Blog

မေ ၁၊ ၂၀၁၅
M-Media

– နိုင်ငံရေး ပြုပြင်ပြောင်းလဲမှု ပြုလုပ်ပြီးနောက်ပိုင်း အမေရိကန်က စီးပွားရေးပိတ်ဆို့မှုကို ပထမဆုံး ဖယ်ရှားပေးခြင်း ခံခဲ့ရသည့် မြန်မာ့စီးပွားရေးလုပ်ငန်းရှင် ဦးဝင်းအောင်က အမေရိကန်အနေဖြင့် အခြားသောသူများကိုလည်း ဖယ်ရှားပေးသင့်ပြီး သို့မှသာ စီးပွားရေး ဖွံ့ဖြိုးတိုးတက်ရန်အတွက် ၎င်းတို့မှာ အမေရိကန်ကုမ္ပဏီများနှင့် မိတ်ဖက်အဖြစ် အလုပ်လုပ်နိုင်မည်ဟု ယမန်နေ့တွင် ပြောကြားလိုက်သည်။

၂၀၁၁ ခုနှစ်က အရပ်သားတစ်ပိုင်းအစိုးရ တက်လာခဲ့ပြီးနောက်ပိုင်း အမေရိကန်က မြန်မာနိုင်ငံအပေါ် ပိတ်ဆို့မှုအားလုံးနီးပါး ဖယ်ရှားရန် စတင်ခဲ့သည့် ၂၀၁၂ ခုနှစ်တွင် ဦးဝင်းအောင်နှင့် ၎င်းပိုင်ဆိုင်သည့် Dagon International Ltd၊ Dagon Timber Ltd  တို့မှာ အမည်ပျက်စာရင်းမှ ပထမဆုံး ဖယ်ရှားပေးခြင်း ခံခဲ့ရသည်။

အဆိုပါ အမည်ပျက်စာရင်းတွင် မြန်မာနိုင်ငံမှ စီးပွားရေးလုပ်ငန်းရှင် ဒါဇင်နှင့်ချီ၍ ကျန်ရှိနေသေးပြီး ဦးဝင်းအောင်ကမူ အမေရိကန်ဘဏ္ဍာရေးဌာန၏ စံနှုန်းများနှင့် ကိုက်ညီသောသူများကို မကြာမီ ထိုစာရင်းမှ ဖယ်ရှားပေးသင့်သည်ဟု ဆိုသည်။

“သူတို့က စီးပွားရေး ပိုလုပ်နိုင်ရင် အလုပ်အကိုင်အခွင့်အလမ်းတွေလည်း သူတို့ ပိုပြီး ဖန်တီးပေးနိုင်မှာပါ” ဟု ပိတ်ဆို့မှု ဖယ်ရှားပေးခံရပြီးနောက်ပိုင်း ပြုလုပ်ခဲ့သည့် ပထမဆုံး အင်တာဗျူးတွင် ၎င်းက ပြောကြားခဲ့သည်။

တစ်ချိန်က ဒေသအတွင်း အဖွံ့ဖြိုးဆုံးနိုင်ငံ ဖြစ်ခဲ့သည့် မြန်မာနိုင်ငံမှာ စစ်အစိုးရ၏ ၄၉ နှစ်ကြာ အုပ်စိုးမှုအတွင်း စီမံခန့်ခွဲမှု ညံ့ဖျင်းခြင်းနှင့် ချစားမှုများကြောင့် မြန်မာ့စီးပွားရေးမှာ ချွတ်ခြုံကျခဲ့သည်။ ထို့ပြင် အစိုးရ၏ လူ့အခွင့်အရေး ချိုးဖောက်မှုများကို တုန့်ပြန်သည့်အနေဖြင့် အနောက်နိုင်ငံများက စီးပွားရေး ပိတ်ဆို့မှုများ ပြုလုပ်ခဲ့ခြင်းကြောင့်လည်း မြန်မာနိုင်ငံမှာ ပို၍ အထီးကျန်ခဲ့သည်။

၂၀၁၁ ခုနှစ်မှ စတင်ခဲ့သည့် မြန်မာနိုင်ငံ၏ စီးပွားရေးနှင့် နိုင်ငံရေး ပြုပြင်ပြောင်းလဲမှုများက ပိတ်ဆို့မှုအများစုကို ဖယ်ရှားရန် အမေရိကန်နှင့် အခြားသော အနောက်နိုင်ငံများ၏ ယုံကြည်မှုကို ရရှိခဲ့သည်။ သို့သော်လည်း မြန်မာနိုင်ငံမှ လူအတော်များများကမူ နိုင်ငံ၏ ပြုပြင်ပြောင်းလဲရေး လုပ်ငန်းစဉ်မှာ ရပ်တန့်သွားပြီဟု ခံစားနေရသည်။

