ဇန်န၀ါရီ ၂၀၊ ၂၀၁၅
M-Media
တရုတ် သွင်းကုန်အတွက် နောက်ထပ် လမ်းကြောင်း တစ်ခုဖြစ်သည့် မြန်မာနိုင်ငံ ကုန်းလမ်းကြောင်းကို ဖြတ်သန်း တည်ဆောက်ထားသော ရေနံစိမ်း သွယ်တန်းပိုက်လိုင်းနှင့် ရေနက် ဆိပ်ကမ်းတစ်ခုကို လာမည့် ဇန္န၀ါရီလကုန်ပိုင်းတွင် ဖွင့်လှစ်မည်ဖြစ်ကြောင်း၊ သို့သော် တရုတ်ပြည်တွင်း၌ ရေနံချက် စက်ရုံအား အပြီးသတ် ရန်မှာ လများစွာ လိုနေသေးကြောင်း သတင်းများက ဆိုသည်။
ထိုအစီအစဉ် အထမြောက်လျှင် တရုတ်နိုင်ငံ၏ကုန်စည်ပို့ဆောင်ရေး လုပ်ငန်းအတွက် ကျဉ်းမြောင်းပြီး အန္တရာယ်များသော မလက္ကာရေလက်ကြားအပေါ် မှီခိုနေခြင်းမှ လွယ်ကူချောမွေ့သွားစေမည်ဖြစ်သည်။ တရုတ်ပြည်သည် ပြည်ပကုန်စည်အများစုအတွက် အသုံးပြုနေရသည့် ယင်းလမ်းကြောင်းမှ တဆင့် လက်ရှိရေနံသွင်းကုန်၏ ၈၀ ရာခိုင်နှုန်းကို တင်ပို့ဖြတ်သန်းလျက်ရှိသည်။
ပိုက်လိုင်းမှတဆင့် ရေနံစိမ်းသွယ်တန်း တင်ပို့မှု၏အဓိကရင်းနှီးမြှုပ်နှံသူ PetroChina သည် မြန်မာနိုင်ငံနှင့် ကပ်လျက် ယူနန်ပြည်နယ်ရှိ ရေနံချက် စက်ရုံအား ၆၀ ရာခိုင်နှုန်းအထိ တည်ဆောက်ပြီးစီးနေပြီဖြစ်ပြီး ယခုနှစ်ကုန်မှသာ အချောသတ်နိုင်မည်ဖြစ်ကြောင်း နိုင်ငံ့ စွမ်းအင်ကဏ္ဍ၏ ပြောရေးဆို ခွင့်ရှိသူတစ်ဦးက တနင်္လာနေ့တွင် ပြောကြားလိုက်သည်။
အဆိုပါပိုက်လိုင်းမှ ရေနံများကို လှောင်ကန်များအတွင်း ထည့်သွင်းထားကာ တရုတ်ပြည်၏ ရေနံစိမ်းသွင်းကုန် ရေတိုလိုအပ်ချက် အထောက်အကူပြုရေးအတွက် အသုံးပြုမည်ဖြစ်သည်။ တစ်နေ့လျှင် ရေနံစည်နှစ်သိန်း ချက်လုပ်နိုင်သည့် အဆိုပါ Anning ရေနံချက် စက်ရုံဖွင့်လှစ်ပါက တစ်နေ့လျှင် ရေနံစိမ်း စည်ပေါင်း ၆.၂ သန်း ချက် လုပ်နိုင်မည်။ ပိုက်လိုင်း၏ သွယ်တန်း ပို့ဆောင်နိုင်စွမ်းမှာ တစ်နေ့လျှင် ၄၄၀၀၀၀ စည် ဖြစ်သည်။
China National Patroleum Corporation (CNPC) ၏ လက်အောက်ခံ – ပိုက်လိုင်း တည်ဆောက်ခြင်းနှင့် သွယ်တန်းခြင်းကို စီမံကြီးကြပ်နေသည့် Southeast Asia Pipeline Co, Ltd., မှ ကုမ္ပဏီ အရာရှိတစ်ဦးက ကီလိုမီတာ ၂၄၀၀ (မိုင် ၁၅၀၀) ရှည်လျားသည့် အဆိုပါ ပိုက်လိုင်းကို ယခုလကုန်၌ ဖွင့်လှစ်မည်ဟု ဆိုသည်။ ၎င်းကို စွမ်းအင်ဝန်ကြီးဌာန အရာရှိတစ်ဦး ကလည်း အတည်ပြုပြောကြားသည်။
“ရေနံပိုက်လိုင်း သွယ်တန်းတင်ပို့မှုအတွက် အရာအားလုံး အဆင်သင့် ဖြစ်နေပါပြီ။ ဇန္န၀ါရီလ ၃၀ ရက်မှာ စတင်နိုင်ဖို့ အကြမ်းဖျင်းလျာထားပါတယ်” ဟု မီဒီယာပြောရေးဆိုခွင့်မရှိ၍ အမည်မဖော်လိုသူ အရာရှိက ဆိုသည်။
ရေနံချက်စက်ရုံသစ် မလည်ပတ်မီ ရေနံများကို ယူနန်ပြည်နယ်အရှေ့ပိုင်း ကွမ်ရှီး Guangxi ဒေသရှိ သိုလှောင်ကန်များထဲ ထည့်သွင်းသိမ်းဆည်းထားမည်ဖြစ်သည်။ မြန်မာနိုင်ငံဖက်ခြမ်းတွင်လည်း CNPC ၏ သိုလှောင်ကန်များ တစ်ဒါဇင်အထက် ရှိနေပြီး ယူနန်နယ်အတွင်း ထို့ထက်မက ရှိနေကြောင်း တရုတ်မီဒီယာသတင်းဌာနတစ်ရပ်မှ သိရသည်။
ရေနံပိုက်လိုင်းမှာ ၉၄ ရာခိုင်နှုန်း ပြီးစီးနေပြီး အချောသတ်တော့မည်ဖြစ်ကြောင်း CNPC သည် ၂၀၁၃ ခုနှစ် ကတည်းကပင် ပြောဆိုထားပြီးဖြစ်သည်။
၎င်းနှင့်ကပ်လျက်ရှိသော သဘာဝ ဓာတ်ငွေ့ပိုက်လိုင်းကို ၂၀၁၃ ခုနှစ်တွင် ဖွင့်လှစ်ခဲ့သည်။ ပထမတစ်နှစ်အတွင်း ပို့ဆောင်သည့် ပမာဏမှာ ၁.၈၇ ဘီလီယံ ကုဗမီတာ ဖြစ်သည်။
Ref : Reuters
