Blog

နိုင်ငံတကာသတင်းတို (ဇူလိုင် ၂၄၊ ၂၀၁၅)

ဇူလိုင် ၂၄၊ ၂၀၁၅
M-Media

IS ကို တူရကီ လေကြောင်းမှ စတင်တိုက်ခိုက်
……………………………
ဆီးရီးယားနှင့် ထိစပ်လျက်ရှိသည့် တူရကီနယ်စပ်မြို့ ဆူရုသ်တွင် IS က အသေခံ ဗုံးခွဲတိုက်ခိုက်မှု ပြုလုပ်ခဲ့ပြီးနောက် ယနေ့တွင် တူရကီက F16 တိုက်လေယာဉ်များဖြင့် ဆီးရီးယားနိုင်ငံအတွင်းရှိ IS ၏ ဌာနချုပ် ၂ ခုနှင့် လူစုသည့်နေရာတစ်ခုကို တိုက်ခိုက်ခဲ့သည်ဟု တူရကီဝန်ကြီးချုပ်ရုံးမှ ထုတ်ပြန်သော ကြေညာချက်တွင် ဖော်ပြထားသည်။ ထို့ပြင် တူရကီနိုင်ငံအတွင်းတွင်လည်း ISအဖွဲ့၊ ကာ့ဒ်နှင့်
လက်ဝဲယိမ်းလက်နက်ကိုင်များဟု သံသယရှိသူ ၁၀၀ ကျော်ကို ဖမ်းဆီးခဲ့သည်။

ဖခင်မွေးရပ် ကင်ညာသို့ အိုဘားမား ထွက်ခွာ
…………………….
ဖခင်မွေးဖွားရာ နိုင်ငံဖြစ်သော ကင်ညာနှင့် အာဖရိကသမဂ္ဂ ရုံးချုပ်ရှိရှာ အီသီယိုးပီးယား နိုင်ငံများသို့ သွားရောက်လည်ပတ်ရန်အတွက် အမေရိကန်သမ္မတ ဘာရက်အိုဘားမားမှာ ၀ါရှင်တန်မှ ယနေ့တွင် ထွက်ခွာသွားခဲ့သည်။ အမေရိကန်၏ ပထမဆုံး အာဖရိကန်-အမေရိကန် သမ္မဖြစ်သော အိုဘားမားမှာ ဖခင်မွေးဖွားရာ ကင်ညာနိုင်ငံသို့ သမ္မတဖြစ်ပြီးနောက် ပထမဆုံးအကြိမ်
သွားရောက်ခြင်းဖြစ်ပြီး၊ အာဖရိက သမဂ္ဂရုံးချုပ်သို့လည်း ၎င်း၏ ပထမဆုံး ခရီးဖြစ်သည်။ ထိုခရီးစဉ်တွင် အာဖရိကဒေသအတွင်း လုံခြုံရေး ပြဿနာများ၊ ကုန်သွယ်ရေးတို့နှင့်ပတ်သက်၍ မိန့်ခွန်းပြောကြားသွားမည်ဖြစ်ပြီး ဆင်းရဲမွဲတွေမှု၊ လူ့အခွင့်အရေးနှင့် ဒီမိုကရေစီအကြောင်းတို့လည်း ပါဝင်မည်ဖြစ်သည်။

အာဖဂန်အစိုးရနှင့် တာလီဘန်တို့ ဒုတိယအကျော့ ဆွေးနွေးမည်
……………………………..
အာဖဂန်အစိုးရနှင့် တာလီဘန်ကိုယ်စားလှယ်များအကြား ဒုတိယအကျော့ ငြိမ်းချမ်းရေးဆွေးနွေးပွဲကို လာမည့်သီတင်းပတ်တွင် တရုတ်နိုင်ငံ အနောက်ပိုင်းရှိ ဇင်ဂျန်းပြည်နယ်တွင် ကျင်းပပြုလုပ်သွားမည်ဟု အာဖဂန်အစိုးရ တာဝန်ရှိသူတစ်ဦးက ယနေ့တွင် ပြောကြားခဲ့သည်။ အာဖဂန်အစိုးရနှင့် တာလီဘန်တို့၏ အဆိုပါဆွေးနွေးပွဲ လုပ်ငန်းစဉ်တွင် ပါကစ္စတန်နိုင်ငံမှာ အဓိကအခန်းကဏ္ဍမှ ပါဝင်နေပြီး နှစ်ပေါင်းများစွာ သွေးထွက်သံယိုဖြစ်မှုများကို အဆုံးသတ်ရန်အတွက် နိုင်ငံရေးတည်ငြိမ်မှုရရန် မျှော်လင့်ချက်များလည်း မြင့်တက်လာခဲ့သည်။

