Blog

မြန်မာ မိန်းကလေး မုဒိန်းကျင့်ခံရပြီး အသတ်ခံရဟု လုပ်ကြံ လှုံ့ဆော်ရေးသားမှုကို ၉၆၉ မီဒီယာနှင့် ဦးနေမျိုးဝေတို့မှ ထပ်ဆင့်ဖြန့်ချိနေ

ဒီဇင်ဘာ ၁၀ ၊ ၂၀၁၄
M-Media
သီဟ

ဘရာဇီးတွင် ဖြစ်ပွားခဲ့သည့် မုဒိန်းမှု သတင်းအား မလေးရှားတွင် မြန်မာ မိန်းကလေး မုဒိန်းကျင့်ခံရပြီး အသတ်ခံရဟု လုပ်ကြံ လှုံ့ဆော်ရေးသားမှုကို ၉၆၉ မီဒီယာနှင့် ဦးနေမျိုးဝေတို့မှ ထပ်ဆင့်ဖြန့်ချိနေ

ယခုရက်ပိုင်းအတွင်း မလေးရှားနိုင်ငံ ကိုတာဘာရူး နယ်မြေတွင် မြန်မာ မိန်းကလေး တစ်ယောက်အား ဘင်္ဂလီများမှ မုဒိန်းကျင့်ကာ ရက်ရက်စက်စက် သတ်ဖြတ်ခဲ့ကြောင်း သတင်းတပုဒ် ဓါတ်ပုံများဖြင့် ဆိုရှယ်မီဒီယာ ထပ်တွင် ပြန့်နှံ့လျက်ရှိပါတယ်။

အဆိုပါသတင်းမှာ လုပ်ကြံထားသော သတင်းသာဖြစ်ပြီး အဖြစ်မှန်မှာ ဘရာဇီးနိုင်ငံ မြောက်ပိုင်း ရှိ Pará ပြည်နယ် Parauapebas တွင် အသက် ၁၃ နှစ် အရွယ် Barbara Pereira Lira ဆိုသည့် မိန်းကလေးငယ် မုဒိန်းကျင့်ခံရပြိး ရက်စက်စွာ သတ်ခံရသည့် သတင်းဖြစ်ကြောင်းကို ဘရာဇီး အင်တာနက် သတင်းဌာနများရဲ့ ဖော်ပြချက် အရ သိရပါတယ်။

အဆိုပါ သတင်းကို လုပ်ကြံပြီး ဆိုရှယ် မီဒီယာများတွင် လူမျိုးရေး ဘာသာရေး မုန်းတီးမှုများဖြစ်စေရန် ရည်ရွယ်ချက်ရှိရှိ ဖြန့်ဝေနေခြင်းဖြစ်ကြောင်း လေ့လာတွေ့ရှိပါတယ်။

၎င်း လူမျိုးရေး၊ဘာသာရေး မုန်းတီးမှုဖြစ်ပေါ်စေမည့် လှုံ့ဆော်သည့် သတင်းအား မြန်မာပြည်တွင်း မွတ်စလင် မုန်းတီးရေး လုပ်ဆောင်နေသူ ဦးဝီရသူ ဦးဆောင် လှုပ်ရှားနေသော ၉၆၉ အဖွဲ့၏ အွန်လိုင်းမီဒီယာမှ တခု ဖြစ်သည့် “၉၆၉ မီဒီယာ” နှင့် ပြည်တွင်းမှ တရားဝင်နိုင်ငံရေးပါတီ တခုဖြစ်သည့် မတူကွဲပြားခြင်းနှင့် ငြိမ်းချမ်းရေးပါတီမှ ဥက္ကဌ ဖြစ်သူ ဦးနေမျိုးဝေတို့မှ ၄င်းတို့၏ ဆိုရှယ်မီဒီယာ စာမျက်နှာများမှာ ထပ်ဆင့် ဖြန့်ဝေခဲ့တာကို တွေ့ပါတယ်။

