မတ်လ ၃၀ ၊ ၂၀၁၅
M-Media
ညီသွေးရေးသည်။
နက်ရှိုင်းထူထပ်၊ မှောင်မိုက်တိတ်ဆိတ်
တန်ဖိုးမဖြတ်နိုင်တော့
တစ်လက္ခပြီး တစ်လက္ခ တစ်လံပြီးတစ်လံ
ပိုးတိမ်ပမာ ရွေ့လျားပြီး မိုးရွာမချနိုင်ခဲ့ဘူး
အသံဝင် ကုတင်ပေါ် အိစက်ညက်ညော ဒဏ်ရာအပြည့်…….
တန်ဖိုးကြီးကြီးမားမားတွေ ပေးဆပ်ရမယ်မှန်းသိတယ်။ ကြမ်းကြမ်းတမ်းတမ်း၊ ရိုင်းရိုင်းစိုင်းစိုင်း၊ ရက်ရက်စက်စက်၊ သွေးထွက်သံယို အခက်အခဲမျိုးစုံနဲ့ တွေ့ကြုံရမယ်၊ ရင်ဆိုင်ရမယ်၊ ကာဆီးထားမယ်ဆိုတာသိသိနဲ့ ရဲဝံ့ခြင်းတွေ၊ စွန့်စားခြင်းတွေ၊ မျှော်လင့်ချက်တွေ၊ အမှန်တရားတွေ ရင်ဝယ်ပိုက်ပြီး စိုးထိပ်မှုတွေနဲ့ တရွေ့ရွေ့ရှေ့သို့ချီလာခဲ့ကြတဲ့ မိဘပြည်သူတွေရဲ့ ရင်နှစ်သည်းချာတွေ၊ ဒါပေမယ့် တစ်ဖက်ကလေးသော၊ ခွေးသော၊ လူကြီးသောလူငယ်သော၊ သံဃာသော မိဘသော ဂရုမစိုက်တဲ့ အန္ဓအုပ်စု။ မြန်မာပြည်သူ လူထုကြီးရှေ့မှာ နိုင်ငံတကာ သတင်းထောက်တွေရှေ့မှာ မျက်နှာဖုံးတွေအားလုံး ချွတ်ပြခဲ့ကြရပါပြီ။ ဒီထက်ပိုမိုဆိုးရွားသော ကိစ္စများဖြစ်ပေါ်လာပါလျှင် အုံကြွမှုတွေ မထိန်းနိုင် မသိမ်းနိုင်နဲ့ ပြည်သူတစ်ရပ်လုံးထောင်ချောက်ကြီးတစ်ခုထဲသို့ ရောက်ရှိသွားနိုင်တဲ့ အခြေအနေ။
အခုအဖြေပေါင်းစုံက ထွက်ပေါ်လာပြီးပြီ။ အစိုးရလူကြီးမင်းများ၏ ဇ ကို ထင်ထင်ရှားရှား မြင်ခွင့်ရခဲ့ပြီ။ အရှုံးထဲက အမြတ်အနေနဲ့ ဘယ်သူဟာအမှန်တရားကို ရင်ခုန်လည်း၊ ဘယ်သူတွေဟာ အမှန်တရားဘက်တော်သားတွေကို ဝန်းရံလည်း၊ ဘယ်သူတွေဟာ
အမှန်တရားမိုးကြိုးသွားကို ထန်းလျက်နဲ့ကာနေလည်း၊ အဖြူအမဲအားလုံး သဲသဲကွဲကွဲမြင်သာထင်သာ ရှိလာခဲ့ပြီ။ နောက်ကွယ်က ဘယ်သူတွေ လက်သီးပုန်းတွေ ဝင်ထိုးနေလည်း ဘယ်သူတွေပေးတီးပေးနေသလည်း ဘယ်သူတွေချောက်ထဲတွန်းချနေသလည်း