Ref: News Agencies

July 24, 2015
မွတ်စလင်အမျိုးသမီးအား ဟိဂျဘ်ပုဝါကြောင့် အလုပ်မပေးသည့်ကုမ္ပဏီ နစ်နာကြေးပေးရ

ဇူလိုင် ၂၄၊ ၂၀၁၅
M-Media

– အမေရိကန် မွတ်စလင်အမျိုးသမီးတစ်ဦး အလုပ်သွားလျှောက်ရာတွင် ၎င်း၏ ဟိဂျဘ်ဝတ်ဆင်မှုကြောင့် အလုပ်မပေးခဲ့သည် အ၀တ်အစားကုမ္ပဏီ Abercrombie & Fitch အနေဖြင့် နစ်နားကြေးပေးဆောင်ခဲ့ရသည်ဟု သိရသည်။

“စမန်သာ အီလုဖ်ရဲ့ ဇွဲကောင်းမှုက ဒီအောင်မြင်မှုရဲ့ ကြီးမားတဲ့ အစိတ်အပိုင်းပါပဲ” ဟု အမေရိကန်- အစ္စလာမ် ဆက်ဆံရေးအသင်း အိုကလာဟိုးမား အဖွဲ့ခွဲမှ လူ့အခွင့်အရေးဆိုင်ရာ ရှေ့နေဖြစ်သူ ဗီရိုနီကာ လိုင်ဇူရီက ပြောကြားခဲ့သည်။

အီလုဖ်မှာ တူလ်ဆာမြို့ရှိ Abercrombie & Fitch ကုမ္ပဏီ အရောင်းစင်တာတွင် ၂၀၀၈ ခုနှစ်က အလုပ်သွားလျှောက်ရာ၌ ၎င်း၏ ဟီဂျဘ်ဝတ်ဆင်မှုအတွက် အလုပ်ပေးရန် ငြင်းဆိုခြင်း ခံခဲ့ရသည်။

ဒီမိုကရေစီဘိုးအေနိုင်ငံဖြစ်သော အမေရိကန်ပြည်ထောင်စုတွင် ထိုကဲ့သို့ ခွဲခြားခံရမှုကြောင့် အီလုဖ်မှာ ၎င်း၏ အပြစ်အပျက်အတွက် တရားရုံးချုပ်သို့ တက်ရောက်တိုင်ကြားခဲ့သည်။ ထို့နောက် အလုပ်သမားများအား ဘာသာရေး ယုံကြည်လိုက်နာမှုကို အခြေခံ၍ ခွဲခြားခြင်းမပြုရဟူသော ၁၉၆၄ ခုနှစ် လူ့အခွင့်အရေးအက်အက်ဥပဒေဖြင့် ထိုကုမ္ပဏီအား တရားစွဲဆိုခဲ့သည်။

အဆိုပါတရားစွဲဆိုမှုကို အမေရိကန်အစိုးရဌာနဖြစ်သော ညီတူညီမျှ အလုပ်အကိုင်အခွင့်အလမ်းရရှိရေး ကော်မရှင် EEOC က ဦးဆောင်ဦးရွက် ပြုပေးခဲ့ခြင်းဖြစ်ပြီး ကြားနာစစ်ဆေးမှုများ ပြုလုပ်ခဲ့ပြီးနောက် တရားရုံးချုပ်က ဇွန်လ ၁ ရက်နေ့တွင် အီလုဖ်အား
အနိုင်ပေးခဲ့သည်။

ထိုစီရင်ချက်အတွက် Abercrombie & Fitch ကုမ္ပဏီက အယူခံဝင်ခဲ့သော်လည်း ပယ်ချခြင်းခံခဲ့ရပြီး အီလုဖ်အတွက် နစ်နာကြေး ၂၅၆၇၀ နှင့် တရားရုံးစားရိတ် ၁၈၉၈၃ ဒေါ်လာတို့ကို ပေးဆောင်ခဲ့ရသည်။

အီလုဖ်ကမူ ခွဲခြားမှုအကြောင်းအရင်းကြောင့် အလုပ်ပေးရန် ငြင်းပယ်ခံရသူများအနေဖြင့် EEOC နှင့် အခြားသော လူ့အခွင့်အရေးအဖွဲ့များသို့ တိုင်ကြားရန် ရှက်ကြောက်မနေသင့်ဟု ပြောကြားခဲ့သည်။

