Blog

ဇန်န၀ါရီ ၃၊ ၂၀၁၅
M-Media

– The Interview ရုပ်ရှင် ထုတ်လုပ်မှုကို မကျေနပ်၍ မြောက်ကိုရီးယား ဟက်ကာအဖွဲ့ ဆိုနီကုမ္ပဏီအား ဆိုက်ဘာတိုက်ခိုက်ခဲ့မှုနှင့်ပတ်သက်၍ အမေရိကန်က မြောက်ကိုရီးယားအပေါ် ပိတ်ဆို့မှုအသစ် ချမှတ်လိုက်သည်ဟု သိရသည်။

အဆိုပါ ဆိုက်ဘာတိုက်ခိုက်မှုကို မြောက်ကိုရီးယားအစိုးရက ပြုလုပ်ခဲ့သည်ဟု အိမ်ဖြူတော်က စွပ်စွဲခဲ့ပြီးနောက် ယခုကဲ့သို့ ပိတ်ဆို့မှုသစ်ကို ပြုလုပ်လိုက်ခြင်း ဖြစ်ပြီး မြောက်ကိုီးယား ထောက်လှမ်းရေးနှင့် လက်နက်အဖွဲ့အစည်းသုံးခု၊ လက်နက်တင်ပို့သူများ အပါအ၀င် အစိုးရတာဝန်ရှိသူ ၁၀ ဦးတို့အား အမည်ပျက် စာရင်းသွင်းရန်အတွက် အမေရိကန်က ဘဏ္ဍာရေးဌာနအား အိုဘားမားက ယမန်နေ့တွင် အမိန့်ပေးခဲ့သည်။

ထိုကဲ့သို့ ပိတ်ဆို့မှုအသစ် ချမှတ်ရခြင်းမှာ ၂၀၁၄ ခုနှစ် နိုဝင်ဘာနှင့် ဒီဇင်ဘာလ များအတွင်း ပြုလုပ်ခဲ့သည့် ဖျက်လိုဖျက်ဆီးလိုသော၊ နိုင့်ထက်စီးနင်းပြုသော ဆိုက်ဘာတိုက်ခိုက်မှုများ အပါအ၀င် မြောက်ကိုရီးယား၏ ရန်လိုသော၊ မတည်မငြိမ်ဖြစ်စေလိုသော၊ ဖိနှိပ်ချုပ်ချယ်လိုသော လုပ်ရပ်များအတွက်ကြောင့် ဖြစ်သည်ဟု ပြောကြားခဲ့သည်။

ထို့ပြင် မြောက်ကိုရီးယား၏ ထိုလုပ်ရပ်များက အမျိုးသားလုံခြုံရေး၊ နိုင်ငံခြားရေး ပေါ်လစီနှင့် အမေရိကန်၏ စီးပွားရေးကို ဆက်လက်ခြိမ်းခြောက်နေခြင်းလည်း ဖြစ်ကြောင်း၊ မိမိတို့၏ ပိတ်ဆို့မှုမှာ မြောက်ကိုရီးယားပြည်သူများအား ပစ်မှတ် ထားခြင်းမဟုတ်ဘဲ မြောက်ကိုရီးယား အစိုးရကိုသာ ရည်ရွယ်ခြင်းဖြစ်ကြောင်း အိုဘားမားက ထပ်လောင်းပြောကြားခဲ့သည်။

မြောက်ကိုရီးယားခေါင်းဆောင် ကင်ဂျုံအန်အား လုပ်ကြံသည့် ဇာတ်လမ်းကို ဟာသနှောက ဆိုနီကုမ္ပဏီမှ ရိုက်ကူးထားသည့် အဆိုပါ The Interview ဇာတ်ကားနှင့် ပတ်သက်၍ မကျေနပ်သည့်အတွက် မြောက်ကိုရီးယား ဟက်ကာအဖွဲ့က ဒီဇင်ဘာလအတွင်း ဆိုနီကုမ္ပဏီကို ဆိုက်ဘာတိုက်ခိုက်မှု ပြုလုပ်ခဲ့သည်။ ထို့ပြင် အဆိုပါ ဇာတ်ကားပြသမည့် ရုပ်ရှင်ရုံများကိုလည်း တိုက်ခိုက်သွားမည်ဟု ခြိမ်းခြောက်ခဲ့သည်။

Ref : aljazeera