Blog

ယူကရိန်းတစ်ကျော့ပြန်တိုက်ပွဲ အရှိန်မြင့်

ဇန်န၀ါရီ ၁၉၊ ၂၀၁၅
M-Media

– တစ်ကျော့ပြန်ဖြစ်လာသည့် တိုက်ခိုက်မှုအတွင်း Donetsk လေယာဉ်ကွင်းမှ ခွဲထွက်ရေးသမားအများစုအား ရှင်းလင်းခဲ့ပြီး အစိုးရတပ်များ၏ တင့်ကားများမှာ ရှေ့တန်းစစ်မျက်နှာသို့ ထွက်ခွာလာကာ ထိုးစစ်ကို အရှိန်မြှင့်တော့မည်ဟု ယူကရိန်းအစိုးရ
တာဝန်ရှိသူများက ပြောကြားခဲ့သည်။

ခွဲထွက်ရေးသမားများက ထိန်းချုပ်ထားသည့် အဆိုပါမြို့တွင် ပြီးခဲ့သည့် ကြာသာပတေးနေ့မှ စတင်ကာ တိုက်ခိုက်မှုများ ပြန်လည် ဖြစ်ပွားလာခဲ့ခြင်းဖြစ်ပြီး စစ်သား ၄ ဦးအပါအ၀င် လူ ၇ ဦး သေဆုံးခဲ့ရသည်ဟု ယူကရိန်းအာဏာပိုင်များက သတင်းထုတ်ပြန်ခဲ့သည်။ ထို့ပြင် နေအိမ်များလည်း ပျက်ဆီးခဲ့ရပြီး၊ ဓာတ်အားများလည်း ပြတ်တောက်လျက်ရှိနေကာ လေဆိပ်အနီးရှိ ကလေးဆေးရုံတစ်ခုလည်း ပျက်ဆီးခဲ့သည်။

တိုက်ပွဲများမှာ Donetsk လေဆိပ်တစ်ဝိုက်တွင် ပြင်းပြင်းထန်ထန် ဖြစ်ပွားနေပြီး ခွဲထွက်ရေးသမားများကမူ ယူကရိန်းစစ်သား ၁၃ ဦး အပါအ၀င် စုစုပေါင်း ၂၄ ဦး သေဆုံးခဲ့သည်ဟု ပြောကြားခဲ့သည်။

ယူကရိန်းစစ်တပ်ကမူ လေဆိပ်အား ထိန်းချုပ်ထားသော ခွဲထွက်ရေးသမား အများစုကို ရှင်းပစ်ခဲ့သည်ဟု ပြောကြားခဲ့သော်လည်း ထိုပြောကြားမှုကို ရှင်းရှင်းလင်းလင်းအတည်ပြု၍ မရသေးပေ။

တစ်ကျော့ပြန်ဖြစ်ပွားလာသော တိုက်ခိုက်မှုအား ရှုတ်ချရန်နှင့် ငြိမ်းချမ်းရေး ဆုမွန်ကောင်းတောင်းရန်အတွက် ထောင်ပေါင်းများစွာသော ယူကရိန်းပြည်သူများမှာ မြို့တော် ကိဗ်တွင် ယမန်နေ့က စုဝေးခဲ့ကြပြီး ယူကရိန်းသမ္မတ ပိုရိုရှန်ကိုလည်း တက်ရောက်ကာ မိန့်ခွန်းပြောကြားခဲ့သည်။

၂၀၁၄ ခုနှစ် ဧပြီလက ယူကရိန်းအရှေ့ပိုင်းတွင် စတင်ဖြစ်ပွားခဲ့သည့် မငြိမ်မသက်မှုများကြောင့် ယခုအချိန်အထိ လူပေါင်း ၄၈၀၀ ကျော် သေဆုံးခဲ့ပြီးဖြစ်သည်။

ယူကရိန်းမငြိမ်မသက်မှုတွင် ရုရှားက ပါဝင်နေသည်ဟု ယူကရိန်အစိုးရနှင့် အနောက်နိုင်ငံများက စွပ်စွဲပြောဆိုထားပြီး ရုရှားအစိုးရအပေါ် ပိတ်ဆို့မှုများလည်း ပြုလုပ်ထားသည်။ ရုရှားအစိုးရကမူ ထိုစွပ်စွဲမှုအား ငြင်းဆိုခဲ့သည်။

Ref: channelnewsasia

January 19, 2015
လူသတ်မှုတစ်ခုကိုအကြောင်းပြ၍ အိန္ဒိယတွင် မွတ်စလင်ရွာတစ်ခုကို ဟိန္ဒူများမီးရှို့ဖျက်ဆီး

