ဧပြီ ၃၀၊ ၂၀၁၅
M-Media
မင်းသိန်း
စာရေးသူ နေထိုင်ရာ ဂျာမဏီနိုင်ငံ Nordrhein-Westfalen ပြည်နယ်သည် လူဦးရေ (၁၇သန်း)ခန့် နေထိုင်သော ပြည်နယ် တစ်ခုဖြစ်ပြီး ဂျာမဏီ နိုင်ငံ၏ ပြည်နယ်(၁၆-ခု)တွင် အကြီးဆုံးပြည်နယ်ဖြစ်သည်။
ပြည်နယ်အတွင်း နေထိုင်သော မွတ်စလင်လူဦးရေမှာ (၁.၅ သန်း) ခန့်ရှိပြီး လူဦးရေ စုစုပေါင်း၏ (၁၀ %) နီးပါးခန့်ရှိသည်။ အဆိုပါလူဦးရေ (၁.၅ သန်း) ခန့် အနက် (၃၂၀၀၀၀) ကျော်မှာ မူလတန်း နှင့် အလယ်တန်း (တစ်တန်း မှ ဆယ်တန်းထိ)ကျောင်းသား များဖြစ်ကြသည်။ မွတ်စလင်လူဦးရေ၏ (၂၀%) ကျော်မှာ အခြေခံပညာ သင်ယူနေကြသော ကျောင်းသား/ကျောင်းသူ များ ဖြစ်ကြသည်။ ပြည်နယ်ပညာရေး စနစ် အရ ကျောင်းသူ၊ကျောင်းသားများအနေဖြင့် မူလတန်းမှစတင်ကာ အလယ်တန်းပြီးဆုံးသည့် အထိ (Religious) ဘာသာရပ်အား သင်ယူကြရသည်။ ပြည်နယ်လူဦးရေ၏ (၄၀%) ခန့်သက်ဝင်ယုံကြည်ကြသော (Romen- catholic) ဘာသာရပ်သည် ကျောင်းများတွင်အဓိက သင်ကြားပေးသော ဘာသာရပ်ဖြစ်သည်။ (Roman-Catholic) ဘာသာဝင် မဟုတ်သော (Protestant, Muslims နှင့် ဘာသာမဲ့ ခံယူထားသူများ အနေနှင့် အဆိုပါ (Religious) ဘာသာရပ်အစား (Theology) ဘာသာရပ်အားသင်ယူကြရသည်။
၂၀၁၁ ခု နှစ် ဖေဖေါ်ဝါရီလအတွင်း ပြည်နယ် ပညာရေးဝန်ကြီးနှင့် မွတ်စလင့်ကောင်စီ တို့ပူပေါင်းပြီး ကျောင်းများတွင် အစ္စလာမ့်မစ် ဘာသာရပ်အား သင်ကြားနိုင်ရန် ဆွေးနွေးခဲ့ကြသည်။ ၂၀၁၁ ခု ဒီဇင်ဘာလ တွင် ပြည်နယ် ပညာရေးဥပဒေ အတွင်း အစ္စလာမ့်မစ် ဘာသာရပ် သင်ကြားခွင့် ဥပဒေအား ထည့်သွင်းရေးဆွဲနိုင်ခဲ့ကြသည်။
(၂၀၁၂- ၂၀၁၃) ပညာသင်နှစ်မှ စတင်ကာ ကျောင်းများတွင် အစ္စလာမ့်မစ် ဘာသာရပ် သင်ကြားမှု အား စတင်ခဲ့ကြသည်။အစ္စလာမ်မစ် ဘာသာရပ်အား သင်ကြားလိုသော(မည်သည့် ဘာသာဝင်မဆို) ကျောင်းသူ/ ကျောင်းသားများ အနေဖြင့် လျှောက်လွှာတင်ကြရပြီး ကျောင်း တစ်ကျောင်းတွင် အစ္စလာမ့်မစ် ဘာသာရပ်အား သင်ကြားလိုသော အနိမ့်ဆုံးကျောင်းသားစုစုပေါင်း (၇ ဦး)ခန့်ရှိပါက ပြည်နယ်မှ ဆရာ/ဆရာမ တစ်ဦးအား ခန့်အပ်ပေးသည်။