Abercrombie & Fitch ကုမ္ပဏီ၏ ပြောရေးဆိုခွင့်ရှိသူကမူ ယခုပြဿနာအား ဖြေရှင်းပြီးခဲ့သည့်အတွက် ကျေနပ်ကြောင်း၊ မိမိတို့ကုမ္ပဏီအနေဖြင့် လက်ရှိဆိုင်များနှင့် အနာဂတ်တွင် ဖွင့်လှစ်မည့်ဆိုင်များတွင် သဘောထားကြီးပြီး၊ ပိုမိုသည်းခံနိုင်သည့်
ပတ်ဝန်းကျင်တစ်ခုကို အသေအချာ ဖန်တီးပေးမည်ဖြစ်ကြောင်း ကြေညာချက်ထုတ်ပြန်ခဲ့သည်။

Abercrombie ကုမ္ပဏီမှာ ၎င်းတို့၏ ခွဲခြားမှုပေါ်လစီကြောင့် ယခင်ကလည်း တရားရေးဆိုင်ရာ ပြဿနာများဖြင့် ကြုံတွေ့ခဲ့ရဖူးပြီး အမေရိကန်အာဏာပိုင်များ၏ တရားစွဲဆိုမှုကို မကြာခဏ ခံခဲ့ရသည်။

Ref: Onislam

July 24, 2015
ကမ္ဘာနှင့်အလွန်တူသည့် ဂြိုဟ်တစ်လုံးကို နာဆာက ရှာဖွေတွေ့ရှိ

ဇူလိုင် ၂၄၊ ၂၀၁၅
M-Media

– မိမိတို့နေထိုင်ရာ ကမ္ဘာကြီးနှင့် အလွန်ဆင်တူပြီး ကမ္ဘာက နေကို လှည့်ပတ်သည့် အကွာအဝေးအတိုင်းပင် ကြယ်တစ်လုံးအား လှည့်ပတ်နေသည့် ဂြိုဟ်တစ်ခုကို နက္ခတဗေဒ ပညာရှင်များက ရှာတွေ့ခဲ့သည်ဟု သိရသည်။

အဆိုပါ ဂြိုသစ်ကို Kepler 452b ဟု အမည်ပေးထားပြီး ကမ္ဘာထက် ၆၀ ရာခိုင်နှုန်း ပိုကြီးသည်ဟု ဆိုသည်။

ကျောက်သားအတိပြီးသည်ဟု ယူဆရသည့် ထိုဂြိုဟ်ကြီးတွင် အသက်ရှိနေသော မီးတောင်များ၊ သမုဒ္ဒရာများ၊ မိမိတို့ကမ္ဘာကြီးကဲ့သို့ နေရောင်များလည်း ရှိနိုင်ကာ ဆွဲအားမှာ ကမ္ဘာကြီးထက် ၂ ဆ ပိုနိုင်ပြီး တစ်နှစ်လျှင် ရက်ပေါင်း ၃၈၆ ရက် ကြာနိုင်သည်ဟု သိပ္ပံပညာရှင်များက ယမန်နေ့တွင် ပြောကြားခဲ့သည်။

“ဒီနေ့ exoplnet တစ်ခုကို ရှာဖွေတွေ့ရှိတယ်လို့ ကျွန်တော်တို့ ကြေညာပါတယ်။ အခုအချိန် ပြောနိုင်တာကတော့ ဒီဂြိုဟ်ကြီးဟာ ကျွန်တော်တို့ရဲ့ ကမ္ဘာ၊ ကျွန်တော်တို့ရဲ့နေနဲ့ ညီအစ်ကိုဝမ်းကွဲ လောက်နီးနီးကို ရှိပါတယ်” ဟု နာဆာမှ သိပ္ပံပညာရှင်တစ်ဦးဖြစ်သူ ဂျွန် ဂရန်စ်ဖဲလ်ဒ်က ပြောကြားခဲ့သည်။

ထို့ပြင် Kepler 452b မှာ ကမ္ဘာကြီးနှင့် အမွှာဖြစ်ပြီး Earth 2.0 ဖြစ်သည်ဟု ၎င်းက ထည့်သွင်းပြောကြားခဲ့သည်။

အဆိုပါဂြိုဟ်ကို နာဆာ၏ ကက်ပလာ အာကာသတယ်လီစကုပ်ဖြင့် ရှာဖွေတွေ့ရှိခဲ့ခြင်းဖြစ်ပြီး နာဆာမှာ ကမ္ဘာကြီးကဲ့သို့ ဂြိုဟ်များကို ၂၀၀၉ ခုနှစ်ကတည်းက အဆိုပါ တယ်လီစကုပ်ကို အသုံးပြု၍ ရှာဖွေခဲ့ခြင်း ဖြစ်သည်။

