Blog

မေ ၂၃၊ ၂၀၁၅
M-Media

– အသင်းပိုင်ရှင် အီဗရာဟီမိုဗစ်ခ်ျ ဆန္ဒရှိသလောက် ချယ်ဆီးအသင်းတွင် နေသွားမည်ဖြစ်ပြီး ချယ်ဆီးမှထွက်ခွာပါကလည်း ပရီးမီးယားလိဂ်တွင်သာ ဆက်လက်ရှိနေချင်သည်ဟု ချယ်ဆီးနည်းပြ မော်ရင်ဟိုက ပြောကြားလိုက်သည်။

မော်ရင်ဟိုမှာ မနက်ဖြန်တွင် စတမ်းဖို့ဒ်ဘရစ်ခ်ျ၌ ပရီးမီးယားလိဂ်ဖလားကို ၃ ကြိမ်မြောက် ကိုင်မြှောက်ရမည်ဖြစ်သည်။ အနာဂတ်နှင့်ပတ်သက်၍ ပြောကြားရာတွင် မော်ရင်ဟိုက မိမိအား အီဗရာဟီမိုဗစ်ခ်ျက အသင်းမှထုတ်ပယ်လျှင်လည်း ပရီးမီးယားလိဂ်တွင်သာ ဆက်ရှိနေချင်သည်ဟု ဆိုသည်။

“မစ္စတာ အီဗရာဟီမိုဗစ်ခ်ျက ကျွန်တော်ဟာ မကောင်းတော့ဘူးလို့ ထင်တဲ့တစ်နေ့ ဖြစ်နိုင်ရင် အင်္ဂလန်မှာပဲ အလုပ်လုပ်ချင်ပါတယ်။ မစ္စတာ အီဗရာဟီမိုဗစ်ခ်ျက မပြောမချင်း ကျွန်တော် သွားဖို့ မရှိပါဘူး။ အခု ဘယ်ကလပ်မဆိုလာပြီး ကမ်းလှမ်းမယ်၊ ချယ်ဆီးက လခထက် ၂ ဆပေးမယ်ဆိုရင်တောင် မရပါဘူး” ဟု မော်ရင်ဟိုက BBC ၏ Football Focus အစီအစဉ်တွင် ပြောကြားခဲ့သည်။

ထို့ပြင် မော်ရင်ဟိုက မိမိအနေဖြင့် အခြားကလပ်အသင်းကို နည်းပြရန် မျှော်မှန်းထားသော်လည်း ချယ်ဆီးကို ချစ်မြတ်နိုးသည်ဟု ထည့်သွင်းပြောကြားခဲ့သည်။

၂၀၁၃ ခုနှစ်တွင် မန်ယူမှ ဖာဂူဆန်ထွက်သွားပြီးနောက်ပိုင်း မော်ရင်ဟိုမှာ ၎င်း၏နေရာကို ဆက်ခံရန် အလွန်အမင်း ရေပန်းစားခဲ့သော်လည်း ဖာဂူဆန်ကမူ တစ်နိုင်ငံတည်းသား ဒေးဗစ်မိုယက်စ်ကို အကြံပြုခဲ့သည်။

Ref: Goal

မေ ၂၃၊ ၂၀၁၅
M-Media

– စိတ်ပျက်ဖွယ်ရာရလဒ်နှင့် ရင်ဆိုင်ခဲ့ရသော်လည်း မိမိအနေဖြင့် အန်ဖီးလ်တွင် ဆက်ရှိနေရန် ယုံကြည်မှုမှာ ၁၅၀ ရာခိုင်နှုန်းရှိနေပြီး လာမည့်နှစ်တွင် အသင်းအား တိုးတက်အောင် ပြုလုပ်သွားမည်ဟု လီဗာပူးလ်နည်းပြ ဘရန်ဒန်ရော်ဂျာက ပြောကြားလိုက်သည်။

ပြီးခဲ့သည့်နှစ်က ခြေစွမ်းကောင်းများပြသကာ ပရီးမီးယားလိဂ်ကို စိန်ခေါ်နိုင်သည်အထိ ဖြစ်ခဲ့၍ အဆင့် ၂ ဖြင့် ရာသီသိမ်းနိုင်ခဲ့သည့် လီဗာပူးလ်မှာ ယခုနှစ်တွင် ချန်ပီယံလိဂ်ဝင်ခွင့်ပင် ဆုံးရှုံးခဲ့ရသည်။ နည်းပြရော်ဂျာမှာလည်း ၎င်း၏ အနာဂတ်အတွက် အသင်းပိုင်ရှင်များနှင့် ရာသီကုန်တွင် စကားပြောရန် ရှိနေပြီး နည်းပြနေရာအတွက် ယုံကြည်မှုရှိလားဟု မေးမြန်းရာ သူက ၁၅၀ ရာခိုင်နှုန်း ယုံကြည်မှုရှိသည်ဟု ပြန်လည်ဖြေကြားခဲ့သည်။

“ရာသီတစ်လျှောက်လုံးမှာ အသင်းပိုင်ရှင်တွေနဲ့ ကောင်းမွန်တဲ့ဆက်ဆံရေး ရှိခဲ့ပါတယ်။ မနှစ်ကလိုပဲ ရာသီကုန်ရင် ကျွန်တော် သူတို့နဲ့ စကားပြောမှာပါ” ဟု ရော်ဂျာက ဆိုသည်။

ယခုနှစ်ရာသီတွင် စိတ်ပျက်စရာရလဒ်များဖြင့် ကြုံတွေ့ခဲ့ရသော်လည်း မန်နေဂျာတစ်ယောက်အဖြစ် မိမိအား တိုးတက်စေခဲ့သည်ဟု ရော်ဂျာက ခံစားနေရသည်။

“ကျွန်တော်ဟာ မန်ဂျောတစ်ယောက်အဖြစ် တိုးတက်လာတယ်လို့ ထင်ပါတယ်။ နှစ်တိုင်းနှစ်တိုင်း ချင့်ချိန်မှု လုပ်တဲ့အခါ ကိုယ့်ရဲ့ ကိုယ်ပိုင် စွမ်းဆောင်ရည်ကို ပြန်သုံးသပ်ရပြီး လာမယ့်နှစ်မှာ ပိုကောင်းနိုင်မယ်လို့ မျှော်လင့်ကြတာပါပဲ။ သေချာတာကတော့ ဒီနှစ်အတွေ့အကြုံက ကျွန်တော့်ကို ပိုကောင်းစေခဲ့ပါတယ်”

Ref: Goal