်ဆင့်ရောက်လာခြင်းဖြစ်သည်။ (စာ -၂၈၈ မှ)

July 27, 2015
“လိုင်လာခန်း ရဲ့ အကယ်ဒမီ ရင်ခုန်သံ နှင့် ခွဲခြားဆက်ဆံခံရမှု ဂယက် “

MRTV4 ရဲ့ Let’s Talk အစီအစဉ်မှ ကောက်နှုတ်ဖော်ပြပါသည်။

ဇင်အောင် – နောက်တစ်ခုထပ်ပြီး မေးချင်တာက ဒီရုပ်ရှင်ဇာတ်ကားနဲ့ ပတ်သက်ပြီးတော့ အမရဲ့သရုပ်ဆောင်မှု အပေါ် ပရိသတ်တော်တော် များများက အရမ်းကို နှစ်ခြိုက်အားပေးကြတယ်ခင်ဗျ ဒါကတော့ ခြွင်းချက် မရှိပေါ့နော်။ ဒါနဲ့ပတ်သက်ပြီး အကယ်ဒမီနဲ့ပတ်သက်ပြီးတော့ အမရဲ့ရင်ခုန်သံလည်း ကြားချင်ပါတယ်။ များသောအားဖြင့် ကျွန်တော်တို့ဒီမှာ တော်တော်များက အကယ်ဒမီနဲ့ပတ်သက်ပြီးတော့ အရမ်း sensitive ဖြစ်ကြပါတယ်ခင်ဗျ။ အမနဲ့ပတ်သက်ပြီးတော့ အကယ်ဒမီရင်ခုန်သံတွေ အရမ်းကြားနေရပါတယ်။ အဲ့ဒီအပေါ်မှာ ဒါပေမယ့်လည်း တစ်ဖက်မှာ ရင်ခုန်စိတ်လှုပ်ရှားဖွယ်ရာ အငြင်းပွားဖွယ်ရာ အများများကြီးလည်း ဖြစ်နေပါတယ်ခင်ဗျ။ ကျွန်တော်ဆိုလိုချင်တဲ့ အဓိပ္ပာယ်ကို အမသဘောပေါက်လားတော့မသိဘူးခင်ဗျ။
.
လိုက်လာခန်း – သဘောပေါက်ပါတယ်မောင်လေး။ အမ အရမ်းသဘောပေါက်ပါတယ်။ အဲ့ဒါကြောင့်မို့လည်း interview တိုင်းမှာ အမကို interview လာ view တဲ့လူတွေအားလုံးက သမီး အကယ်ဒမီရမှာနော်။ အဲ့ဒီအပေါ် ဘယ်လိုမြင်လဲလို့ ပြောတဲ့အခါကျလို့ရှိရင် – အဲ့လိုပြောလိုက်တာလေး အဲ့အသံလေးကိုကြားလိုက်ရင် ၀မ်းသာပါတယ်။ ဒါပေမယ်လို့ အမ interview တိုင်းမှာ ပြောခဲ့တဲ့ အတိုင်းပဲ။ မမှန်းပါဘူးလို့။ မမှန်းတာ ကိုယ့်ရဲ့ talent ကိုမယုံကြည်လို့ မဟုတ်ဘူး။ ပရိတ်သတ်တွေကို မယုံကြည်လို့လည်း မဟုတ်ဘူး။ မမှန်းရဲဘူးဆိုတာ အကယ်ဒမီက နတ်ကြီးတယ်လေ။ ပြီးတော့ ၂ နှစ်လောက်ရှိပြီ။ အကယ်ဒမီ ပေးတဲ့အချိန်ပိုင်းလောက်မှာ အမ ရန်ကုန်မှာ ရောက်ရောက်နေတယ်။ ဆိုတော့ လူတွေပြောလိုက်ပြီဆိုရင် အဲ့လူကမရဘူး။ မရတာများတာကို တွေ့နေရတယ်။ ဟာ ဒီနှစ်သူရမယ်၊ သူရမယ်ဆိုရင် မဖြစ်လာဘူးဆိုတော့ အဲ့ဒါလေးကို နည်းနည်းကြောက်တယ်။

