ဧပြီ ၂၁၊ ၂၀၁၅
M-Media
– တောင်အာဖရိကမှာ ပြီးခဲ့တဲ့သီတင်းပတ်တွေအတွင်း နိုင်ငံခြားသားဆန့်ကျင်းရေး လှုပ်ရှားမှုတွေ ခေါင်းထောင်ထလာပြီး တိုက်ခိုက်မှုတွေ ဖျက်ဆီးလုယက်မှုတွေအထိ ဖြစ်လာခဲ့ပါတယ်။ အဲဒီတိုက်ခိုက်မှုတွေကြောင့် ယခုအချိန်အထိ လူ ၇ ဦး သေဆုံးခဲ့ပြီလို့ အစိုးရက ထုတ်ပြန်ထားပါတယ်။
မကြာခင်ရက်ပိုင်းကပဲ မိုဇမ်ဘက်နိုင်ငံသားတစ်ဦးကို တောင်အာဖရိကဒေသခံ လူတစ်စုကသတ်ဖြတ်ခဲ့တဲ့ ဓာတ်ပုံတွေ ထွက်ပေါ်လာခဲ့ပါတယ်။ ပိုကောင်းတဲ့ဘ၀ကို ရရှိမလားဆိုတဲ့ မျှော်လင့်ချက်နဲ့ တောင်အာဖရိကကို ရောက်လာတဲ့ အီမန်နျူယဲလ် ဆီသိုလီတစ်ယောက် တိုင်းတစ်ပါးက ရောက်လာသူ ဖြစ်တယ်ဆိုတဲ့ အကြောင်းအရင်းတစ်ခုတည်းနဲ့ လူတစ်စုရဲ့ ရက်ရက်စက်စက် သတ်ဖြတ်ခြင်းကို ခံခဲ့ရပါတယ်။
ဒီတုန်လှုပ်စရာကောင်းတဲ့ ဓာတ်ပုံတွေဟာ မြို့တော် ဂျိုဟန်နစ္စဘတ်နားက အလက်ဇန်ဒရာဆိုတဲ့ မြို့ငယ်လေးမှာ ဖြစ်ပွားခဲ့တာဖြစ်ပြီး လက်နက်ကိုင်လူတစ်စုက ဆီသိုလီကို ဓားနဲ့ အချက်ပေါင်းများစွာထိုးပြီး ဂွရှင်နဲ့ ထုရိုက်နေတဲ့ အခိုက်အတန့်တွေကို မှတ်တမ်းတင်ထားတာ ဖြစ်ပါတယ်။
ကျောချမ်းစရာကောင်းတဲ့ ဒီဖြစ်စဉ်မှာ ဆီသိုလီဟာ လမ်းဘေးရေမြောင်းနားမှာ သွေးထွက်လွန်ပြီး သေဆုံးသွားခဲ့ပါတယ်။ ဘာ့ကြောင့်လည်းဆိုတာ အခင်းဖြစ်တဲ့နေရာက ပေ ၃၀၀ အဝေးမှာ ရှိနေတဲ့ဆေးခန်းက ဆရာဝန်ဟာ နိုင်ငံခြားသားဖြစ်ပြီး တိုက်ခိုက်ခံရမှာစိုးတဲ့အတွက် ဆေးခန်းပိတ်ထားတာကြောင့် အချိန်မီ ကုသမှုတွေ မပြုလုပ်နိုင်ဘဲ သေဆုံးရတာဖြစ်ပါတယ်။
ဒီဓာတ်ပုံတွေကို တောင်အာဖရိကရဲ့ Sunday Tmes သတင်းစာက ဂျာနယ်လစ်တစ်ယောက်ဟာ ပြီးခဲ့တဲ့ စနေနေ့မနက်မှာ ရိုက်ယူထားခဲ့တဲ့ ဓာတ်ပုံတွေ ဖြစ်ပါတယ်။ အဲဒီဂျာနယ်လစ်ဟာ သောကြာနေ့ညက လုယက်ခံလိုက်ရတဲ့ နိုင်ငံခြားသားဆိုင်ပိုင်ရှင်တွေကို တွေ့ဆုံးမေးမြန်းဖို့ အဲဒီဒေသတစ်ဝိုက်ကို ရောက်နေချိန်မှာ ဒီလိုတိုက်ခိုက်မှု ဖြစ်ခဲ့တာဖြစ်ပါတယ်။