အမေရိကန်၏ စီးပွားရေးပိတ်ဆို့မှုတွင် စစ်အစိုးရတစ်ဖွဲ့လုံးနှင့် ထိုအစိုးရကို ဘဏ္ဍာရေးအထောက်အပံ့များ ပေးနေသည်ဟု စွပ်စွဲခံရသော ဦးဝင်အောင်ကဲ့သို့ စီးပွားရေးလုပ်ငန်းရှင်များ ပါဝင်ခဲ့သည်။ ထိုကဲ့သို့ ပိတ်ဆို့မှုနှင့် ပတ်သက်သည့် အချက်အလက်ကို အမေရိကန် ဘဏ္ဍာရေးဌာနက ထုတ်ပြန်ခဲ့ခြင်းမရှိသော်လည်း ၀ီကီလိခ်မှ ဖော်ထုတ်ခဲ့သည့် သံတမန်ရေးရာ လျှို့ဝှက်ချက်များတွင် သဲလွန်စအချို့ ပါဝင်ခဲ့သည်။

ဝီကီလိခ်၏ ဖော်ထုတ်မှုတွင် ဦးဝင်းအောင်မှာ တရုတ်နိုင်ငံသို့ ကျွန်းသစ် ကန်ဒေါ်လာ ၅ သန်းဖိုး တင်ပို့ခဲ့ပြီး၊ စစ်အာဏာရှင်များက လျှို့ဝှက်တည်ဆောက်ခဲ့ကာ ၂၀၀၅ ခုနှစ်မှ ထုတ်ဖော်ပြောကြားခဲ့သည့် နေပြည်တော် ဆောက်လုပ်ရေးတွင် အကျိုးအမြတ်များသော ကန်ထရိုက်ရရှိရန် ဗိုလ်ချုပ်များနှင့် အဆက်အသွယ်ကို အသုံးပြုခဲ့သည်ဟု ဖော်ပြထားသည်။

“၀ီကီလိခ်က သတင်းအချက်အလက်တော်တော်များများဟာ အမှန်မဟုတ်ဘူးဆိုတာ ကျွန်တော် တွေ့ခဲ့ပါတယ်” ဟု ဦးဝင်းအောင်က ပြောကြားခဲ့သည်။

ထို့ပြင် စစ်အာဏာရှင်များမှာ မြန်မာနိုင်ငံရှိ ဆောက်လုပ်ရေးကုမ္ပဏီအများစုကို နေပြည်တော်တွင် အနည်းဆုံး အဆောက်အဦး ၂ ခု ဆောက်လုပ်ရန် အမိန့်ပေးခဲ့သောကြောင့် မိမိအနေဖြင့် ဆောက်လုပ်ခဲ့သည်ဟု ဆိုသည်။ ထို့ပြင် တရုတ်နိုင်ငံသို့လည်း မည်သည့်အခါမှာ ကျွန်းသစ်များ တင်ပို့ခဲ့ခြင်း မရှိကြောင်း၊ ထိုကိစ္စကို သက်သေပြရန်တွက် မိမိကုမ္ပဏီ၏ မှတ်တမ်းများကို အမေရိကန် ဘဏ္ဍာရေးဌာနသို့ ပေးပိုခဲ့ကြောင်း ထပ်လောင်းပြောကြားခဲ့သည်။

ဦးဝင်းအောင်အား ပိတ်ဆို့မှုစာရင်းမှ မည်သည့်အတွက်ကြောင့် ဖယ်ရှားခဲ့သည်ဆိုသည့် အသေးစိတ်အချက်အလက်ကို အမေရိကန် ဘဏ္ဍာရေးဌာနမှ ထုတ်ပြန်ခဲ့ခြင်းမရှိချေ။ သို့သော်လည်း ဦးဝင်းအောင်၏ ရှေ့နေဟောင်းဖြစ်သူ ဂျွန် ဗီဗာရီတိုက ကုမ္ပဏီမှတ်တမ်းများကို ပွင့်ပွင့်လင်းလင်းချပြချင်သည့် ဦးဝင်းအောင်၏ ဆန္ဒက ပိတ်ဆို့မှုမှ ဖယ်ရှားခဲ့သည့် အဓိကအကြောင်းအရင်းဖြစ်မည်ဟု ဆိုသည်။

Ref: Reuters