ဧပြီ ၉၊ ၂၀၁၅
M-Media
– အသစ်ထပ်မံထွက်ပေါ်လာသော ဂြိုဟ်တုဓာတ်ပုံများအရ တရုတ်နိုင်ငံမှာ တောင်တရုတ်ပင်လယ်၌ ဖိလစ်ပိုင်က ၎င်းတို့၏ စီးပွားရေးဇုန်အဖြစ် သတ်မှတ်ထားသောဒေသရှိ သန္တာကျောက်တန်းတစ်ဝိုက်တွင် သိမ်းပိုက်ရေး လုပ်ငန်းများ လုပ်ဆောင်နေသည်ကို တွေ့ရှိခဲ့ရသည်။
Mischief သန္တာကျောက်တန်းဟု ခေါ်ဆိုသည့် အဆိုပါနေရာတွင် တရုတ်နိုင်ငံ၏ သိမ်းပိုက်ရေးလုပ်ငန်းမှာ အငြင်းပွားဖွယ် Spratly ကျွန်းစုတွင် တရုတ်၏ အသွက်ဆုံး လုပ်ငန်းလည်းဖြစ်သည်။ အဆိုပါ သိမ်းပိုက်ရေး လုပ်ငန်းစဉ်မှာ Spratly ကျွန်းစုရှိ အခြားသော သန္တာကျောက်တန်း ၆ ခုတွင်လည်း တိုးတက်လာနေပြီး ထိုလှုပ်ရှားမှုများက ထိုကျွန်းစုအား ပိုင်ဆိုင်သည်ဟု ပြောကြားထားသော အခြားနိုင်ငံများအတွက် သတိပေးချက် ဖြစ်နေကာ အမေရိကန်ကလည်း ထိုလုပ်ရပ်အတွက် ဝေဖန်ခဲ့သည်။
မတ်လ ၁၆ ရက်နေ့က ဂြိုဟ်တုမှ ရိုက်ကူးထားပြီး ၀ါရှင်တန်အခြေစိုက် မဟာာဗျူဟာနှင့် နိုင်ငံတကာလေ့လာရေးစင်တာ CSIS က ထုတ်ပြန်ခဲ့သော ဓာတ်ပုံများတွင် Mischief သန္တာကျောက်တန်း၌ ကျွန်းတုများဖန်တီးထားခြင်း၊ အဆောက်အဦးများ ဆောက်လုပ်ထားခြင်း၊ ရေအောက်နံရံများ တည်ဆောက်ထားခြင်းတို့ကို တွေ့ရှိရပြီး၊ သန္တာကျောက်တန်းတစ်လျှောက် ဆောက်လုပ်ရေး ပစ္စည်းကိရိယာများကိုလည်း တွေ့ရသည်။
သန္တာကျောက်တန်းသို့ ၀င်ပေါက်မှာ ကျယ်လာပြီး သောင်တူးစက်များကလည်း ရှိနေသည်ဟု CSIS ၏ အာရှ ရေကြောင်း ပွင့်လင်းမြင်သာမှုရှိရေး ရှေ့ဆောင်အဖွဲ့က ၎င်းတို့၏ ၀ဘ်ဆိုက်တွင် ပြောကြားခဲ့သည်။
ဖေဖော်ဝါရီ ၁ ရက်နေ့က ဓာတ်ပုံတွင် တရုတ်ရေတတ်မှ ပို့ဆောင်ရေး သင်္ဘောတစ်စီးကိုသန္တာကျောက်တန်း ၀င်ပေါက်မှ အနည်းငယ်ဝေးသောနေရာတွင် တွေ့ရှိရပြီး CSIS ကမူ ထိုကဲ့သို့သော သင်္ဘောများက စစ်သား ၈၀၀၊ ကုန်းနှင့် ရေတွင် အသုံးပြု၍ရသည့် လက်နက်တပ်ဆင်ထားသော ယာဉ်အစီးရေ ၂၀ ခန့်ကို တင်ဆောင်နိုင်သည်ဟု ဆိုသည်။
ပြီးခဲ့သည့် အောက်တိုဘာလတွင် ဂြိုဟ်တုမှ ရိုက်ကူးထားခဲ့သော ဓာတ်ပုံများ၌ ထိုလုပ်ငန်းများကို လုပ်ဆောင်ခြင်း မရှိသေးပေ။
ယမန်နေ့က ထုတ်ဝေခဲ့သော Yomiuri ဂျပန်သတင်းစာ၏ အင်တာဗျူးတစ်ခုတွင် အမေရိကန် ကာကွယ်ရေးဝန်ကြီး အရ်ှကာတာရ်က Spratlys ကျွန်းစု၌ တရုတ်နိုင်ငံက ဆောင်ရွက်နေသည့် သိမ်းပိုက်ရေးလုပ်ငန်းစဉ်များအတွက် မိမိတို့က စိုးရိမ်မိပြီး အထူးသဖြင့် ထိုဒေသတွင် တပ်များချထားသည်ဟူသော အကြောင်းအရင်း ဖြစ်သည်ဟု ပြောကြားခဲ့သည်။
တရုတ်ကမူ အဆိုပါ သန္တာကျောက်တန်းများအတွင်း ၎င်းတို့၏ လှုပ်ရှားမှုများနှင့်ပတ်သက်၍ ဝေဖန်မှုများကို ပယ်ချခဲ့ပြီး နိုင်ငံ၏ အချုပ်အခြာအာဏာ အတိုင်းအတာအတွင်း လုပ်ဆောင်ခြင်းဖြစ်သည်ဟု ပြောကြားခဲ့သည်။
Ref: Reuters
