နိုဝင်ဘာ ၂၃ ၊ ၂၀၁၄
M-Media
– ပရီးမီးယားလိဂ် ပွဲစဉ် ၁၂ ရဲ့ ၇ ပွဲကို မနေ့က ကစားခဲ့ပြီး ထိပ်ဆုံးက ချယ်ဆီးနဲ့ မန်စီးတီးတို့ အနိုင်သေချာခဲ့ကာ အဆင့် ၄ က ၀က်စ်ဟမ်းကတော့ အဲဗာတန်ကို အဝေးကွင်းမှာ ရှုံးခဲ့ပါတယ်။ ဒီတစ်ပတ် Match of The Week ဖြစ်တဲ့ အာဆင်နယ်နဲ့ မန်ယူတို့ပွဲမှာတော့ အာဆင်နယ်က အကောင်းဆုံး ကစားနိုင်ခဲ့ပေမယ့် ဂိုးသမား ဒီဂီယာကြောင့် အနိုင် ၃ မှတ်ကို မန်ယူက ရသွားခဲ့ပါတယ်။ ဇယားအောက်ဆုံးက ဘန်လေကလည်း ဒီတစ်ပတ်မှာ ၂ ပွဲဆက် အနိုင်ရခဲ့ပါတယ်။
ပြီးခဲ့တဲ့ တစ်ပတ်က ဆွမ်ဆီးကို ရှုံးပြီး ပရီးမီးယားလိဂ် ဖလားအတွက် မလိုက်နိုင်တော့ဘူးလို့ ၀န်ခံခဲ့တဲ့ ၀င်းဂါးရဲ့ အာဆင်နယ် အိမ်ကွင်း အီမရိတ်မှာ ဘောလုံးပိုင်ဆိုင်မှု အသာ ဂိုးသွင်းခွင့် အသာနဲ့ ကစားနိုင်ခဲ့ပေမယ့် အနိုင် ၃ မှတ်တော့ မရခဲ့ပါဘူး။ နောက်ခံလူဒဏ်ရာတွေကြောင့် မျက်နှာသစ်တွေ ထုတ်သုံးခဲ့ရတဲ့ မန်ယူနောက်တန်းရဲ့ လျော့ရဲမှုကို အခွင့်ကောင်းယူပြီး ၀ဲလ်ဘတ်၊ ၀ီလ်ရှိုင်းယားတို့ရဲ့ တွဲလုံးတွေနဲ့ မန်ယူဂိုးပေါက်ကို တရစပ် ခြိမ်းခြောက်ခဲ့ပေမယ့် မန်ယူဂိုးသမား ဒီဂီယာ အံ့သြလောက်စရာ ကာကွယ်နိုင်ခဲ့တာကြောင့် အာဆင်နယ်တို့ မန်ယူနဲ့တွေ့တိုင်း ရလဒ်မကောင်းတဲ့ စံချိန်ကို ဆက်ထိန်းနိုင် ခဲ့ပါတယ်။
နောက်ခံလူ ကီရင်ဂစ်ဘ်က ၅၆ မိနစ်မှာ ကိုယ့်ဂိုးကိုယ်သွင်းမှုကြောင့် မန်ယူတို့ ဦးဆောင်ဂိုးရခဲ့ပြီး ပွဲပြီးဖို့ ၅ မိနစ်အလိုမှာ အင်္ဂလန်မင်းသား ၀ိန်းရူနီက ဒုတိယဂိုးသွင်းပေးခဲ့ပါတယ်။
ဒီပွဲအနိုင်ဟာ မန်ယူအတွက် ဒီရာသီအဝေးကွင်း ပထဆုံး နိုင်ပွဲလည်းဖြစ်ပါတယ်။ တစ်ပွဲလုံးဂိုးရဖို့ကြိုးစားခဲ့တဲ့ အာဆင်နယ်တို့အတွက် နှစ်သိမ့်ဂိုးကို နာကျင်အချိန်ပိုနောက်ဆုံးမိနစ်မှာ ရရှိခဲ့ပြီး ဒဏ်ရာက သက်သာလာတဲ့ တိုက်စစ်မှူး ဂျရူးက သွင်းယူပေးခဲ့တာပါ။
သမိုင်းတစ်လျှောက် အကောင်ဆုံးရာသီအစ မှတ်တမ်းကို ရရှိနေတဲ့ ချယ်ဆီးကလည်း အိမ်ကွင်းမှာ တစ်ယောက်လျော့ ၀က်စ်ဘရွန်းကို ၂ ဂိုးပြတ်နဲ့ အနိုင်ရခဲ့ပါတယ်။ ချယ်ဆီးအတွက် ဂိုးတွေကိုတော့ ဒဏ်ရာကသက်သာပြီး ပထမဆုံး ပြန်ပါလာတဲ့ ဒီယေဂိုကော်စတာက ၁၁ မိနစ်နဲ့ ဟဇာ့တ်က ၂၅ မိနစ်တို့မှာ သွင်းယူပေးခဲ့တာပါ။