.
ပြီးတော့နောက်တစ်ခုက ဘာလဲဆိုရင် ဘာသာရေးနဲ့ပတ်သက်ပြီးတော့ အမတို့နိုင်ငံမှာ အခုချိန်ထိ ဒီမိုကရေစီ ဘယ်လောက်ပဲ ရသွားပြီလို့ ပြောပေမယ့် mentally ဒီမိုကရေစီမရသေးဘူး မောင်လေး။ လူတွေဆီမှာ ဒီမိုကရေစီဆိုတာ နိုင်ငံတစ်ခု ကပေးတဲ့ ဒီမိုကရေစီက တန်ဖိုးဒီလောက်မရှိဘူး။ အဲ့နိုင်ငံမှာနေတဲ့လူတွေအားလုံးရဲ့mentally ဒီမိုကရေစီဖြစ်ဖို့က ပိုအရေးကြီးတယ်လို့ အမထင်တယ်၊ မမတို့ ပညာရှိအသိုင်းအ၀ိုင်းပေါ့နော် မမတို့မြင်သလောက်က အားလုံးက အရမ်းနားလည်တယ်။ ဒါပေမယ့် အခုအချိန်မှာလည်း တစ်ချို့တွေက ဟိုပေါ့ ဘာသာ- မြန်မာလူမျိုး ဘယ်လောက်ပဲဖြစ်နေပါစေ။ ကိုးကွယ်တဲ့ဘာသာမတူတဲ့အပေါ်မှာ အမြင်တွေစောင်းကြတယ်။ အဲဒါကို စိတ်မကောင်းဘူး အမ။ အဲဒါကတော့ အရမ်းဝမ်းနည်းတယ်။ အဲဒါဝမ်းနည်းတာလည်း ကိုယ့်အတွက် အကျိုးမရှိမှာစိုးလို့ ၀မ်းနည်းတာမျိုးမဟုတ်ဘူး။ ကိုယ်အရမ်းချစ်တဲ့ကိုယ့် မြန်မာနိုင်ငံကြီး တိုးတက်သင့်သလောက် မတိုးတက်မှာကိုကြောက်လို့ ၀မ်းနည်းတာ။
.
အိန္ဒိယသည် ဒီအချိန်မှာ ရင်ဘောင်တန်းပြီးတော့ ဟောလီးဝုဒ်နဲ့အပြိုင်သွားနိုင်တယ်။ ဟောလီးဝုဒ်က ဒါရိုက်တာတွေက အိန္ဒိယက Actor တွေကို တောင်းတောင်းပန်ပန်နဲ့လာပြီး ရှိခိုးကန်တော့ပြီး ခေါ်နေတယ်။ အိန္ဒိယက Actor တွေက `ကျွန်တော်တို့ အလုပ်မလုပ်နိုင်ဘူး´ လို့ ပြောရတဲ့အထိအောင် ရောက်နေတယ်။ Why? ဘာဖြစ်လို့လဲ။ အိန္ဒိယနိုင်ငံသည် အခုအချိန် Medical မှာ – ကမ္ဘာတစ်ခုလုံးမှာ အကောင်းဆုံး Kidney (ကျောက်ကပ်) ဆေးရုံ၊ အကောင်းဆုံး Heart Transplant (နှလုံးအစားထိုးကု) ဆေးရုံ အိန္ဒိယမှာရှိတယ်။ ဘာကြောင့်လဲ။ သွားကြည့်လိုက်မောင်လေး။ ဟိုမှာ ဘာသာရေးခွဲခြားမှုမရှိဘူး။ ဘာသာရေး အဓိကရုဏ်း မဖြစ်ဘူးလား။ ဖြစ်တယ်။ ဒါနိုင်ငံတိုင်းမှာဖြစ်တယ်။ China မှာဖြစ်တယ်။ အိန္ဒိယမှာဖြစ်တယ်။ မြန်မာပြည်မှာဖြစ်တယ်။ ဒါပေမယ့်လို့ တကယ် လူတွေရဲ့ Mind မှာ – သူတို့ဘာသာရေးအဓိကရုဏ်းဖြစ်တယ်ဆိုတာက Politics (နိုင်ငံရေး) တွေကြောင့် ဖြစ်တာများတယ်။ ဒါပေမယ့် သူတို့ Mind ထဲမှာ တစ်ကယ်တမ်း မောင်လေးကြည့်လိုက်တယ်ဆိုလို့ရှိရင် – အမ ဥပမာတစ်ခုပြမယ်။
.
ရှာရွတ်ခန်းဆိုတာက အိန္ဒိယမှာရော၊ ကမ္ဘာမှာရော လွှမ်းမိုးထားတဲ့ Actor တစ်ယောက်ပေါ့နော်။ သူက အစ္စလာမ်ဘာသာ စစ်စစ်။ အိန္ဒိယနိုင်ငံဟာ ဟိန္ဒူ ဗုဒ္ဓဘာသာလို့လည်းပြောလို့ရတယ်။ ဟိန္ဒူပေါ့နော်။ ဟိန္ဒူဘာသာနိုင်ငံပေါ့။ ဒါပေမယ့် ဘောလီးဝုဒ် မှာ မောင်လေးကြည့်မယ် ဆိုလို့ရှိရင် ၁၀၀ မှာ ၉၀ က အစ္စလာမ်တွေများတယ်။ မွတ်စလင်တွေများတယ်။ အမီးရ်ခန်းတို့၊ ဆလ်မန်းခန်းတို့၊ ရှာရွတ်ခန်းတို့၊စေဖ်အလီခန်း(saif ali khan) တို့ အကုန်လုံးက မွတ်စလင်တွေနော်။ ဒါရိုက်တာကြီးတွေမှာဆိုလည်း မွတ်စလင်တွေပဲ။ ဒါပေမယ့် အိန္ဒိယသည် ဘယ်တုန်းကမှ – မမအလုပ်လုပ်ခဲ့တာ ၇ နှစ်မှာလည်း တစ်ခါမှ – ဟို သူသည် မွတ်စလင်မို့လို၊ သူသည် ဟိန္ဒူမို့လို့ သူသည် Chinese မို့လို့ တစ်ခါမှ မကြားခဲ့ဖူးဘူး။ ရှာရွတ်ခန်းသည် ၁၈ နှစ် – သူ့ရဲ့အလုပ်သက် အနှစ် ၂၀ မင်းသားဖြစ်လာတဲ့အချိန်မှာ ၁၈ နှစ်လုံးလုံး အကယ်ဒမီ – Film Fair Award ကို ယူခဲ့တယ်။ အဲဒါသည် သက်သေပြနေတာ။ အိန္ဒိယနိုင်ငံ ဘယ်လောက်ဒီမိုကရေစီဖြစ်လည်းဆိုတာကို သက်သေပြနေတာပဲပေါ့နော်။ မမ အိန္ဒိယကို မြှောက်ပြီးပင့်ပြီး ပြောဆိုနေတာ မဟုတ်ဘူး။ မမနိုင်ငံ မြန်မာနိုင်ငံကို တစ်နေ့တစ်ချိန်မှာ အဲလိုဖြစ်စေချင်လို့ ကမ္ဘာမှာ။ အခုဆိုရင် အိန္ဒိယမှာဆိုလို့ရှိရင်။ ဘယ်သူ့မှ ဒီ အိန္ဒိယသည် မတရားဘူးလို့ ပြောလို့မရဘူး။ အိန္ဒိယသည် အရမ်း Fair ဖြစ်တယ်။ လူတွေဆိုရင် – အမေရိကန်တွေ၊ ယူရိုပီယန်တွေတောင် အင်ဒီယန်တွေကို လေးစားတယ်။ ဘာဖြစ်လို့လည်းဆိုတော့။ ဘယ်လောက်ပဲ ဘယ်လိုပဲဖြစ်ဖြစ်။ သူတို့သည် အလုပ်သဘောဆိုရင် အလုပ်သဘောအရ ဆုံးဖြတ်တယ်။ သဘောက ရှာရွတ်ခန်းသည် ၁၈ နှစ်လုံးလုံး ယူလာတယ်။ တစ်ခြားဟိန္ဒူဘာသာကိုးကွယ်နေတဲ့သူတွေ အများကြီး၊ တော်တာတွေအများကြီးရှိတယ်။ Nomination (ဇကာတင်စာရင်း) ဆိုတာ သူရမလား၊ သူရမလား ဖြစ်နေတဲ့အခါမှာ အမြဲတမ်း ရှာရွတ်ခန်းက ဆွဲသွားတယ်။ အမြဲတမ်း ရှာရွတ်ခန်းပဲ။ ဘာဖြစ်လို့လဲသိလား။ သူရသင့်တယ်။ သူ့ကိုပေးတယ်။ သူသည်မွတ်စလင်ဖြစ်လို့၊ ဒါသည် ဟိန္ဒူဖြစ်လို့ သူ့ကိုပေးရမယ်ဆိုလို့ရှိရင် – အဲဒီလိုမျိုးလည်း သူတို့မှာ မရှိဘူး။
.
ပြီးတော့ ပြည်သူလူထုကအစ မင်းသားတစ်ယောက်ကိုကြည့်ရင် သူ မွတ်စလင်လား၊ ဟိန္ဒူလားဆိုတာကို မကြည့်ဘူး။ သူသည် ဘယ်လောက်တော်တဲ့ Actor လဲ။ သူ့အလုပ်ကို ဘယ်လောက်ပိုင်အောင်လုပ်နိုင်လဲ။ လူတွေကို ဘယ်လောက်အထိ ချစ်အောင်လုပ်နိုင်လဲ။ အိန္ဒိယမှာ ရှာရွတ်ခန်းတို့ ဆလ်မန်းခန်းတို့ကို မွတ်စလင်တွေထက်ကိုပိုပြီးတော့ ဟိန္ဒူတွေကချစ်တယ်။ အရမ်းချစ်တယ်။ ဆိုတော့ အဲဒီဟာလေးတွေက အရမ်းစကားပြောတယ်။ နိုင်ငံတစ်နိုင်ငံ တိုးတက်ဖို့၊ နိုင်ငံတစ်နိုင်ငံကြီး – ဟို – ဘယ်လိုခေါ်မလဲ – စည်းလုံးမှု – အရမ်းအရေးကြီးတယ်။ အဲဒီစည်းလုံးမှု ရှိလာတဲ့အခါကျလို့ရှိရင်။ အခုဆိုလို့ရှိရင် အမတို့ နိုင်ငံခြား သွားတယ်ဆိုလို့ရှိရင် – မမတို့ဆိုရင် စဉ်းစားကြည့်။ မောင်လေးကို မမ ရင်ဖွင့်ပြီးပြောပြတာ။ မြန်မာနိုင်ငံမှာ လာတယ်ဆိုရင်- ဟာ – သူတို့က မွတ်စလင်တွေ။ တစ်ချို့ဆိုပြောမယ် ဒါ ကုလား- ဘာညာပေါ့။ ဟုတ်ပြီ။ မမတို့ မြန်မာ စာအုပ်ကိုင်ထားတယ်။ မြန်မာ ပတ်စ်ပို့ – ဒီပတ်စ်ပို့နဲ့ နိုင်ငံခြားကိုသွားတယ်။ ထိုင်းကိုသွားတယ်။ စင်ကာပူကိုသွားတယ်။ ဘာပြောလဲ။ သူတို့မသိဘူး မမတို့ဘာ ဘာ ဘာသာလဲဆိုတာကို။ ဖမာ – ဗမာ – စာအုပ်ကိုထားလိုက်တယ်။ ဆိုတော့ ၀မ်းနည်းတာက ဘာလဲဆိုလို့ရှိရင် ကိုယ့်နိုင်ငံရောက်လာရင် ကိုယ့်နိုင်ငံကလူက ကိုယ့်ကိုယ်ပယ်လိုက်တယ်။ ဒါ အစ္စလာမ်မို့လို့။ ဒါ ခရစ်ယာန်မို့လို့။ ဒါ Chinese မို့လို့။ နိုင်ငံခြားသွားပြန်တော့လည်း ဗမာမို့လို့တဲ့။ ၀မ်းနည်းစရာကြီး။ ဆိုတော့။
.
စိတ်မကောင်းဖြစ်တာ ဘာလဲဆိုရင် – ဒါဆို အမတို့က Identity က ဘယ်လိုထားရမလဲ။ အမ မလေးရှားမှာ Sunway ကောလိပ်မှာ ကျောင်းတက်တယ်။ အားလုံးစာအုပ်တွေ တစ်နှစ်တစ်နှစ် အမတို့ တိုးရတယ်။ Student Visa ကို Extension (သက်တမ်းတိုး) လုပ်ရတယ်။ အားလုံးစာအုပ်ရောက်လာတယ်။ မမစာအုပ်က အမြဲနောက်ကျတယ်။ ဘာဖြစ်လို့လဲ။ မြန်မာ မို့လို့။ မြန်မာမို့လို့ သူတို့ သေချာ ပြန်စီစစ်နေတယ်။ လုပ်နေတယ်။ နစ်နာမှုက နေရာတိုင်းမှာ။ မမတို့အတွက် အရမ်း Unfair ဖြစ်တယ်။ အဲဒါကို စိတ်မကောင်းဘူး။ ဒါမျိုးတွေပျောက်သွားတဲ့အချိန်ကျရင် ကိုယ့်မြန်မာနိုင်ငံကြီးဟာ ဒီထက် အဆတစ်ရာ တိုးတက်လိမ့်မယ်လို့ ကိုယ်ထင်တယ်။ နောက်ပြီးတော့ တစ်ကယ်တမ်းဆိုလို့ရှိရင်လည်း တရားမျှတတဲ့သဘောမျိုးနဲ့ ကြည့်မယ်ဆိုရင်လည်း အဲဒီလိုမျိုးပဲ ဖြစ်သင့်တယ်။ မမဆိုလို့ရှိရင် မောင်လေးစဉ်းစားကြည့်။ မမကို ဘောလီးဝုဒ်မှာ။ မောင်လေးတို့က ဘောလီးဝုဒ်မင်းသမီး။ အိန္ဒိယက မင်းသမီးဆိုပြီး သိထားပေမယ့်။ အိန္ဒိယရောက်သွားလို့ရှိရင် – She is Burmese citizen. She is Burmese. She is from Myanmar. ဒါပဲပြောရတာလေ။ ဆိုတော့ တစ်ကယ်တမ်းဂုဏ်တက်ရင် ဘယ်သူတက်တာလဲ။ မမနိုင်ငံ ဂုဏ်တက်တယ်။ မြန်မာနိုင်ငံ ဂုဏ်တက်တယ်။ မမ မြန်မာနိုင်ငံကဆိုတာ – အဲဒီစကားလုံးပဲ စပြောတာပဲ။ She is Myanmar citizen. ဆိုတော့ အဲလိုမျိုး ဥစ္စာ။ ကိုယ့် မြန်မာနိုင်ငံကို ဘယ်လိုမျိုးမဆို အသိအမှတ်ပြုခြင်းခံရတာကို ကိုယ်က ၀မ်းသာပေမယ့် – ဒီကိုလာလိုက်တဲ့အခါကြလို့ရှိရင်။ အော် – သူက အစ္စလာမ်ဘာသာ၊ သူက ငါတို့မြန်မာမဟုတ်ဘူး။ No