Kepler 452b မှာ ရေတည်ရှိရန်အတွက် မပူလွန်း၊ မအေးလွန်းဘဲ သက်ရှိများ တည်ရှိနိုင်သော Goldilocks ဇုန်တွင် တည်ရှိသည်ဟု နာဆာက ထည့်သွင်းပြောကြားခဲ့သည်။ ထိုဂြိုဟ်၏ ကြယ်မှာ နှစ်သန်းပေါင်း ၁.၅ ဘီလီယံ သက်တမ်းရှိပြီဖြစ်ပြီး မိမိတို့ နေထက် ၄ ရာခိုင်နှုန်းကြီးကာ ၁၀ ရာခိုင်နှုန်း တောက်ပသည်ဟု ဆိုသည်။

သို့သော်လည်း ကမ္ဘာမှ အလင်းနှစ် ၁၄၀၀ အကွာတွင် တည်ရှိနေသောကြောင့် ယခုလက်ရှိတွင် လူသားများ သွားရောက်နိုင်မည့် မျှော်လင့်ချက်မှာ မရှိသလောက်ဖြစ်သည်။

“မမျှော်လင့်တဲ့ အောင်မြင်မှုမျိုး ရှိလာတာကလွဲလို့ ဒီဂြိုဟ်တွေကို ခင်ဗျားရော၊ ကျွန်တော်ရော သွားဖို့ဆိုတာ မဖြစ်နိုင်ပါဘူး။ ဒါပေမယ့် ကျွန်တော်တို့ရဲ့ တီ၊ တွတ် လက်ထက်ကျရင်တော့ ဖြစ်ကောင်းဖြစ်နိုင်မှာပါ” ဟု ကက်ပလာ သုတေသနဌာနမှ သိပ္ပံပညာရှင် ဂျက်ဖ် ခေါ့ဖ်လင်းက ပြောကြားခဲ့သည်။

Ref: Aljazeera

July 24, 2015
ဘန်ဇီမာ အသင်းပြောင်းမည်မဟုတ်ဟု အေးဂျင့်ပြော

ဇူလိုင် ၂၄၊ ၂၀၁၅
M-Media

– မိမိ၏ ကစားသမားဖြစ်သူ ကရင်မ် ဘန်ဇီမာမှာ ယခုနှစ် နွေရာသီအပြောင်းအရွှေ့တွင် မည်သည့်အသင်းကိုမှ ပြောင်းရွှေ့မည်မဟုတ်ဘဲ ရီးယဲလ်၌ပင် ပျော်ရွှင်နေသည်ဟု အေးဂျင့်ဖြစ်သူက ပြောကြားလိုက်သည်။

အသက် ၂၇ နှစ်အရွယ် ရှိပြီဖြစ်သည့် ဘန်ဇီမာအား အာဆင်နယ်အသင်းက အပြောင်းအရွှေ့ဈေးကွက် မပိတ်ခင် ခေါ်ယူလိုနေပြီး ၎င်းအတွက် ကမ်းလှမ်းထားသည်ဆိုသော သတင်းများအား ပြီးခဲ့သည့်တစ်ပတ်တွင် အာဆင်ဝင်းဂါးက ငြင်းဆိုခဲ့ခြင်း မရှိချေ။

သို့သော်လည်း အေးဂျင့်ဖြစ်သူ ကာရင်မ် ဒီဂျာဇီရီကမူ ဘန်ဇီမာမှာ အသင်း၌ပင် ဆက်လက်ရှိနေမည်ဟု အခိုင်အမာ ပြောကြားခဲ့သည်။

“ကရင်မ်ဟာ ရီးယဲလ်မှာ တော်တော်ပျော်နေပါတယ်။ ပြီးတော့ ဒီအပြောင်းအရွှေ့အကုန်အထိ ရီးယဲလ်မှာရှိနေမယ်ဆိုတာ ၁၀၀၀ ရာခိုင်နှုန်း သေချာပါတယ်။ ဒီနွေရာသီမှာ ဘယ်အသင်းကိုမှ ကရင်မ်ဟာ ပြောင်းရွှေ့မှာ မဟုတ်ပါဘူး” ဟု ဒီဂျာဇီရီက ထည့်သွင်းပြောကြားခဲ့သည်။

မန်ယူကလည်း ဘန်ဇီမာအား ခေါ်ယူရန် စိတ်ဝင်စားနေပြီး ရီးယဲလ်ဥက္ကဌ ဖလော်ရန်တီနိုပီရက်ဇ်၏ စိတ်ကြိုက်ကစားသမားလည်း ဖြစ်သည်။

