သြဂုတ် ၁၃ ၊ ၂၀၁၄
M-Media
– ဘိုကိုဟရမ်အဖွဲ့အား တိုက်ခိုက်ရန်အတွက် တပ်ဖြန့်ချထားခံရသည့် စစ်သားများ၏ ဇနီးများနှင့် ကလေးများက ထိုတပ်ဖြန့်ချထားမှုများကို ကန်ကွက်သည့် ဆန္ဒပြမှုတစ်ခုကို နိုင်ငံမြောက်ပိုင်း ဘိုနိုပြည်နယ်၏ မြို့တော်တွင် ပြုလပ်ခဲ့သည်ဟု သိရသည်။
မြို့တော် မိုင်ဒူဂူရီရှိ စစ်တပ်ဂိတ်ဝတွင် နှစ်ရက်ကြာပြုလုပ်ခဲ့သည့် အဆိုပါ ဆန္ဒပြမှုအတွင်း အမျိုးသမီး ၃၀၀ ကျော်နှင့် ကလေးငယ် ၅၀၀ ကျော်တို့ ပါဝင်ခဲ့ကြကာ တာယာများမီးရှို့ခြင်း၊ ကြွေးကြော်သံများ ကြွေးကြော်ခြင်းတို့ကို ပြုလုပ်ခဲ့ကြသည်။ ထို့ပြင် မိမိတို့၏ ခင်ပွန်းများမှာ လက်နက်အားနည်းသောကြောင့် ဘိုကိုဟရမ်အဖွဲ့အား ရင်ဆိုင်ခြင်း မပြုရန်လည်း တောင်းဆိုခဲ့ကြသည်။
“ကျွန်မတို့ရဲ့ ခင်ပွန်းတွေမှာ ဘာလက်နက်မှမရှိပါဘူး။ ဂိုဇာ ဒါမှမဟုတ် မတည်ငြိမ်တဲ့ နေရာတွေကို သွားဖို့ ခွင့်မပြုနိုင်ပါဘူး။ ကျွန်မတို့ ချစ်ရသူတွေ ဆုံးရှုံးသွားမှာကို မလိုလာပါဘူး” ဟု ဆန္ဒပြမှုတွင် ပါဝင်ခဲ့သည့် သာဘီတာ ဂျွန်က ပြောကြားခဲ့သည်။
စစ်သားတစ်ဦး၏ ဇနီးဖြစ်သူ ရာဟီနာ အလီကလည်း ဘိုကိုဟရမ်အဖွဲ့ လက်နက်ကောင်းကောင်း ကိုင်ထားချိန်တွင် မိမိတို့၏ ခင်ပွန်းများမှာ အညံ့စား လက်နက်များသာရှိကြောင်း ပြောကြားခဲ့သည်။
ဘိုကိုဟရမ်အဖွဲ့မှာ ပြီးခဲ့သည့်သီတင်းပတ်အတွင်း ဂိုဇာမြို့အား သိမ်းပိုက်ခဲ့သောကြောင့် အစိုးရတပ်များအနေဖြင့် ထိုမြို့ကို ပြန်လည်သိမ်းယူရန်အတွက် မိုင်ဒူဂူရီမြို့တွင် ပြင်ဆင်နေသည်။
နိုက်ဂျီးရီးယားမြောက်ပိုင်းတွင် အခြေစိုက်သည့် ဘိုကိုဟရမ်အဖွဲ့မှာ ၂၀၀၉ နှစ်ကတည်းက အကြမ်းဖက်တိုက်ခိုက်မှုများကို ပြုလုပ်ခဲ့ပြီး ၂၀၁၃ ခုနှစ်မေလတွင် အရှေ့မြောက်ပိုင်း ပြည်နယ်သုံးခုကို အစိုးရက အရေးပေါ်အခြေအနေ ကြေညာခဲ့ရသည်။
မိုင်ဒူဂူရီရှိ စစ်သားတစ်ဦးကလည်း အဆိုပါ ဆန္ဒပြမှုများ မှန်ကန်ပြီး မိမိတို့ တပ်ဖွဲ့မှာ အားနည်းသည့် လက်နက်များကို မှီခိုအားထားနေရသည်ဟု ၀န်ခံခဲ့သည်။
“ကျွန်တော်တို့ဇနီးတွေက ကျွန်တော်တို့ စိတ်ထဲရှိတဲ့အရာတွေကို ထုတ်ပြောနေတာပါ။ ကျွန်တော်တို့ရဲ့ လက်နက်မပြည့်စုံမှုဟာ ဆိုးဆိုးဝါးဝါးကို ဖြစ်နေပါတယ်။ ကျွန်တော်တို့ရဲ့ သေနတ်တွေက အားနည်းတယ်။ တင့်ကားတပ်ဖွဲ့တွေကလည်း အလုပ်အလုပ်ပါဘူး” ဟု အဆိုပါ စစ်သားက ပြောကြားခဲ့သည်။
မိုင်ဒူဂူရီ စစ်တပ်မှ ပြောရေးဆိုခွင့်ရှိသူကမူ ထိုကိစ္စအတွက် မည်သည့်မှတ်ချက်မှ မပေးခဲ့ချေ။
AFP