ဇန်န၀ါရီ ၁၉၊ ၂၀၁၅
M-Media

– စုံစမ်းစစ်ဆေးမှု မပြုလုပ်ရသေးသည့် လူသတ်မှုတစ်ခုကို အကြောင်းပြု၍ အိန္ဒိယတွင် ဟိန္ဒူများက မွတ်စလင်ရွာတစ်ရွာကို မီးရှို့ကာ ဒေသခံမွတ်စလင်များ အား သတ်ဖြတ်မှုတစ်ခု ဖြစ်ပွားခဲ့သည်ဟု အိန္ဒိယအာဏာပိုင်များက ပြောကြားလိုက်သည်။

နိုင်ငံအရှေ့ပိုင်း ဘီဟာရ်ပြည်နယ်တွင် ယမန်နေ့က ဖြစ်ပွားခဲ့ခြင်းဖြစ်ပြီး၊ လွန်ခဲ့သည့် တစ်ပတ်ကျော်က ပျောက်ဆုံးသွားခဲ့သည့် အသက် ၁၉ နှစ်အရွယ် ဟိန္ဒူအမျိုးသားတစ်ဦး၏ အလောင်းကို ပြည်နယ်မြို့တော် ပတ္တနာမှ ကီလိုမီတာ ၁၀၀ ကျော်ဝေးသည့် ဆာရာယီယန် ရွာတွင် တွေ့ရှိခဲ့ခြင်းမှ အစပြုခဲ့ခြင်း ဖြစ်သည်ဟု ပြည်နယ်အုပ်ချုပ်ရေးမှူး အတူလ် ပရာဆတ်က ပြောကြားခဲ့သည်။

အဆိုပါ ဟိန္ဒူလူငယ်မှာ အနီးအနားရှိ ဘာဟီလ်ဝါဒါ ဘူဝဲလ်ရွာမှ မွတ်စလင် အမျိုးသမီးတစ်ဦးနှင့် ဆက်ဆံရေးရှိနေကာ ၎င်းပျောက်ဆုံးသွားခြင်းမှာ မွတ်စလင် အမျိုးသမီး၏ ဆွေမျိုးများက ပြန်ပေးဆွဲသွားခြင်းကြောင့်ဖြစ်သည်ဟု အဆိုပါ ဟိန္ဒူလူငယ်၏ မိသားစုက စွပ်စွဲပြောကြားခဲ့သည်။

ထို့နောက် ဟိန္ဒူလူအုပ်စုကြီးက ဘာဟီလ်ဝါဒါဘူဝဲလ်ရွာအတွင်းသို့ ၀င်ရောက်ကာ နေအိမ်များ၊ မွတ်စလင်များ၏ ပိုင်ဆိုင်မှုများကို မီးရှို့ဖျက်ဆီးခဲ့ကာ ရွာသား မွတ်စလင်အချို့ကိုလည်း အရှင်လတ်လတ် မီးရှို့သတ်ဖြတ်ခဲ့သည်။

တစ်နာရီခန့်ကြာသည့် အဆိုပါ မီးရှို့ဖျက်ဆီးမှုအတွင်း ရဲတပ်ဖွဲ့ဝင်များက ၀င်ရောက်ဟန့်တားနိုင်ခြင်း မရှိဘဲ ရွာအတွင်းရှိ မွတ်စလင်များမှာလည်း မိမိတို့၏ အိုးအိမ်များကို စွန့်ကာ ထွက်ပြေးခဲ့ရသည်ဟု အိန္ဓိယသတင်းဌာန NDTV က ဖော်ပြခဲ့သည်။

ဒေသတွင်းမီဒီယာတစ်ခုကမူ အဆိုပါ လူအုပ်စုကြီးတွင် လူ ၅၀၀၀ ခန့် ပါဝင်ကြောင်း ဖော်ပြခဲ့သည်။

ဟိန္ဒူလူငယ် သတ်ဖြတ်ခံရမှုနှင့်ပတ်သက်၍ ယခုအချိန်အထိ ရှင်းရှင်းလင်းလင်း မဖော်ထုတ်နိုင်သေးဘဲ ရဲတပ်ဖွဲ့ကမူ မွတ်စလင်ရွာအား မီးရှို့ဖျက်ဆီးမှုနှင့် ပတ်သက်၍ လူ ၈ ဦးကို ဖမ်းဆီးထားသည်ဟု သတင်းထုတ်ပြန်ခဲ့သည်။

အိန္ဒိယလူဦးရေး သန်းပေါင်း ၁၂၀၀ ကျော်တွင် ၁၃ ရာခိုင်နှုန်းရှိသည့် အစ္စလာမ် ဘာသာဝင်များမှာ ဟိန္ဒူအမျိုးသားရေးဝါဒီများ၏ ပစ်မှတ်ထားမှုကို မကြာခဏ ခံနေရပြီး၊ အာဏာပိုင်များကလည်း ထိထိရောက်ရောက် ဖြေရှင်းနိုင်ခြင်း မရှိသေးပေ။

