Blog

Globe Soccer Awards ၏ အကောင်းဆုံး နည်းပြဆုကို ရီးယဲလ်နည်းပြ အန်ဆယ်လော့တီ ဆွတ်ခူး

ဒီဇင်ဘာ ၃၁၊ ၂၀၁၄
M-Media

– ရီးယဲလ်မက်ဒရစ်သို့ ပထမဆုံးရောက်ရှိသော ရာသီတွင်ပင် နှစ်ပေါင်းများစွာ စောင့်စားခဲ့ရသည့် ၁၀ ကြိမ်မြောက် ချန်ပီယံလိဂ် ဖလားအား ဆွတ်ခူးပေးနိုင်ခဲ့သည့် နည်းပြ အန်ဆယ်လော့တီမှာ Globe Soccer Awards ဆု ပေးအပ်ချီးမြှင့်ပွဲတွင် အကောင်းနည်းပြဆုကို ဆွတ်ခူးရရှိခဲ့သည်ဟု သိရသည်။

ယမန်နေ့က ဒူဘိုင်းတွင်ပေးအပ်ခဲ့သည့် အဆိုပါဆုအတွက် အန်ဆယ်လော့တီမှာ ဂျာမနီအသင်းအား ကမ္ဘာဖလားရရှိအောင် စွမ်းဆောင်ပေးနိုင်ခဲ့သည့် ဂျာမနီနည်းပြ ဂျိုအာချင်းလိုကို ကျော်ဖြတ်ကာ ဆွတ်ခူးရရှိခဲ့ခြင်း ဖြစ်သည်။

ထိုဆုမှာ အီတလီ၊ အင်္ဂလန်နှင့် ပြင်သစ် အမှတ်ပေးချန်ပီယံဘွဲ့များကို အေစီမီလန်၊ ချယ်ဆီးနှင့် ပီအက်စ်ဂျီတို့နှင့်အတူ ဆွတ်ခူးရရှိခဲ့ဖူးသည့် အန်ဆယ်လော့တီ၏ တောက်ပသော နည်းပြဘ၀အတွက် မှတ်တိုင်တစ်ခုလည်း ဖြစ်သည်။

`ကစားသမားကောင်း အများအပြားနဲ့ အံသြဖွယ်ကောင်းတဲ့ ၀န်ထမ်းတွေ ရှိတာကြောင့် ကျွန်တော့်အတွက် အေးဆေးပါပဲ။ သူတို့တွေဟာ အခြားသင်းတွေထက် ရီးယဲလ်ကိုနည်းပြဖို့အတွက် လွယ်ကူစေပါတယ်´ ဟု ဆုရယူပြီးနောက် ပြောကြားခဲ့သည်။

အန်ဆယ်လော့တီနှင့်အတူ ရီးယဲလ်တိုက်စစ်မှူး ခရစ္စတီယာနို ရော်နယ်ဒိုမှာလည်း တစ်နှစ်တာအကောင်းဆုံး ကစားသမားဆုကို ရရှိခဲ့သည်။

ဘောလုံးနှင့်ပတ်သက်သည့် ဆုများကို ပေးအပ်ချီးမြှင့်သော Globe Soccer Awards တွင် အကောင်းဆုံအေးဂျင့်ဆုနှင့် အကောင်းဆုံး ကလပ်အသင်း ဒါရိုက်တာဆုတို့လည်း ပါဝင်ခဲ့သည်။

Ref : goal.com

December 31, 2014
ဓာတ်ပုံဖြင့် လက်ဗွေရာကို ဖန်တီးယူနိုင်သည်ဟု ဥရောပဟက်ကာအဖွဲ့တစ်ခု ပြော

ဒီဇင်ဘာ ၃၁၊ ၂၀၁၄
M-Media

– လက်ချောင်းများကို ရိုက်ထားသော ဓာတ်ပုံအနည်းငယ်ဖြင့် လူတစ်ဦး၏ လက်ဗွေရာကို ဖန်တီးရယူနိုင်သည်ဟု ဥရောပ၏ အကြီးဆုံး ဟက်ကာအဖွဲ့ဖြစ်သည့် Chaos Computetr Club က ပြောကြားလိုက်သည်။

