မေ ၁၊ ၂၀၁၅
M-Meida
– ပြီးခဲ့သည့်လများအတွင်း ဂျာမနီနိုင်ငံတစ်ဝှမ်းနှင့် ဥရောပတို့တွင် အစ္စလာမ်ဆန့်ကျင်ရေး လှုပ်ရှားမှုများ ပြုလုပ်ခဲ့သည့် ဂျာမနီအရှေ့ပိုင်း ဒရက်စ်ဒန်မြို့အခြေစိုက် အစ္စလာမ်ဆန့်ကျင်ရေးအဖွဲ့ Pegida မှ ခေါင်းဆောင်ဟောင်းဖြစ်သူ ကက်သရင်း အော်တဲလ်က ၎င်းတို့၏ အမုန်းတရား ဖြန့်ဖြူးခဲ့မှုအတွက် မွတ်စလင်များကို တောင်းပန်လိုက်သည်။
“Pegida လှုပ်ရှားမှုမှာ ဆက်ရှိနေတဲ့သူတွေအားလုံး သိထားဖို့လိုတာက သူတို့ဟာ မှားယွင်းတဲ့ အကြောင်းအရာ ကိစ္စတစ်ခုကို ဖြန့်ဖြူးနေတယ်ဆိုတာပါပဲ။ ဥရောပနဲ့ ဂျာမနီက ကျွန်မတို့ ပြဿနာတွေအတွက် ခိုလှုံဝင်ရောက်လာသူတွေက အပြစ်တင်ခံရတယ်။ ဒါပေမယ့် သူတို့ဟာ ပြဿနာရဲ့ အခြေခံအကြောင်းအရင်း မဟုတ်ပါဘူး။ ပြောင်းရွှေ့အခြေချလာသူတွေနဲ့ မွတ်စလင်တွေအားလုံး၊ အဲဒီအထဲက ငြိမ်းချမ်းစွာနေသူတွေ၊ ဂျာမနီလူ့အဖွဲ့အစည်းနဲ့ တစ်သားတည်းဖြစ်သူတွေ၊ ကျွန်မတို့ရဲ့ယဉ်ကျေးမှုနဲ့ ဥပဒေတွေကို လေးစားသူတွေကို
ကျွန်မ တောင်းပန်ပါတယ်။ ဒီလိုနေသူတွေက အများစုဖြစ်ကြပြီး ဂျာမန်တွေက ဒါကို ကျော်ကြည့်ကြပါတယ်” ဟု ကက်သရင်း အော်တဲလ်က အွန်လိုင်းတွင် လွှင့်တင်ခဲ့သည့် ဗီဒီယို၌ ပြောကြားခဲ့ပြီး ၀ါရှင်တန်ပို့စ်က အဆိုပါ ဗီဒီယိုအား ကိုးကားဖော်ပြခဲ့သည်။
Pegida ၏ ခေါင်းဆောင်ဖြစ်သူ လုဇ် ဘခ်ျမန်းမှာ ဆိုရှယ်မီဒီယာတွင် ဟစ်တလာ၏ဓာတ်ပုံ တင်သောကြောင့် ဝေဖန်မှုများ ခံရပြီး အဖွဲ့မှ နှုတ်ထွက်သွားခဲ့သည့်အချိန်တွင် ကက်သရင်းက အဖွဲ့ခေါင်းဆောင် ဖြစ်လာခဲ့သည်။ သို့သော်လည်း ကက်သရင်းမှာ ပြီးခဲ့သည့် ဇန်န၀ါရီတွင် ရုတ်တရက်နှုတ်ထွက်ခဲ့ပြီး ၎င်းတို့အဖွဲ့၏ လှုပ်ရှားမှုမှာလည်း ထိုအချိန်မှစ၍ ဖရိုဖရဲ ဖြစ်သွားခဲ့သည်။
“ကျွန်မတို့လုပ်ခဲ့တဲ့ အမုန်းတရားလှုပ်ရှားမှုအတွက် ကျွန်မဟာ တစ်စိတ်တစ်ပိုင်း တာဝန်ရှိတယ်လို့ ခံစားရပါတယ်။ အဲဒီအတွက် ကျွန်မ တောင်းပန်ပြီး၊ ကျွန်မလုပ်နိုင်တဲ့ တစ်ခုတည်းသောအရာက အဲဒီတင်းမာမှုတွေကို ဖြေရှင်းရာမှာ ကူညီဖို့အတွက်ပဲ ဖြစ်ပါတယ်” ဟု ကက်သရင်းက ထည့်သွင်းပြောကြားခဲ့သည်။
