ဇွန် ၅ ၊ ၂၀၁၅
M-Media
မိုးစက်တွေ့ဆုံ မေးမြန်းသည်။
ဓာတ်ပြားခေတ်က အဆိုတော်တစ်ဦးဖြစ်ခဲ့သူ တေးသံရှင် ဒေါ်မာမာဝေကို M-Media မှ တွေ့ဆုံမေးမြန်းခဲ့ပါသည်။
မြန်မာ့ဂီတ မပျောက်ဆုံးရန်အတွက် ယနေ့ခေတ်တွင် မြန်မာသံစဉ် တေးသံရှင် လူငယ်များ ပေါ်ထွန်းလာစေ လိုကြောင်းကိုလည်း အသက် (၉၁) နှစ်အရွယ် ခေတ်ဟောင်း တေးသံရှင် ဒေါ်မာမာဝေက ပြောကြားခဲ့သည်။
တေးသံရှင် ဒေါ်မာမာဝေကို အဖ ဦးမာမွတ်နှင့် အမိ ဒေါ်စိန်မြိုင်တို့မှ ၁၉၂၅-ခုနှစ် နိုဝင်ဘာလ ၂၉-ရက်နေ့တွင် ရန်ကုန်မြို့၌ မွေးဖွားခဲ့သည်။ မွေးချင်းသုံးယောက်အနက် ဒေါ်မာမာဝေမှာ အကြီးဆုံးဖြစ်သည်။ဒေါ်မာမာဝေနှင့် မိသားစုတို့မှာ အစ္စလာမ်ဘာသာဝင်ဖြစ်ကြပါသည်။
ဒေါ်မာမာဝေသည် ငယ်စဉ်ကတည်းက အနုပညာများနှင့် နီးစပ်ခဲ့ဖြစ်ကြောင်းကို သူမကပြောဆိုခဲ့သည်။ “အဘွား ပါးပါးက ကုန်သည်သူဌေးကြီးဆိုတော့ အိမ်မှာ ပါးပါးအပေါင်းအသင်းတွေနဲ့ ပျော်ပွဲရွှင်ပွဲတွေ ခဏခဏလုပ်ဖြစ်တယ်။ အဲဒီလိုပွဲတွေ အိမ်မှာလုပ်ရင် အိမ်မှာ အငြိမ့်ကကြတယ်၊ သီချင်းတွေဆိုကြတယ်။ အဲ့လိုဆိုင်းသံ ဗုံသံတွေကြားရရင် မနေနိုင်ဘူး။ သူတို့ကတာ လိုက်က သီချင်းတွေလိုက်ဆိုရင်းပေါ့။ အဲ့ကစလို့ အနုပညာပိုးပါခဲ့တာပါ ” ဟု အဘွားက ငယ်စဉ်ဘဝ ၁၀-နှစ်အရွယ်လောက်က အမှတ်တရများကို စဉ်းစားရင်းပြောဆိုခဲ့သည်။
တဖြည်းဖြည်းနှင့် အငြိမ့်ပွဲတွေကိုကြည့်ရင်း နောက်ပိုင်းတွင် အိမ်တွင် ကကြသည့် အခါ အငြိမ့်မင်းသမီး နေရာတွင် တစ်ခါတစ်ခါ ဝင်က ခဲ့သည်ဟု အဘွားကပြောသည်။ လူကြီးသူမများကလည်း စင်အောက်ကနေအားပေးတော့ အားရှိပြီး တက်တက်ကြွကြွနှင့် ကခဲ့သည်ဟုဆိုသည်။ သင်္ကြန်အခါ သမယများတွင်လည်း ယိမ်းအလှအကများကိုပင် ကခဲ့ကြောင်း သိရသည်။