ဂျာမနီနိုင်ငံ ဟမ်းဘတ်မြို့တွင် ပြုလုပ်ခဲ့သည့် Chaos Computer Club ၏ ၃၁ ကြိမ်မြောက် နှစ်ပတ်လည် အခမ်းအနားတွင် ထိုကဲ့သို့ ပြောကြားခဲ့ခြင်ဖြစ်ပြီး ၎င်းတို့၏အဖွဲ့မှ Starbug အမည်ဝှက်ကို အသုံးပြုသည့် ဂျန်ကရစ္စလာကမူ ဂျာမန်ကာကွယ်ရေးဝန်ကြီး အာဆူလန် ဗွန် ဒါ လီယန်၏ လက်ဗွေရာအား မည်ကဲ့သို့ ဖန်တီးခဲ့သည်ကိုလည်း ရှင်းပြခဲ့သည်။

အောက်တိုဘာလက ပြုလုပ်ခဲ့သည့် သတင်းစာရှင်းလင်းပွဲတစ်ခုတွင် ဒါလီယန်၏ လက်မအား ရှုထောင့်အမျိုးအမျိုးမှ အနီးကပ်ရိုက်ကူး ထားသော ဓာတ်ပုံအနည်းငယ် ရယူခဲ့ပြီး VriFinger ဟုအမည်ရသည့် ဆော့ဖ်ဝဲတစ်ခုကို အသုံးပြုခဲ့ကာ လက်ဗွေရာကို ဖန်တီးခဲ့ခြင်းဖြစ်သည်။

လက်ဗွေရာများကို ပြောင်ချောနေသော အရာဝတ္ထုအား လက်ဖြင့်ထိမှသာ ရယူနိုင်သည်ဟု ယခင်က သိခဲ့သည်။ သို့သော်လည်း လူတစ်ယောက်က အများပြည်သူရှေ့တွင် စကားပြောစဉ် ၎င်း၏ လက်မအား သာမန် ကင်မရာဖြင့်ရိုက်ထားသည့် ဓာတ်ပုံအနည်းငယ်ဖြင့် လက်ဗွေရာကို ရယူနိုင်သည်ဟု ကရစ္စလာက ဆိုပြီး နိုင်ငံရေးသမားများအနေဖြင့်
အများပြည်သူရှေ့တွင် စကားပြောသည့် အခါ လက်အိတ်များပင် ၀တ်ကောင်းဝတ်ရမည်ဟု ထည့်သွင်းပြောကြားခဲ့သည်။

လူတစ်ဦးတစ်ယောက်၏ လက်ဗွေရာအား ထိုကဲ့သို့ အလွယ်တကူ ရယူနိုင်မည်ဆိုပါက လုံခြုံရေးအတွက် လက်ဗွေရာအသုံးပြုမှုကို ကြီးမားသော ထိုးနှက်ချက်များ ဖြစ်ပေါ်လာနိုင်ဖွယ်ရှိနေသည်။

Source : dailytimes

December 31, 2014
အေစီတိုက်စစ်မှူး တောရက်စ် အသင်းဟောင်း အက်သလက်တီကိုသို့ ပြောင်းမည်

ဒီဇင်ဘာ ၃၀၊ ၂၀၁၄
M-Media

– အေစီမီလန်အသင်း၏ စပိန်တိုက်စစ်မှူးဖြစ်သူ ဖာနန်ဒိုတောရက်စ်မှာ ၎င်းအောင်မြင်ခဲ့ရာ အက်သလက်တီကို မက်ဒရစ် အသင်းသို့ ပြန်လည်ပြောင်းရွှေ့တော့ မည်ဟု သိရသည်။

ချယ်ဆီးတွင် ခြေစွမ်းမပြနိုင်ခဲ့သည့် တောရက်စ်မှာ ယခုနှစ်ရာသီအစတွင် အေစီမီလန် အသင်းသို့ ပြောင်းရွှေ့ ခဲ့သော်လည်း ခြေစွမ်းကောင်းများ ပြသနိုင်ခြင်းမရှိခဲ့ပဲ အက်သလက်တီကိုမက်ဒရစ်အသင်းသို့ လာမည့်နှစ်ကုန်အထိ အငှားစာချုပ်ဖြင့် ပြောင်းရွှေ့ရန် သဘောတူညီချက် ရခဲ့ခြင်းဖြစ်သည်။