.
ကျွန်မ ဒီမှတ်ပုံတင်ကိုင်ထားတာ၊ ကျွန်မအမေအဖေဒီမှတ်ပုံတင်ကိုင်ထားတာ ကျွန်မအဖိုးအဖွားက အစ မြန်မာနိုင်ငံမှာမွေးပြီး မြန်မာ မှတ်ပုံတင် ကိုင်ထားတာ ကျွန်မအမေ မော်လမြိုင်သူစစ်စစ်။ ဒီမြန်မာ အစား အစာ စားပြီးတော့ ဒီမြန်မာ ဆရာ၊ ဆရာမတွေရဲ့ သွန်သင်ဆုံးမမှုအောက်မှာ ကြီးလာတာ မြန်မာသီချင်းလေးတွေဆိုဆိုပြီး သိပ်လာတာ ဆိုတော့ အဲ့လိုမြန်မာမဟုတ်ဘူး သူကမွတ်စလင်ဆိုလို့ရှိရင် အမ အရမ်းစိတ်ဆိုးတယ်။ That is nationality . Nationality က ငါ့ရဲ့ nationality ပဲ။ ဘယ်သူမှလာပြီး မဟုတ်ဘူးလို့ ပြောလို့မရဘူး။ ဒါအမှန်တရားပဲ။ That is the truth ဘယ်သူမှပြောင်းလို့မရဘူး။ မမဆို ဘယ်လောက်ထိ ကိုယ့်နိုင်ငံကို ချစ်လဲဆိုရင် အိန္ဒိယမှာ အခါပေါင်းမြောက်များစွာ passport change လုပ်ဖို့ အခွင့်အရေးရခဲ့တယ်။ ဒါပေမယ့် visa တွေ ဘာတွေ လျှောက်တဲ့ အချိန် ကိုယ့် passport က အမြဲဒုက္ခရောက်တယ်ဆိုတော့ စိတ်တော့ဆိုးတာပေါ့။ ဟာ… လဲမယ် ဘာညာ။ တကယ်တမ်းအခွင့်အရေး ရလာလို့ရှိရင် I don’t want. တကယ်တမ်း လဲရတော့မယ်အချိန်ကျလို့ရှိရင်။ ဟာ…မပေးဘူး။ ငါ့ citizen လေ။ ချစ်တယ် ဟာ…ကမ္ဘာမှာ အကောင်းဆုံး citizen မို့လို့ American citizen မို့လို့ မပေးချင်ဘူးဆိုတစ်မျိုး။ မြန်မာ citizen ဆို အားလုံး လဲချင်ကြတယ်။ ဗုဒ္ဓဘာသာ မြန်မာလူမျိုးတွေဆိုတာကအစ လဲကြတာပဲ။ အမကိုကြည့်စမ်း။ နိုင်ငံကိုချစ်တယ် ဘာဖြစ်လို့လဲဆိုတော့ ဘယ်အချိန်သိရလဲ အဲလိုမျိုးဖြစ်လာတဲ့အခါကြတော့ မလဲချင်ဘူး။ တကယ်တမ်းကျတော့ ဟာ မပေးချင်ဘူး။ I don’t want to give up. ဒီစာအုပ်လေးကိုမပေးချင်ဘူး။ ဘာရယ်လို့မဟုတ်ဘူး။ ကိုယ်ရဲ့ feeling ကိုယ့်ရဲ့ attachment ကိုယ့်ရဲ့ အချစ်ပေါ့နော်။
.
နောက်ဆုံးပြောမယ် နိုင်ငံခြားမှာ function တစ်ခုမှာပေါ့နော်။ international function တစ်ခုလုပ်တယ်။ International function လုပ်တဲ့အခါမှာ ဟာ…သဘောတွေကျ ဘာညာ နိုင်ငံတိုင်းက national anthem တွေ နိုင်ငံတော်သီချင်းတွေဆိုကြ
ဘာလုပ်ကြ နားထောင်နေတယ်။ ကိုယ့်မြန်မာနိုင်ငံ National anthem လည်း ကြားရတော့ မောင်လေးရယ် ဘုရားစူးပါစေသိလား။ ကြက်သီးတွေထပြီး မျက်ရည်တွေကျလာတယ်။ နိုင်ငံခြားမှာ အမထိုင်နေတဲ့အချိန်မှာ မင်းသမီးအဖြစ် as a chief guess အနေနဲ့၊ အမ အိန္ဒိယ ဘောလိဝုဒ်မင်းသမီး အနေနဲ့ Chief Guest အနေနဲ့ အဲ့ဒီ international show သွားတယ်။ သဘောတွေကျ ပျော်နေတယ်
.
ရယ်နေတယ်နော် အားလုံးနိုင်ငံအကြောင်းတွေ ပြတယ်။ ကိုယ့်မြန်မာနိုင်ငံ အချိန်လည်းလာရော national anthem နိုင်ငံတော် သီချင်းလည်း ဖွင့်လိုက်ရော မျက်ရည်က အလိုလိုနေရင်းနဲ့ ကျလာပြီး ငယ်ငယ်တုန်းက ကျောင်းသားဘ၀လေးကို သတိရလာတယ်။ ကျလာပြီး။ ကြက်သီးတွေထ လာတယ်။
.
သြော် ငါ့မြန်မာနိုင်ငံကို ငါအခုအချိန်ထိ ဘယ်လောက်ထိချစ်လဲ။ ကြည့်စမ်း။ အဲ့အချိန်တုန်းက `တိုက်ဆိုင်မှုရှိလျှင်´ လည်း မရိုက်ရသေးဘူးပေါ့နော်။ အဲ့အချိန်တုန်းက အမ မင်းသမီးဖြစ်တာ အမ နာမည်ကြီးတာ အိန္ဒိယနိုင်ငံကြောင့် အိန္ဒိယပရိသတ်ကြောင့်။ ဒါတောင်မှပဲ ကိုယ့်နိုင်ငံသီချင်းလေး ကြားရတော့ ဒိန်း ..ဆို ကြက်သီးတွေထပြီးတော့ မျက်ရည်ဝဲပြီး မျက်ရည်တွေကျလာတယ်။ သူငယ်ချင်းတွေကတောင် မေးတယ်။ ဟယ် အဲ့ဒါဘာဖြစ်လို့တုန်း ဟယ်။ အဲ့ဒါ ငါတို့နိုင်ငံတော်သီချင်း ဆိုပြီး အဲ့လိုမျိုးပေါ့ ပီတိဖြာခဲ့တယ်။ ပြီးတော့ ကိုယ့်ဟာကိုယ် စိတ်မကောင်းပြန်ဖြစ်တယ်။ ငါတို့မှာတော့ ချစ်လိုက်ရတာပေါ့နော်။ ဒါပေမယ့် တန်းတူဆက်ဆံချင်းကို ဘာလို့မခံရတာလဲ။ ဘာကြောင့်လဲ? ဘယ်နေရာမှားနေလဲ? ဆိုတော့ စိတ်မကောင်းဖြစ်မိတယ်။