ဦးနေမျိုးဝေ၊ ၉၆၉ မီဒီယာ နှင့် အမျိုး ဘာသာ သာသနာ စောင့်ရှောက်ရေး အဖွဲ့ (မ.ဘ.သ) အမည်ဖြင့် သတင်းများ ထုတ်ပြန်သည့် ဆိုရှယ်မီဒီယာ စာမျက်နှာများတွင် နိုင်ငံတော် ဖွဲ့စည်း အုပ်ချူပ်ပုံ အခြေခံ ဥပဒေ၊ တည်ဆဲ ဥပဒေများ ကို ဆန့်ကျင့်ဖောက်ဖျက်ပြီး မတူညီသော လူမျိုး၊ ဘာသာဝင်များအကြား အမုန်းပွားစေရန် လှုံ့ဆော်သည့် သတင်းနှင့် ဓါတ်ပုံများ အမြောက်အများဖြန့်ချိ လုပ်ဆောင်နေသော်လည်း သက်ဆိုင်ရာ အုပ်ချူပ်ေ၇း အာဏာပိုင်များနှင့် သက်ဆိုင်ရာ နိုင်ငံတော် သံဃာနာယက အဖွဲ့များမှ တားဆီး အရေးယူခြင်း တစုံတရာမ၇ှိသေးပါ။

ဖြစ်ရပ်မှန် သတင်းဓါတ်ပုံ မူရင်းလင့်ခ်များ
———————————————-
http://www.portilhoonline.com.br/giro-de-noticias-adolescente-de-13-anos-foi-estuprada-e-brutalmente-assassinada/

http://ariquemes.yesmania.com.br/noticia/2014/11/27/adolescentes-de-13-anos-e-estuprada-e-morta-apos-marca-encontro-pelo-whatsapp.html

လှုံဆော်ဝါဒဖြန့်နေသည့် လင့်ခ်များ
—————————————
https://www.facebook.com/permalink.php?story_fbid=358855590952845&id=332951146876623
https://www.facebook.com/nay.kamar.9/posts/1504317993166207

December 10, 2014
ဂျူဗင်တပ်စ်၊ မိုနာကိုတို့ နောက်တစ်ဆင့်တက်၊ ဘေဆယ် သမိုင်းသစ် ရေးတဲ့ ချန်ပီယံလိဂ် အုပ်စုနောက်ဆုံး ပွဲစဉ်များ

ဒီဇင်ဘာ ၁၀၊ ၂၀၁၄
M-Media

– ချန်ပီယံလိဂ် ပထမ အုပ်စုလေးခုရဲ့ အုပ်စုနောက်ဆုံးပွဲတွေကို ဒီနေ့မနက်မှာ ကစားခဲ့ပြီး ဂျူဗင်တပ်စ်၊ မိုနာကို၊ ဘေဆယ်တို့ နောက်တစ်ဆင့်ကို တက်ရောက်နိုင်ခဲ့ပါတယ်။ ရီးယဲလ်က ရာနှုန်းပြည့်နိုင်ပွဲနဲ့ မှတ်တမ်းကောင်းတစ်ခု ရခဲ့ပြီး လီဗာပူးလ်တို့ကတော့ ချန်ပီယံလိဂ်သမိုင်းတစ်လျှောက် အဆိုးဝါးဆုံး အခြေအနေနဲ့ အုပ်စုအဆင့်ကနေ လှည့်ပြန်ခဲ့ရပါတယ်။

အုပ်စု A

ဂျူဗင်တပ်စ် ၀-၀ အက်သလက်တီကို
အိုလံပီယာကော့စ် ၄-၂ မာလ်မို

အိမ်ကွင်းမှာကစားခဲ့တဲ့ ဂျူဗင်တပ်စ်တို့ သရေတစ်မှတ် ယူနိုင်ခဲ့တာကြောင့် အုပ်စုဒုတိယနဲ့ နောက်တစ်ဆင့်ကို တက်ရောက်သွားနိုင်ခဲ့ပါတယ်။ ဒါပေမယ့် အိမ်ရှင်တို့ အသာရခြင်းတော့ မရှိပါဘူး။ အက်သလက်တီကိုက ဖိအားပေးနိုင်ခဲ့ပြီး ဂိုးသွင်းခွင့် အချို့ ရခဲ့ပေမယ့် အသုံးမချနိုင်ခဲ့တာကြောင့်သာ အနိုင်မရခဲ့တာပါ။ ဒီပွဲသရေဟာ ဥရောပပွဲတွေမှာ ဂျူဗင်တပ်စ်ရဲ့ အိမ်ကွင်း ၁၀ ပွဲဆက် ရှုံးပွဲမရှိ မှတ်တမ်းကို ရရှိစေခဲ့ပြီး အက်သလက်တီကိုကတော့ ၅ ပွဲဆက်နိုင်ပွဲ ရပ်တန့်ခဲ့ပါတယ်။