အလ်ကိုင်းဒါးခေါင်းဆောင် အလ်ဇ၀ါဟီရီကမူ အိန္ဒိယတိုက်ငယ်တွင် ၎င်းတို့ အဖွဲ့ခွဲဖွင့်ကာ မွတ်စလင်များ၏ ခံစားရမှုများအတွက် လက်တုံ့ပြန်သွားမည်ဟု ပြီးခဲ့သည့်နှစ်က ပြောကြားခဲ့ပြီး အိန္ဒိယမွတ်စလင်အဖွဲ့များကမူ ထိုပြောဆိုမှုကို ရှုတ်ချခဲ့ကာ မိမိတို့ မွတ်စလင်များအား အိန္ဒိယ အခြေခံဥပဒေက အကာအကွယ်ပေးထားသည်ဟု ပြန်လည်တုံ့ပြန်ခဲ့သည်။

Ref: aljazeera

January 19, 2015
အာဖရိကမှ မာလီ အီဘိုလာကင်းစင်ပြီ

ဇန်န၀ါရီ ၁၉၊ ၂၀၁၅
M-Media

– ရောဂါကူးစက်နိုင်သည့် ကာလဖြစ်သော ၄၂ ရက်ကြာ စောင့်ကြည်ပြီးနောက် ရောဂါပိုး ထပ်မံ ကူးစက်မှုကို မတွေ့ရသောကြောင့် အစိုးရနှင့် ကုလသမဂ္ဂတို့က မာလီနိုင်ငံအား အီဘိုလာကင်းစင်နိုင်ငံအဖြစ် သတ်မှတ်ခဲ့သည်ဟု သိရသည်။

`ဒီနေ့ ဇန်န၀ါရီ ၁၈၊ ၂၀၁၅ ဟာ မာလီမှာ အီဘိုလာကပ်ရောဂါ အဆုံးသတ်သွားတဲ့နေ့ ဖြစ်တယ်လို့ ကြေညာလိုက်ပါတယ်´ ဟု မာလီသမ္မတ အွတ်စမန် ကုန်းက ယမန်နေ့တွင် ထုတ်ပြန်သော ကြေညာချက်တွင် ရေးသားဖော်ပြထားပြီး နိုင်ငံရှိ ကျန်းမာရေးလုပ်သားများနှင့် နိုင်ငံတကာမှ မိတ်ဖက်များကိုလည်း ကျေးဇူးတင်ကြောင်း ရေးသားဖော်ပြခဲ့သည်။

မာလီနိုင်ငံတွင် အီဘိုလာရောဂါ ကင်းရှင်းကြောင်း ကုလသမဂ္ဂ အီဘိုလာ အရေးပေါ်တိုက်ဖျက်ရေး UNMEER မှ အကြီးအကဲဖြစ်သူ အီဘရာဟီမာ ဆိုစီဖောလ်ကလည်း အတည်ပြုခဲ့သည်။

ရောဂါပိုး ကူးစက်ပြန့်နှံ့နိုင်သည့် ရက်မှာ ၂၁ ဖြစ်ပြီး၊ ပိုမိုသေချာစေရန် ၄၂ ရက် စောင့်ကြည့်ခဲ့ကာ ရောဂါပိုး ထပ်မံကူးစက်ခြင်း မရှိသောကြောင့် မာလီအား အီဘိုလာ ကင်းစင်းနယ်မြေအဖြစ် သတ်မှတ်ခဲ့ခြင်းဖြစ်သည်။

အီဘိုလာကူးစက်ပြန့်နှံ့မှုကာလ ၁ နှစ်အတွင်း မာလီနိုင်ငံတွင် စုစုပေါင်း လူ ၇ ဦး သေဆုံးခဲ့သည်။ ကမ္ဘာ့ကျန်းမာရေးအဖွဲ့ကြီး WHO ၏ မှတ်တမ်းများအရ ၂၀၁၄ နှစ်ဆန်းမှ စတင်ခဲ့သည့် အီဘိုလာ ရောဂါပိုးကြောင့် ယခုအချိန်အထိ လူပေါင်း ၈၄၀၀ ကျော် သေဆုံးခဲ့သည်ဟု သိရသည်။

ဆီရာလီယိုနီ၊ ဂီနီနှင့် လိုက်ဘေးရီးယားတို့အပါအ၀င် အီဘိုလာကူးစက်ပြန့်နှံ့နေသည့် အခြားသော အနောက်အာဖရိက နိုင်ငံများတွင်လည်း အီဘိုလာ ကူးစက်ပြန့်နှံ့မှုနှုန်းမှာ သိသိသာသာ ကျဆင်းလာနေသည်။

