ဧပြီ ၉၊ ၂၀၁၅
M-Media
– အမေရိကန်ပြည်ထောင်စု မင်နီဆိုတာပြည်နယ်မှ မွတ်စလင်အမျိုးသမီးငယ်တစ်ဦးမှာ 8 Ivy League Schools ဟုခေါ်သည့် အမေရိကန်၏ ထိပ်တန်းတက္ကသိုလ် ၈ ခုမှ ကျောင်းဝင်ခွင့် လက်ခံမှုကို ရရှိခဲ့သည်။
အဆိုပါ အမျိုးသမီးငယ်မှာ မူနီရာ ခါလစ်ဖ်ဖြစ်ပြီး Mounds Park Academy (MPA) မှ အကြီးတန်းကျောင်းသူ တစ်ဦးလည်းဖြစ်ကာ ထိုကဲ့သို့ ထိပ်တန်းတက္ကသိုလ်များအားလုံး၏ ကျောင်းဝင်ခွင့် လက်ခံမှုမှ ၎င်း၏ အရည်အချင်းအား အသိအမှတ်ပြုခြင်းဖြစ်ပြီး ရှားပါးသည့် ဖြစ်ရပ်မျိုးလည်းဖြစ်သည်။
“ကျွန်မ အရမ်း အံအားသင့်ခဲ့ပါတယ်။ ကျွန်မအတွက် အကောင်းဆုံး အချိန်ကတော့ မိသားစုဝင်တွေကို ဖုန်းခေါ်ပြီး သူတို့ဆီက စိတ်လှုပ်ရှားမှုတွေကို ကြားခဲ့ရတာပါပဲ။ ဒါဟာ ဘုရားသခင်ထံက ကောင်းချီး အစစ်အမှန်ပါပဲ” ဟု မူနီရာ ခါလစ်ဖ်က ပြောကြားခဲ့သည်။
8 Ivy League Schools စာရင်းတွင် ပါဝင်သည့် တက္ကသိုလ်များမှာ ဘရောင်း တက္ကသိုလ်၊ ကိုလံဘီယာ တက္ကသိုလ်၊ ကော်နဲလ် တက္ကသိုလ်၊ ဒါ့တ်မောက်သ် ကောလိပ်၊ ဟားဗတ် တက္ကသိုလ်၊ ပင်ဆဲလ်ဗာနီးယား တက္ကသိုလ်၊ ပရင်စတန် တက္ကသိုလ်နှင့် ယေးလ်တက္ကသိုလ်တို့ ဖြစ်ကြသည်။
မူနီရာမှာ အခြားသော ထိပ်တန်းတက္ကသိုလ်များဖြစ်သည့် စတန်းဖို့ဒ်၊ ဂျော့ဂ်ျတောင်းနှင့် မင်နီဆိုတာ တက္ကသိုလ်များ၏ ကျောင်းဝင်ခွင့်လက်ခံမှုကိုလည်း ရရှိခဲ့သည်။
“အဲဒီကျောင်းတွေအားလုံးဟာ ပညာသင်ယူတတ်မြောက်ဖို့အတွက် ထူးခြားကောင်းမွန်တဲ့နေရာတွေဖြစ်တာကြောင့် ဒီကျောင်းတွေထဲကတစ်ခုကို ရွေးဖို့ အခွင့်အရေးရတာကိုလည်း ကျွန်မ ဂုဏ်မမောက်ပါဘူး” ဟု မူနီရာက ထပ်လောင်းပြောကြားခဲ့သည်။
ရတောင့်ရခဲ့ အောင်မြင်မှုကို ရရှိခဲ့သည့် မူနီရာမှာ မည်သည့်တက္ကသိုလ်သို့ တက်ရောက်ရမည်ကို မဆုံးဖြတ်ရသေးဘဲ အဆိုပါတက္ကသိုလ်များသို့ သွားရောက်ကြည့်ရှု၍ နောက်ဆုံး ဆုံးဖြတ်ချက်ကို မေလ ၁ ရက်နေ့တွင် ချမည်ဟု ဆိုသည်။
နိုင်ငံတကာမှ အသိအမှတ်ပြုမှု
သူမ၏ ပညာရေးဆိုင်ရာ ထူးခြားသော မှတ်တမ်းနှင့်အတူ မူနီရာမှာ MPA ၏ Social Consciousness ကလပ်ကို တည်ထောင်သူဖြစ်ပြီး လက်ရှိ အကြီးအကဲဖြစ်သူ ရန်ဒီ ကွမ်ဖော့တ်၏ ချီးကျူးမှုကိုလည်း ရရှိခဲ့သည်။