ပြီးခဲ့သည့်နှစ် အောက်တိုဘာလကတည်းက အဆိုပါ Pegida အဖွဲ့မှာ ဂျာမနီနိုင်ငံတစ်ဝှမ်း အပတ်စဉ် အစ္စလာမ်ဆန့်ကျင်ရေး ချီတက်လမ်းလျှောက်မှုများကို ပြုလုပ်ခဲ့ပြီး လူထောင်နှင့်ချီ၍ ပါဝင်ခဲ့သည်။
ဂျာမနီနိုင်ငံခြားရေးဝန်ကြီး ဖရန့် ဝေါလ်တာ စတိုင်မီယာက Pegida ၏ နိုင်ငံခြားသားမုန်း ကြွေးကြော်သံများ၊ လူမျိုးရေးခွဲခြားမှု ကြွေးကြော်သံများနှင့် ဆိုင်းဘုတ်များက နိုင်ငံရပ်ခြားတွင် ဂျာမနီ၏ ပုံရိပ်ကို ပျက်ဆီးစေသည်ဟု ပြောကြားခဲ့သည်။ ထိုအဖွဲ့၏ ကျွေးကြော်မှုတွင် ၁၉၂၂ ခုနှစ်က ဟစ်တလာတို့၏ ကြွေးကြော်သံများလည်း ပါဝင်သည်။
ဂျာမနီအဓိပတိ အိန်ဂျလာမာကဲလ်ကလည်း မွတ်စလင်များကို ထောက်ခံအားပေးသည့်အနေဖြင့် ပြီးခဲ့သည့် နှစ်ပတ်က ဘာလင်၌ ကျင်းပခဲ့သော သည်ခံမှုရှိရေး စုပေါင်း ဆုတောင်းပွဲကို တက်ရောက်ခဲ့ပြီး မြင့်တက်လာသည့် အစ္စလာမ်ဆန့်ကျင်ရေး လှုပ်ရှားမှုများနှင့် လက်ယာစွန်းရောက် Pegida ၏ လှုပ်ရှားမှုများကို ပြတ်ပြတ်သားသား ဆန့်ကျင်ခဲ့သည်။
၂၀၁၄ ဒီဇင်ဘာလက ပြောကြားခဲ့သည့် နှစ်သစ်ကူးမိန့်ခွန်းတွင်လည်း မာကဲလ်က ပဋိပက္ခများကြောင့် အိုးအိမ်စွန့်ခွာ ထွက်ပြေးရသူများအား ကူညီရန် ဂျာမန်ပြည်သူများအား တိုက်တွန်းခဲ့ပြီး၊ လူမျိုးရေးခွဲခြားမှုကို ဆန့်ကျင်ရှုတ်ချကာ မွတ်စလင်ဆန့်ကျင်ရေး လှုပ်ရှားမှုမှာလည်း အမုန်းတရားများဖြင့် ပြည့်နှက်နေသည်ဟု ထည့်သွင်းပြောကြားခဲ့သည်။
တွေ့ဆုံဆွေးနွေးရေး
ကမ္ဘာ့ငြိမ်းချမ်းရေးအတွက် သတင်းစကားအသစ်ကို ဖြန့်ဝေသည့်အနေဖြင့် ကက်သရင်းက တွေ့ဆုံဆွေးနွေးမှုများ ပြုလုပ်ရန် တိုက်တွန်းခဲ့သည်။
“ငြိမ်းချမ်းရေးရဖို့အတွက် တွေ့ဆုံဆွေးနွေးမှု အဆင်သင့်ဖြစ်နေဖို့ လိုအပ်ပါတယ်။ ဒါကသာ တင်ကူးမှန်းဆ ပြောဆိုချက်တွေကို ဖယ်ရှားဖို့ တစ်ခုတည်းသော နည်းလမ်းပါပဲ”
ထို့ပြင် မိမိအနေဖြင့် အစ္စလာမ်အား မည်သည့်အခါမှ တိုက်ခိုက်တော့မည်မဟုတ်ဘဲ ကမ္ဘာ့ငြိမ်းချမ်းရေးအတွက် ဆောင်ရွက်သွားမည်ဖြစ်ကြောင်း ထည့်သွင်းပြောကြားခဲ့သည်။