.
ဒါပေမယ့်လို့လည်း `တိုက်ဆိုင်မှုရှိလျှင်´ မရိုက်ခင်အထိ အမ အရမ်း doubt ရှိတယ်။ မရဲဘူး ။ မရဲဘူးဆိုတာ ကိုယ့် acting ကိုလည်း ဟိုဟာဖြစ်လို့ မဟုတ်ဘူး။ နည်းနည်းလေး doubt ရှိတာက သြော် – ရုံတင်တဲ့အခါကျရင် ဘယ်လိုနေမလဲ လူတွေက ခွဲခြားပြီး ဆက်ဆံမလား။ ကိုယ်ကတော့ ကိုယ့်မြန်မာနိုင်ငံကို အများကြီး ဂုဏ်တက်အောင်လို့ လုပ်ခဲ့တယ်။ နိုင်ငံခြားမှာ။ ကိုယ့်ကိုရော ဒီလိုတုန့်ပြန်မှုတွေ ပြန်ရပါ့မလားဆိုပြီးတော့ စိတ်မကောင်းဖြစ်တယ်။ Doubt တွေရှိခဲ့တယ်။ ဒါပေမယ့် တစ်ကယ်တမ်း `တိုက်ဆိုင်မှုရှိလျှင်´ ရုံတင်လိုက်တဲ့အခါမှာ အရမ်း အဲဒီ Doubt တွေ ပြေသွားတယ်။ ဦးမျိုးကိုလည်း ကျေးဇူးတင်ပါတယ်။ လုံးဝမေ့လို့မရဘူး။ အရမ်းပီတိအဖြစ်ဆုံးက လွန်ခဲ့တဲ့ တစ်လလောက်ကပဲ အစ်မရဲ့ We Love Lilla Khan ဆိုတဲ့ ပေ့ခ်ျမှာ အီးမေးလ်တစ်ခု ရောက်လာတယ်။ ရောက်လာတော့- အီမေးလ်တွေကို တစ်ခါတစ်လေဆိုလည်း တစ်ပတ်တစ်ခါတော့ ပုံမှန်စစ်ပေးတယ်လေ။ ကိုယ့်ရဲ့ပရိတ်သတ်တွေနဲ့ ကိုယ်က ကိုယ်တိုင်စကားပြောပေးတယ်။ စစ်လိုက်တဲ့အခါမှာ – အဲဒီအီးမေးလ်ကိုဖွင့်လိုက်တော့ မွေးကာစ ကလေးလေးရဲ့ ဓာတ်ပုံလေးတွေပေါ့နော်။ ဘယ်သူများ ငါ့ကို မွေးကာစ ကလေးလေးရဲ့ဓာတ်ပုံတွေ ပို့တာလဲဆိုတော့ – ဓာတ်ပုံတွေကလည်း ဖွင့်တာ နှေးတယ်မောင်လေးရဲ့။ အဲတော့ ဖွင့်ရင်းဖွင့်ရင်းမှ နောက်ဆုံးပုံလေးမှာ အမေရယ် – အဲဒီကလေးလေးရဲ့အမေက သူ့ရဲ့သမီးလေးကို ချီထားတာပေါ့နော်။ အဲပုံလေးဆိုတော့။ နောက်ဆုံးမှာ သူက စာရေးထားတယ်။ `မလိုက်လာခန်း´ တဲ့ `မလိုင်လာခန်းအကို အရမ်းချစ်တယ်။ အရမ်းလေးစားတယ်´ တဲ့ `အရမ်းလည်း သဘောကျတယ်´ ပေါ့။ `တိုက်ဆိုင်မှုရှိလျှင်´ ကိုလည်း ဘယ်နှစ်ခါကြည့်တာ။ သူ ကိုယ်ဝန်ကြီးနဲ့တုန်းက `တိုက်ဆိုင်မှုရှိလျှင်´ ကို သူ ကြည့်ခဲ့တဲ့ပေါ့နော်။ နေ့စေ့လစေ့ကြီးနဲ့ပေါ့နော်။ အခု သမီးလေးမွေးပြီးတဲ့။ အဲဒီသမီးလေးကို `လိုက်လာ´ လို့ နာမည်ပေးလိုက်တယ်တဲ့။ ဆိုတော့ အဲဒီအရာလေးက အရမ်း – ဘယ်လိုခေါ်မလဲ – ဘာနဲ့မှလဲလို့မရဘူး၊ သိလား။ အဲဒီဖီလင်ကို မောင်လေးက ပိုက်ဆံနဲ့လည်း ၀ယ်လို့မရဘူး။ ဘာနဲ့မှဝယ်လို့မရဘူး။ အဲဒီဖီလင်က အကောင်းဆုံးပဲ။ ကြည့်ပြီးတော့ ရင်ထဲမှာလေ ကိုယ်နဲ့ တစ်ခါမှလည်း မတွေ့ဖူး၊ မမြင်ဖူး၊ စကားမပြောဖူးဘူး၊ ကိုယ်လည်း သူတို့အကျိုးရှိအောင် ဘာမှ မလုပ်ပေးခဲ့ဖူးဘူး။ ဒါတောင်မှပဲ ကိုယ့်ကိုယ် အဲဒီလောက်အထိချစ်တယ်။ မွေးထားတဲ့ သမီးဦးလေးရဲ့ နာမည်ကိုလည်း လိုက်လာလို့ပေးလိုက်တယ်ဆိုတော့ အရမ်းဝမ်းတွေသာပြီးတော့လေ။ အမလေး – အမလည်း ချက်ခြင်းကို ပြန်လိုက်တယ်။ ပြန်ပြီးတော့ Blessing တွေ အများကြီး ပေးလိုက်တယ်။ ပေးပြီးတော့ သမီးလေးကို မြင်ဖူးချင်တယ်လို့။ အိမ်လာလည်လို့ ရပါတယ်ဆိုပြီးတော့။ ဘာညာဆိုပြီးတော့တောင်မှ ဖိတ်လိုက်သေးတယ်။
.
အဲလောက်အထိ ပရိတ်သတ်ရဲ့အချစ်ကို ရတယ်ဆိုတော့လေ – ကိုယ်က အရမ်းဝမ်းသာတယ်ပေါ့နော်။ အဲဒီပီတိက ဘာနဲ့မှ လဲလို့မရဘူး။ ဆိုတော့ ဖြစ်ချင်တော့ အဲဒီအမျိုးသမီးဆိုလည်း ဗုဒ္ဓဘာသာပဲ။ ဆိုတော့ ပိုပြီးတော့ဝမ်းသာတယ်။ `လိုက်လာလို့ နာမည်ပေးလိုက်ပါတယ် အမ´ တဲ့ – ပေါ့နော်။ သမီးလေးကို ဆုတောင်းပေးပါတဲ့။ ဆိုတော့ အမလည်း အီးမေးလ်ပြန်လိုက်ရော သူ့အမျိုးသားရော၊ သူရော ကလေးလေးနဲ့ပုံပါ အကုန်လုံးပို့တယ်။ ပိုပြီးတော့ – `အမခေါ်တာ အရမ်းဝမ်းသာတယ်။ ဆက်ဆက်လာခဲ့ပါ့မယ်´ ပေါ့နော်။ ဆိုတော့ I’m really glad လေ။ (အရမ်းပျော်တာပေါ့လေ) ရင်ထဲကနေ ကို ကျေနပ်တာ။ ပြောရင်းနဲ့တောင် ကြက်သီးထတယ်။
.
အပြည့်စုံ ကြည့်လိုလျှင်
———————–
အပိုင်း- A https://www.youtube.com/watch?v=Z8OGlKC9DHQ