လမ်းပေါ်မှာ ကလေးတွေက ကစားနေပြီး တစ်ချို့က ဖျက်ဆီးခံရတဲ့နေရာတွေကို လာကြည့်နေတုန်းမှာ လမ်းဘေးက ဖြတ်သွားတဲ့ ဆီသိုလီကို ဂွရှင်ကိုင်ထားတဲ့ လူတစ်ယောက်က ရုတ်တရက် တိုက်ခိုက်ခဲ့တာပါ။
ဆီသိုလီဟာ ဒဏ်ရာကြောင့် အမှိုက်ပုံမှာ ထိုင်နေတဲ့အချိန် နောက်ထပ် လူတစ်ယေက် ရောက်လာပြီး ဓားမြှောင်နဲ့ အချက်ပေါင်းများစွာ ထိုးခဲ့ပါတယ်။ အဲဒီအချိန်မှာ ပထမတစ်ယောက်ကလည်း ဂွရှင်နဲ့ ဆက်လက် ထုရိုက်ခဲ့ပါတယ်။
မီးခိုးရောင် ခေါင်းစွပ်အနွေးထည် ၀တ်ထားတဲ့ တတိယတစ်ယောက်ကလည်း ဒီတိုက်ခိုက်မှုထဲကို ၀င်ရောက်လာပြီး ဆီသိုလီရဲ့ မျက်နှာကို ပြေးဝင်ကန်ကျောက်ခဲ့ပါတယ်။ အဲဒီနောက်မှာ သူက သားလှီးဓားကို ထုတ်ပြီး တိုက်ခိုက်ဖို့ စိုင်းပြင်းပါတော့တယ်။ ဒါပေမယ့် ဘေနားကလူတစ်ယောက် သူ့ကိုဝင်တားခဲ့ပြီး သူတို့ ၃ ယောက်စလုံး အခင်းဖြစ်ရာနေရာကနေ ထွက်ပြေးခဲ့ပါတယ်။
ဒါပေမယ့် ဆီသိုလီအတွက် သိပ်နောက်ကျသွားပါပြီ။ သူဟာ လမ်းတစ်လျှောက် ဒယိမ်းဒယိုင်နဲ့ လျှောက်သွားခဲ့ပြီး သူ့ရဲ့ ဒဏ်ရာတွေအတွက် အကူအညီတောင်းခဲ့ပါတယ်။ အဲဒီနောက်မှာတော့ ဒဏ်ရာတွေကြောင့် အမှိုက်တွေနဲ့ ပွစတက်နေတဲ့ လမ်းဘေးရေမြောင်းနားမှာ လဲကြသွားခဲ့ပါတယ်။
ဓာတ်ပုံရိုက်နေတဲ့ ဂျာနယ်လစ်အပါအ၀င် ဘေးနားမှာရှိတဲ့သူတွေက ဆီသိုလီကို ကားနောက်မှာတင်ပြီး အနီးအနားမှာရှိတဲ့ ဆေးခန်းကို ခေါ်ဆောင်သွားခဲ့ပေမယ့် နိုင်ငံခြားသားဖြစ်တဲ့ အဲဒီဆေးခန်းက ဆရာဝန်ကလည်း တိုက်ခိုက်ခံရမှာကြောက်တာကြောင့် ဆေးခန်းကို ပိတ်ထားပါတယ်။
နောက်ပိုင်း ဆေးရုံကို ပို့ဆောင်တဲ့အချိန်အတွင်းမှာ ဆီသိုလီရဲ့ အခြေအနေဟာ ဆိုးရွားလာခဲ့ပြီး နာကျင်မှုကြောင့် မခံမရပ်နိုင်အောင် အော်ဟစ်ခဲ့ပြီး နောက်ပိုင်းမှာတော့ သတိလစ်မေ့မြောသွားခဲ့ပါတယ်။
