စက်တင်ဘာ ၆ ၊ ၂၀၁၄
M-Media
စတုရန်းကီလိုမီတာ လေးသိန်း ခြောက်သောင်းရှိသော ကိုယ်ပိုင်အုပ်ချုပ်ခွင့်ရ မွန်ဂိုးလီယန်းနယ်ပယ်၏ အစိတ်အပိုင်း တစ်ခုဖြစ်သည့် Qiemo ခရိုင်တွင် ပြီးခဲ့သည့် သြဂုတ်လက မက်လုံးပေးသိမ်းသွင်းမှုအသစ်များကို ပထမဆုံး ကြေငြာလိုက်သည်။
ဝီဂါ မွတ်စလင်မ် တယောက်နဲ့ ဟန်တရုတ်လူမျိုး တယောက် လက်ထပ်ခဲ့ရင် အဲဒီစုံတွဲကို တနှစ်ကို ယွမ် ၁ သောင်း( ဒေါ်လာ ၁၆၀၀ နီးပါး) ၅ နှစ် တိတိထောက်ပံ့မယ်လို့ ကြေညာချက် ထုတ်လိုက်တာပါ။
တရုတ်အစိုးရရဲ့ ဒီ မက်လုံးပေး စီမံချက်ဟာ ဝီဂါ မွတ်စလင်မ် လူမှုအသိုင်းအဝန်း ရဲ့ ရာစုနှစ်ပေါင်းချီကြာ ယဉ်ကျေးမှု လက္ခဏာများကို ခေတ်နဲ့ အညီ လိုက်လျောညီထွေမှု လုပ်ပစ်ရန် အကြောင်းပြချက်ပေးပေမယ့် ဝီဂါ မွတ်စလင်မ်ကြားမှာ သွေးနှော စုံတွဲတွေ များလာအောင် လုပ်ဆောင်တာလို့ ဒေသခံ ဝီဂါ မွတ်စလင်မ် ကြားမှာ ဝေဖန် ကန့်ကွက်မှုတွေရှိနေပါတယ်။
ရုပ်ဝတ္ထုမက်လုံးများက နိုင်ငံရေး၊ စီးပွားရေးနှင့် လူမှုရေးပြဿနာတို့ကို ဖြေရှင်းပေးနိုင်သည် တစ်နည်း ရင်ကြားစေ့ပေးနိုင်သည်ဟု ၎င်းတို့မှ ယူဆထားပုံရကြောင်း သြစတေးလျ၊ Griffith တက္ကသိုလ်မှ ရှင်းကျန်းအရေးကျွမ်းကျင်သူ မိုက်ကယ် ကလပ်မှ The Guardian သို့ စက်တင်ဘာ (၂) ရက် အင်္ဂါနေ့က ပြောကြားခဲ့ပါတယ်။
စတုရန်းကီလိုမီတာ လေးသိန်းခြောက်သောင်းရှိသော ကိုယ်ပိုင်အုပ်ချုပ်ခွင့်ရ မွန်ဂိုးလီယန်းနယ်ပယ်၏ အစိပ်အပိုင်းတစ်ခုဖြစ်သည့် Qiemo ခရိုင်တွင် ပြီးခဲ့သည့် သြဂုတ်လက မက်လုံးပေးသိမ်းသွင်းမှုအသစ်များကို ပထမဆုံး ကြေငြာလိုက်တာပါ။
Qiemo ခရိုင်၏ သွေးနှောထိမ်းမြားစေခြင်း မူဝါဒမှာ ဒေသတွင်းရှိ တရုတ်ပေါ်လစီ၏ ယေဘူယျ သဘောထား တစ်ပိုင်းတစ်စ ပေါ်လွင်နေပါတယ်။
ယင်းမူဝါဒသစ်အရ ဇနီးမောင်နှံနှစ်ဦးအနက် တစ်ဦးသည် လူနည်းစုတိုင်းရင်းနွယ်ဖြစ်ပြီး နောက်တစ်ဦးသည် ဟန်တရုတ်ဖြစ်ပါလျှင် အထူးအခွင့်အရေးတစ်ရပ် စီစဉ်ပေးမည်ဟု တရုတ်အာဏာပိုင်များက အခိုင်အမာဆိုလိုက်သည်။