လွန်ခဲ့သည့် ၂ နှစ်အတွင်း အိုဇေးလ်နှင့် ဆန်းချက်ဇ်တို့ ရောက်လာပြီးနောက် ယခုနှစ်တွင်လည်း နာမည်ကြီး ကစားသမားတစ်ဦးကို အာဆင်နယ်က ခေါ်ယူချင်နေပြီး ဘန်ဇီမာအတွင် ပေါင် ၃၅ သန်းခန့် သုံးစွဲသွားရန် ပြင်ဆင်နေသည်။

Ref: Goal

July 24, 2015
ပါလက်စတိုင်းတွင် တရားမ၀င်အိမ်ယာ ထပ်မံဆောက်လုပ်ရန် အစ္စရေး စီစဉ်ပြန်

ဇူလိုင် ၂၄၊ ၂၀၁၅
M-Media

– ပါလက်စတိုင်းပိုင် အနောက်ဖက်ကမ်းတွင် တရားရုံးက ယခင်တားမြစ်ထားသော နေရာများ အပါအ၀င် တရားမ၀င်အိမ်ရာ ၁၀၅၅ ခုကို ပြန်လည်ဆောက်လုပ်ရန် အစ္စရေးက စီစဉ်နေသည်ဟု အစ္စရေး၏ တရားမ၀င် အခြေချအိမ်ရာများကို စောင့်ကြည့်နေသည့် Peace Now အဖွဲ့က ပြောကြားလိုက်သည်။

အစ္စရေး စစ်ဘက်ကော်မတီက ဘီဘစ်အလ် အခြေချအိမ်ယာရှိ အိမ်အလုံးရေ ၂၄ ခုကို ပြန်လည်ဆောက်လုပ်ရန် ယမန်နေ့တွင် အတည်ပြုခဲ့သည်။ ထိုအိမ်ယာမှာ ပါလက်စတိုင်းတို့၏ နယ်မြေများအတွင်းသို့ ကျရောက်နေသောကြောင့် ဇူလိုင်လကုန် နောက်ဆုံးထား၍ ဖြိုချရန် အစ္စရေးတရားရုံးချုပ်က အမိန့်ပေးထားသည့် အိမ်ယာဖြစ်သည်။

အဆိုပါဒေသမှာ အနာဂတ်ပါလက်စတိုင်းနိုင်ငံတော် ထူထောင်ရန် အဆိုပြုထားသည့် နေရာဖြစ်ပြီး နိုင်ငံတကာအသိုင်းအ၀ိုင်းကလည်း တရားဝင် အသိအမှတ်ပြုထားသည်။

အစ္စရေးစစ်တပ်မှာ ဖျက်သိမ်းခိုင်းထားသည့် အိမ်ခြေ ၂၂၈ ကို ပြန်လည်ဆောက်လုပ်ရန်နှင့် အိမ်ခြေသစ် ၅၄၁ ခုကို ထပ်မံဆောက်လုပ်ရန် ဗုဒ္ဓဟူးနေ့က အတည်ပြုခဲ့သည်ဟု Peace Now အဖွဲ့က ဆိုသည်။

ထို့ပြင် အိမ်ခြေ ၂၉၆ လုံးပါဝင်မည့် အိမ်ယာ စီမံကိန်းအသစ်ကိုလည်း အတည်ပြုခဲ့ပြီး၊ ပါလက်စတိုင်းပိုင် နယ်မြေ၌ စက်မှုဇုန်နှစ်ခုနှင့် ဂျူးဘာသာရေးကျောင်းတစ်ခု တည်ဆောက်ရန်လည်း အစ္စရေးစစ်တပ်က ထည့်သွင်း အတည်ပြုခဲ့သည်။ ပါလက်စတိုင်းပိုင်နက်တွင် တရားမ၀င် အခြေချအိမ်ရာများ ဆောက်လုပ်ရန် အစ္စရေးက လွန်ခဲ့သည့် တစ်နှစ်က နောက်ဆုံးအတည်ပြုခဲ့သည်။

အစ္စရေး၏ ထိုလုပ်ရပ်များမှာ နိုင်ငံတကာဥပဒေအား ချိုးဖောက်ခြင်းဖြစ်ပြီး ရပ်တန့်ရန် နိုင်ငံတကာအသိုင်းအ၀ိုင်းမှ တောင်းဆိုခဲ့ကြသော်လည်း အစ္စရေးက လိုက်နာခဲ့ခြင်းမရှိချေ။

Ref: Aljazeera

July 24, 2015