အပိုင်း-B. https://www.youtube.com/watch?v=EV8Jip_8cDQ

အပိုင်း-C. https://www.youtube.com/watch?v=0dCSkxF0Rj4

July 27, 2015
နိုင်ငံတကာသတင်းတို (ဇူလိုင် ၂၇၊ ၂၀၁၅)

ဇူလိုင် ၂၇၊ ၂၀၁၅
M-Media

မြောက်ကိုရီးယားနျူအရေး အမေရိကန်က ပြောင်းလွယ်ပြင်လွယ်သော သဘောထားရှိ
…………………………
မြောက်ကိုရီးယားအနေဖြင့် ၎င်းတို့၏ နျူကလီးယားအစီအစဉ်နှင့်ပတ်သက်၍ ဆွေးနွေးရန် ဆန္ဒရှိပါက အမေရိကန်၏ သဘောထားမှာလည်း ပြင်လွယ်ပြောင်းလွယ်ဖြစ်သည်ဟု အီရန်နှင့် နျူးအရေး ဆွေးနွေးခဲ့သည့် အမေရိကန် အထူးကိုယ်စားလှယ် ဆစ်ဒနီ စီလာက ယနေ့တွင် ပြောကြားလိုက်သည်။ ထို့ပြင် ၎င်းက အီရန်အရေးကိုလည်း ထောက်ပြခဲ့သည်။ မြောက်ကိုရီးယားကမူ
မိမိတို့အနေဖြင့် အီရန်ကဲ့သို့ ဆွေးနွေးမှုမျိုး ပြုလုပ်သွားမည်မဟုတ်ဟု စောစောပိုင်းက ပြောကြားထားသည်။