“မူနီရာဟာ MPA ရဲ့ မြင့်မားတဲ့ ပညာရေးရပ်ဝန်းကနေ ထိုးထွက်လာခဲ့တာပါ။ ဒီမှာက အသိပညာပိုင်းဆိုင်ရာ စူးစမ်းလိုစိတ်ရှိဖို့၊ မိမိကိုယ်ကို ယုံကြည်စိတ်ချမှုရှိတဲ့ စကားပြောကောင်းသူ ဖြစ်လာဖို့ ကျောင်းသားတွေအတွက် ကျွန်တော်တို့ စိန်ခေါ်မှုတွေ ပေးပါတယ်။ သူမဟာ ကမ္ဘာတစ်ဝှမ်းက လူ့အဖွဲ့အစည်းတွေအတွင်းမှာ ထူးထူးခြားခြား ဆောင်ရွက်နိုင်ခဲ့ပြီး၊ အဆက်မပြတ် ပြောင်းလဲနေတဲ့ ကမ္ဘာကြီးက စိန်ခေါ်မှုတွေကို ရင်ဆိုင်ဖို့ သူမအနေနဲ့ အဆင်သင့်ဖြစ်နေပြီဆိုတာကိုလည်း ကျွန်တော်သိပါတယ်” ဟု ကွမ်ဖော့တ်က ပြောကြားခဲ့သည်။
ထို့ပြင် မူနီရာမှာ လူငယ်များ၏ ပညာရေးအတွက် တက်ကြွစွာ ဆောင်ရွက်မှုကြောင့် ကုလသမဂ္ဂ၏ ကမ္ဘာလုံးဆိုင်ရာ ပညာရေး Youth Courage Award ဆုကို ရရှိခဲ့သည့် ကမ္ဘာတစ်ဝှမ်းရှိ လူငယ် ၉ ဦးထဲတွင် တစ်ဦးအပါအ၀င် ဖြစ်သည်။ ထို့ပြင် ကမ္ဘာ့လူငယ် သံတမန်အဖြစ် ခန့်အပ်ခြင်းခံထားရပြီး ကမ္ဘာလုံးဆိုင်ရာ ပညာရေး မြှင့်တင်မှုအတွက် ဆောင်ရွက်နေသည်။
“သူမရဲ့ အသိဥာဏ်၊ နိုးကြားမှု၊ အားကောင်းတဲ့ စိတ်ဓာတ်ခွန်အား၊ လက်တွေ့ကျွမ်းကျင်မှုနဲ့ သြဇာတိက္ကိမတွေ ပေါင်းစပ်ပြီး မူနီရာဟာ ကမ္ဘာ့အဆင့်မှာ အပြောင်းအလဲတွေလုပ်နိုင်မယ့် အလားအလာတွေ ရှိနေတယ်လို့ ကျွန်မ ယုံကြည်ပါတယ်။ သူမဟာ ထင်မြင်ချက်တွေ၊ အသိပညာမဲ့မှုတွေကို ဆန့်ကျင်ဖယ်ရှားပြီး မတူညီတဲ့ နောက်ခံအသိုင်းအ၀ိုင်းရှိတဲ့ သူတွေနဲ့ အကျိုးရှိရှိ ပူးပေါင်းဆောင်ရွက်တတ်ပါတယ်” ဟု MPA ၏ ကောလိပ်ဆိုင်ရာ အကြံအဥာဏ်ပေးရေးအဖွဲ့မှ ဒါရိုက်တာ လီဆာ ပက်ဒါဆန်က ပြောကြားခဲ့သည်။
မူနီရာမှာ အာဖရိကလူငယ်များ၏ ပညာရေး ပိုမိုကောင်းမွန်ရန်အတွက် East African youth အဖွဲ့အတွက် အလုပ်လုပ်ပေးနေပြီး စကောလားရှစ်များ ရှာဖွေခြင်း၊ စာကြည့်တိုက်များ တည်ဆောက်ခြင်းနှင့် မိလ္လာဆိုင်ရာ ပြဿနာများ ဖြေရှင်းခြင်းတို့ကို အာရုံစိုက် ဆောင်ရွက်ပေးနေသော အကျိုးအမြတ်မယူသည့် Lighting the Way အဖွဲကိုလည်း ၎င်းကိုယ်တိုင် တည်ထောင်ခဲ့သည်။
ထို့ပြင် Girl Up အဖွဲ့၏ သံတမန်နှင့် အသိပညာပေးသူအဖြစ်လည်း မူနီရာက ဆောင်ရွက်နေသည်။ အဆိုပါအဖွဲ့မှာ အခြားသောတိုင်းပြည်များရှိ မိန်းကလေးငယ်များအရေး ဆောင်ရွက်ပေးရန် အမေရိကန်မိန်းကလေးငယ်များကို လှုံ့ဆော်စည်းရုံးပေးနေသော ကုလသမဂ္ဂ ဖောင်ဒေးရှင်း၏ လှုပ်ရှားမှုတစ်ခုလည်း ဖြစ်သည်။
မူနီရာမှာ နိုင်ငံရေးသိပ္ပံကို အထူးပြုဘာသာရပ်အဖြစ် ယူရန် စီစဉ်ထားပြီး ပြည်သူ့ဝန်ဆောင်မှုမှတစ်ဆင့် ကမ္ဘာကြီးတွင် အကျိုးသက်ရောက်မှုရှိလာရေး ဆက်လက်ဆောင်ရွက်သွားမည်ဟု ဆိုသည်။
Ref: Onislam