ရေမြောင်းဘေးနာမှာ လဲနေတဲ့ ဆီသိုလီကို သေပြီလို့ထင်တာကြောင့် အငှားသမားတွေက ဆေးရုံကိုပို့ဖို့ စောစောပိုင်းက ငြင်းဆိုခဲ့ပါတယ်။ ဒါပေမယ့် ချောင်းဆိုသံကို ကြားရပြီးနောက်ပိုင်း ဆေးရုံကို အလျင်အမြန်ပို့ခဲ့ပေမယ့် အသက်ကိုတော့ ကယ်တင်နိုင်ခဲ့ခြင်း မရှိပါဘူး။
သေဆုံးရတဲ့အကြောင်းအရင်းကို နောက်ပိုင်းထုတ်ပြန်ရာမှာ ဆီသိုလီဟာ နှလုံးကို တိုက်ရိုက် ဓားမြှောင်နဲ့ အထိုးခံရတယ်လို့ ဖော်ပြခဲ့ပါတယ်။ သူ ဘယ်သူဘယ်ဝါဖြစ်တယ်ဆိုတာကတော့ သူ့ရဲ့ ဖုန်းကနေ သိရှိခဲ့ရတယ်လို့ ဆိုပါတယ်။
ဒီတိုက်ခိုက်မှုပြီးတဲ့နောက်ပိုင်းမှာ ကြောက်ရွံ့နေတဲ့ ပြောင်းရွှေ့အခြေချလာသူတွေက သူတို့ဟာ အချိန်အတော်ကြာ အတူနေခဲ့တဲ့ အိမ်နီးချင်းတွေရဲ့ ပစ်မှတ်ထားမှုကို ခံနေရပြီး၊ သူတို့တွေက နိုင်ငံခြားပတ်စ်ပို့ ကိုင်ဆောင်ထားသူမှန်သမျှကို တိုက်ခိုက်သွားမယ်လို့ သတိပေးထားတယ်လို့ ဆိုပါတယ်။
အလက်ဇန်ဒရာမြို့လေးမှာ နိုင်ငံခြားသားပိုင်ဆိုင်တွေ တိုက်ခိုက်ခံရပြီးတဲ့နောက်မှာတော့ အဲဒီက နိုင်ငံခြားသားတွေဟာ အဲဒီဒေသကို စွန့်ခွာ ထွက်ပြေးခဲ့ကြပါတယ်။
ကမ်းရိုးတန်းမြို့ဖြစ်တဲ့ ဒါဘန်မြို့မှာ လူ ၆ ဦးသေဆုံးခဲ့တဲ့ နိုင်ငံခြားသားတွေကို တိုက်ခိုက်မှု ပြီးတဲ့နောက်ပိုင်း အလက်ဇန်ဒရာမှာ ဒီလိုဖြစ်လာတာပါ။ ၂၀၀၈ ခုနှစ်ကလည်း တောင်အာဖရိကမှာ နိုင်ငံခြားသားကို ဆန့်ကျင်တိုက်ခိုက်မှုတွေ ဖြစ်ခဲ့ပြီး လူ ၆၀ လောက် သေဆုံးခဲ့ပါတယ်။
နိုင်ငံခြားသားတွေက သူတို့နိုင်ငံကအလုပ်တွေကို လုယူတာကြောင့် တောင်အာဖရိကနိုင်ငံသားတွေ အလုပ်လက်မဲ့ဖြစ်ရတယ်ဆိုတဲ့ အယူအဆကနေ အခြေတည်ပြီး ဒီလိုတိုက်ခိုက်မှုတွေ ဖြစ်ပွားခဲ့တာဖြစ်ပါတယ်။ ပြီးခဲ့တဲ့ရက်ပိုင်းအတွင်းမှာ ဒီလို ဆန့်ကျင်တိုက်ခိုက်မှုတွေဟာ အရှိန်မြင့်လာပြီး ထိန်းမနိုင်သိမ်းမရ ဖြစ်လာပါတယ်။
တောင်အာဖရိက အစိုးရကတော့ ဒီအဖြစ်အပျက်ကို ကြိုးစားထိန်းချုပ်နေပြီး အခုအချိန်အထိ လူ ၃၀၀ လောက်ကို ဖမ်းဆီးထိန်းသိမ်းထားပါတယ်။
Ref: Dialymail