`သဘောတူညီမှုရခဲ့ပါပြီ။ ဇန်န၀ါရီ ၄ ရက် တနင်္ဂနွေနေ့မှာ တရားဝင်ထုတ်ပြန်သွား မှာပါ။တောရက်စ် ပြန်ရောက် လာတော့မယ် ဆိုတာဟာ ဘောလုံးလောကနဲ့ အက်သလက်တီကိုတို့အတွက် သတင်းကောင်းလည်း ဖြစ်ပါတယ်´ ဟု အက်သလက်တီကို မက်ဒရစ် ဥက္ကဌ အန်းရစ် စီရီဇိုက ပြောကြားခဲ့သည်။

အသက် ၃၀ အရွယ် ရှိပြီဖြစ်သည့် တောရက်စ်ကမူ အက်သလက်တီကိုအသင်း မှာ လွန်ခဲ့သည့် နှစ်များအတွင်း အောင်မြင်မှုများကို ရရှိခဲ့ပြီး မည်သူကမှ မိမိအိမ်သို့ မပြန်ချင်ဘဲမနေကြောင်း၊ အက်သလက်တီကိုသို့ ပြန်ခွင့်ရသည့် အတွက် ပျော်ရွှင် မိကြောင်း ပြောကြားခဲ့သည်။

အက်သလက်တီကိုတွင် တောက်ပခဲ့သည့် တောရက်စ်မှာ ၂၀၀၇ ခုနှစ်က လီဗာပူးလ်အသင်းသို့ ပြောင်းရွှေ့လာခဲ့ပြီး တိုက်စစ်မှူးကောင်း တစ်ယောက် ဖြစ်ကြောင်း သက်သေပြနိုင်ခဲ့သည်။

သို့သော်လည်း ချယ်ဆီးနှင့် အေစီမီလန်တို့တွင်မှု ခြေစွမ်းပျောက်ဆုံးခဲ့ပြီး ပုံမှန် ကစားခွင့်ပါ ဆုံးရှုံးခဲ့ရသည်။

Ref : goal.com

December 30, 2014
ဖိလစ်ပိုင် ကုမ္ပဏီ မှ အသေးစား ငွေချေးလုပ်ငန်း မြန်မာပြည်မှာ လုပ်မည်။

ဒီဇင်ဘာ ၃၀၊ ၂၀၁၄
M-Media

– မြန်မာနိုင်ငံရှိ အသေးစားနှင့် အလတ်စား လုပ်ငန်းများ တိုးတက်စေရန် အတွက် အသေးစားငွေချးလုပ်ငန်း၊ အသေးစား အာမခံ လုပ်ငန်းတို့ကို ဖိလစ်ပိုင် ကုမ္ပဏီ တစ်ခုက စတင်ဆောင်ရွက်တော့မည်ဟု သိရသည်။

အဆိုပါကုမ္ပဏီမှာ ကျေးလက်ဒေသနှင့် လယ်ယာကဏ္ဍ ဖွံ့ဖြိုးရေး အပြန်အလှန်ဖေးမကူညီမှု အသင်း Card MRI ဖြစ်ပြီး Card Myanmar Company Limited (CMCL) အမည်ဖြင့် မြန်မာနိုင်ငံတွင် ၀န်ဆောင်မှုများ ပေးသွားမည်ဖြစ်ကာ လုပ်ငန်းလိုင်စင်ကို ဇူလိုင်လက ရရှိခဲ့သည်။

`CMCL ဟာ ၀န်ဆောင်မှုပေးတဲ့ကုမ္ပဏီတစ်ခုပါ။ ပြီးတော့ အသေးစားငွေချေးလုပ်ငန်းရဲ့ အစိတ်အပိုင်းတစ်ခုလည်း ဖြစ်ပါတယ်။ ကုမ္ပဏီရဲ့ အသေးစားငွေချေးလုပ်ငန်းကို ဖိလစ်ပိုင်က ကျွန်တော်တို့ရဲ့ နည်းပညာတွေ၊ အတွေအကြုံတွေကို အခြေခံပြီး ဆောင်ရွက်သွားမှာပါ´ ဟု Card MRI ကိုတည်ထောင်သူနှင့် မန်းနေဂျင်းဒါရိုက်တာဖြစ်သူ ဂျိုင်မီ အရစ္စတိုတယ် ဘီ
အလစ်ပ်က ပြောကြားခဲ့သည်။

