ဧပြီ ၁၁၊ ၂၀၁၅
M-Media
– ကိုလံဘီယာတိုက်စစ်မှူး ရာဒါမဲလ် ဖယ်လ်ကာအိုအား ဆက်ဆံမှုနှင့်ပတ်သက်၍ မန်ယူတိုက်စစ်မှူး ဗန်ဂါးလ်အား မာရာဒိုနာက ဝေဖန်လိုက်ပြီး ဗန်ဂါးလ်မှာ မကောင်းဆိုးဝါးဖြစ်သည်ဟု ပြောကြားလိုက်သည်။
ပြီးခဲ့သည့်နွေရာသီက မိုနာကိုမှ မန်ယူသို့ အငှားဖြင့် ပြောင်းရွှေ့လာခဲ့သည့် ဖယ်လ်ကာအိုမှာ ပရီးမီးယားလိဂ်တွင် ၁၂ ပွဲသာ ပါဝင်ကစားခွင့်ရထားပြီး အပြီးသတ်ပြောင်းရွှေ့မှုမှာလည်း ဖြစ်လာနိုင်သည့် အလားအလာ မရှိတော့ပေ။ မာရာဒိုနာကမူ ဖယ်လ်ကာအို ခြေစွမ်းမပြနိုင်မှု၏ ပြဿနာမှာ ဗန်ဂါလ်းကြောင့်ဖြစ်သည်ဟု ဆိုသည်။
“ဗန်ဂါးလ်ဟာ အေးအေးဆေးဆေး လူတစ်ယောက် မဟုတ်ပါဘူး။ သူဟာ မကောင်းဆိုးဝါးနဲ့ တူပါတယ်” ဟု ကိုလံဘီယာတွင် ကစားမည့် ငြိမ်းချမ်းရေးသရုပ်ပြပွဲမတိုင်ခင် ပြုလုပ်သော သတင်းစာရှင်းလင်းပွဲတွင် ထိုပွဲ၌ ပါဝင်မည့် မာရာဒိုနာက တင်းထောက်များအား ပြောကြားခဲ့သည်။
ကမ္ဘာ့ဖလားပြိုင်ပွဲဝင် ကိုလံဘီယာအသင်းတွင် ဖယ်လ်ကာအိုမှာ ဒဏ်ရာကြောင့် ပါဝင်နိုင်ခဲ့ခြင်းမရှိဘဲ မာရာဒိုနာကမူ ဖယ်လ်ကာအို ပါဝင်ပါက ကိုလံဘီယာအသင်းမှာ အောင်မြင်မှုတစ်ခုခု ရရှိမည်ဟု ဆိုသည်။
“တကယ်လို့ ဖယ်လ်ကာအိုသာ ပါဝင်မယ်ဆိုရင် ကိုလံဘီယာဟာ ကမ္ဘာ့ဖလားအောင်မြင်မှုကို ရကောင်းရနိုင်မှာပါ။ သူ့ရဲ့ ဆိုးရွားတဲ့ ဒဏ်ရာကြောင့် ဖယ်လ်ကာအိုဟာ ချန်လှပ်ခံခဲ့ရပါတယ်။ ပြင်သစ်ကနေ အင်္ဂလန်ကို ပြောင်းသွားတဲ့အခါမှာလည်း သူဟာ ခက်ခဲခဲ့ပါတယ်။ ပြီးတော့ သူဟာ အသားကျဖို့ လိုအပ်နေပါတယ်” ဟု မာရာဒိုနာက ဆိုသည်။
ထို့ပြင် ကမ္ဘာ့ဖလားတွင် ခြေစွမ်းပြခဲ့သည့် တိုက်စစ်မှူး ဂျိမ်စ်ရော်ဒရီဂက်စ်ကိုမူ ချီးကျူးခဲ့သည်။
“ဂျိမ်းစ်ဟာ ပါရမီရှိတဲ့ ဘယ်ခြေပိုင်ရှင်တစ်ယောက်ပါ။ အခြားသော ဘယ်ခြေကစားသမားတွေလိုပါပဲ သိမ်မွေ့တယ်။ စံပြကစားသမားလည်း ဖြစ်ပါတယ်”
Ref: Goal