ကျောင်းသားပြည်သူအတူတူမြင်ခဲ့ရပြီ။ ရင်ထဲက နာကြည်းမှုတွေ၊ ခံပြင်းမှုတွေ၊ ဒေါသတွေကို အခုမဖော်ထုတ်လိုက်ပါနှင့်။ အခုတော့ စောပြီးဖော်ထုတ်လိုက်လျှင် နေပူဒဏ်ခံရမည်။ နံပါတ်ဒုတ်နှင့်အရိုက်ခံရမည်။ အကြမ်းဖက်လူအုပ်ကြီးလို့ တံဆိပ်တပ်ခံရမည်။ နောက်ထပ်သွေးမြေတွေ ထပ်ကျခံရမယ်။ လူ့တန်ဖိုး ၊ လူ့ဂုစ်သိက္ခာ၊ လူ့ကျင့်ဝတ်၊ ဒီမိုကရေစီတန်ဖိုး လုံးဝ စောက်ထိုး မိုးမျှော်ဖြစ်စေရမည်။ လောကနိတိ၊ ဗုဒ္ဓ အဆုံးအမ၊ ဘာသာ သာသနာလုံးဝ ဂရုမစိုက်တဲ့အုပ်စုကြီးကို ကျွန်တော်တို့တွေ သွေးနဲ့ချွေးနဲ့ရင်းပြီး ဘာလို့သွားရင်ဆိုင်မှာလဲ။
မီးခြစ်ဆံ တစ်ချောင်းမျှတောင် မကိုင်ဆောင်ထားတဲ့ လူအုပ်စုလေးတစ်ခုကို အကြမ်းဖက်လူအုပ်ကြီးလို့ အမည်တပ် မကောင်းရှုမကောင်း ဝိုင်းဝန်းရိုက်နှက်နေပုံ ဒီပြယုဂ်ဟာ မိဘပြည်သူ အားလုံးရဲ့ ဒေါသတွေကို ခြူနေတဲ့ပြယုဂ် မဟုတ်ပါလား။ ကျောင်းသားတွေ က သွေးမြေကျ၊ ပြည်သူ လူထုကဝင်ပါ။ အဲဒီမှာမှ ဒေါသ တကယ်ထွက်နေသော လူအုပ်ကြီးဖြစ်ပေါ်လာ၊ ဒေါသထွက်နေသော လူအုပ်ကြီးမှတစ်ဆင့် အကြမ်းဖက်လူအုပ်ကြီး အဆင့် ကူးပြောင်းဖို့ဆိုတာ ရေသန့်ဗူးတစ်ဗူးလောက်ပဲ လိုပါတယ်။ အဲဒီအဆင့်ရောက်လာလျှင် မလွဲမရှောင်သာ တိုင်းပြည်ကို ကယ်တင်ပါရသော မင်းသားကြီးများ ဘွားကနဲ ပေါ်လာလိမ့်မယ်။ အဲဒီအချိန် ပုဒ်မ (၁၄၄) တို့၊ ရွေးကောက်ပွဲရက် အကန့်အသက်မရှိ ရွေ့ဆိုင်းခြင်းစသည်တို့ဟာ ဆက်တိုက်လိုက်လာပါလိမ့်မယ်။
မျောက်တွေဟာ ဘယ်တော့မှ ဂျွမ်းထိုးခြင်းအတက်ကို မေ့လျော့ခြင်းမရှိသလို၊ လောက်တွေဟာအမြဲပင် မစင်ပုံ အပုပ်ပုံမှာပဲ ပျော်လေ့ ရှိပါတယ်။ အဆင့်အတန်းမြင့်မားတဲ့ ရထူးရာခံရှိနေပါလျက် တံစိုးလာဘ်စားပြီး တစ်ဖက်သက်တရားစီရင်တတ်တဲ့ တရားသူကြီးများ၊ လုပ်ပိုင်ခွင့်တွေ ပါမစ်တွေကို