ဂျူဗင်တပ်စ်သာ ရှုံးခဲ့ရင် နောက်တစ်ဆင့်တက်နိုင်တာကြောင့် အိုလံပီယာကော့စ်တို့ အိမ်ကွင်းမှာ ကြိုးစားကစားခဲ့ပြီး ဂိုးပြတ်သွင်းကာ အနိုင် ၃ မှတ်ကိုလည်း ရရှိယူနိုင်ခဲ့ပါတယ်။ ဒါပေမယ့် အုပ်စု တတိယနဲ့သာ ကျေနပ်ခဲ့ရပြီး ယူရိုပါလိဂ်မှာပဲ ၀င်ပြိုင်ရပါတော့မယ်။

အုပ်စု B

လီဗာပူးလ် ၁-၁ ဘေဆယ်
ရီးယဲလ် ၄-၀ လူဒိုဂိုးရက်စ်

နောက်တစ်ဆင့်တက်ရေးအတွက် အနိုင်ရဖို့လိုနေတဲ့ လီဗာပူးလ်တို့ အနိုင်မရခဲ့တဲ့အပြင် မရှုံးအောင် အသည်းအသန်ကစားခဲ့ရပါတယ်။ ဒီပွဲမှာ ဘေဆယ်တို့ အံ့သြဖွယ်ခြေစွမ်းပြခဲ့ပြီး ၂၅ မိနစ်မှာပဲ ဖရိုင်းက ဦးဆောင်ဂိုး သွင်းပေးခဲ့ပါတယ်။ ဘောလုံးပိုင်ဆိုင်မှုမှာလည်း ဘေဆယ်ကပဲ အသာရခဲ့ပြီး လီဗာပူးလ်ကတော့ စွဲမက်ဖွယ်ကစားပုံ မရှိခဲ့ပါဘူး။ မိနစ် ၆၀ မှာ မာကိုဗစ် အထုတ်ခံလိုက်ရတာက လီဗာပူးလ်အတွက် ပိုပြီး ဆိုးရွားစေခဲ့ပါတယ်။ အိမ်ရှင်တို့အတွက် သိက္ခာဆယ်ဂိုးကိုတော့ ၈၁ မိနစ်မှာ ဂျရတ်က သွင်းပေးခဲ့တာပါ။ ဘေဆယ်က ဒီပွဲသရေကြောင့် ၇ မှတ်နဲ့ ဒုတိယနေရာရပြီး ရီးယဲလ်နဲ့အတူ နောက်တစ်ဆင့် တက်သွားခဲ့ပါတယ်။

ရီးယဲလ်ကတော့ အိမ်ကွင်းမှာ သက်တောင့်သက်သာ ကစားသွားခဲ့ပြီး ချန်ပီယံလိဂ် ရာနှုန်းပြည့် နိုင်ပွဲမှတ်တမ်းကို ရယူနိုင်ခဲ့ပါတယ်။ ဂိုးတွေကိုတော့ ရော်နယ်ဒို၊ ဘေးလ်၊ အာဘီလိုအာနဲ့ မီဒရန်တို့က သွင်းယူပေးခဲ့တာပါ။ ရီးယဲလ်တို့အဖို့ ပြိုင်ပွဲအားလုံးမှာ ၁၉ ပွဲဆက်တိုက် နိုင်ပွဲရခဲ့တာဖြစ်ပြီး ချန်ပီယံလိဂ် သမိုင်းတစ်လျှောက် အုပ်စုပွဲ ၆ ပွဲစလုံးအနိုင်ရတဲ့ ၆ သင်းမြောက် အသင်းလည်း ဖြစ်လာပါတယ်။

