Blog

ဇူလိုင် ၁၈ ၊ ၂၀၁၄
M-Media

မနေ့ကပျက်ကျခဲ့တဲ့ မလေးရှားခရီးသည်တင်လေယာဉ်ကို ပစ်ချခဲ့တယ်လို့ ရုရှားလိုလားသူ ယူကရိန်း ခွဲထွက်ရေးသမားတွေက ပြောခဲ့တဲ့ ဖုန်းပြောဆိုမှု အသံဖိုင်တစ်ခုကို ယူကရိန်း ထောက်လှမ်းရေးဌာနက ဒီနေ့မှာ ထုတ်ပြန်လိုက်ပါတယ်။

ရုရှားစစ်ဘက်ထောက်လှမ်းရေး အရာရှိတစ်ဦးနဲ့ ခွဲထွက်ရေးသမား သုံးဦးတို့ ဖုန်းပြောဆိုမှု တစ်ခုကို ကြားဖြတ်ဖမ်းယူထားတဲ့ အသံဖိုင်ဖြစ်ပြီး ယူကရိန်း ထောက်လှမ်းရေးဌာနက အင်္ဂလိပ်စာတန်းထိုးက ဗီဒီယိုအဖြစ် အင်တာနက်စာမျက်နှာပေါ်မှာ လွှင့်တင်ခဲ့တာပါ။

ခွဲထွက်ရေးသမား သုံးဦးထဲကတစ်ဦးဟာ ယူကရိန်းအရှေ့ပိုင်း ရုရှားလိုလားတဲ့ ခွဲထွက်ရေးသမားခေါင်းဆောင် အီဂေါ ဘက်ဇ်လာဖြစ်တယ်လို့ ယူကရိန်း ထောက်လှမ်းရေးက ပြောဆိုထားပါတယ်။

အီဂေါ ဘက်ဇ်လာပြောတဲ့အထဲမှာ “ငါတို့ လေယာဉ်ကို ပစ်ချလိုက်ပြီ” ဒါမှမဟုတ် “သူတို့လေယာဉ်ကိုပစ်ချလိုက်ပြီ” လို့ အဓိပ္ပါယ်နှစ်မျိုးထွက်တဲ့ စကားတစ်ခွန်း ပါဝင်ခဲ့ပါတယ်။ ဒီအသံဖိုင်ရဲ့ အလယ်ပိုင်းမှာ ရုရှားထောက်လှမ်းရေးအရာရှိနဲ့ အခြားခွဲထွက်ရေးသမား နှစ်ဦးတို့ လေယာဉ် ပျက်ကျရတဲ့အကြောင်း ဆွေးနွေးတာ ပါဝင်ခဲ့ပြီး လေယာဉ်ပျက်ကျခဲ့တဲ့နေရာနဲ့ မြောက်ဘက် ၁၅ မိုင်ဝေးတဲ့နေရာက Chernukhin စစ်ဆေးရေးဂိတ်နားမှာရှိတဲ့ Cossacks လို့သူတို့ခေါ်တဲ့ သူပုန်တွေက ပစ်ချခဲ့တဲ့လို့လည်း ပြောခဲ့ပါတယ်။

“ကောင်းပြီ။ မင်းတို့အဲဒီမှာဘာတွေတွေ့လဲ” လို့ တစ်ယောက်ကမေးမြန်းခဲ့ပြီး ပျက်ကျတဲ့နေရာက နောက်တစ်ယောက်က “ဒီလေယာဉ်ဟာ ရာနှုန်းပြည့် ခရီးသည်တင်လေယာဉ်ပဲ” လို့ ပြန်ဖြေခဲ့ပါတယ်။

မေးမြန်တဲ့လူကို Greek လို အဲဒီဗီယိုမှာ ဖော်ပြခဲ့ပြီး ဖြေကြားတဲ့သူကိုတော့ Major လို့ ဖော်ပြခဲ့ပါတယ်။

ဗီဒီယိုရဲ့နောက်ဆုံးပိုင်းက နောက်ထပ်ပြောဆိုမှုတစ်ခုမှာ ခွဲထွက်ရေးသမားတစ်ဦးက

“အမျိုးသမီးတွေနဲ့ ကလေးတွေရဲ့ အလောင်းတွေအများကြီးပဲ။ Cossacks တွေက အဲနေရာကိုသွားပြီး ကြည့်နေကြပြီ။ သူတို့က TV မှာ AN-26 ထောက်ပံ့ရေးလေယာဉ်လို့ ပြောတယ်။ ဒါပေမယ့် လေယာဉ်မှာ “မလေးရှား”လို့ရေးထားတယ်။ ယူကရိန်းပိုင်နက်ထဲကို ဒီလေယာဉ်က ဘာလာလုပ်တာလဲ” လို့ ပျက်ကျတဲ့နေရာရဲ့အကြောင်းကို ပြောကြားခဲ့ပါတယ်။

ဒီအသံဖိုင်ဗီဒီယိုကို Kyiv Post သတင်းစာရဲ့ အွန်လိုင်းစာမျက်နှာ၊ ယူကရိန်း လုံခြုံရေးဌာနရဲ့ ၀ဘ်ဆိုဒ်နဲ့ YouTube စာမျက်နှာတို့မှာ လွှင့်တင်ခဲ့တာဖြစ်ပါတယ်။