ခရိုနီနဲ့ပေါင်းပြီး အိပ်ထဲထည့်နေရာမှ ပျော်ရွှင်တဲ့ ရိုက်စားပေါင်းစား ဝန်မင်းများ၊ အများအပြားဖောင်း ပွနေခြင်း ဟာ ဒီသဘောပါပဲ။ ဒါတွေကိုပြုပြင်ပြောင်းလဲနိုင်ဖို့ရန်အတွက် တိကျခိုင်မာပြတ်သားပြီး ကျောသားရင်သား မခွဲခြားတဲ့ ဥပဒေ တစ်ရပ်ပေါ်ပေါက်လာမယ့် အချိန်ကျမှသာ ဖြစ်နိုင်ပါလိမ့်မည်။ မျှော်လင့်နိုင်ပါလိမ့်မယ်။
ပြည်သူတွေဖြစ်စေချင်နေတဲ့ သားရွှေအိုးထမ်းလာတဲ့မြင်ကွင်းက ၂၀၁၅ မကုန်ခင် မြင်ရနိုင်ဖွယ်မရှိပါဘူးဆိုတာ လက်ရှိကန်နေတဲ့ ပွဲတွေကိုကြည့်ပြီး ခန့်မှန်းနိုင်နေပါပြီ။ နှစ်ကွက် သုံးကွက်ကြိုမြင်အောင် ကြည့်ထားနိုင်မှသာ ပြည်သူလူထုအနေနှင့် ၂၀၁၅ ကစားကွက်မှာ အသာစီးရနိုင်မှာပါ။ ကျွန်တော်တို့တွေရဲ့ အင်အားကို ပိုပြီး စုစည်းထားမယ်။ ကျစ်ကျစ်လစ်လစ်ဖြစ်အောင် သိမ်းထုတ်ထားမယ်။ ပြည်သူနှင့်ကျောင်းသား စိတ်တူကိုယ်တူ အရပ်ဖက်အဖွဲ့အစည်းအားလုံး ညီညွှတ်မှုရှိနေရပါမယ်။ ပြည့် အင်အားသည် ပြည်တွင်းမှာသာရှိနေပါသည်ဆိုတဲ့ အသိအားလုံးရင်ထဲမှာ ရှိနေအောင် ဝိုင်းဝန်းကြိုးပမ်းဆောင်ရွက်ရပါမည်။ တကယ့်တကယ်ကျောင်းသားနဲ့ ပြည်သူကို ဖိနှိပ်နေချိန်မှာ နိုင်ငံတကာဖိအားဆိုတာ သဘောထားကြေညာချက် တစ်စောင် ထုတ်ပြန်တာနဲ့ ပြီးဆုံး သွားပါတယ်။ ဒီထက်ပိုလျှင် အကူအညီသဘောတူညီချက်တွေ ပြန်ပြင်မည်။ ဒါနဲ့ပဲ နိုင်ငံတကာပတ်သက်မှု၊ စွက်ဖက်မှုဆိုတာ ပြီးတာပါပဲ။
ပြည်သူလူထုအနေနဲ့ ဒီအချိန်မှာ ဘယ်လူမျိုး၊ ဘယ်ဘာသာ၊ ဘယ်အဖွဲ့အစည်း၊ ဘယ်အသင်း စသဖြင့် ခွဲခြားဘေးထွက် ကန့်လန့်တိုက်နေလို့ မရတော့ပါဘူး။ အမြဲ သုည မှတ်အောက်ရောက်နေခဲ့တဲ့ နှင်းဖုံးတောင်ထိပ်က ရည်မှန်းချက်ပန်းတိုင်ဟာ အခုလက်တစ်ကမ်း အကွာရောက်နေပါပြီ။
