မေ ၃၊ ၂၀၁၅
M-Media
– နိုင်ငံအနောက်မြောက်ပိုင်းတွင် ဆီးရီးယားအစိုးရ၏ ရဟတ်ယာဉ်များက ပြုလုပ်ခဲ့သည့် ဗုံးကြဲမှုများတွင် ဓာတုလက်နက်များ အသုံးပြုသောကြောင့် ကလေးငယ်တစ်ဦး သေဆုံးကာ လူ ၄၀ ခန့် ဒဏ်ရာရရှိခဲ့သည်ဟု ဆီးရီးယား လူမှုအဖွဲ့များမှ ပြောကြားလိုက်သည်။
ဆီးရီးယာအစိုးရအား ဆန့်ကျင်သည့် ညွန့်ပေါင်းတပ်ဖွဲ့များ ထိန်းချုပ်ထားရာ အစ်ဒ်လစ်ဘ်ပြည်နယ် ဆာရာကဘ်မြို့တွင် သောကြာနေ့ညက ကလိုရင်းဗုံးဖြင့် ကြဲချခဲ့ခြင်းဖြစ်ပြီး၊ ပြီးခဲ့သည့် ဗုဒ္ဓဟူးနေ့ကလည်း ထိုဒေသတွင်ပင် ထိုကဲ့သို့ တိုက်ခိုက်မှု ဖြစ်ပွားခဲ့သည်ဟု ၎င်းတို့က ဆိုသည်။
ဆီးရီးယားအစိုးရ၏ ဓာတ်တုလက်နက်ဖြင့် တိုက်ခိုက်မှုများအတွက် စုံစမ်းစစ်ဆေးမှုများ ပြုလုပ်သွားမည်ဟု နိုင်ငံတကာ ဓာတုလက်နက် စောင့်ကြည့်ရေးအဖွဲ့က ကြာသာပတေးနေ့တွင် ကြေညာခဲ့သည်။ တက်ကြွလှုပ်ရှားသူများ အဖွဲ့ဖြစ်သည့် ဆီးရီးယား ပြည်သူ့ကာကွယ်ရေးအဖွဲ့မှ ဆိုရှယ်မီဒီယာတွင် မျှဝေသော ဗီဒီယိုများ၌ ကလေးများ ချောင်းဆိုးခြင်း၊ အသက်ရှုမြန်လာခြင်းတို့ကြောင့် ဒေသခံများမှာ အဆိုပါ ကလေးများအား ဆေးရုံသို့ အပြေးအလွှား သွားရောက်ပို့ဆောင်သည်ကို တွေ့ရှိရသည်။
ပြည်နယ်အတွင်း အခြားမြို့တစ်မြို့ဖြစ်သော နာရက်ဘ်မြို့မှ ဗီဒီယိုတစ်ခုတွင် ဆီးရီးယားအစိုးရ၏ လေကြောင်းမှ တိုက်ခိုက်မှုအတွင်း ပြည်သူများအား ကယ်တင်ခဲ့သော ဆေးဘက်ဆိုင်ရာ ၀န်ထမ်းတစ်ဦးအား အောက်ဆီဂျင် ပေးအပ်နေရသည်ကို ဖော်ပြထားသည်။ အဆိုပါမြို့မှာ ဆီးရီးယားအစိုးရကို တိုက်ခိုက်နေသော တပ်ဖွဲ့များ ထိန်းချုပ်ထားရာ ဒေသလည်းဖြစ်သည်။
လန်ဒန်အခြေစိုက် ဆီးရီးယား လူ့အခွင့်အရေး စောင့်ကြည့်အဖွဲ့ကမူ ဆေးဘက်ဆိုင်ရာ တာဝန်ရှိသူများ၏ ပြောကြားမှုကို ကိုးကား၍ နာရက်ဘ်မြို့တွင် ကလေးငယ်တစ်ဦး သေဆုံးခဲ့ကာ သေဆုံးရသည့် အကြောင်းကို ရှင်းရှင်းလင်းလင်း မသိရှိရသေးကြောင်း ပြောကြားခဲ့သည်။
အခြား တက်ကြွလှုပ်ရှားသူများအဖွဲ့ဖြစ်သော ပူးပေါင်းဆောင်ရွက်ရေးကော်မတီများအဖွဲ့ကလည်း ဆာရာကဘ်တွင် ဓာတုလက်နက်ဖြင့် တိုက်ခိုက်မှုများ ရှိခဲ့သည်ဟု ပြောကြားခဲ့သည်။ ဆီးရီးယား နိုင်ငံပိုင်မီဒီယာများတွင် ထိုသို့ တိုက်ခိုက်မှုသတင်းကို ဖော်ပြခြင်းမရှိဘဲ ဆီးရီးယားအစိုးရကမူ ဓာတုလက်နက်ဖြင့် တိုက်ခိုက်မှုမှာ အတိုက်အခံတပ်ဖွဲ့များမှ ပြုလုပ်သည်ဟု အပြစ်တင်ထားသည်။
Ref: Aljazeera