အုပ်စု C

မိုနာကို ၂-၀ ဇင်းနစ်
ဘင်ဖီကာ ၀-၀ လေဗာကူဆင်

ခံစစ်ပိုင်း အကောင်းဆုံးစွမ်းဆောင်ရည်နဲ့အတူ မိုနာကိုတို့ အိမ်ကွင်းမှာ အနိုင်ကစားပြီး နောက်တစ်ဆင့်ကို အုပ်စုပထမနေရာနဲ့ တက်ရောက်နိုင်ခဲ့ပါတယ်။ ဇင်းနစ်ကလည်း အနိုင်ရရင် နောက်တစ်ဆင့်တက်နိုင်မှာဖြစ်လို့ ကြိုးစားကစားခဲ့ပေမယ့် ဂိုးသွင်းခွင့် မယ်မယ်ရရတော့ ရရှိခဲ့ခြင်း မရှိပါဘူး။ မိုနာကိုအတွက် နောက်တစ်ဆင့် တက်စေမယ့် ဂိုးတွေကိုတော့ အက်ဘ်ဒီနောရ်နဲ့ ဖာဘင်ဟိုတို့က ၆၃ မိနစ်နဲ့ ၈၉ မိတို့မှာ သွင်းယူပေးခဲ့တာပါ။ ဇင်းနစ်တို့ကတော့ ယူရိုပါလိဂ် ၀င်ခွင့်နေရာနဲ့ပဲ ကျေနပ်ခဲ့ရပါတယ်။

ပြီးခဲ့တဲ့ပွဲကတည်းက နောက်တစ်တက်ရောက်နိုင်ခဲ့တဲ့ လေဗာကူဆင်အတွက် ဒီပွဲဟာ အုပ်စု ပထမ၊ ဒုတိယ အတွက်သာဖြစ်ပြီး အခွင့်အရေးအချို့ရခဲ့ပေမယ့် အသုံးမချနိုင်ခဲ့တာကြောင့် သရေကျပြီး အုပ်စုဒုတိယနဲ့ နောက်တစ်ဆင့်တက်ခဲ့ပါတယ်။

အုပ်စု D

ဒေါ့မွန် ၁-၁ အန်ဒါလက်ခ်ျ
ဂါလာတာစာရေး ၁-၄ အာဆင်နယ်

ဒေါ့မွန်နဲ့ အာဆင်နယ် နှစ်သင်းစလုံး နောက်တစ်ဆင့်ကို တက်ပြီးသားဖြစ်လို့ ဒီပွဲဟာ ဒီနှစ်သင်းအတွက် အုပ်စု ပထမ၊ ဒုတိယ နေရာအတွက်သာ ဖြစ်ခဲ့ပါတယ်။ အာဆင်နယ်ကတော့ ပရီးမီးယားလိဂ်အရှုံးအတွက် ဒီပွဲမှာ ပေါက်ကွဲပြခဲ့ပြီး ပထပိုင်းမှာပဲ ၃ ဂိုးပြတ်ခဲ့ပါတယ်။ အာဆင်နယ်အတွက် ဂိုးတွေကိုတော့ ခြေစွမ်းမပြနိုင်တဲ့အတွက် ဝေဖန်ခံနေရတဲ့ တိုက်စစ်မှူး ပိုဒေါစကီးက ၂ ဂိုးနဲ့ ရမ်ဆေးက ၂ ဂိုး သွင်းပေးခဲ့တာပါ။ ဒေါ့မွန်ကတော့ အန်ဒါလက်ခ်ျနဲ့ ၁ ဂိုးစီ သရေကျခဲ့တာကြောင့် အာဆင်နယ်နဲ့ ၁၃ မှတ်စီ အမှတ်တူခဲ့ပြီး ဂိုးကွာခြားချက်အရ ဒေါ့မွန်တို့ အုပ်စုပထမနဲ့ နောက်တစ်ဆင့် တက်ခဲ့ပါတယ်။

December 10, 2014
ဆေးဘက်ဝင် အပင်များ သုံးပြီး လက်ရေးဖြင့် နှစ် ၃၀ ကျော်ရေးသားခဲ့သည့် ကုရ်အာန် ကျမ်းစာအုပ် ဒူတိုင်းတွင် ပြသ

ဒီဇင်ဘာ ၁၀ ၊ ၂၀၁၄
M-Media

– ဆေးဖက်ဝင်အပင်များမှ ရရှိသော ပစ္စည်းများကို အသုံးပြုကာ လွန်ခဲ့သည့် နှစ်ပေါင်း ၃၀ ကျော်က ရေးသားပြုစုခဲ့သော ကုရ်အာန် ကျမ်းတော်မြတ်ကို ယူအေအီးနိုင်ငံ ဒူဘိုင်းမြို့ရှိ Heddem Art အနုပညာပြခန်းတွင် ပြသခဲ့သည်ဟု သိရသည်။