Ref: aljazeera

January 19, 2015
ကလေးစကား

ဇန်နဝါရီ ၁၉ ၊ ၂၀၁၄
M-Media
.နှင်းဆီခင် ရေးသည်။

လူ့ပတ်ဝန်းကျင်မှာ ဆက်သွယ်ဖို့အတွက် စကားဆိုတာကို မပြောမဖြစ် ပြောကြရပါတယ်။ အထူးသဖြင့် ကိုယ့်ရင်ထဲက ခံစားချက်တွေ၊ ဖြစ်ချင်တဲ့ဆန္ဒတွေကို သူများတကာသိအောင်ပြောပြမှ ဖြစ်တာကိုး။ တချို့တွေက စကားပြောကျွမ်းကျင်တယ်၊ စကားပြောကောင်းတယ်လို့ အသိအမှတ်ပြုခံရတယ်။ ဘာကြောင့်များလဲ။ တစ်ဖက်သား စိတ်ချမ်းသာအောင် လိုရင်းကို ထိထိမိမိပြောတတ်သူကြောင့် ပဲပေါ့။ ကိုယ့်စကား နားထောင်မယ့်သူကို ဝေဖန် ထောက်ပြတာမျိုးပဲဖြစ်ဖြစ် မရိုင်းအောင်၊ နားဝင်ခံသာအောင်ပြောနိုင်တဲ့ အရည်အသွေးမျိုးကို စကားပြောကောင်းသူတွေ ပိုင်ဆိုင်လေ့ရှိကြတယ်။ စကားပရိယာယ်လည်း ကြွယ်သလို ဥပမာ ဥပမေယျလေးတွေနဲ့ ရှင်းလင်းပြနိုင်စွမ်းလည်းရှိတယ်။ စကားများခြင်းနဲ့ စကားပြောကောင်းခြင်းတို့ရဲ့ ခြားနားချက်ကို ကောင်းကောင်းကြီး နားလည် သဘောပေါက်ထားတာဖြစ်လို့ အကြောင်းအရာတစ်ခုခုကို ပြောမယ်ကြံရင် လိုရင်းတိုရှင်းပဲပြောတယ်။ ဝေ့ဝိုက်ပြီး စကားကြောရှည်နေရင် နားထောင်ရတဲ့သူ စိတ်မရှည်ဖြစ်တတ်တာကို ကောင်းကောင်းကြီး သဘောပေါက်ထားတယ်။

တချို့ကျပြန်တော့ ရင်ထဲမှာ ဘာမှမထားတတ်ဘူး။ ပြောစရာရှိရင် ဘွင်းဘွင်းပဲ ပြောချလိုက်ရမှ ရင်ထဲပေါ့သွားတယ်လို့ ဆိုတယ်။ မှန်တယ်၊ အဲဒီလို ပွင့်လင်းတဲ့ ဘွင်းဘွင်းသမားတွေအတွက် ရင်ထဲပေါ့သွားပေမယ့် အပြောခံရသူတွေ အတွက်တော့ ပိဿာလေးဘေးပစ်မို့ ရင်ထဲအောင့်သွားမှာတော့အမှန်ပဲ။ ပြီးတော့ အပြောခံရလေခြင်းရယ်လို့ တနုံ့နုံ့ ခံစားသွားရပြီသာမှတ်။ ဒီတော့ အသိဥာဏ်ကြွယ်တဲ့ သူတွေအတွက် စကားပြောတဲ့အခါ ရှေ့နောက်ဆင်ခြင်ပြီး ထိန်းပြောတတ်တာ အကျင့်တစ်ခုလိုပါပဲ။ ကောက်ပင်ရိတ်လှီး အစချီတဲ့စကားကြီးဆယ်မျိုးကို မကျွမ်းမကျင်ဘူးပဲထား ပြောသင့်တဲ့စကားကို အခြေအနေနဲ့ အချိန်အခါကိုကြည့်ပြီး ပြောဆိုတတ်ဖို့တော့လိုမယ်။ ရင်ထဲကခံစားချက်မှန်သမျှကို စကားလုံးအဖြစ် ဖွင့်မထုတ်ဘဲ ပြောသင့်သမျှသာပြော၊ မျိုချသင့်သလောက်မျိုချနှင့် စကားလှအောင် ပြောတတ်တာကို လူကြီးစကားလို့ သတ်မှတ်မယ်ဆိုရင်ပေါ့။ ဘာစကားလုံးရွေးချယ်မှုမှ မရှိဘဲ ရင်ထဲရှိသမျှ အမှန်အတိုင်း ဖွင့်ပြောပစ်တတ်တာကို ကလေးစကားလို့ပဲဆိုပါရစေ။