ချက်အောက်ထိုးသတ်မည့် အကွက်တွေ၊ ကြည်ဆူပင် စိုက်မယ့်အောက်လမ်းနည်းတွေ၊ ဒိုင်နဲ့ပင်းထားတဲ့ လုပ်ပွဲတွေ တစ်ပွဲပြီး တစ်ပွဲလာပါလိမ့်ဦးမည်။ သို့ဖြစ်သောကြောင့် တစ်ယောက်နှင့် တစ်ယောက်၊ တစ်ဖွဲ့နှင့်တစ်ဖွဲ့၊ တစ်ဆင်းနှင့်တစ်ဆင်း ပိုမိုရိုင်းပင်း ကူညီ၍ စေ့စပ်သေချာသော ညီညွတ်ရေး၊ စည်းရုံးရေးများနှင့် အင်အားတစ်ရပ်ကို ဖော်ဆောင်နေရမယ့် အရေးကြီးသော အချိန်လက်ဆုံသို့ ရောက်နေပါပြီ။
မတရားတဲ့အရပ်မှာ ဘယ်နက္ခတ်တာရာကမှ မရပ်တည်ပါဘူး။ ကျွန်တော်က အတိတ်နိမိတ်တုိ့ ခမည်းတဘောင် စတာတွေကို စိတ်မဝင်စားတတ်ပါ။ ဒါပေမယ့် ကျွန်တော်ဒီတစ်ခါကောက်ရတွေ့ရှိခဲ့တဲ့ တဘောင်လိုလို နိမိတ်လိုလို အသားတစ်ပုဒ်ကိုတော့ မှတ်မှတ်ထင်ထင်ဖြစ်မိပါတယ်။ အောက်လမ်းတွေ ယတြာတွေ၊ တဘောင်တွေ ခံသည်တို့ကို စိတ်ဝင်စားသူများ အတွက်တော့ မြေပုံညွှန်း တစ်ခုလည်း ဖြစ်သွားနိုင်တယ်။ အခုလို ထီးနန်းရေးနန်းရာတွေ ရှုပ်ရှုပ်ထွေးထွေးဖြစ်နေတဲ့အချိန် သွားရေးလာရေးကျပ်တည်းလို့ ကျန့်ကြာလို့ ဆိုပြီး နေရာအနှံ့ကုန်းကျော် တံတားတွေ၊ ချောင်းကူးတံတားတွေ၊ မြစ်ကူးတံတားတွေ ထိုးနေကြတဲ့အချိန်၊ ၂၀၁၂ နိုဝင်ဘာမှာ ငလျင်ဒဏ်နဲ့ စစ်ကိုင်းမြို့လေးကျွန်မာန်အောင် ဘုရားစိန်ဖူးတော်မြေခခဲ့ရပြီး ၂၀၁၃ သြဂုတ်မှာ ကျွန်တော်တို့ သမ္မတကြီး ဦးသိန်းစိန် စိန်ဖူးတော်ပြန်တင်၊ တစ်ဖန် ၂၀၁၄ နိုဝင်ဘာ ၂၇ မှာ အဲဒီသမ္မတတင်ထားတဲ့ စိန်ဖူးတော် ထပ်မံမြေခလို့ ၂၀၁၅ ဖေဖော်ဝါရီ ၂၂ မှာ ထပ်မံ ထီးတင်ပြန်ပါတယ်။ ကမ္ဘာမှာ သမ္မတ တစ်ဦးတည်း ဘုရားတစ်ဆူတည်းကို ထီးတော်နှစ်ခါ တင်ခွင့်ရတဲ့ ပထမဆုံးသမ္မတ အဖြစ် မှတ်တမ်းတင်ခွင့်ရတဲ့အဖြစ်ပါ။ အခုလို ဟိုရောက် ဒီရောက် စကားစုအတွဲဟာ အောက်ပါ တဘောင် လိုလို ဘာလိုလို အသားတွေနဲ့ တိုက်တိုက်ဆိုင်ဆိုင်ဖြစ်လို့နေတာကိုက ကျွန်တော်တင်ပြချင်တဲ့ အကြောင်းအရင်းပါပဲ။ ဖတ်ကြည့်ပါ အားလုံးရှင်းသွားနိုင်ပါတယ်။
