မတ် ၁၄၊ ၂၀၁၅
M-Meida
– မန်ချက်စတာမြို့မှာ ရေခဲသေတ္တာအအနောက်ဖက်ထက် ပို၍ အရုပ်ဆိုးသည်ဟု မန်ယူဂိုးသမား ဒီဂီယာ၏ ချစ်သူက ပြောကြားခဲ့ပြီးနောက် ဒီဂီယာမှာ ရီးယဲလ်သို့ ပြောင်းရွှေ့နိုင်ဖွယ်ရှိသည်ဆိုသည့် ကောလဟာလများမှာ ပိုမိုမြင့်တက်လာခဲ့သည်။
အသင်း၏ အဓိကဂိုးသမား ကာဆီးလက်စ်၏ နေရာတွင် ရေရှည်အစားထိုးရန်အတွက် ရီးယဲလ်က ခေါ်ယူရန် ပစ်မှတ်ထားနေသူများတွင် ဒီဂီယာမှာ ထိပ်ဆုံးမှပါဝင်နေသည်ဟု သတင်းများ ထွက်ပေါ်နေခဲ့သည်။ ဒီဂီယာ၏ ချစ်သူမှာ ၂၀၁၅ ခုနှစ် စပိန်သီချင်းဆိုပြိုင်ပွဲတစ်ခုတွင် ၀င်ရောက်ယှဉ်ပြိုင်ခဲ့သူ အက်ဒူရ်နီ ဂါစီယာဆိုသူဖြစ်ပြီး မန်ချက်စတာမြို့တွင် နေထိုင်ရသည့်ဘ၀အတွက် ဝေဖန်ပြောဆိုလိုက်ကာ မွေးရပ်စပိန်တွင်သာ ပိုပျော်သည်ဟု ဆိုသည်။
“မန်ချက်စတာဟာ ရေခဲသေတ္တာအနောက်ဖက်ထက် ပိုပြီးအရုပ်ဆိုးတယ်လို့ ကျွန်မ ပြောခဲ့ဖူးပါတယ်။ သိပ်မကောင်းပါဘူး။ သေချာပါတယ်။ အခြားနေရာတွေ – ကောင်းမွန်တဲ့နေရာတွေကို ရှာဖွေရပါမယ်။ ဒါပေမယ့် စပိန်ကတော့ ပိုကောင်းပါတယ်။ ကျွန်မကြိုက်ရတဲ့အကြောင်းက ဒေးဗစ် (ဒီဂီယာ) အဲဒီမှာရှိလို့ပါ။ သူနဲ့အတူ အဲဒီမှာရှိနေတယ်ဆိုရင် အရာအားလုံးဟာ အံ့သြစရာပါပဲ” ဟု ယခုသီတင်းပတ် အစောပိုင်းတွင် ဂါစီယာက ဖျော်ဖြေရေး ကုမ္ပဏီတစ်ခုသို့ ပြောကြားခဲ့သည်။
ဂါစီယာက ထိုသို့ပြောဆိုမှုကြောင့် ဒီဂီယာမှာ ယခုနှစ် ရာသီအကုန်တွင် မန်ယူမှထွက်ခွာတော့မည်ဟူသည့် ကောလဟာလများမှာ ပိုမိုမြင့်တက်လာခဲ့သည်။ ဒီဂီယာမှာ ရုန်းကန်နေသည့် မန်ယူအသင်းတွင် အကောင်းဆုံးလက်စွမ်းပြနေသူဖြစ်ပြီး အချို့သောပွဲများတွင် ၎င်း၏ လက်စွမ်းကြောင့် မန်ယူမှာ အမှတ်အချို့ကို ရယူနိုင်ခဲ့သည်။
မန်ချက်စတာမြို့နှင့်ပတ်သက်၍ ဂါစီယာ၏ ထိုကဲ့သို့ ဝေဖန်မှုကို မြို့တော်ကောင်စီဝင်တစ်ဦးက ပြန်လည်ချေပခဲ့ပြီး မိမိတို့မြို့တွင် ဖျော်ဖြေရေး၊ ယဉ်ကျေးမှု၊ ဈေးဝယ်ထွက်ခြင်း၊ ပွဲတော်များ စသဖြင့် ဆွဲဆောင်နိုင်စရာ အမြောက်အများရှိပြီး ဂါစီယာတို့၏ ချစ်သူနှစ်ဦး မတွေ့မမြင်ရသေးသည့် အရာများကို လိုက်လံပြသခွင့်ရပါက ၀မ်းမြောက်ဝမ်းသာ ဖြစ်မည်ဖြစ်ကြောင်း ပြောကြားခဲ့သည်။
Ref: Goal.com
