ဇွန် ၂၂ ၊ ၂၀၁၅
M-Media
Z.Y ရေးသည်
မြန်မာနိုင်ငံနှင့် မြန်မာလူမျိုးများသည် မည်သည့်လူမျိုး မည်သည့်တိုင်းပြည်နှင့်မျှ မတူအောင်ပင် လှူဒါန်းပေးကမ်းမှုများမှာ ရက်ရက်ရောရောနှင့်စေတနာပြည့်ဝစွာ ပါဝင်လျှက်ရှိပေ၏။
မြန်မာနိုင်ငံနှင့် မြန်မာလူမျိုးတို့သည် မေတ္တာစေတနာလည်း ကြီးမားစွာထားတတ်ကြပေသည်။ ကိုယ်ချင်းစာတရားလည်း ကြီးမားကြပေသည်။ တခြားကိစ္စကိုမကြည့်နှင့်။ ယခုခေတ်ကာလအချိန်အခါ ရာသီစာဖြစ်သော ကားလမ်းများပိတ်ဆို့ကျပ်ခြင်းကိုပင် ကြည့်ပါလေ။ ဘတ်စ်ကားကြီးများသည် သူ့ထက်ငါဦး ရှေ့ရောက်ချင်သည့်ဇောဖြင့် အကိုရေ တစ်စီးလောက် တစ်စီးလောက် ဟူ၍လည်းကောင်း၊ လက်ပြ၍လည်းကောင်း၊ မီးတောက်၍လည်းကောင်း၊ မိမိတို့လမ်းကြောင်းပေါ်မှ အခြားသောကားလမ်းကြောင်းပေါ်သို့ အဓမ္မတက်ကာ ကျော်ကြခွကြသည်ကို ကျန်သည့်ကားငယ်များမှ ကြည်ဖြူစွာ လက်လျော့ပေးကြလေ၏။ မကြည်ဖြူ၍လည်း မဖြစ်ပြီ၊ မဟုတ်လျှင် အဆဲကြိမ်းခံရပေဦးမည် မဟုတ်ပါလား။
အလှူရေစက်လက်နဲ့မကွာ တစ်မူးရလို့ တစ်ပဲလှူ အစရှိတဲ့စကားအစဉ်အလာများမှာ မဟုတ်တမ်းတရားပြောဆိုထားခြင်း မဟုတ်ပေ။ မြန်မာလူမျိုးနှင့် တိုင်းရင်းသားများတို့၏ ရက်ရောခြင်း၊ ပေးကမ်းလှူဒါန်းမှုကြီးမားခြင်း စေတနာကိုပြသသော သဘောပင်ဖြစ်၏။ ထိုကဲ့သို့ ရက်ရောမှု၊ မေတ္တာစေတနာထားမှုများကို အခွင့်ကောင်းယူ၍ နည်းလမ်းပေါင်းမျိုးစုံ ဝတ်ရုံလွှာ အမောင်ပြများမျိုးစုံဖြင့် လက်ကြောတင်းအောင် အလုပ်မလုပ်ဘဲနှင့် အရှက်နည်းစွာ တောင်းရမ်းစားသောက်၍ ရေသာခိုတတ်ကြသည်မှာလည်း မြန်မာနိုင်ငံတွင်ရှိသူများပင်တည်း။
ယခုဆိုလျှင် ကမ္ဘောဒီးယားကဲ့သို့နိုင်ငံငယ်လေးမှာပင် တောင်းရမ်းစားသောက်သူ ပပျောက်လျော့နည်းသည့် နိုင်ငံတစ်နိုင်ငံအဖြစ် ခံယူထားသည်ကို တွေ့ရှိရပေသည်။ လူဆိုသည်မှာလည်း အကျင့်၏သားကောင်းများပင် မဟုတ်ပါလား။ ခေါက်ရိုးကျိုးနေပြီဖြစ်သော အကျင့်ခြစားနေပြီဖြစ်သော စရိုက်ဆိုးများအား ပပျောက်သွားစေရန် ဆောင်ရွက်ရာတွင် လက်ခုပ်တီးခြင်း ဥပမာကဲ့သို့ နှစ်ဖက်တီးမှ မြည်မည်ဖြစ်သောကြောင့် တောင်းရမ်းသူများဘက်မှ ပေးကမ်းစွန့်ကြဲသူများရှိနေသမျှ ကာလပတ်လုံး သူတို့၏အကျင့်စရိုက်များ ပျောက်ကွယ်သွားမည် မဟုတ်ပေ။ လုပ်အားနှင့် ငွေကိုငွေအားနှင့် ရင်းနှီး၍ ရှာဖွေကြရသည်မို့ အလွယ်တကူပေးကမ်းစွန့်ကြဲမှုများ မစဉ်းစားမဆင်ခြင် ပေးကမ်းရက်ရောမှုများမှ ရှောင်ကျဉ်ကြရပေမည်။
သို့ဆိုပါလျှင် ငွေကြေးကိုတောင်းရမ်း၍ အလွယ်တကူမရရှိနိုင်ပြီမို့ လုပ်အားတို့ဖြင့် ရှာဖွေစားသောက်ကြပေလိမ့်မည်။ အမှန်တကယ် အလုပ်မလုပ်နိုင်သူ၊ အလုပ်မလုပ်နိုင်သည့် အရွယ်အိုများကိုဖြင့် မဆိုလိုပေ။ မိမိတို့လုပ်အားဖြင့် ရှာဖွေစားသောက်နိုင်ကြလေသော အရွယ်ကောင်းများ တောင်းရမ်းစားသောက်မှုအား ရှောင်ကျဉ်၍အလုပ်လုပ်ကိုင် စားသောက်ကြမည်ဆိုလျှင် တိုင်းပြည်အတွက် အလုပ်လုပ်သူအင်အားများလည်း တိုးပွားပြီး ရေသာခိုအချောင်နှိုက်လိုစိတ်များလည်း ကင်းဝေးကြပေလိမ့်မည်။
မိတ်ဆွေ သင်သည် တိုးတက်ကောင်းမွန်လာမည့် ဒီမိုကရေစီနိုင်ငံတော်သစ်ကြီး တည်တံ့ခိုင်မြဲရန်အတွက် အုပ်တစ်ချပ် သဲတစ်ပွင့်မဖြစ်သော်တောင်မှ ရေစက်ရေပေါက်လေးတစ်ခုပင်ဖြစ်စေဦးတော့။
Z.Y