Card ကုမ္ပဏီမှာ စီးပွားရေး၊ အသေးစားငွေချေးလုပ်ငန်းများ၊ အသေးစား အာမခံလုပ်ငန်း၊ SME ဘဏ်လုပ်ငန်း၊ လူစွမ်းအားအရင်းအမြစ် ဖွံ့ဖြိုးတိုးတက်ရေးလုပ်ငန်းများကို ဖိလစ်ပိုင်၌ နှစ်ပေါင်း ၂၀ ကျော် ဆောင်ရွက်ခဲ့သည့် ကုမ္ပဏီဖြစ်ပြီး မြန်မာနိုင်ငံ တွင် ဆောင်ရွက်ခြင်းမှာ ဖိလစ်ပိုင် အပြင်ဘက် တွင် ပထမဆုံး လုပ်ဆောင်ခြင်း လည်းဖြစ်သည်။

သို့သော်လည်း မိမိတို့ကုမ္ပဏီအနေဖြင့် ၀န်ဆောင်မှုများကို Card MRI International Group မှတစ်ဆင့် လာအို၊ ကမ္ဘောဒီးယားနှင့် ဗီယက်နမ်နိုင်ငံတို့ ၂၀၀၇ ခုနှစ်မှ စတင်ကာ ပေးအပ်နေခြင်းဖြစ်သည်ဟု အလစ်ပ်က ထည့်သွင်းပြောကြားခဲ့သည်။

CMCL မှာ ပြီးခဲ့သည့်နိုဝင်ဘာလမှစတင်ကာ မြို့နယ်တစ်ခုတွင် စင်တာ ၈ ခုဖွင့်ဖွင့်လှစ်ခဲ့ကာ ဘဏ္ဍာရေးအခက်အခဲရှိသည့် မိသားစုများအတွက် ကျပ် ၆.၇ သန်းခန့်ကို နှစ်ရှည်ချေးငွေအဖြစ် ထုတ်ချေးပေးထားသည်။ အဆိုပါ စင်တာတွင် အဖွဲ့ဝင်ပေါင်း ၁၇၅ ဦးရှိပြီး ၁၄၂ ဦးမှာ ချေးငွေများကို ရရှိခဲ့ကြသည်။

စီးပွားရေးလုပ်ငန်းအခြေအနေပေါ် မူတည်၍ အဖွဲ့ဝင်တစ်ဦးမှာ အနည်းဆုံး ကန်ဒေါ်လာ ၅၀ မှ ၁၀၀ အထိ ရရှိကြပြီး အလစ်ပ်ကမူ ၂၀၁၅ ခုနှစ်တွင် ရုံးခွဲ ၅ ခုထပ်မံဖွင့်လှစ်ကာ အဖွဲ့ဝင် ၆၆၄၀ ကို ၀န်ဆောင်မှုပေးသွားမည်ဟု ထပ်လောင်းပြောကြားခဲ့သည်။

Ref : sunstar.com

December 30, 2014
ခရစ္စမတ် ပွဲတော် ကျင်းပစဉ် နိုက်ဂျီးရီးယားရှိ ခရစ်ယာန် ဘုရားကျောင်းများ အား မွတ်စလင်လူငယ်များ ကာကွယ်ပေးခဲ့

ဒီဇင်ဘာ ၃၀၊ ၂၀၁၄
M-Media

– လူများစု၏ တာဝန်ဝတ္တရားကို ကျေပွန်သည့်အနေဖြင့် နိုက်ဂျီးရီးယားမြောက်ပိုင်း ကာဒူနာဒေသရှိ ခရစ်ယာန်များ၏ ခရစ္စမတ်ပွဲတော်များ လုံခြုံမှုရှိစေရန်အတွက် မွတ်စလင်လူငယ်များက ကာကွယ်ပေးခဲ့ကြသည်ဟု သိရသည်။

ထိုကဲ့သို့ ကာကွယ်ပေးမှုတွင် မွတ်စလင်လူငယ် ၂၀၀ ကျော် ပါဝင်ခဲ့ပြီး ခရစ်ယာန်ဘာသာဝင်များ၏ ၀တ်ပြုဆုတောင်းမှုများ၊ ခရစ္စမတ်ပွဲတော် ဆင်နွှဲမှုများအတွင်း လက်နက်ကိုင်အဖွဲ့များ၏ တိုက်ခိုက်မှုများ မခံရအောင် ဘုရားကျောင်း၏ ဘေး ပတ်ပတ်လည်တွင် ၀န်းရံ ကင်းစောင့်ပေးခဲ့ကြခြင်း ဖြစ်သည်။