ဒီအသံဖိုင်နဲ့ပတ်သက်ပြီး ရုရှားနဲ့ ခွဲထွက်ရေးသမားတွေဘက်ကတော့ မည်သည့်တုံ့ပြန်မှုမှ မလုပ်သေးပါဘူး။

Ref: ဝါရှင်တန်ပိုစ်

#MH17

ဇူလိုင် ၁၈ ၊ ၂၀၁၄
M-Media

မနေ့က ယူကရိန်းနယ်စပ်မှာ ပျက်ကျခဲ့တဲ့ မလေးရှားလေကြောင်းလိုင်းက ခရီးသည်တင်လေယာဉ်ဟာ ပစ်ချခံလိုက်ရတယ်လို့ အမေရိကန်ကလည်း ကောက်ချက်ချခဲ့ပါတယ်။

ရေဒါစနစ်တစ်ခုမှာ မြေပြင်မှဝေဟင်ပစ် ဒုံးကျည်စနစ် အချက်ပြတာကိုတွေ့ခဲ့ရပြီး လေယာဉ်ပျက် မကျခင် လေးမှာလည်း ရေဒါကို ခြေရာ ခံနိုင်ခဲ့ကာ နောက်ရေဒါ စနစ်တစ်ခုမှာတော့ လေယာဉ်ထိသွားပြီးတဲ့နောက် အပူချိန်ထွက်လာတဲ့ လက္ခဏာကို တွေ့ခဲ့ရတယ်လို့ အမေရိကန် အာဏာပိုင်တွေက ပြောကြားခဲ့ပါတယ်။

ဒီတိုက်ခိုက်မှုတွေ ဘယ်ကလာတယ်ဆိုတာ စုံးစမ်းမှုတွေလုပ်နေပြီး အမေရိန်က ကျွမ်းကျင်သူတွေကိုလည်း လေယာဉ် ပျက်ကျတဲ့နေရာကို စေလွှတ်သွားမယ်လို့ သိရပါတယ်။

မလေးရှားလေကြောင်းမှ ခရီးစဉ်အမှတ် MH 17 မှ လေယာဉ် ဟာ အမ်စတာဒမ် ကနေ ကွာလာလမ်ပူကို ပျံသန်းလာစဉ် ရုရှား-ယူကရိန်း နယ်စပ်မှာ ပျက်ကျခဲ့ခြင်းဖြစ်ပါပြီး လေယာဉ်ပေါ်ပါရှိတဲ့ လူ ၂၉၅ ဦးစလုံးသေဆုံးသွားကြောင်း ရိုက်တာသတင်းမှာ ဖော်ပြပါတယ်။ ပျက်ကျခဲ့တဲ့ နယ်မြေဟာ ရုရှားလိုလားတဲ့ ယူကရိန်းခွဲထွက်ရေးသမားတွေ ကြီးစိုးတဲ့ နယ်မြေဖြစ်ကြောင်းသိရပါတယ်။

ဇူလိုင် ၁၇ ၊ ၂၀၁၄
M-Media

ခရီးသည် ၂၈၀ နှင့် လေယာဉ် အမှုထမ်း ၁၅ ဦးလိုက်ပါလာသည့် မလေးရှားလေကြောင်းလိုင်းမှ MH17 ဘိုးရင်း 777 လေယာဉ် တစင်း ယူကရိန်းနှင့် ရုရှားနိုင်ငံ နယ်စပ်ရှိ လေပိုင်နက်မှာ ပျက်ကျခဲ့တာဟာ ခွဲထွက်ရေးသမားတွေက ပစ်ချခဲ့တာ ဖြစ်ကြောင်း ယူကရိန်း ပြည်ထဲရေးဝန်ကြီရဲ့ အကြံပေးက ပြောကြားလိုက်ကြောင်း အေဂျင်စီ သတင်းတပုဒ်မှာ ဖော်ပြထားပါတယ်။

အမြင့်ပေ ၃ သောင်း ၃ထောင်မှာ ပျံသန်းလာတဲ့ မလေးရှား လေယာဉ်ဟာ ခွဲထွက်ရေးသူပုန်တွေ ပစ်လွှတ်တဲ့ ဒုံးကျည် ထိမှန်ပြီး ပျက်ကျသွားကြောင်း ကို ယူကရိန်းပြည်ထဲေ၇း ဝန်ကြီးအကြံပေးက ပြောကြားခဲ့တာပါ။

လေယာဉ်ပျက်ခဲ့တဲ့ နယ်မြေဟာ ရုရှားလိုလားတဲ့ ယူကရိန်းခွဲထွက်ရေးလက်နက်ပိုင်တပ်များနှင့် ယူကရိန်း အစိုးရ တပ်များ တိုက်ပွဲ ဖြစ်ပွားနေရာ ဒေသအတွင်းမှာ ဖြစ်ကြောင်းသိရပါတယ်။

လေယာဉ်ပေါ်လိုက်ပါလာတဲ့ လူ ၂၉၅ ဦးစလုံးသေဆုံးသွားပြီလို့လဲ ရိုက်တာရဲ့ သတင်းတပုဒ်မှာ ဖော်ပြပါတယ်။

ဲ့ မလေးရှား MH 17 လေယာဉ်ဟာ အမ်စတာဒမ် ကနေ ကွာလာလမ်ပူကို ပျံသန်းလာစဉ် ပျက်ကျခဲ့ခြင်းဖြစ်ပါတယ်။