`ဆေဘက်ဝင်အပင်တွေနဲ့ လုပ်ထားတဲ့ ထူးခြားတဲ့ ဒီကုရ်အာန်ကျမ်းတော်မြတ်ကို ဖန်တီးရာမှာ ဘ၀ကို မြှုပ်နှံခဲ့တဲ့ ဟာကင်မ် ဟမ်ဒီ တာဟီရ်ထံကနေ ဒီလို အားထုတ် လုပ်ဆောင်မှုမျိုးကို ရရှိတာ ဂုဏ်ယူစရာပါပဲ´ ဟု Heddem Art မှ အစ္စလာမ်ဘာသာရေးဆိုင်ရာ အကြံပေး အဘ်ဒူလ် အဇီယက်ဇ် ဘင် ဟာဆန် မူလာဝီ မာလာဘာရီက Arabian Business သတင်းဌာနသို့ ဒီဇင်ဘာ ၅ ရက် သောကြာနေ့က ပြောကြားခဲ့သည်။

အဆိုပါ ကုရ်အာန်ကျမ်းတော်မြတ်ကို တူရကီ ယူနာနီ တိုင်းရင်းဆေးဆရာ ဟာမစ်တာဟီရ်က ၁၉၅၇ ခုနှစ်မှ ၁၉၇၉ ခုနှစ်အထိ ၂၂ နှစ်တာကာလအတွင်း ၎င်းကိုယ်တိုင် လက်ဖြင့် ရေးသား ဖန်တီးထားခြင်းဖြစ်ပြီး ယူနာနီ ဆေးပညာအရ အာနိသင် အမြင့်မားဆုံး ဆေးဘက်ဝင်အပင်များကို အသုံးပြုထားသည်။

ဆေးဘက်ဝင်အပင်ပေါင်း ၂၀၀ နီးပါးဖြင့် ဖန်တီးထားသော အဆိုပါကျမ်းမြတ်ကို ဖတ်ရှုသူများအနေဖြင့် စာလုံးများနှင့် စာမျက်နှာအား လက်ဖြင့် လှန်လှော ဖတ်ရှုလျှင်ပင် ဆေးဘက်ဝင် အပင်များ၏ အစွမ်းကြောင့် ကျန်းမာရေးဆိုင်ရာ အကျိုးကျေးဇူးများကို ခံစားရမည်ဖြစ်သည်။

ထို ကုရ်အာန်ကျမ်းတော်မြတ်မှာ ၇.၅ ကီလိုအလေးချိန်ရှိပြီး ဖန်တီးရာတွင် လိုအပ်သည့် ဒြပ်ပေါင်းကို ဆေးဘက်ဝင် သစ်စေ့၊ အသီး၊ အရွက်၊ ပင်စည်၊ သစ်ခေါက်နှင့် အမြစ်များမှ ရယူခဲ့ခြင်းဖြစ်သည်ဟု Heddem Art မှ ထုတ်ပြန်သော ကြေညာချက်တွင် ဖော်ပြထားသည်။

`ဒီကုရ်အာန် ကျမ်းတော်မြတ်ထဲက စာလုံးတွေကို ပုံနှိပ်နည်းပညာ၊ ကိရိယာ တန်ဆာပလာ ဒါမဟုတ် ပုံနှိပ်စက်တွေနဲ့ ရိုက်ခဲ့တာ မဟုတ်ဘဲ နှစ်ပေါင်းများစွာ လက်ရေးနဲ့ စိတ်ရှည်စွာရေးခဲ့တာပါ´ ဟု မာလာဘာရီက ထပ်လောင်းပြောကြားခဲ့သည်။

ယူနာနီဆေးပညာကို ဂရိလူမျိုး ဆရာဝန် ဟစ်ပိုကရေတီးစ် (ဘီစီ ၄၀- ၃၇၀) က စတင်ဖော်ထုတ်ခဲ့ခြင်းဖြစ်ပြီး ရှေးခတ်အီဂျစ်နှင့် မက်ဆိုပိုတေးမီးယားတို့တွင် လွန်ခဲ့သည့် နှစ်ပေါင်း ၆၀၀၀ ကျော်ကတည်းက သုံးစွဲလာခဲ့သည်။

ဆေးဘက်ဝင် ခရင်မ်

Heddem Art မှ ထုတ်ပြန်သော ကြေညာချက်အရ အဆိုပါ ကုရ်အာန်ကျမ်းတော်မြတ်၏ စာလုံးများ၊ ကဏ္ဍအမည်များ၊ စာမျက်နှာထိပ်ဆုံးနှင့် ဘေးဘက်ရှိ ကဏ္ဍခေါင်းစဉ်များ၊ ဘေးဘောင် ဒီဇိုင်းများနှင့် စာရွက်နံပါတ်များကို ဆေးဘက်ဝင် ခရင်မ်ကို အသုံးပြုကာ ရေးသားထားသည်ဟု သိရသည်။