“ကနတ္တဒဏ်ထီးတွေနဲ့
ပျက်ဆီးဖို့ အရေးကြုံ
ရွှေပေးမယ် မယ်မယုံ
ငွေပေးမယ် မယ်မယုံ
တံတားတွေ အသွင်သွင်ဆောက်ပါလို့
စစ်ကိုင်း၊ ပုဂံ၊ အောင်လံ တလွှားမှာ
ဘုရားတွေ အလီလီ မှောက်ရင်ဖြင့်
တစ်ပါးပြည်ဝင်ကာ မနှောင့်ရအောင်
ပြည်တော်ပြန် မယ်ထွေး၊ နန်းတင်မှအေး” တဲ့
ပြောချင်တာက တဘောင်ဆိုတာကတောင် မတရားတဲ့ ဘက်မလိုက်ပါဘူးဆိုတာပါ။ စာသားထဲကာလ၊ ဒေသပြ စကားလုံးတွေက အံ့သြစရာတိုက်ဆိုင် လွန်းလှပါတယ်။ အဘယ်ပညာရှိ ဆရာသမားမှန်း မသိပေမယ့် သြချမိပါသည်။ (ဒါပေမယ့် ဘာကြောင့် တိမ်မြုပ်ပျောက် ကွယ်နေရတာလဲ။ ဒါလည်း စဉ်းစားစရာပါပဲ။ အနုပညာမြောက်၊ ကာလဒေသ သမိုင်းမှန်၊ အချက်အလက်မှန် စကားစုတစ်ရပ်အနေနဲ့ မှတ်တမ်း တင်ခွင့်ရတာ ကံတရားလား၊ အနုပညာလား ဒါလည်းစဉ်းစားစရာပါ)။ နမိတ်၊ တဘောင်ယတြာတွေနဲ့ လုံးလည်ချာလိုက်နေလို့ အစိုးရလူကြီးမင်း တသိုက်လည်း ဒါကိုဘယ်လိုစဉ်းစားကြမှာပါလိမ့်။ ဒါလည်း စဉ်းစားစရာပါ။ ဒီလောက်နှစ်ကိုယ့် တစ်စိတ်ဖြစ်ခဲ့ကြဖူးတဲ့ တရုတ်နဲ့ ချစ်ကြည်မှုဟာ လောက်ကိုင်အရေးနဲ့ပတ်သက်ပြီး တရုတ်ပြည်ဘက် ကျည်သင့်ပြီး တရုတ်နိုင်ငံသားတွေ တိမ်ပါးခံသွားရတဲ့ ကိစ္စနဲ့ တရုတ်ကြီးက ရာဇသံပေးတဲ့ အဆင့်ရောက်လာရတာကလည်း “တစ်ပါးပြည်ဝင်ကာ မနှောင့်ရအောင်” ဆိုတဲ့ စာသားကို မှန်ကန်ကြောင်း ထပ်မံ သက်သေခံပြန်ပါတယ်။ တော်ပါပြီ တော်တော်ကြာကြော်ငြာ ဝင်နေတယ်ဆိုပြီး။ အခုကျွန်တော်တို့မြန်မာပြည်သူလူထုအနေနဲ့ ဘယ်အချိန်ကျမှ ဘာလုပ်ရမလဲ တိတိကျကျသေသေချာချာ သိပြီးလျှင် ကလဲ့စား ဘယ်လိုချေရတယ်ဆိုတာ ကမ္ဘာကြီးကို ပြရမယ့်အချိန် စိတ်ရှည်ရှည်လေးထားပြီး စောင့်ရုံပါပဲ။
ညီသွေး