ကလေးသဘာဝ လွတ်လွတ်လပ်လပ်ကြီး ဆော့ကစားလို့ နေချင်တယ်။ အချိန်တန်အိပ်မယ်၊ စားမယ် ဘာဆိုဘာမှ အပူအပင်မရှိဘူး။ ဒါပေမယ့် ကျောင်းထားရမယ့်အချိန် ရောက်လာတဲ့အခါ (များသောအားဖြင့် စိတ်မပါကြဘူး) ကျောင်းတက်ကြရသည်ပဲပေါ့။ စိတ်လွတ်ကိုယ်လွတ် မဟုတ်တော့ဘဲ စည်းကမ်းဘောင်တစ်ခုထဲမှာ နေကြရတဲ့အခါ သူတို့လေးတွေရင်ထဲက ခံစားချက်တွေကို အရှိအတိုင်း ထုတ်ဖော်ခွင့်ရမယ်ဆိုရင် …

နိုင်ငံတကာကလေးတွေ တက်ရောက်သင်ကြားနေတဲ့ ကျောင်းတစ်ကျောင်းမှာ အတန်းစုံက ကလေးတွေကို ကျောင်းနှင့်ပတ်သက်ပြီး လွတ်လွတ်လပ်လပ် ရေးခွင့်ပေးတဲ့အခါ သိခွင့်ရတဲ့ ကလေးစကားတစ်ချို့ကို ဖော်ပြလိုက်ပါသည်။ သူတို့လက်ရေးလေးတွေနှင့်ရေးပြီး နံရံကသင်ပုန်းပေါ်မှာ ကပ်ထားတာတွေကတော့….

“ကျောင်းဆိုတာဆူညံပြီး ရှုပ်ယှက်ခတ်နေတဲ့နေရာကြီးပဲ၊ နေချင်တိုင်းနေလို့မရ၊ သွားချင်တိုင်းသွားလို့မရဘူး။ တစ်ချိန်လုံးလိုလို တန်းစီပြီးသွားလာနေရတယ်။ ကျောင်းအုပ်ဆရာကြီးပြောတဲ့ စည်းကမ်းတွေ၊ ဆုံးမစကားတွေချည်း မနက်တိုင်းကြားနေရတယ်။ စာကြည့်တိုက်ဆိုလို့သွားပါတယ်။ သားရေဟောင်းအနံ့နဲ့ စာအုပ်တွေချည်းပဲ၊ အဲဒါကျွန်တော်တက်နေရတဲ့ကျောင်းပေါ့။”

နောက်တစ်ယောက်ကတော့……..
“တစ်ချိန်လုံးငြိမ်ငြိမ်လေးနေရတာ ကျွန်တော်စိတ်ညစ်မနေတတ်ဘူး။ ကျွန်တော်လေ စက်ဘီးစီးပြီးသွားနေရတဲ့အခါ လွတ်လပ်လိုက်တာဗျာ။ လေတွေကတိုက်လို့ ပန်းကလေးတွေကို ကြည့်လိုက် ဌက်ကလေးတွေကိုကြည့်လိုက်နဲ့ တအားပျော်ဖို့ကောင်းတာ။ ကျောင်းမှာကျတော့ ထိုင်ဆိုထိုင် ထဆိုထ၊ ကိုယ့်စိတ်နဲ့ကိုယ် ဘာမှလုပ်ခွင့်မရှိဘူး။ တစ်ခုတော့ရှိတာပေါ့။ ကျွန်တော်စိတ်ဝင်စားတဲ့ ပထဝီဝင်ဘာသာရပ်ကို သင်ရရင်ပေါ့။ တောတောင်တွေနဲ့ ကမ္ဘာ့နိုင်ငံအကြောင်းတွေလေ။”