စာမျက်မှာ ၆၀၆ မျက်နှာပါဝင်သည့် အဆိုပါ ကုရ်အာန်ကျမ်းတော်မြတ်အတွက် ဒူဘိုင်းရှိ အစ္စလာမ်သာသနာရေးရာ ၀န်ကြီးဌာနမှ မူပိုင်ခွင့်အသိအမှတ်ပြု လက်မှတ်လည်း ထုတ်ပေး ထားသည်။

`ဘယ်သူကမှ ဒီလိုမျိုး ထူးခြားတဲ့ ကုရ်အန်ကျမ်းတော်တော်မြတ်မျိုး ဒါမှမဟုတ် စာအုပ်မျိုး ဖန်တီးထားတာ မရှိဘူးဆိုတာကို အသိအမှတ်ပြုဖို့အတွက် နိုင်ငံပေါင်း ၈၀ မှာရှိတဲ့ ပြတိုက်ပေါင်း ၁၇၁၄ ခုကို ကျွန်တော်တို့ ဆက်သွယ် စုံစမ်းခဲ့ပါတယ်။ ပြီးတော့ ဒီကုရ်အာန်ကျမ်းတော်မြတ်ကို ၀ယ်ဖို့ ကမ်းလှမ်းလာသူတွေလည်းရှိပြီး ကျွန်တော်တို့က ၀ယ်ယူသူဟာ အစ္စလာမ့်ရဲ့ တန်ဖိုးတွေကို နှစ်သက်မြတ်နိုးတဲ့လူ ဖြစ်သင့်တယ်လို့ သတ်မှတ်ထားပါတယ်´ ဟု မာလာဘာရီ က ဆိုသည်။

ကုန်အာန်ကျမ်တော်မြတ်မှာ အလ္လာဟ်အရှင်မြတ်ထံတော်ပါးမှ ထုတ်ပြန်သည့် ကျမ်းဖြစ်ပြီး ထိုကျမ်းကို ရေးသားသီကုံးသူမှာ အလ္လာဟ်အရှင်မြတ်ကိုယ်တော်တိုင်ပင် ဖြစ်သည်။ မူရင်းမှာ အာရဘီဘာသာစကား တစ်ခုတည်းဖြင့်သာရှိပြီး ဘာသာပြန်များကို ကမ္ဘာဘာသာစကားများဖြင့် ပြန်ဆိုထားကြသည်။

အဆိုပါ ကုရ်အာန်ကျမ်းတော်မြတ်မှာ တမန်တော်မြတ် မုဟမ္မဒ်သခင်ထံသို့ ကောင်းကင်တမန်ကြီး ဂျစ်ဘရာအီလ်မှတစ်ဆင့် ၂၃ နှစ်တာကလအတွင်း အပိုင်းလိုက် ကျရောက်ခဲ့ခြင်းဖြစ်ပြီး မုဟမ္မဒ်သခင်က အာဂုံဆောင်၍လည်းကောင်း၊ တပည့်သာဝကများအား ရေးသားမှတ်တမ်းတင်စေ၍လည်းကောင်း ထိန်းသိမ်းခဲ့ခြင်းဖြစ်သည်။

December 9, 2014
ဟောင်ကောင်တွင် အင်ဒို အိမ်အကူ အမျိုးသမီး ဖုန်စုပ်စက် ပါးစပ်ထဲ ထည့်ကာ နှိပ်စက်ခံရ

ဒီဇင်ဘာ ၉ ၊ ၂၀၁၄
M-Media

– အိမ်အကူလုပ်သားများအား နှိပ်စက်ညှင်းပန်းသည့် နာမည်ပျက်ရှိသော ဟောင်ကောင်တွင် ယခုနောက်ဆုံး အင်ဒိုနီးရှား အိမ်ဖော်တစ်ဦး လူမဆန်စွာ ညှင်းပန်း နှိပ်ခြင်းခံရသည့် သတင်းတစ်ခု ထွက်ပေါ်လာခဲ့သည်။