အိန္ဒိယတွင် သေနတ်သမားများက ရဲစခန်းကို စီးနင်းပစ်ခတ်မှုဖြစ်ပွား
……………………………….
အိန္ဒိယနိုင်ငံ ဂါဒက်စ်ပူးရ်ပြည်နယ် ဒီနာနာဂါရ်မြို့၌ သေနတ်သမားများက ယနေ့တွင် ဘတ်စ်ကားတစ်စီးနှင့် ရဲစခန်းတစ်ခုကို ၀င်ရောက်စီးနင်း ပစ်ခတ်မှု ဖြစ်ပွားခဲ့သည်။ ထို့နောက် အိန္ဒိယရဲတပ်ဖွဲ့နှင့် ၁၂ နာရီကြာ အပြန်အလှန် ပစ်ခတ်မှုများ ဖြစ်ပွားခဲ့ပြီး သေနတ်သမား ၃ ဦး၊ ရဲတပ်ဖွဲ့ဝင် ၃ ဦးနှင့် အရပ်သား ၃ ဦး အပါအ၀င် စုစုပေါင်း ၁၀ ဦး သေဆုံးခဲ့သည်။

မက္ကဆီကိုတွင် အစုလိုက်အပြုံလိုက် သတ်ဖြတ်မြှုပ်နှံထားသည့်နေရာများ တွေ့ရှိ
…………………………………
ပြီးခဲ့သည့်နှစ် စက်တင်ဘာက မူးယစ်ဂိုးဏ်တစ်ခု၏ ပြန်ပေးဆွဲခြင်းကို ခံခဲ့ရသော ကျောင်းသား ၄၃ ဦးအား ရှာဖွေမှုအတွင်း မက္ကဆီကို အာဏာပိုင်များမှာ လူသေများ အစုလိုက်အပြုံလိုက် မြှုပ်နှံထားသည့်နေရာ ၆၀ ကို တွေ့ရှိခဲ့ရပြီး ရုပ်အလောင်း ၁၂၉ လောင်းကို တူးဖော်ရရှိခဲ့သည်။ သို့သော်လည်း ရရှိခဲ့သည့် ရုပ်အလောင်းများမှာ ပျောက်ဆုံးသွားသည့် ကျောင်းသားများ၏ ရုပ်အလောင်းများမဟုတ်ဟု တာဝန်ရှိသူများက ဆိုသည်။ တရားလိုရှေ့နေများကမူ အဆိုပါ ကျောင်းသား ၄၃ ဦးမှာ မူးယစ်ဂိုဏ်း၏ သတ်ဖြတ်ခြင်းကို ခံခဲ့ရပြီး ၎င်းတို့၏ ရုပ်အလောင်းများမှာလည်း မီးရှို့ခံခဲ့ရသည်ဟု ဆိုသည်။

Ref: News Agencies

July 27, 2015
သားဖြစ်သူအား အသက်ဘေးမှ ကယ်တင်ရင်း စက်လှေကားတွင် တရုတ်အမျိုးသမီးတစ်ဦး အသက်စွန့်ခဲ့ရ

ဇူလိုင် ၂၇၊ ၂၀၁၅
M-Media

– တရုတ်နိုင်ငံအလယပိုင်းရှိ ဈေးဝယ်စင်တာတစ်ခုတွင် အမျိုးသမီးတစ်ဦးမှာ ၎င်း၏သားအား စက်လှေခါးအတွင်းသို့ မပြုတ်ကျစေရန် ကယ်တင်ခဲ့ပြီးနောက် သူမကိုယ်တိုင် ပြုတ်ကျ၍ သေဆုံးသွားခဲ့သည်ဟု သိရသည်။

ဟူဘီပြည်နယ် ဂျင်ဇူးမြို့တွင် ယမန်နေ့နံနက်ပိုင်းက ဖြစ်ပွားခဲ့ခြင်းဖြစ်ပြီး လုံခြုံရေးကင်မရာတွင် မှတ်တမ်းတင်ထားမှုအရ အမျိုးသမီးမှာ သားဖြစ်သူနှင့်အတူ စက်လှေကားဖြင့် အပေါ်သို့တက်လာစဉ် ထိပ်ဆုံးအရောက်၌ စက်လှေကားအား ဖုံးထားသော သတ္တုအဖုံးမှာ ကွာသွားသည်ကို တွေ့ခဲ့ရသည်။

ထို့ကြောင့် သားအမိနှစ်ဦးမှာ စက်လှေကားအတွင်းသို့ ပြုတ်ကျလုဆဲဆဲ ဖြစ်နေစဉ် မိခင်က သားဖြစ်သူအား သံမသလင်းရှိရာ အရှေ့သို့ တွန်းလိုက်သောကြောင့် လွတ်သွားခဲ့သော်လည်း သူမကိုယ်တိုင်မှာ စက်လှေကားအတွင်းသို့ ပြုတ်ကျ သေဆုံးသွားခဲ့သည်။

ဒေသတွင်းမီဒီယာများကမူ အဆိုပါ အမျိုးသမီးမှာ အသက် ၃၀ အရွယ်ရှိ ဇီယန် လွီဂျန်ဖြစ်သည်ဟု ဖော်ပြခဲ့သည်။

ဈေးဝယ်စင်တာမှ ၀န်ထမ်းများကမူ အဆိုပါအမျိုးသမီးအား ဆွဲထုတ်ရန် ကြိုးစားခဲ့သော်လည်း စက်လှေကားမှာ ရပ်တန့်ခြင်းမရှိသောကြောင့် လွီဂျန်မှာ အောက်သို့ညပ်၍ ပါသွားခဲ့ခြင်းဖြစ်ပြီး အခင်းဖြစ်ပြီး ၄ နာရီခန့်အကြာမှ သူမ၏ အလောင်းကို ကယ်ဆယ်ရေးသမားများက ထုတ်ယူနိုင်ခဲ့သည်။