မန်စီးတီးကတော့ ဒီရာသီ ပုံစံကောင်းတွေရပြီး အဆင့် ၅ အထိ တက်လှမ်းထားနိုင်တဲ့ ဆွမ်ဆီးကို အိမ်ကွင်းမှာ ၂ ဂိုး ၁ ဂိုးနဲ့ အနိုင်ရခဲ့ပါတယ်။ ဒါပေမယ့် ဦးဆောင်ဂိုးအရင်ပေးလိုက်ရပြီး နောက်မှ ချေပဂိုးနဲ့ အနိုင်ဂိုးတွေ လိုက်သွင်းနိုင်ခဲ့တာပါ။ ဆွမ်ဆီးအတွက် ဦးဆောင်ဂိုးကို ၉ မိနစ်မှာပဲ အသင်းရဲ့ဂိုးသွင်းစက် ဘိုနီက သွင်းယူပေးခဲ့တာဖြစ်ပါတယ်။ နောက်ပိုင်းမှာတော့ အိမ်ရှင်တို့ ပွဲကို စိုးမိုးခဲ့ပြီး ယိုဗီတစ်နဲ့ ယာယာတိုးယေးတို့က ၁၉ မိနစ်နဲ့ ၆၂ မိနစ်တို့မှာ ချေပဂိုးနဲ့ အနိုင်ဂိုးတွေ သွင်းယူပေးခဲ့ပါတယ်။
ပါဂျူးရဲ့ နယူးကာဆယ်ကလည်း လူငယ်တွေနဲ့ ပရီးမီးယားလိဂ် နောက်ဆုံး ၅ ပွဲဆက် နိုင်ပွဲကို ရယူနိုင်ခဲ့ပါတယ်။ ဒဏ်ရာရကစားသမားတွေ ရှိနေတာကြောင့် လူငယ်အချို့ကို ပွဲထုတ်ခဲ့တာဖြစ်ပြီး ဒီပွဲမှာလည်း အဓိကနောက်ခံလူ တေလာတစ်ယောက် ဒဏ်ရာထပ်ရသွားပြန်ပါတယ်။ နယူးကာဆယ်အတွက် တစ်လုံးတည်းသော အနိုင်ဂိုးကိုတော့ ၇၈ မိနစ်မှာ မူဆာ စစ်ဆိုကိုက သွင်းယူပေးခဲ့တာပါ။ ဒီပွဲဟာ ပြိုင်ပွဲအားလုံးမှာ နယူးကာဆယ်ရဲ့ ၆ ပွဲဆက်အနိုင်ဖြစ်ပြီး ပရီးမီးယားလိဂ်မှာလည်း အဆင့် ၄ နေရာကို တက်လှမ်းလာနိုင်ခဲ့ပါတယ်။
ပြီးခဲ့တဲ့တစ်ပတ်က ဟားလ်စီးတီးကိုနိုင်ပြီး ပရီးမီးယားလိဂ် ပထမဆုံးနိုင်ပွဲရခဲ့တဲ့ ဘန်လေကလည်း ဒီတစ်ပတ်မှာ စတုတ်စီးတီးကို ၁ မိနစ်အတွင်း သွင်းယူခဲ့တဲ့ ၂ ဂိုးနဲ့ အနိုင်ရခဲ့ပါတယ်။ ဘန်လေအတွက် ဂိုးတွေကိုတော့ ဒန်နီ အင့်ဂ်စ်က ၁၂ မိနစ်နဲ့ ၁၃ မိနစ်မှာ သွင်းပေးခဲ့တာပါ။
အဆင့် ၄ က ၀က်စ်ဟမ်းကတော့ အဆင့် ၁၀ က အဲဗာတန်ကို အဝေးကွင်းမှာ ၂ ဂိုး ၁ ဂိုးနဲ့ ရှုံးနိမ့်ခဲ့ပါတယ်။
ပရီးမီးယားလိဂ် ပွဲစဉ် ၁၂ စနေနေ့ပွဲတွေရဲ့ အနိုင်အရှုံးရလဒ်တွေကတော့ အောက်ပါအတိုင်းဖြစ်ပါတယ်။
ချယ်ဆီး ၂-၀ ၀က်စ်ဘရွန်း
အဲဗာတန် ၂-၁ ၀က်စ်ဟမ်း
လက်စတာ ၀-၀ ဆန်းဒါးလန်း
နယူးကာဆယ် ၁-၀ ကျူပီအာရ်
စတုတ် ၁-၂ ဘန်လေ
မန်စီးတီး ၂-၁ ဆွမ်ဆီး