ပြည်တွင်းစစ်ဖြစ်နေတဲ့ နိုင်ငံတစ်နိုင်ငံကနေရောက်လာတဲ့ ကျောင်းသားတစ်ဦးရဲ့ အဆိုကတော့ “ကျွန်တော့်ဇာတိက တီမောနိုင်ငံပါ။ စစ်ဖြစ်ဖြစ်ချင်းကျွန်တော်တို့မိသားစုက ဒီသြစတေးလျနိုင်ငံကို ပြောင်းလာခဲ့ကြတာပါ။ အစတုန်းကဆို ကျွန်တော်ဒီမှာဘယ်လိုမှ မပျော်ဘူး မနေတတ်ဘူး။ တီမောကိုပဲပြန်ချင်နေတယ်။ ဒါပေမယ့် ဒီမှာနေမှဖြစ်မယ်သားလို့ အမေကပြောတယ်။ ကျွန်တော်ကမေးတယ်။ အမေ … ဒါဆိုရင်ကောင်းပြီ၊ ကျွန်တော်ကျောင်းကို မနက်ဖြန်တက်လို့ရမလား” ဆိုတော့ အမေက – ရတယ်သား၊ အမေလိုက်ပို့ပေးမယ်တဲ့။မိုးလင်းတာနဲ့ အမေက ကျွန်တော့်ပစ္စည်းတွေ အဆင်သင့်စီစဉ်ပေးတယ်။ မနက်စာ စားပြီးပြီးချင်းမှာပဲ ကျောပိုးအိတ်လွယ်ပြီး ကျောင်းကိုသွားရတယ်။ ကျောင်းရောက်တော့ ကျောင်းအုပ်ဆရာမကြီးက ကျွန်တော့်ကိုခေါ်ပြီး တစ်ကျောင်းလုံးကို လှည့်ပတ်ပတ်တယ်။ ကျွန်တော်တက်ရမယ့်အတန်းမှာ ဆရာကကျွန်တော့ကို အတန်းဖော်တွေအားလုံးနဲ့ မိတ်ဆက်ပေးတယ်။ သူတို့အားလုံးက ကျွန်တော့်အပေါ် ကြင်ကြင်နာနာ ဆက်ဆံကြတယ်။ စစ်ဖြစ်တဲ့နိုင်ငံက လာတာဆိုပြီး ဂရုလည်းစိုက်ကြတယ်။ အခုဆိုရင် ကျွန်တော်ကျောင်းတက်
ရတာပျော်နေပြီ။ သြစတေးလျကိုလည်းချစ်သွားပြီ။”

ကျောင်းသူလေးတစ်ယောက်ရေးထားပုံက – “ကျွန်မက ကျောင်းစာအားလုံး ဝါသနာပါတယ်။ ဂဏန်းသင်္ချာကလွဲလို့ပေါ့။ ဘယ်မကောင်းဆိုးဝါးကများ ဒီဂဏန်းသင်္ချာဆိုတာကြီးကို တီထွင်ထားပါလိမ့်။ ဦးနှောက်ပူအောင်စဉ်းစားရတဲ့ ဒီဘာသာရပ်ကြီးကို ကျွန်မအမုန်းဆုံးပဲ”

အကြားအားရုံချို့တဲ့နေတဲ့ ကျောင်းသားတစ်ယောက်ကရေးထားတယ်။

“ဒီကမ္ဘာကြီးမှာ နားကြားသူတွေရော မကြားနိုင်သူတွေပါ ရှိနေကြတာကို ကျွန်တော်လက်ခံပါတယ်။ ကျွန်တော့်နာမည် ရောဘတ်လင်းမ်ပါ။ ကျွန်တော် နားမကြားရသူတစ်ဦး ဖြစ်ပေမယ့် ကြားနိုင်တဲ့ သူငယ်ချင်းတွေနဲ့အတူ ကစားလေ့ရှိပါတယ်။ သူတို့ကကျွန်တော့်ကို ခင်ကြတယ်။ ကျွန်တော်ရောပေါ့။ နားကြပ် (နားကြားကိရိယာ) တပ်ထားရတာကို ကျွန်တော်မကြိုက်ဘူး။ နားကြပ်နဲ့ သီချင်းနားထောင်ရတာကိုပဲ ကြိုက်တယ်။ ကျွန်တော်တို့ အတန်းပိုင်ဆရာက သိပ်သဘောကောင်းတယ်။ ကျွန်တော်သဘောကျတယ်။ ဆရာက တစ်ခါတစ်လေမှ ဒေါသတကြီး ဖြစ်တတ်တာပါ။ ကျောင်းဆိုတာ အိမ်နဲ့မတူတဲ့ ပျော်စရာနေရာလေးတစ်ခုပါဗျာ”

နွမ်းပါးလို့ ခက်ခက်ခဲခဲကျောင်းတက်နေရတဲ့ ကျောင်းသားလေး တစ်ယောက်ကတော့
“ကျွန်တော့်ကမ္ဘာမှာ သူငယ်ချင်းတွေရော ရန်သူတွေပါရှိတယ်။ ကျွန်တော် ဆင်းရဲတာကို ချမ်းသာတဲ့ ကျောင်းသားတချို့က နှိမ်တယ်၊ ဝိုင်းစကြတယ်။ ကျွန်တော်လေ သူတို့ကို ပြန်ပြီးနှိမ်လို့ရတဲ့သူ ဖြစ်ချင်လိုက်တာဗျာ။ ဒါမှ သူတို့ဘယ်လိုခံစားရမလဲဆိုတာသိချင်လို့။ ဒါပေမယ့် ကျွန်တော့်ကိုခင်တဲ့ သူငယ်ချင်းတွေကတော့ အားပေးပါတယ်ဗျာ။ သူတို့ကြောင့်ပဲ ကျောင်းပျော်နေရတာပါ”

