မတ် ၁၄၊ ၂၀၁၅
M-Meida
– ၂၀၁၄ ခုနှစ် ဇူလိုင်လအတွင်းက ဖမ်းဆီးထားသည့် ၀ါရှင်တန်ပို့စ်သတင်းစာမှ သတင်းထောက် ဂျေဆန် ရေဇိုင်ယန်အား လွှတ်ပေးရန်အတွက် အမေရိကန်လက်ဝှေ့ကျော်ဟောင်း မိုဟာမက်အလီက အီရန်အစိုးရအား တိုက်တွန်းလိုက်သည်ဟု သိရသည်။
ကြာသာပတေးနေ့က National Press Club (NPC)မှ ထုတ်ပြန်သော ကြေညာချက်တွင် အလီက ထိုကဲ့သို့ တိုက်တွန်းလိုက်ခြင်းဖြစ်ပြီး ရေဇိုင်ယန်မှာ ငြိမ်းချမ်းရေးလိုလားသူနှင့် ယုံကြည်ချက်ပြင်းထန်သူတစ်ယောက်ဖြစ်ပြီး အီရန်ပြည်သူများအတွက် စိတ်နှစ်ဆောင်ရွက်မှုနှင့် လေးစားမှုတို့ကို ၎င်း၏အလုပ်တွင် ထင်ထင်ရှားရှားတွေ့ရသည်ဟုလည်း အလီက ထည့်သွင်းပြောကြားခဲ့သည်။
ရေဇိုင်ယန်မှာ အမေရိကန်-အီရန် နှစ်နိုင်ငံစလုံး၏ နိုင်ငံသားအဖြစ် ခံယူထားသူဖြစ်ပြီး ၂၀၀၈ ခုနှစ်ကတည်းက အီရန်တွင် ဂျာနယ်လစ်အဖြစ် ဆောင်ရွက်ခဲ့ကာ ၂၀၁၂ ခုနှစ်တွင် ၀ါရှန်တန်ပို့စ်၏ အီရန်ဂျာနယ်လစ်အဖြစ် စတင်တာဝန်ထမ်းဆောင်ခဲ့သည်။ ရေဇိုင်ယန်နှင့် ၎င်း၏ ဇနီး ယေဂါနီဟ် ဆာလေဟီတို့မှာ ၂၀၁၄ ခုနှစ် ဇူလိုင်လ ၂၂ ရက်နေ့တွင် ဖမ်းဆီးခံခဲ့ရခြင်းဖြစ်သည်။
တီဟီရန်အခြေစိုက် ဂျာနယ်လစ်တစ်ဦးဖြစ်သော ဆာလေဟီကိုမူ အောက်တိုဘာလတွင် အာမခံဖြင့် ပြန်လည်လွှတ်ပေးခဲ့ပြီး ရေဇိုင်ယန်အား မည်သည့်အမှုဖြင့် ဖမ်းဆီးထားသည်ကို အီရန်က ထုတ်ဖော်ပြောကြားခြင်း မရှိခဲ့ပေ။
ရေဇိုင်ယန်အား လွှတ်ပေးရန်အတွက် မိသားစုများက အသနားခံထားပြီး အမေရိကန် လွှတ်တော်အမတ်များကလည်း အီရန်နှင့် နျူအရေးဆွေးနွေးသည့်အခါ ရေဇိုင်ယန်ကိစ္စကို ဦးစားပေးဆောင်ရွက်ရန် နိုင်ငံခြားရေးဝန်ကြီး ဂျွန်ကယ်ရီအား တိုက်တွန်းခဲ့သည်။
အလီကမူ အီရန်အနေဖြင့် ရေဇိုင်ယန်အား ကြာရှည်စွာ ဖမ်းဆီးထားမှုကို အဆုံးသတ်ရန်နှင့် ရေဇိုင်ယန်အား ဥပဒေကြောင်းအရ ရွေးချယ်ခွင့်အားလုံးကို ပေးအပ်ရန်တို့အတွက် မိမိအနေဖြင့် ကြီးမားသည့်မျှော်လင့်ချက် ထားရှိကြောင်း ပြောကြားခဲ့သည်။
NPC ကမူ အနောက်နိုင်ငံရှိ မည်သည့်ဂျာနယ်လစ်မှ ရေဇိုင်ယန်ကဲ့သို့ ကြာရှည်စွာ ဖမ်းဆီးခံထားခြင်း မရှိခဲ့ဘဲ ရေဇိုင်ယန်၏ ဆေးကုသခွင့်နှင့် ရှေ့နေငှားခွင့်ကိုလည်း ငြင်းပယ်ခံထားရသည်ဟု ဆိုသည်။ ထို့ပြင် ရေဇိုင်ယန်အား စွဲဆိုထားသည့်အမှုကို ထုတ်ပြန်ခြင်း သို့မဟုတ် လူသိရှင်ကြားချပြခြင်း မရှိဟုလည်း ထည့်သွင်းပြောကြားခဲ့သည်။
Ref: huffingtonpost