“လူတွေနဲ့ဆက်သွယ်ဖို့ တစ်ယောက်ယောက်လိုပါတယ်” ဟုဆိုကာ မိမိမှာ ထိုသူမျိုးဖြစ်ရန် အဆင်သင့်ဖြစ်နေသည်ဟု ပြောကြားခဲ့သည်။
ယခုအချိန်အထိ ကမ္ဘာကြီး ငြိမ်းချမ်းရေး ရည်ရွယ်ချက်အတွက် ထောက်ခံမှုရရှိရန် သူမအနေဖြင့် မဆောင်ရွက်နိုင်ဟုလည်း ဆိုသည်။
“ကျွန်မတို့ဟာ ပြိုင်ဘက်တွေကို နှုတ်နဲ့သာ တိုက်ခိုက်နေကြတာပါ”
အဆိုပါ စကားများက ယခုနှစ်အစောပိုင်း သူမအား အင်တာဗျူးပြုလုပ်စဉ်က စကားများနှင့် ဆန့်ကျင်ဘက်ဖြစ်နေသည်။ ဇန်န၀ါရီက CNN နှင့် အင်တာဗျူးတွင် ကက်သရင်းက အစ္စလာမ်ဆန့်ကျင်ရေး မှတ်ချက်များကို ဖြေကြားခဲ့သည်။ Pegida ၏ အစ္စလာမ်ဆန့်ကျင်ရေး လှုပ်ရှားမှုတွင် ပါဝင်ခဲ့သည့် လူလတ်ပိုင်း အမျိုးသမီးတစ်ဦးကလည်း The Guardian နှင့် အင်တာဗျူးတွင် ခိုလှုံလာသူများက ဈေးကြီးသည့် မိုဘိုင်းဖုန်းများကို ကိုင်နိုင်ပြီး မိမိမှာ ထိုကဲ့သို့ မကိုင်နိုင်ဟု ပြစ်တင် ပြောကြားခဲ့သည်။
မွတ်စလင်များနှင့်ပတ်သက်၍ ကက်သရင်း၏ ယခုကဲ့သို့ အမြင်ပြောင်းသွားခြင်းက ၎င်းအား ထောက်ခံအားပေးသူများကို အံအားသင့်စေခဲ့သည်။
“သူများကို မဝေဖန်ခင်အရင် ခြေတစ်လှမ်းဆုတ်ပြီး ကိုယ့်ကိုယ်ကိုယ် အမြဲတမ်း ပြန်ကြည့်ရပါမယ်။ တစ်ဦးတစ်ယောက်ဟာ အခြားတစ်ဦးတစ်ယောက်ကို ပြောင်းလဲဖို့ ခွင့်ပေးရပါမယ်။ အခြားသူတွေကလည်း ဒီလိုပဲ သွားရပါမယ်။ ရန်သူတွေ ဖန်တီးတာမျိုးကို ရပ်တန့်ဖို့လိုပါပြီ” ဟု ကက်သရင်းက ထည့်သွင်းပြောကြားခဲ့သည်။
ကက်သရင်းမှာ အစ္စလာမ်၊ ဂျာမနီတွင် ပြောင်းရွှေ့အခြေချသူများနှင့် ခိုလှုံလာသူများနှင့် ပတ်သက်၍ လုံလောက်စွာ ဝေဖန်မှုမရှိဟု ယခင်က မီဒီယာမျာကို ပြစ်တင်ခဲ့သော်လည်း ယခုဗီဒီယိုတွင် သူမက အဓိက မီဒီယာများက မွတ်စလင်များနှင့် အစ္စလာမ်သာသာတို့အား ဆိုးဆိုးဝါးဝါး ဝေဖန်မှုများကို ဆန့်ကျင်ရှုတ်ချခဲ့ပြီး မီဒီယာများမှာ မွတ်စလင်များကို ဓားစာခံအဖြစ် ပြုလုပ်နေကြသည်ဟု ၎င်းက ပြောကြားခဲ့သည်။
Ref: Onislam