ညှင်းပန်း နှိပ်စက်ခံရသူမှာ အသက် ၂၃ နှစ်အရွယ်ရှိ အိမ်အကူ လုပ်သား အင်ဒိုနီးရှား အမျိုးသမီး Erwiana Sulistyaningsih ဆိုသူဖြစ်ပြီး သူမအလုပ်လုပ်ခဲ့သော အိမ်ရှင်က ဖုန်စုပ်စက်အား သူမ၏ ပါးစပ်ထဲသို့ထည့်ကာ ညှင်းပမ်းနှိပ်စက်ခဲ့သည်ဟု တရားရုံးတွင် ထွက်ဆိုခဲ့သည်။

ထိုဖုန်စုပ်စက်ဒဏ်ကြောင့် သွားများကျိုးသွားခဲ့ပြီး နှုတ်ခမ်းများလည်း ပဲ့ရွဲ့ထုတ်ကုန်ခဲ့ကာ အလုပ်လုပ်ခဲ့သည့် ၆ လတာကာလအတွင်း ထိုးခြင်း၊ ပါးရိုက်ခြင်း၊ ကန်ကျောက်ခြင်းနှင့် သတိလစ်သွားသည်အထိ ရိုက်နှက်ခြင်းတို့အပါအ၀င် နည်းလမ်းပေါင်းစုံဖြင့် နှိပ်စက်ညှင်းပန်းခြင်း ခံခဲ့ရသည်ဟု ၂ ရက်တာ ကြားနာမှုအတွင်း ဘာသာပြန်မှတစ်ဆင့် Sulistyaningsih က ပြောကြားခဲ့သည်။

သူမ၏ မျက်နှာ ဆိုးရွားစွာ ဒဏ်ရာရနေသည့် ဓာတ်ပုံများ ယခုနှစ်အစောပိုင်းက အင်တာနက် စာမျက်နှာတွင် ပြန့်နှံ့ခဲ့ပြီးနောက် နိုင်ငံတကာမှ လူ့အခွင့်အရေးအဖွဲ့များက ဟောင်ကောင်အစိုးရအား ပြင်းထန်စွာ ဝေဖန်ကန့်ကွက်ခဲ့ကြသည်။

နိုင်ငံတကာ လူ့အခွင့်အရေးအဖွဲ့ဖြစ်သော Amnesty International အဖွဲ့ကမူ ထိုကိစ္စအတွက် ဇွန်လက ကြေညာချက်တစ်ခု ထုတ်ပြန်ခဲ့ပြီး နိုင်ငံခြားအလုပ်သများအား ညှင်းပန်းနှိပ်စက်မှုများနှင့် ခေါင်းပုံဖြတ် အမြတ်ထုတ်မှုများကို အဆုံးသတ်အောင် ဆောင်ရွက်ရန် ဟောင်ကောင်အစိုးရအား တိုက်တွန်းခဲ့သည်။

Sulistyaningsih ကမူ အိမ်ရှင်အမျိုးသမီးမှာ သူမအား ကိုယ်လုံးတီးပြုလုပ်ကာ ရေချိုးခန်းထဲတွင် ရေခဲရေဖြင့် လောင်းချခဲ့ပြီး ပန်ကာဖွင့်၍ နာရီပေါင်းများစွာကြာ အေးစက်နေအောင် ထားခဲ့ကြောင်း၊ တစ်နေ့တွင် ၄ နာရီသာ အိပ်ရပြီး နာရီ ၂၀ ခန့် အလုပ်လုပ်ရကြောင်း၊ ကျွေးသည့်အစားအစာမှာလည်း ပေါင်မုန့်အနည်းငယ်နှင့် ဆန်ပြုတ်တစ်ခွက်သာဖြစ်ကြောင်း ထည့်သွင်းပြောကြားခဲ့သည်။

သူမ၏ အိမ်ရှင်ဖြစ်သော အသက် ၄၄ နှစ်အရွယ် အမျိုးသမီး လော်ဝမ်သန်ကို ဟောင်ကောင် တရားရုံးက ခန္ဓာကိုယ်အား အပြင်းအထန်နာကျင်စေမှု၊ ကိုယ်ထိလက်ရောက်ကျူးလွန်မှုနှင့် ရာဇ၀တ်မှုဆိုင်ရာ ခြိမ်းခြောက်အကျပ်ကိုင်မှုတို့ အပါအ၀င် ပုဒ်မ ၂၁ ခုဖြင့် စွဲချက်တင်ထားသည်။

ref_ CNN

December 9, 2014
လူသားချင်းစာနာ ထောက်ထားမှု ကူညီရေးတွင် တူရကီ ကမ္ဘာအဆင့် ၁ သတ်မှတ်ခံရ