“အကကို ဝါသနာပါတော့ အဘွားက အကကို သင်ကြည့်တယ်။ တချို့လက်ချိုးတဲ့နေရာတွေဆို အဘွားသိပ်မရဘူး။ ငယ်ငယ် ကလေးဘဝကတော့ ကတဲ့သူတွေကို အားကျပြီး လိုက်ကတာပေါ့။ ဒါပေမယ့် ကကွက်ကဟန်တော့ မတူဘူးလေ။ သေချာ သင်ကြည့်တော့ အဘွား အတွက် သိပ်မလွယ်ဘူးဖြစ်နေတယ်။ အဲဒါနဲ့ ငယ်ငယ်လေး ကတည်းက သီချင်းကလည်း ဆိုတတ်တော့ သီချင်းဆန်းဆိုကြည့်တော့ သီချင်းမှာတော့ ဆိုရတာ သံစဉ်တွေကအစ အဆင်ပြေနေတယ်။ နောက် ဓာတ်ပြားလောကမှာလည်း အဆက်အသွယ်တွေက ရှိနေတော့ ဂီတလောကထဲကိုပဲ ရောက်လာခဲ့တယ်” ဟု ဒေါ်မာမာဝေက သူမဂီတလောကထဲသို့ ဝင်ရောက်ခဲ့ပုံနှင့် ပတ်သက်ပြီး ပြန်လည်ပြောဆိုခဲ့သည်။
၁၉၅၀-ခုနှစ်တွင် ဂီတလောကထဲသို့ ရောက်ရှိခဲ့ပြီး တက္ကသိုလ်စိုး (ကာလပေါ်) တူရိယာအဖွဲ့တွင် ဝင်ရောက် သီဆိုခဲ့သည်။ ဂီတလောကထဲသို့ ရောက်ရောက် ချင်း ဒေါ်ခင်မာဝေ၏ လက်ဦးဆရာမှာ ဆရာ တက္ကသိုလ်စိုး ဖြစ်ခဲ့သည် ဟု ပြောခဲ့သည်။ သူမ၏ ကြားဆရာမှာတော့ ဒေါ်မေရှင်ဖြစ်သည်ဟုဆိုသည်။ ငယ်စဉ်ကလေးဘဝကတည်းက ဒေါ်မေရှင် သီချင်းများကို ကြိုက်နှစ်သက်ပြီး အမြဲနားထောင်၍ အားကျခဲ့ရသည်ဟု ဒေါ်မာမာဝေက အတိတ်ကအကြောင်းအရာများကို ပြန်လည်ပြောဆိုခဲ့သည်။
ဒေါ်မာမာဝေသည် ဂီတလောကသို့ ရောက်ရှိချိန်တွင် သီချင်းပေါင်း (၆၀) ကျော်လောက်ကို သီဆိုခဲ့သည်။ တစ်ကိုယ်တော် ဓာတ်ပြား (၁၀) ချပ် သီဆိုခဲ့သည်ဟု ဆိုသည်။ ရွှေမိုးလေးကညိုတယ်၊ ရွှေမိုး၊ ဝေဝေ၊ အောင်၊ ဟန်းနီး၊ သနားမေတ္တာ၊ လူထုမေတ္တာ၊ စပါယ်ရုံ၊ အပျင်းပြေ၊ နွယ်နီနတ်ပန်း အစရှိသည့် သီချင်းများကို သီဆိုခဲ့သည်။
ထို့ပြင် လွတ်လပ်ရေးနေ့၊ ပြည်ထောင်စုနေ့၊ ဂီတပဒေသာကပွဲ၊ တောင်သူ လယ်သမားနေ့၊ အလုပ်သမားနေ့၊ မဟာသင်္ကြန် အစရှိသည့် နေ့ကြီးရက်ကြီးများ တွင်လည်း ဒေါ်ခင်မာဝေသည် သီချင်းများဖြင့် တက်ကြွစွာ ဖျော်ဖြေခဲ့သည်။