အသက် ၁၂ နှစ်အရွယ် ကျောင်းသူလေးတစ်ယောက်က ရေးထားတယ် “ကျွန်မက လူမှုရေးသိပ္ပံဘာသာကို အရမ်းကြိုက်တယ်။ ဘာဖြစ်လို့လဲဆိုတော့ အဲဒီဘာသာရပ်ကိုသင်တဲ့ ဆရာဘရိုင်ယင်က သဘောကောင်းတယ်၊ စိတ်ရှည်တယ်၊ ကျောင်းသားတွေ နားလည်အောင်ရှင်းပြတတ်တယ်။ မျက်နှာကပြုံးပြုံးရွှင်ရွှင်ရှိတော့ အားလုံးက ချစ်ကြတာပေါ့။ ကျန်တဲ့ဘာသာရပ် ဆရာတွေ ဆရာမတွေက အပြစ်ရှာပြီး ကြိမ်းမောင်းနေကြတာပဲ။ သူတို့အားလုံး ဆရာဘရိုယင်လိုဖြစ်ရင်သိပ်ကောင်းမှာပဲနော်။ အခုတော့လေ ဟိုဟာမလုပ်နဲ့။ ဒါလုပ်ပါလားတွေချည်းကြားနေရတယ်။ သူငယ်ချင်းတွေက ပြောတယ် တစ်ကျောင်းလုံးမှာ ဆရာဘရိုင်ယင်တွေချည်းရှိရင် ကျောင်းတက်ရတာ သိပ်ကိုပျော်မှာပဲတဲ့”…..

ကလေးအတွေးနှင့် ကလေးစကားတွေပါပဲ။ စာဖတ်သူရောပြန်တွေးမိမလား မသိဘူး။ ကျောင်းတက်ရခါစ ငယ်ဘဝကိုပေါ့။

နှင်းဆီခင်

January 19, 2015
အိမ်ကွင်းပထမဆုံးအရှုံးနဲ့ မန်စီးတီး၊ ချယ်ဆီး အနိုင်ပြတ်သားခဲ့ပြီး၊ မန်ယူ၊ လီဗာပူးလ်တို့ အောင်ပွဲခံခဲ့တဲ့ ပရီးမီးယားလိဂ် ပွဲစဉ် ၂၂

ဇန်န၀ါရီ ၁၉၊ ၂၀၁၅

M-Media

– ဒီတစ်ပတ်ကစားခဲ့တဲ့ ပရီးမီးယားလိဂ် ပွဲစဉ် ၂၂ မှာတော့ မန်စီးတီးကလွဲလို့ အသင်းကြီးအားလုံး အနိုင်ရခဲ့ပါတယ်။ နယူးကာဆယ်နည်းပြဟောင်း ပါဂျူးကလည်း အသင်းသစ်ကို ဒုတိယမြောက်နိုင်ပွဲရအောင် စွမ်းဆောင်ပေးနိုင်ခဲ့ပြီး ဇယားအောက်ခြေက ၄ သင်းစလုံး ရှုံးနိမ့်ခဲ့ပါတယ်။

စနေနေ့က အစောဆုံးကစားခဲ့တဲ့ပွဲမှာတော့ လီဗာပူးလ်တို့ အဝေးကွင်းမှာ အက်စတွန်ဗီလာကို ၂ ဂိုးပြတ်နဲ့ အနိုင်ရခဲ့ပါတယ်။ နောက်ပိုင်းပွဲတွေမှာ ခြေပြန်မှန်လာတဲ့ လီဗာပူးလ် ဒီတစ်ပတ်မှာလည်း အကောင်းဆုံးကစားနိုင်ခဲ့ပြီး ပထမပိုင်း ၂၄ မိနစ်မှာပဲ ဘိုရီနီက ဦးဆောင်ဂိုး သွင်းပေးနိုင်ခဲ့ပါတယ်။

ဒုတိယပိုင်းမှာ အိမ်ရှင်တို့ ဖိအားပေးနိုင်ခဲ့ပေမယ့် လီဗာပူးလ်က ကြံ့ကြံ့ခံနိုင်ခဲ့ပြီး ရစ်ကီ လမ်ဘာ့တ်က ၇၉ မိနစ်မှာ ၁ ဂိုး ထပ်သွင်းပေးခဲ့တာကြောင့် အနိုင်သုံးမှတ် ရရှိခဲ့ပါတယ်။ အက်စတွန်ဗီလာကတော့ နောက်ဆုံးကစားခဲ့တဲ့ ပရီးမီးယားလိဂ် ၇ ပွဲမှာ နိုင်ပွဲမရသေးပါဘူး။

