စက်တင်ဘာ ၂၀၊ ၂၀၁၄
M-Media
– လူပေါင်း ၂ သိန်း ၅ သောင်းခန့်ကို သတ်ဖြတ်ခဲ့သည်ဟု ယုံကြည်ရသည့် နာဇီ အကျဉ်းစခန်း တစ်ခုကို ရှေးဟောင်း သုတေသန ပညာရှင်များက ပိုလန်နိုင်ငံတွင် ရှာဖွေတွေ့ရှိခဲ့သည်ဟု သိရသည်။
နိုင်ငံအရှေ့ပိုင်း ဆိုဘီဘောရ်မြို့ရှိ ကတ္တရာလမ်းတစ်ခုအောက်တွင် အုတ်ရိုးများကို စက်တင်ဘာ ၁၈ ရက်နေ့က တွေ့ရှိခဲ့ခြင်းဖြစ်ပြီး၊ တစ်ချိန်က တည်ရှိခဲ့သည့် အကျဉ်းစခန်း၏ နံရံများဖြစ်သည်ဟု ရှေးဟောင်း သုတေသန ပညာရှင်များက ဆုံးဖြတ်ခဲ့ကြသည်။
“နောက်ဆုံးမှာတော့ ကျွန်တော်တို့ ရည်ရွယ်ချက်ဖြစ်တဲ့ ဓာတ်ငွေ့အကျဉ်းစခန်းကို တွေ့ရှိခဲ့ပါပြီ။ ဒီအဆောက်အဦးရဲ့ အရွယ်အစားနဲ့ မပျက်စီးသေးတဲ့ နံရံတွေကို တွေ့ရှိခဲ့ရတဲ့အတွက် အံ့သြရပါတယ်” ဟု ရှေးဟောင်း သုတေသနပညာရှင် ယိုရမ် ဟိုင်မီက Reuters သတင်းဌာနသို့ ပြောကြားခဲ့သည်။ ဟိုင်မီ၏ ဦးလေးနှစ်ဦးမှာ ထိုအကျဉ်းစခန်းတွင် သေဆုံးခဲ့သည်။
ထိုကဲ့သို့ရှာဖွေတွေ့ရှိမှုမှာ ထိုအကျဉ်းစခန်းတွင် အသတ်ခံရသူ အတိအကျနှင့် ထိုအကျဉ်းစခန်း၏ အရွယ်အစားတို့ကို သိရှိစေရန် ကူညီနိုင်မည်ဖြစ်သည်။
၁၉၄၃ ခုနှစ်က အဆိုပါအကျဉ်းစခန်းမှ နာဇီဝန်ထမ်းများအကြား ဆန္ဒပြမှုများ ဖြစ်ပွားခဲ့ပြီး နာဇီ SS အဖွဲ့ဝင် ၁၂ ဦး သေဆုံးခဲ့ပြီးနောက် SS အဖွဲ့ဝင်ခေါင်းဆောင် ဟင်းနရစ် ဟင်းမလားက ထိုအကျဉ်းစခန်းအား ပိတ်ပစ်ရန် အမိန့်ပေးခြင်းဖြစ်သည်။ ထို့နောက် နာဇီများက ထိုအကျဉ်းစခန်းအား ဖျက်ဆီးခဲ့ပြီး အကျဉ်းစခန်းအပေါ်၌ ကတ္တရာလမ်များခင်းကာ ပုံဖျက်ခဲ့သည်။
ဆိုဘီဘောရ် အကျဉ်းစခန်းမှာ နာဇီများ လက်စဖျောက်ခဲ့သည့် အခြားသော အကျဉ်းစခန်းများ၊ အလုပ်ကြမ်း စခန်းများနှင့် မတူညီဘဲ ထိုစခန်းသို့ ရောက်ရှိလာသည့် အကျဉ်းသားများကို ဓာတ်ငွေ့ဖြင့် လျင်လျင်မြန်မြန်ပင် အဆုံးစီရင်ခဲ့သည်။ သို့သော်လည်း နာဇီတို့၏ ဖျက်ဆီးမှုကြောင့် ဂျူးအကျဉ်းသား မည်မျှအဖမ်းခံခဲ့ရသည် ဆိုခြင်းနှင့် မည်မျှ သေဆုံးခဲ့သည်ကို တိတိကျကျ မသိရှိရသေးပေ။
ref_RT