အဆိုပါအစီအစဉ်၌ ၎င်းတို့ရည်ညွှန်းသည့် မျိုးရော စုံတွဲအတွက် အိမ်ထောင်ကျပြီး ပထမငါးနှစ် အတွင်း နှစ်စဉ် ယွမ်ငွေ တစ်သောင်း (ပေါင်စတာလင် ၉၈၀)၊ အိုးအိမ်၊ ကျန်းမာရေးစောင့်ရှောက်မှု၊ ပညာရေးပံ့ပိုးငွေများ ထောက်ပံ့ပေးမည်ဟု Qiemo ခရိုင်အစိုးရ၏ ၀က်ဘ်ဆိုဒ်တွင် ကြေငြာထားတာပါ။
“တိုင်းရင်းသားတွေဟာ မတူညီတဲ့ ဘာသာစကားတွေ၊ ခြားနားတဲ့ ထုံးတမ်းဓလေ့တွေမှာသာ ကျွန်တော်တို့နဲ့ ကွဲပြားတာပါ။ ဒါပေမယ့် ကျွန်တော်တို့ ဦးခေါင်းအထက်မှာ တူညီသော ကောင်းကင်ပြာ၊ ကျွန်တော်တို့ခြေထောက်တွေအောက်မှာ တူညီသော စိုက်ပျိုးမြေ၊ ကျွန်တော်တို့နှလုံးသားတွေထဲမှာ တူညီသော မေတ္တာ ရှိနေကြပါတယ်။ တိုင်းရင်းသားတွေအကြား သွေးနှောထိမ်းမြားခြင်းက တရုတ်ယဉ်ကျေးမှုရဲ့ အခြေခံအုတ်မြစ်ဖြစ်တယ်။ ဒီအချက်က တိုင်းရင်းသားအားလုံးရဲ့ ဖလှယ်မှု၊ ပူးပေါင်းမှု၊ ပေါင်းစပ်မှုအတွက် ကျစ်လစ်တဲ့ဖော်ပြချက်ကို အားကောင်းသန်စွမ်းစေ ပါလိမ့်မယ်လို့ ကျွန်တော်ယုံကြည်ပါတယ်” ဟု Qiongkule မြို့နယ် ကွန်မြူနစ်ပါတီကော်မတီ၏ တွဲဖက်အတွင်းရေးမှူး Yasen Nasi’er မှ သြဂုတ်လ (၂၅)ရက် ကြေငြာချက်ထွက်စဉ် စာနယ်ဇင်းသမား တို့အား ပြောကြားပါတယ်။
ထိုမူဝါဒနှင့်စပ်လျဉ်း၍ “ဒါက လူမျိုးရေးညီညွတ်မှု ဖော်ဆောင်ရေး နည်းလမ်းတစ်ရပ်ပါ။ အဓိကအကျဆုံး အရာပါ” ဟု ခရိုင် အာဏာပိုင်တစ်ဦးက တယ်လီဖုန်းဖြင့် အတည်ပြုခဲ့ပါတယ်။
လက်တံရှည် မူဝါဒ
——————–
အလားတူမက်လုံးပေးမူဝါဒတစ်ရပ်ကိုလည်း တိဗက်အပါအ၀င် အခြားဒေသများတွင် ကျင့်သုံးထားသည်ဟု ယခုနှစ်နွေရာသီမှာ တရုတ်နိုင်ငံပိုင် မီဒီယာသတင်း အသီးသီးမှ ဖော်ပြပါတယ်။