`သူတို့ရဲ့ မေတ္တာတရားနဲ့ စောင့်ရှောက်မှုတွေကို ကျွန်တော်တို့ အရမ်းသဘောကျပါတယ်´ ဟု ကာဒူနာတောင်ဘက် ဆာဘွန် တက်စ်ဟာမြို့ရှိ ခရစ်ယာန်ဧ၀ံဂေလိအသင်းတော်မှ သင်းအုပ်ဆရာ ယိုဟာနာ ဘူရူက ပြောကြားခဲ့သည်။

အဆိုပါဒေသ၌ မကြာသေးမီကပင် ခရစ်ယာန်ဘုရားကျောင်းများအား ပစ်မှတ်ထားတိုက်ခိုက်မှု အများအပြား ဖြစ်ပွားခဲ့ပြီး ဘူရူကမူ နိုင်ငံအတွင်းရှိ မွတ်စလင်နှင့် ခရစ်ယာန်များအကြား ငြိမ်းချမ်းစွာ အတူယှဉ်တွဲနေထိုင်မှုကို ခိုင်မာစေရန် ကြိုးစားဆောင်ရွက်နေသည့် အဆိုပါ လူငယ်များ၏ လုပ်ရပ်ကိုလည်း ချီးကျူးခဲ့ကြသည်။

ထို့ပြင် အခြားသောနိုင်ငံသားများကလည်း အဆိုပါ လုပ်ရပ်အား အတူယူရန် မျှော်လင့်သည်ဟု ထည့်သွင်းပြောကြားခဲ့သည်။

နိုက်ဂျီးရီးယားမြောက်ပိုင်းမှာ ဘိုကိုဟရမ် လက်နက်ကိုင်အဖွဲ့ ကြီးစိုးရာ ဒေသဖြစ်ပြီး၊ အစိုးရအား မကျေနပ်သည့် ၎င်းတို့က ပြည်သူများအား ပစ်မှတ်ထား၍ တိုက်ခိုက်မှုများကို မကြာခဏ ပြုလုပ်လျက်ရှိနေသည်။ ပြီးခဲ့သည့် သီတင်းပတ်များ အတွင်းကလည်း ကာနိုရှိ ဗလီဝတ်ကျောင်းတော် တစ်ခုတွင် သောကြာနေ့ ၀တ်ပြုမှုအတွင်း ဗုံးခွဲတိုက်ခိုက်မှုကြောင့် လူအမျာအပြား သေဆုံးခဲ့ရသည်။

ယေရှုခရစ်တော်၏ မွေးနေ့ အထိမ်းအမှတ်အဖြစ် ကျင်းပသည့် ခရစ္စမတ်ပွဲတော်မှာ ခရစ်ယာန် ဘာသာဝင်များအတွက် အဓိကပွဲတော် တစ်ခုဖြစ်ပြီး ဒီဇင်ဘာ ၂၄ ရက်နေ့ သန်းခေါင်းယံ အချိန်မှာ ခရစ္စမတ်ကာလ၏ အမြင့်ဆုံးအချိန်ဖြစ်သည်။

မွတ်စလင်များမှာ ယေရှုသခင် (ငြိမ်းချမ်းသာယာမှု သက်ရောက်ပါစေ)အား အလ္လာဟ်အရှင်မြတ်၏ တမန်တော်တစ်ပါးနှင့် မရ်ယမ်သခင်မ၏ သားတော်တစ်ပါးအဖြစ် ယုံကြည်ပြီး အလ္လာဟ်အရှင်မြတ်၏ သားတော်အဖြစ် ယုံကြည်ခြင်းမရှိပေ။

ကုရ်အာန်ကျမ်းတော်မြတ်တွင် ယေရှုသခင်အား တမန်တော် အီဆာဟု မှည့်ခေါ်ထားပြီး အလ်-မစီဟ် (the Christ) နှင့် မရ်ယမ်သခင်မ၏သား (Son of Mary) ဟုလည်း သုံးနှုန်းထားသည်။

နိုက်ဂျီးရီးယားရှိ သန်း ၁၄၀ သော လူဦးရေတွင် အစ္စလာမ်ဘာသာဝင် ၅၅ ရာခိုင်နှုန်းနှင့် ခရစ်ယာန်ဘာသာဝင် ၄၀ ရာခိုင်နှုန်းရှိနေသည်။

Ref : onislam

December 30, 2014