ထိုဖြစ်အပျက်အတွက် ဈေးဝယ်စင်တာမှ မှတ်ချက်မပေးခဲ့သော်လည်း ဒေသ အာဏာပိုင်များက စုံစမ်းစစ်ဆေးမှုများ ပြုလုပ်နေသည်ဟု မီဒီယာများက ဖော်ပြခဲ့ကြသည်။

အတည်မပြုနိုင်သော သတင်းများအရ ထိုစက်လှေကားကို မကြာသေးမီကမှ ပြုပြင်ထိန်းသိမ်းခြင်းလုပ်ငန်း လုပ်ဆောင်ထားခြင်းဖြစ်ပြီး အလုပ်သမားများမှာ ဓာတ်လှေကား အဖုံးအား စကူကြပ်ရပ် မေ့ခဲ့ခြင်းဖြစ်သည်ဟု Wuhan Evening သတင်းစာတွင် ဖော်ပြထားသည်။

အဆိုပါအဖြစ်အပျက်က တရုတ်ဆိုရှယ်မီဒီယာများတွင် အလျင်အမြန် ပြန့်နှံ့သွားခဲ့ပြီး ဈေးဝယ်စင်တာကို ဝေဖန်မှုများလည်း ရှိခဲ့သည်။ ထို့ပြင် ကလေးငယ်၏ အသက်ကို ကယ်တင်ခဲ့သည့် မိခင်၏ လုပ်ရပ်ကိုလည်း ချီးကျူးခဲ့ကြသည်။

တရုတ်နိုင်ငံတွင် ပြီးခဲ့သည့်နှစ်များအတွင်း စက်လှေကားနှင့် ဆက်နွယ်သည့် မတော်တဆမှုများကို မြင်တွေ့လာရပြီး ၂၀၁၄ ခုနှစ်က ရှန်ဟိုင်းမြို့ရှိ စက်လှေကားတစ်ခုမှာ ရုတ်တရက် လားရောပြောင်းပြန် ဖြစ်သွားခြင်းကြောင့် လူ ၁၃ ဦး ဒဏ်ရာရရှိခဲ့သည်။ ၂၀၁၁ ခုနှစ်ကလည်း ဘေဂျင်းရှိ စက်လှေကားတစ်ခု ချို့ယွင်းမှုကြောင့် ဆယ်ကျော်သက် ယောက်ျားလေးတစ်ဦး သေဆုံးခဲ့သည်။

Ref: BBC

July 27, 2015
စတာလင် မန်စီးတီးပြောင်းရွှေ့မှုကို တယ်ရီထောက်ခံ

ဇူလိုင် ၂၇၊ ၂၀၁၅
M-Media

– ရဟီးမ်စတာလင်အား ခေါ်ယူနိုင်ခဲ့ခြင်းမှာ မန်စီးတီးအသင်း၏ ပြောင်မြောက်သည့် ဆောင်ရွက်ချက်တစ်ခုဖြစ်ပြီး သုံးစွဲခဲ့ရသည့် ငွေကြေးကို မေ့ထားရမည်ဟု ချယ်ဆီးဝါရင့်နောက်ခံလူ တယ်ရီက ပြောကြားလိုက်သည်။

လီဗာပူးလ်အသင်းတွင် ခြေစွမ်းပြခဲ့သော စတာလင်မှာ အသင်းနှင့် သက်တမ်းတိုးရန် အဆင်မပြေဖြစ်ပြီးနောက် မန်စီးတီးက ပေါင် ၄၉ သန်းဖြင့် ခေါ်ယူခဲ့ခြင်းဖြစ်သည်။ ထိုပြောင်းရွှေ့ကြေးအတွက် ဘောလုံးအသိုင်းအ၀ိုင်းတွင် ဝေဖန်မှုများ ရှိခဲ့သော်လည်း တယ်ရီကမူ ထိုက်တန်သည့် တန်ဖိုးဖြစ်သည်ဟု ဆိုသည်။

“စတာလင်ဟာ အကောင်းဆုံးကစားသမားတွေထဲက တစ်ယောက်ပါ။ ပြီးခဲ့တဲ့နှစ်က သူနဲ့ ကျွန်တော် ဆုံဖူးပါတယ်။ သူက တော်တော်လေး ဒုက္ခပေးတဲ့သူပါ။ သူတို့ (မန်စီးတီး)အတွက်တော့ သူဟာ ထင်ရှားတဲ့ကစားသမားတစ်ယောက် ဖြစ်လာတော့မှာပါ။ ပိုက်ဆံကတော့ သိပ်များတာပေါ့။ ဒါပေမယ့် တစ်ခြား အင်္ဂလိပ်ကစားသမားတစ်ယောက်ကို ဘယ်လိုရှာပြီး ၀ယ်နိုင်မလဲ။ ကျွန်တော့်အတွက်တော့ သူဟာ ပရီးမီးယားလိဂ်က အကောင်းဆုံးကစားသမားတွေထဲက တစ်ယောက်ပါပဲ” ဟု တယ်ရီက မီဒီယာသို့ ပြောကြားခဲ့သည်။

စတာလင် မန်စီးတီးသို့ ပြောင်းရွှေ့ခဲ့ခြင်းမှာ ချန်ပီယံလိဂ်တွင် ပါဝင်ကစားလိုခြင်းက အကြောင်းအရင်းတစ်ရပ် ဖြစ်နေပြီး တယ်ရီကလည်း လီဗာပူးလ်မှာ ထိုအဆင့်ကို မရောက်ခဲ့သောကြောင့် စတာလင်၏ဆန္ဒမှာ မမှားယွင်းဟုဆိုသည်။

“သူဘယ်ကလာပြီး သူ့ဆန္ဒဘယ်လိုရှိလဲဆိုတာ ကျွန်တော်နားလည်ပါတယ်။ ဘာ့ကြောင့်လည်းဆိုတော့ သူဟာ ထိပ်တန်း အင်္ဂလိပ်ကစားသမားတစ်ယောက် ဖြစ်တယ်လို့ ကျွန်တော်ထင်လို့ပါပဲ။ ပိုက်ဆံအကြောင်း မေ့လိုက်စမ်းပါ”

Ref: Goal

July 27, 2015