“ဒါဟာ လူမှုကဏ္ဍတည်ဆောက်ရေးကျားကန်မှုနဲ့ လူ့အဖွဲ့အစည်းဆိုင်ရာ ဘေဂျင်းဗဟိုပြု ပွင့်လင်းအမြင်ကိုအားပြုပြီး အစိုးရဖက်က ခြေလှမ်းကျယ်မှု တစ်စိတ်တစ်ပိုင်း ဖြစ်ဟန် ရှိပါတယ်။ ဒါမှမဟုတ်ရင် ဗဟိုအစိုးရမူဝါဒတွေအပေါ် ကန့်ကွက်မှုများကို လျှော့ချဖို့အတွက်ဆိုတာ
အနိမ့်ဆုံးဖြစ်ပါလိမ့်မယ်။ အစိုးရမူဝါဒတွေက ဟန်တရုတ်တွေကို ကျားကန်ရပ်တည်ပေးသွားဖို့ ယူဆစရာရှိနေပါတယ်။ တကယ့်သရုပ်မှန်ကတော့ မမှန်ကန်သောမူဝါဒတွေပါ။ ဒီလိုထိမ်းမြားမှုပုံဟန်က နိုင်ငံရေးသြဇာခံ ဖြစ်စေမှာမို့လို့ မဖြစ်မနေလုပ်သွားဖို့ များပါတယ်” ဟု လူ့အခွင့်အရေးစောင့်ကြည့်မှုအဖွဲ့မှ တရုတ်ပြည်ဒါရိုက်တာ ဆိုဖီ ရစ်ချတ်ဆင်က ပြောကြားခဲ့ပါတယ်။
ဒေသတွင်း သွေးနှောထိမ်းမြားမှုသည် (၂၀၀၈)ခုနှစ်၌ (၇၀၀)၀န်းကျင်သာရှိရာမှ ယမန်နှစ်တွင် (၄၇၀၀)အထိ ကြီးထွားလာကြောင်း တိဗက်ရှိ ကွန်မြူနစ်ပါတီ သုတေသနရုံး အစီရင်ခံစာအရ သိရပါတယ်။
“စကတည်းက ဆန့်ကျင်မှုကန့်ကွက်မှုတွေဖက် လမ်းကြောင်းထားတဲ့ တစ်ဖက်စောင်းနင်းမူဝါဒတွေကို ဖယ်ရှားရမယ့်အစား အကြွင်းမဲ့လူ့အခွင့်အရေး ချိုးဖောက်မှုကို ဖော်ဆောင်ထားတဲ့ အစိုးရရဲ့ မလှိမ့်တပတ် အားထုတ်မှုတွေထဲက တစ်ခုဖြစ်ကြောင်း သိလိုက်ရလို့ ကျွန်တော့်ကို တော်တော်တုန်လှုပ် သွားစေပါတယ်” ဟူ၍ ရစ်ချတ်မှ ထပ်မံဆိုလိုက်ပါတယ်။
ဝီဂါ မွတ်စ်လင်မ်များမှာ တူရကီစကားပြော လူနည်းစုဝင်ဖြစ်ပြီး ရှင်းကျန်းနယ် အနောက်မြောက်ပိုင်းတွင် လူဦးရေ (၈)သန်း ရှိပါတယ်။
လူမှုလှုပ်ရှားသူများက အရှေ့တာကစ္စတန်ဟု ခေါ်ဆိုသော ရှင်းကျန်းသည် (၁၉၉၅)ခုနှစ်ကပင် ကိုယ်ပိုင်အုပ်ချုပ်ခွင့်ရဒေသ ဖြစ်ခဲ့သော်လည်း တရုတ် အာဏာပိုင်များ၏ အင်အားသုံးဖြိုခွဲမှုကို ဆက်လက်ခံစားနေရဆဲပါ။
တရုတ်အာဏာပိုင်တို့သည် အကြမ်းဖက်တန်ပြန်ခြင်းဟူသော ခေါင်းစဉ်တပ်လျက် ဝီဂါ မွတ်စ်လင်မ်တို့အပေါ် ဘာသာရေးဖိနှိပ်မှုပြုလုပ်နေကြောင်း လူ့အခွင့်အရေးအဖွဲ့များက ဝေဖန် ပြစ်တင်မှုတွေ ရှိနေပါတယ်။
Ref : OnIslam
