Blog

အောက်တိုဘာ ၂၂၊ ၂၀၁၄
M-Media

၂၀၁၅ ရွေးကောက်ပွဲတွင် ဘာသာရေး၊ လူမျိုးရေး ခုတုံးလုပ်ဟောပြောမှု တားမြစ်မည်မဟုတ်၊ ဧည့်နိုင်ငံသားနှင့် ယာယီ သက်သေခံ ကတ်ကိုင်သူများ မဲပေးခွင့်မရှိဟုဆို

– ၂၀၁၅ ခုနှစ် နှစ်ကုန်ပိုင်းတွင် ပြုလုပ်ရန် စီစဉ်ထားသော အထွေထွေရွေးကောက်ပွဲအား ရွှေ့ဆိုင်းမည်ဆိုသည့် သတင်းများကို မြန်မာအစိုးရက ငြင်းဆိုလိုက်ပြီး စီစဉ်ထားသည့်အတိုင်း ဆောင်ရွက်သွားမည်ဟု ပြောကြားလိုက်သည်။

အောက်တိုဘာ ၂၁ ရက်နေ့က ရန်ကုန်မြို့တွင် နိုင်ငံရေးပါတီများနှင့် တွေ့ဆုံစဉ်အတွင်း ပြည်ထောင်စုရွေးကောက်ပွဲကော်မရှင် ဥက္ကဌ ဦးတင်အေးက ပြောကြားခဲ့ခြင်းဖြစ်ပြီး လာမည့်နှစ် အောက်တိုဘာလနှောင်းပိုင်းနှင့် နိုဝင်ဘာလ အစောပိုင်းတွင် ကျင်းပပြုလုပ်ရန် စီစဉ်ထားသည့် အဆိုပါ ရွေးကောက်ပွဲအား လေ့လာရန် ပြည်တွင်းနှင့် နိုင်ငံတကာမှ စောင့်ကြည့် လေ့လာသူများကို ဖိတ်ကြားသွားမည်ဟု ၎င်းက ဆိုသည်။

၂၀၁၀ ရွေးကောက်ပွဲနှင့် ၂၀၁၂ ကြားဖြတ်ရွေးကောက်ပွဲတွင် ဧည့်နိုင်ငံသားနှင့် ယာယီသက်သေခံလက်မှတ်ကိုင်ဆောင် သူများကို နိုင်ငံရေးပါတီထူထောင်ခွင်၊့ ပါတီဝင်ဖြစ်ခွင့် နှင့်မဲပေးခွင့်ပြုခဲ့သော်လည်း လာမည့် ၂၀၁၅ ရွေးကောက်ပွဲတွင်မူ နိုင်ငံရေးပါတီထူထောင်ခွင့်၊ ပါတီဝင်ဖြစ်ခွင့်မပြုသည့်အပြင် မဲပေးခွင့်လည်း မပြုတော့ကြောင်း ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးတင်အေးက ယနေ့ ရန်ကုန်မြို့ ၊ ပန်ဒါဟိုတယ်တွင် ကျင်းပသော နိုင်ငံရေးပါတီများနှင့်တွေ့ဆုံပွဲတွင် ပြောဆိုခဲ့တယ်ဆိုတာကို ဧရာဝတီ သတင်းတပုဒ်မှာ ဖော်ပြထားပါသည်။

ဒါအပြင် ၂၀၁၅ အထွေထွေ ရွေးကောက်ပွဲ ကာလတွင် ဘာသာရေးနှင့် လူမျိုးရေးကို ခုတုံးပြု ဟောပြောစည်းရုံး ခြင်းများကို တားမြစ်မည် မဟုတ်ဘဲ ရွေးကောက်ပွဲအပြီးတွင် ရောက်ရှိလာသည့် ကန့်ကွက်လွှာများအတိုင်း အရေးယူသွားမည်ဟု ကော်မရှင်
ဥက္ကဋ္ဌ ဦးတင်အေးက အောက်အတိုင်း ပြောကြားကြောင် မဇ္ဈိမ သတင်းဌာနရဲ့ ဖော်ပြချက်အရ သိရပါသည်။
“လူမျိုးရေး ဘာမှမပြောဘူး။ ဘာသာရေးလည်း လုပ်ချင်လုပ် ဖွင့်ပေးမယ်၊ သိပ်ပေါ်တင်ကြီး ဖြစ်လာလို့ ရွေးကောက်ပွဲပြီး ကန့်ကွက်လွှာတင်တိုင်လာမှ ဥပဒေအရ အဆုံးဖြတ်ပေးမယ်။ ဒါကတော့ ကျွန်တော့် တို့ လက်ထဲရောက်လာပြီ။ ဥပဒေအတိုင်း လုပ်မှာပါ”ဟု ၎င်းက ပြောသည်။

အဆိုပါ အထွေထွေရွေးကောက်ပွဲမှာ ရာစုနှစ်ဝက်ကြာ စစ်အုပ်ချုပ်ရေးကို အဆုံးသတ်ကာ ယခင်စစ်ခေါင်းဆောင် ဗိုလ်ချုပ်မှူးကြီးသန်းရွှေက အရပ်သားအစိုးရအား အာဏာလွှဲပေးခဲ့ပြီး နောက်ပိုင်း ဒုတိယအကြိမ် ကျင်းပပြုလုပ်မည့် ရွေးကောက်ပွဲလည်း ဖြစ်သည်။

၂၀၁၀ ခုနှစ်တွင် ပြုလုပ်ခဲ့သည့် ရွေးကောက်ပွဲတွင် စစ်တပ်ကျောထောက်နောက်ခံ ပြုထားသော ကြံ့ခိုင်ရေးပါတီ အနိုင်ရရန် လှည့်ကွက်များရှိခဲ့သည်ဟု အများစုက ရှုမြင်နေကြသည်။

ထို့ပြင် လက်ရှိအစိုးရ ခေါင်းဆောင်များမှာ လာမည့်ရွေးကောက်ပွဲတွင် အနိုင်ရရှိရန် မသေချာသောကြောင့် ၎င်းတို့ပြန်လည်ရွေးကောက်ခံနိုင်ရေး ပြင်ဆင်ချိန်ပိုရရန်အတွက် ၂၀၁၅ ရွေးကောက်ပွဲကို ရွှေ့ဆိုင်းရန်ရှိနေသည်ဟု ကောလဟာလများလည်း ထွက်ပေါ်နေသည်။

အတိုက်အခံခေါင်းဆောင် ဒေါ်အောင်ဆန်းစုကြည်ကလည်း ၂၀၁၅ ခုနှစ် ရွေးကောက်ပွဲမှာ လွတ်လပ်၍ တရားမျှတမှုရှိကာ သတ်မှတ်ထားသည့် အချိန်အတိုင်း ဆောင်ရွက်သင့်သည်ဟု ပြောကြားထားသည်။

ကိုးကား- AP,ဧရာဝတီ,မဇ္ဈိမ