ဒီဇင်ဘာ ၉ ၊ ၂၀၁၄
M-Media

Turkish Cooperation နှင့် Nationa Coordination Agency ၏ တနင်္ဂနွေနေ့ ထုတ်ပြန်သော ၂၀၁၃ ခုနှစ်အစီခံစာအရ တူရကီနိုင်ငံသည် ဌာနဆိုင်ရာများမှ တစ်ဆင့်အားဖြင့်လည်းကောင်း၊ ကမ္ဘာတစ်ဝှန်းရှိ အကျိုးအမြတ်မယူသည့် အဖွဲ့အစည်းများမှ တစ်ဆင့်လည်းကောင်း လူသားချင်းစာနာထောက်ထားမှု အကူအညီများပေးခြင်း ကဏ္ဍ၌ အများဆုံးဖြစ်ကြောင်း၊ ကမ္ဘာ့ပထမအဆင့် သတ်မှတ်ခံရကြောင်း၊ တန်ဖိုးအားဖြင့် ဒေါ်လာ ၄.၃ ဘီလီယံအထိ ရှိနေကြောင်း သိရသည်။ ၎င်းမှာ တူရကီနိုင်ငံ၏ Gross National Product – GNP ပေါ် မူတည် တွက်ချက်ထားခြင်းဖြစ်သည်။

၂၀၁၃ ခုနှစ်တွင် ထုတ်ပြန်သည့် Economic Co-operation and Development Organisattion စာရင်းအရ တူရကီနိုင်ငံသည် အမေရိကန်၊ ဥရောပသမဂ္ဂ၊ ဗြိတိန်၏ နောက်တွင် ကမ္ဘာ့စတုတ္ထဆင့် အလှူရှင်နိုင်ငံဖြစ် လာကြောင်း ဖော်ပြသည်။ OECD ကမူ လူသားချင်းစာနာထောက်ထားရေး ကူညီမှုကို ၂၀၁၃ ခုနှစ်၏ GNP ၀.၂၁ ရာခိုင်နှုန်းပေါ် မူတည်ပြီး တူရကီနိုင်ငံအား ပထမနေရာအဖြစ် သတ်မှတ်လိုက်သည်။

တူရကီ၏ လူသားချင်းစာနာထောက်ထားမှု အကူအညီများကို ဒေသဆိုင်ရာ အလိုက် ပိုင်းခြားထားသည်။ အရှေ့အလယ်ပိုင်းတွင် ၅၅.၉ ရာခိုင်နှုန်း၊ အာဖရိကတွင် ၂၄.၇ ရာခိုင်နှုန်း၊ ဗဟိုအာရှနှင့်တောင်အာရှတွင် ၁၅.၃ ရာခိုင်နှုန်း၊ ဘော်လကန်ဒေသများတွင် ၁၅.၃ ရာခိုင်နှုန်းနှင့် အရှေ့ဥရောပတွင် ၃.၁ ရာခိုင်နှုန်းတို့ဖြစ်ကြသည်။

ထိုကူညီကယ်ဆယ်ရေးအထောက်အပံ့များသည် အာဖဂန်နစ္စတန်၊ ယီမင်၊ ဟေတီ နှင့် ဖိလစ်ပိုင် အပါအ၀င် နိုင်ငံပေါင်း ၁၂၀ အထိ ၂၀၁၃ ခုနှစ်အတွင်း ရောက်ရှိခဲ့သည်။

၎င်းတို့ကို အများဆုံးရရှိခံစားရသည့်နိုင်ငံများမှာ ဆီးရီးယား၊ အီဂျစ်နှင့် ကိုင်ဂျစ္စတာန်တို့ ဖြစ်သည်။ ဆိုမားလီယား၊ အာဖဂန်နစ္စတန်၊ ပါလက်စတိုင်း၊ ပါကစ္စတန်၊ ကာဇက်စတန်၊ တူနီးရှား၊ အဇာဘိုင်ဂျန် တို့သည်လည်း အများဆုံးရရှိခံစားရသော နိုင်ငံများစာရင်းတွင် ပါဝင်သည်။

အဆိုပါစာရင်း၌ တူရကီ၏နောက်တွင် ဂျပန်နှင့် ဂျာမဏီတို့မှ ကပ်လိုက်နေသည်။

World Bulletin

December 9, 2014