ထို့အပြင် ပြည်နယ်အတွင်းရှိ တက္ကသိုလ် နှစ်ခု (Westfälischen Wilhelms-Universität Münster နှင့် Universität Osnabrück) တို့တွင် ဆရာ/ဆရာမ များအတွက် အစ္စလာမ့်မစ်ဘာသာရပ်အား အထူးပြုသင်ပြပေးပြီး၊ တက္ကသိုလ်ကျောင်းသား ကျောင်းသူများ အနေဖြင့်လည်း အစ္စလာမ့်မစ်ဘာသာရပ်အား အထူးပြု ဘာသာရပ်အဖြစ် သင်ကြားနိုင်သော အခွင့်အရေးများလည်း ပြည်နယ်အစိုးရမှ တာဝန်ယူ ဖန်တီးပေးထားသည်။
ပြည်နယ်ပညာရေးဌာန ၏စစ်တမ်းများအရ အစ္စလာမ့်မစ် ဘာသာရပ်အား မွတ်စလင် ကျောင်းသား/ ကျောင်းသူများသာမက တခြားဘာသာဝင် ကျောင်းသူ/ကျောင်းသားများလည်း စိတ်ဝင်တစား သင်ယူလာကြသည်ကို တွေ့မြင်လာရသည်။
ဘာသာတရားများ၏ ဓမ္မစစ်ကို သိရှိလာကြသည့်အလျှောက် သက်ဆိုင်ရာဘာသာဝင်များအကြား ဘာသာရေးအား တလွှဲအသုံးချနေသော လူများ၏ အစွန်းရောက်မှု့ အန္တရာယ်မှ ကာကွယ်နိုင်သည့်အပြင် မတူညီသောဘာသာဝင်များအကြား သဘောထားကြီးမှု့နှင့် နားလည်အသိအမှတ်ပြုမှုများ တိုးပွားလာကြရသည်။
အသိဥာဏ်ရင့်ကျက်သော လူ့အဖွဲ့စည်းအတွင်း မတူကွဲပြားခြင်းအား နိုင်ငံနှင့် လူထုအတွက် အင်အားသစ် တစ်ရပ်အဖြစ်ဖန်တီးနိုင်ရန် ကြိုးစားကြပြီး အသိညာဏ်အားနည်းသော လူ့အဖွဲ့အစည်းအတွင်း မတူကွဲပြားခြင်းအား ပြသနာတစ်ရပ်အဖြစ် ဖန်တီးကာ လူသားဂုဏ်သိက္ခာအား မျက်ကွယ်ပြုလာကြသည်။ ဤသို့ဖြင့် ကမ္ဘာပေါ်တွင် လူ့အရောင်အသွေးကင်းမဲ့သော လူသားအများစုနေထိုင်ရာ ပျက်သုန်းနိုင်ငံများပေါ်ပေါက်လာရသည်။
မင်းသိန်း(၂၉.၀၄.၂၀၁၅)
** M-Media သို့ စာရေးသူ “မင်းသိန်း” ပေးပို့လာသည့် သတင်းဆောင်းပါးဖြစ်ပါသည်။ M-Media သို့ စာမူများ ပေးပို့လိုလျှင် M-Media FB Fan Page သို့ မက်ဆစ်ပို့၍ လည်းကောင်း၊ [email protected] သို့ အီးမေးလ်ပို့၍ လည်းကောင်း ဆက်သွယ်ပေးပို့နိုင်ပါတယ်။ ဖတ်ရှုစိစစ်၍ ဖော်ပြပေးသွားပါမည်။