မန်ယူက နောက်ဆုံး ၄ ပွဲမှာ ပထမဆုံးနိုင်ပွဲအဖြစ် ကျူပီအာရ်ကို ၂ ဂိုးပြတ်နဲ့ အနိုင်ရခဲ့ပါတယ်။ ဒါပေမယ့် ကျူပီအာရ်က ပိုကောင်းခဲ့ပြီး မန်ယူနောက်တန်းက အကောင်းဆုံး တုံ့ပြန်နိုင်ခဲ့တာကြောင့် မန်ယူတို့ အနိုင်သေချာခဲ့တာလည်းဖြစ်ပါတယ်။ မန်ယူဘက်က အပိုင် ဂိုး ၂ လုံးလောက်ကို ဂိုသမားရောဘတ်ဂရင်း ကာကွယ်နိုင်ခဲ့တာကြောင့်လည်း မန်ယူတို့ ဒီထက်ပို ဂိုးမရခဲ့တာ ဖြစ်ပါတယ်။ မန်ယူအတွက် ဂိုးတွေကိုတော့ ၅၈ မိနစ်မှာ ဖယ်လိုင်နီနဲ့ ဒုတိယပိုင်း နာကျင်အချိန်ပိုမှာ ဂျိမ်းစ်ဝီလ်ဆင်တို့က သွင်းယူပေးခဲ့တာ ဖြစ်ပါတယ်။

ဒီတစ်ပတ်ရဲ့ Match of The Week ဖြစ်တဲ့ မန်စီးတီးနဲ့ အာဆင်နယ်တို့ရဲ့ ပွဲမှာတော့ ၀င်းဂါးရဲ့ အာဆင်နယ် အကောင်းဆုံး ကစားသွားနိုင်ခဲ့ပြီး ကာဇိုလာ၊ ဂျရူးတို့ရဲ့ ဂိုးတွေနဲ့ အနိုင်ရခဲ့ပါတယ်။ ဒီပွဲအရှုံးဟာ နောက်ဆုံး ၁၅ ပွဲမှာ မန်စီးတီးရဲ့ ပထမမြောက် အရှုံးလည်း ဖြစ်ပြီး ဒီရာသီ အိမ်ကွင်း ပထမဆုံး ရှုံးပွဲတွေ့ခဲ့တာလည်း ဖြစ်ပါတယ်။ ပွဲအပြီးမှာတော့ မန်စီးတီးနည်းပြ ပယ်လီဂရီနီက မိမိတို့အသင်းဟာ ကစားပုံမကောင်းခဲ့ဘူးလို့ ၀န်ခံသွားခဲ့ပါတယ်။

ထိပ်ဆုံးကချယ်ဆီးကတော့ ဆွမ်ဆီးကို အဝေးကွင်းမှာ ၅ ဂိုး ပြတ်နဲ့အနိုင်ရခဲ့ပြီး ပွဲစပြီး နာရီဝက်အကျော်မှာတင် ၄ ဂိုး ပြတ်ခဲ့တာပါ။ ခရစ္စတယ်ပဲလေ့စ်အသင်းက ဇယားအောက်ခြေက ဘန်လေကို နောက်က ဂိုးတွေလိုက်သွင်းပြီး ၃ ဂိုး ၂ ဂိုးနဲ့ အနိုင်ရခဲ့ပါတယ်။ ဒီပွဲအနိုင်ဟာ အလန်ပါဂျူး ခရစ္စတယ်ပဲလေ့စ်ကို ကိုင်တွယ်ပြီးတဲ့နောက်ပိုင်း ရာနှုန်းပြည့်အနိုင်လည်း ဖြစ်ခဲ့ပါတယ်။

ဒီတစ်ပတ် ပရီးမီးယားလိဂ် ပွဲစဉ် ၂၂ ရဲ့ အနိုင်၊ အရှုံး ရလဒ်များကတော့ အောက်ပါအတိုင်း ဖြစ်ပါတယ်။

အက်စတွန်ဗီလာ ၀-၂ လီဗာပူးလ်
ဘန်လေ ၂-၃ ခရစ္စတယ်ပဲလေ့စ်
လက်စတာ ၀-၁ စတုတ်
ကျူပီအာရ် ၀-၂ မန်ယူ
ဆွမ်ဆီး ၀-၅ ချယ်ဆီး
စပါး ၂-၁ ဆန်းဒါးလန်း
နယူးကာဆယ် ၁-၂ ဆောက်သက်တမ်
ဝက်စ်ဟမ်း ၃-၀ ဟားလ်စီးတီး
မန်စီးတီး ၀-၂ အာဆင်နယ်

January 19, 2015