ဘာသာရေးဘက်တွင်လည်း ၀ဏ္ဏကျော်ထင် ဟာဂျီမ ဆရာမကြီး ဒေါ်စောရွှေ၏ တပည့်ရင်းဖြစ်ပြီး မဟာ တမန်တော်မွေးနေ့ သာသနာ့ မှတ်ကျော်တင် စာပေပြိုင်ပွဲများတွင် ဟာဂျီမ ဒေါ်စောရွှေနှင့် အတူ ပြိုင်ပွဲဝင် ကလေးများအား ကဆွီဒါ (လင်္ကာ) များ သင်ပေးခြင်း အစရှိသည့် လိုအပ်သည်များကို ကူညီဆောင်ရွက်ပေးခဲ့သည်ဟု ဆိုသည်။
၁၉၅၃-တွင်အိမ်ထောင်ပြုခဲ့ပြီး သားသမီးနှစ်ဦး မွေးဖွားခဲ့သည်။ အသက် (၃၀) ကျော်တွင် ဂီတလောကမှ အနားယူခဲ့သည်ဟုဆိုသည်။
ယနေ့ခေတ် ဂီတများနှင့် ပတ်သက်၍လည်း “အဘွားတော့ အခုခေတ်ဂီတတွေကို နားထောင်လို့ကို မရပါဘူး။ အော်ဟစ်နေတာပဲ။ သီချင်းစာသားတွေကလည်း ယဉ်ကျေးမှုမရှိတော့ဘူး။ အဘွားတို့နားမှာတော့ ရိုင်းနေတာပေါ့။ အဘွားကတော့ သီချင်းအေးအေးလေးတွေကိုပဲ အရသာခံပြီးနားထောင်ရတာ ကြိုက်တာပေါ့။ အခုခေတ်က မြန်မာသံစဉ်က ပျောက် သလိုကို ဖြစ်နေပြီ။ မြန်မာသံစဉ် သီဆိုတတ်တဲ့ အခုခေတ် ကလေးတွေကိုလည်း သေချာလေ့ကျင့်ပြုစုပေးသင့်တယ်။ ဒါမှ မျိုးဆက်တွေဆိုတာ ကျန်ခဲ့မှာ ။ ဒီနေ့ခေတ် မြန်မာသံစဉ်တွေ ထဲမှာတော့ အဘွားက မာမာအေးကိုတော့ ကြိုက်တယ်။ သူဆိုတာ အဘွားတို့ခေတ်ကလိုပဲ။ သီချင်းတွေက ခံစားလို့ရနေသေးတယ်” ဟု မျိုးဆက်သစ်မြန်မာ သံစဉ်သီဆိုတတ်သော လူငယ်များ ပေါ်ထွန်းစေကြောင်း သုံးသပ်ပြောဆိုခဲ့သည်။
ဒေါ်မာမာဝေအား ကိုမင်းကိုနိုင်၊ မြေးဖြစ်သူ ကိုစည်သူမောင်နှင့် အတူတွေ့ရစဉ်
ငယ်စဉ်ကတည်းက နိုင်ငံရေးကို စိတ်ဝင်စားသူလည်းဖြစ်ပြီး ၁၉၈၈ အရေးအခင်းတွင် လည်း ကျောင်းသားများနှင့် အတူ ပါဝင် လှုပ်ရှားခဲ့သည်ဟု ဒေါ်မာမာဝေက ပြောခဲ့သည်။ ၂၀၀၇ ခုနှစ် ရွှေဝါရောင်တော်လှန်ရေးကာလတွင် ပါဝင်ခဲ့၍ ထောင်သွင်း အကျဉ်းကျခံရသူ ကျောင်းသားခေါင်းဆောင် ကိုစည်သူမောင်မှာ ဒေါ်မာမာဝေ၏ မြေး အရင်းဖြစ်ကြောင်းသိရသည်။
အသက် (၉၁)နှစ်အရွယ်ရှိပြီဖြစ်သော တေးသံရှင် ဒေါ်မာ မာဝေသည် ယခုအခါ (၁၀) ရပ်ကွက် လှိုင်မြို့နယ်၊ ရန်ကုန် ရှိနေအိမ်တွင် မိသားစုနှင့် အတူ ကျန်းမာစွာနေထိုင်လျက်ရှိသည်။
