ဒီဇင်ဘာ ၂၄၊ ၂၀၁၄
M-Media
– ပြည်သူများက ဆန့်ကျင်မှုများ ရှိနေသော်လည်း တရုတ်ကုမ္ပဏီမှ တာဝန်ယူတည်ဆောက်မည့် ကန်ဒေါ်လာ ဘီလီယံ ၅၀ တန် တူးမြောင်းစီမံကိန်းတစ်ခုကို စတင်ခဲ့သည်ဟု နီကာရာဂွာနိုင်ငံမှ
ကြေညာလိုက်သည်။
အလယ်အမေရိကန်တွင် အရေးပါသော ပင်လယ်ရေလမ်းကြောင်းဖြစ်သည့်
ပနားမားတူးမြောင်းကို ယှဉ်ပြိုင်ရန်နှင့် နိုင်ငံ၏ စီပွားရေး တိုးတက်လာစေရန် ရည်ရွယ်သော အဆိုပါတူးမြောင်း တည်ဆောက်ခြင်းလုပ်ငန်းကို ပြီးခဲ့သည့် တနင်္လာနေ့က စတင်ခဲ့ခြင်းဖြစ်ပြီး ထိုစီမံကိန်းတွင် ပါဝင်မည့် ဆိပ်ကမ်းတစ်ခုကို ပစိဖိတ်ကမ်းရိုးတမ်းနှင့် ၅ ကီလိုမီတာ ကွာဝေးသော ဘရစ်တိုမြို့တွင် စတင်ဆောက်လုပ်သွားမည်ဖြစ်သည်။
နီကာရာဂွာအစိုးရကမူ ၂၇၈ ကီလိုမီတာရှည်လျားမည့် အဆိုပါ တူးမြောင်းမှာ နိုင်ငံ၏ စီးပွားရေးကို ၁၀ ရာခိုင်နှုန်း တိုးတက်လာစေမည်ဟု ပြောကြားခဲ့သည်။
ထို့ပြင် လွန်ခဲ့သော ရာစုနှစ်က ပနားမားတူးမြောင်း ဆောက်လုပ်ကာ
အမေရိကန်လွှမ်းမိုးထားသော အလယ်အမေရိကဒေသတွင် အဆိုပါ တူးမြောင်းက တရုတ်နိုင်ငံအတွက် စီးပွားရေးခြေကုပ် ဖြစ်လာမည်ဖြစ်သည်။
အဆိုပါ တူးမြောင်းဆောက်လုပ်ရေးလုပ်ငန်းများကို တရုတ် တယ်လီဖုန်း
လုပ်ငန်းရှင်ပိုင်ဆိုင်သော ဟောင်ကောင်အခြေစိုက် HKND အုပ်စုမှ တာဝန်ယူသွားမည်ဖြစ်ပြီး ၂၀၁၉ သို့မဟုတ် ၂၀၂၀ ခုနှစ်တွင် စတင်အသုံးပြုနိုင်မည်ဖြစ်သည်။
သို့သော်လည်း နီကာရာဂွာပြည်သူများနှင့် ပတ်ဝန်းကျင် ထိန်းသိမ်းစောင့်ရှောက်ရေး တက်ကြွလှုပ်ရှားသူများက တူးမြောင်းဆောက်လုပ်မှုကို ဆန့်ကျင် ကန့်ကွက်ခဲ့ကြပြီး ဆန္ဒပြမှုများလည်း ပြုလုပ်ခဲ့ကြသည်။
`ကျွန်တော်တို့ရဲ့ သံယဇာတတွေ သူတို့ထုတ်ယူသွားမှာကို ခွင့်မပြုပါဘူး၊
ကျွန်တော်တို့သေမှသာ တရုတ်တွေက သယံဇာတတွေကို ယူလို့ရမှာပါ´ ဟု တူလီဒေသရှိ လယ်သမားများကို ဦးဆောင်သူ အော်လန်ဒို အိုကမ်ပို၏ ပြောကြားမှုကို AP သတင်းဌာနက ဖော်ပြခဲ့သည်။
ပတ်ဝန်းကျင်ထိန်းသိမ်းစောင့်ရှောက်သူများကလည်း နိုင်ငံ၏ အဓိက ရေချိုရရှိရာ
နေရာဖြစ်သည့် နီကာရာဂွါကန်ကြီးအတွက် ကုန်တင်သင်္ဘောများ သွားလာမှု၏
အန္တရာယ်နှင့်ပတ်သက်၍ လိုအပ်သော လေ့လာမှုများကို အစိုးရက မပြုလုပ်ခဲ့ဟု
ပြောကြားခဲ့ကြသည်။
source: Agencies
