ရီယဲလ်အသင်းကြီးတွင် နည်းပြချင်သည်ဟု ဇီဒိန်းဖွင့်ဟ

မတ် ၃၀၊ ၂၀၁၅
M-Media

– အသင်းကြီးအား နည်းပြရန် အသင်းက ကမ်းလှမ်းခဲ့ပါက မိမိအနေဖြင့် လက်ခံသွားမည်ဟု ရီးယဲလ်ကွင်းလယ်လူဟောင်း ဇီဒိန်းက ပြောကြားလိုက်သည်။

ဇီဒိန်းမှာ ယခုလက်ရှိတွင် ရီးယဲလ်အရန်အသင်းကို ကိုင်တွယ်နေပြီး ယခုနှစ်အစပိုင်းကတည်းက ရုန်းကန်နေရသည့် ရီးယဲလ်အသင်းကြီးနည်းပြ အန်ဆယ်လော့တီ၏ အနာဂတ်နှင့်ပတ်သက်၍ ကောလဟာလများ ထွက်ခဲ့ပြီးနောက်ပိုင်း အသင်းကြီးနည်းပြဖြစ်လိုသော ၎င်း၏ ဆန္ဒကို ဇီဒိန်းက ပထမဆုံးအကြိမ် ဖွင့်ဟ ပြောဆိုခဲ့ခြင်း ဖြစ်သည်။

“ရီးယဲလ်အသင်းနည်းပြအဖြစ် ကျွန်တော့်ကို ကမ်းလှမ်းလာမယ်ဆိုရင် ကျွန်တော် အသေအချာကို သဘောတူမှာပါ။ ဒါပေမယ့် အခုလက်ရှိမှာတော့ ကောင်းမွန်စွာ ကိုင်တွယ်နေတဲ့ နည်းပြ ရှိနေပါတယ်။ ပြီးတော့ ကျွန်တော်ဟာ ကိုယ့်ကိုယ်ကို တည်ဆောက်နေပြီး သင်ယူနေဆဲ အဆင့်မှာသာ ရှိပါသေးတယ်” ဟု ဇီဒိန်းက Canal+ သို့ ပြောကြားခဲ့သည်။

ထို့ပြင် မိမိအနေဖြင့် အဆင်သင့်မဖြစ်သေးကြောင်း ကစားသမားဘ၀တွင် ၂ နှစ်လောက်မှာ တဖြည်းဖြည်းဖြင့် တည်ဆောက်ခဲ့ရပြီး နည်းပြဘ၀တွင်လည်း ထိုကဲ့သို့ဖြစ်ကြောင်း၊ ဇီဒိန်းက ထည့်သွင်းပြောကြားခဲ့ကာ နည်းပြ အန်ဆယ်လော့တီကိုလည်း ချီးကျူးခဲ့သည်။

“ကာလို (အန်ဆယ်လော့တီ)ဆီက ကျွန်တော် အများကြီး သင်ယူခဲ့ပါတယ်။ ပြီးတော့ သူ့ကို ကျွန်တော် ဘယ်လိုထင်လဲဆိုတာ သူသိပါတယ်။ လူတွေက ဘာတွေပဲပြောနေပြောနေ သူဟာ မက်ဒရစ်အတွက် အသင့်တော်ဆုံးနည်းပြပါပဲ”

ဇီဒိန်းမှာ ၂၀၀၆ ခုနှစ် ကစားသမားဘ၀မှ အနားယူခဲ့စဉ်မှ စ၍ ပထမအသင်းကို ကိုင်တွယ်ဖူးခြင်း မရှိသေးဘဲ ရီးယဲလ်အား မော်ရင်ဟိုကိုင်တွယ်စဉ်က လက်ထောက်နည်းပြအဖြစ် တာဝန်ထမ်းဆောင်ခဲ့ကာ ပြီးခဲသည့်နှစ်ကလည်း အန်ဆယ်လော့တီ၏ လက်ထောက်နည်းပြအဖြစ် တာဝန်ယူခဲ့သည်။

ဇီဒိန်းက ၎င်းမှာ မော်ရင်ဟိုထံမှ အရှုံးမပေးသည့် စိတ်ဓာတ်ကို သင်ယူနိုင်ခဲ့ပြီး မော်ရင်ဟိုမှာ ပြတ်သားသော်လည်း ကစားသမားများအတွက် အရာအားလုံးကို လုပ်ပေးသူဖြစ်ကြောင်း အန်ဆယ်လော့တီမှာ ပို၍သည်ခံမှုရှိပြီး ပြတ်သားရမည့်နေရာတွင်လည်း ပြတ်သားရမည်ကို သိရှိကြောင်း ပြောကြားခဲ့သည်။

Ref: Goal.com